يَعْقُوب 3:5 - الكتاب المقدس بالعربي الدارجي هنا تشاد

⁵ وَ شِيفُوا اللِّسَانْ! هُو كُلَ صَغَيَّرْ وَ لَاكِنْ يِسَبِّبْ شَيّءْ كَبِيرْ. وَ بَتَّانْ فَكُّرُوا فِي النَّارْ. نَارْ صَغَيْرَةْ بَسْ تِحَرِّقْ كُلَّ الْغَابَةْ.

يَعْقُوب 3:5 Referenca të Kryqëzuara

أمْثال 18:21

اللِّسَانْ يِجِيبْ الْمَوْت وَ الْحَيَاةْ. الْيِحِبّ الْكَلَامْ يِلْحَمَّلْ نَتِيجْتَهْ.

أمْثال 12:18

الْيِحَجِّي بَلَا فِكِرْ، كَلَامَهْ يَجْرَحْ مِثِلْ السَّيْف وَ لَاكِنْ كَلَامْ الْحَكِيمْ يِجِيبْ الْعَافَيْ.

أمْثال 15:2

لِسَانْ الْحَكِيمْ يِجَمِّلْ الْعِلِمْ وَ مِنْ خَشُمْ الْمَطْمُوسْ يِسِيلْ النِّفَاقْ.

زَبُور 17:10

قُلُوبْهُمْ قَوِيِّينْ مَا يَرْحَمَوْا وَ خُشُومْهُمْ يِكَلُّمُوا بِإِسْتِكْبَارْ.

يَهُوذَا 1:16

وَ النَّاسْ دَوْل زَعْلَانِينْ وَ شَكَّايِينْ. هُمَّنْ يِتَابُعُوا شَهْوَاتْهُمْ بَسْ. وَ يِكَلُّمُوا بِكِبْرِيَاءْ وَ يَشْكُرُوا النَّاسْ بِكِدِبْ أَشَانْ يَلْقَوْا مِنْهُمْ فَايْدَةْ.

إرْمِيا 18:18

وَ نَاسْ وَاحِدِينْ قَالَوْا: «يَلَّا خَلِّي نُقُمُّوا بِمُؤآمَرَةْ ضِدّ إِرْمِيَا. بَلَايَهْ كُلَ عِنْدِنَا رُجَالْ دِينْ كَتِيرِينْ الْيِقَرُّونَا شُرُوطْ التَّوْرَاةْ وَ عِنْدِنَا حُكُمَاءْ الْيِوَصُّونَا وَ عِنْدِنَا أَنْبِيَاء الْيِحَجُّوا لَيْنَا كَلَامْ اللّٰهْ. يَلَّا نَمْشُوا نَهْجُمُوهْ بِكَلَامْ الْيِعَيِّبَهْ وَ مَا نَجْعَلَوْا كَلَامَهْ الْيُقُولَهْ.»

زَبُور 10:3

أَشَانْ الْعَاصِي فَرْحَانْ بِطَمَعَهْ وَ وَكِتْ يِوَصِّلْ هَدَفَهْ، هُو يِعَيِّرْ اللّٰهْ.

حِزْقِيال 28:2

«يَا إِبْن آدَمْ، قُولْ لِمَلِكْ صُورْ: دَاهُو اللّٰهْ الرَّبّ قَالْ: ‹إِنْتَ أَسْتَكْبَرْت وَ قُلْت: ”أَنَا إِلٰـهْ! وَ أَنَا قَاعِدْ فِي كُرْسِي الْإِلٰـهَاتْ فِي أُسْط الْبَحَرْ!“ لَاكِنْ إِنْتَ إِنْسَانْ بَسْ، مَا إِلٰـهْ وَ سَوَّيْت نَفْسَكْ مِثِلْ إِلٰـهْ.

2 بُطْرُس 2:18

يِكَلُّمُوا بِكِبْرِيَاءْ الْمَا عِنْدَهْ فَايْدَةْ. يِسْتَعْمَلَوْا الشَّهْوَاتْ أَشَانْ يِجِيبُوا بَيْهَا النَّاسْ الدَّهَابْهُمْ مَرَقَوْا مِنْ دَرِبْ الْوَدَارْ.

دَنْيال 4:30

وَ قَالْ: «دِي مَا بَابِلْ الْكَبِيرَةْ الْأَنَا بَنَيْتهَا أَشَانْ تَبْقَى عَاصِمَةْ لِمَمْلَكَتِي وَلَّا؟ وَ أَنَا بَنَيْتهَا بِقُدُرْتِي وَ قُوِّتِي وَ شَرَفِي وَ مَجْدِي.»

أيُّوب 22:17

هُمَّنْ قَالَوْا لِلرَّبّ: «بَعِّدْ مِنِّنَا! إِنْتَ الْقَادِرْ مَا تَقْدَرْ تِسَوِّي لَيْنَا شَيّءْ!»

خُروج 15:9

وَ الْعَدُو فَشَرْ بِنَفْسَهْ وَ قَالْ: «نَمْشِي وَرَاهُمْ، نَلْحَقْهُمْ نِدَمِّرْهُمْ. وَ نِشِيلْ الْغَنِيمَةْ وَ مِنْهَا نَشْبِعْ نَفْسِي. نِسِلّ سَيْفِي وَ بِإِيدِي نَرْحَكْهُمْ.»

دَنْيال 3:15

وَ هَسَّعْ دَا كَنْ إِنْتُو جَاهِزِينْ، مِنْ سِمِعْتُوا حِسّ الْبُوقْ وَ الصُّفَّارَةْ وَ الْجِقِنْدِيَّةْ وَ أَمْ سِبَيْبَةْ وَ الْقِتَارْ وَ كُلَّ نَفَرْ هَنَا آلَاتْ الْمُسِيقَى، طَوَّالِي دَنْقُرُوا وَ أَسْجُدُوا لِلصَّنَمْ هَنَا الدَّهَبْ الْأَنَا الْمَلِكْ نَبُوخَدْنَصَرْ خَطَّيْتَهْ. وَ كَنْ أَبَيْتُوا مَا تَعَبُدُوهْ كَمَانْ، طَوَّالِي يِشِيلُوكُو وَ يَرْمُوكُو فِي النَّارْ أَمْ لَهِيبْ الشَّدِيدَةْ دِي. وَ نِشِيفْ الْإِلٰـهْ الْيَقْدَرْ يَمْرُقْكُو مِنْ إِيدِي أَنَا!»

حِزْقِيال 29:3

وَ قُولْ لَيْهُمْ: دَاهُو اللّٰهْ الرَّبّ قَالْ: ‹أَكِيدْ أَنَا نُقُمّ ضِدَّكْ، يَا فِرْعَوْن مَلِكْ مَصِرْ، إِنْتَ الْمِثِلْ تُمْسَاحْ كَبِيرْ الرَّاقِدْ فِي أُسْط النِّيلْ. وَ إِنْتَ قُلْت: ”النِّيلْ دَا هَنَايِ وَ أَنَا بَسْ خَلَقْتَهْ!“

خُروج 5:2

وَ الْمَلِكْ قَالْ: «اللّٰهْ هُو يَاتُو الْأَنَا نَسْمَعْ كَلَامَهْ وَ نِخَلِّي بَنِي إِسْرَائِيلْ يَمُرْقُوا؟ أَنَا مَا نَعَرِفْ اللّٰهْ. وَ مَا نِخَلِّيهُمْ يَمُرْقُوا.»

زَبُور 39:1

أَنَا قُلْت: «نَحْفَضْ دُرُوبِي أَشَانْ مَا نَقَعْ فِي الذَّنِبْ بِلِسَانِي وَ نِبَلِّمْ خَشْمِي وَكِتْ الْعَاصِي قَاعِدْ قِدَّامِي.»

أمْثال 26:20

كَنْ مَا فِي حَطَبْ، النَّارْ تُمُوتْ وَ كَنْ مَا فِي قَوَّالْ، الْكَلَامْ يُمُوتْ.

يَعْقُوب 3:4

وَ فَكُّرُوا بَتَّانْ فِي السَّفِينَةْ. هِي كَبِيرَةْ بِلْحَيْن وَ رِيحْ شَدِيدَةْ تِلِزَّهَا قِدَّامْ وَ لَاكِنْ بِعُودْ صَغَيَّرْ بَسْ السَّوَّاقْ يُقُودْهَا فِي الْبَكَانْ الْيِدَوْرَهْ.