يَعْقُوب 3:2 - الكتاب المقدس بالعربي الدارجي هنا تشاد

² أَيِّ وَاحِدْ مِنِّنَا يَخْطَا كَتِيرْ. كَنْ نَادُمْ أَبَداً مَا يَخْطَا فِي كَلَامَهْ، هُو دَا نَادُمْ كَامِلْ وَ يَقْدَرْ فِي نَفْسَهْ.

يَعْقُوب 3:2 Referenca të Kryqëzuara

يَعْقُوب 1:26

النَّادُمْ الْيِفَكِّرْ هُو يِتَابِعْ الدِّينْ عَدِيلْ وَ لَاكِنْ مَا يَلْزَمْ لِسَانَهْ، هُو دَا قَاعِدْ يُغُشّ نَفْسَهْ وَ دِينَهْ مَا يَنْفَعْ.

أمْثال 13:3

الْحَفَضْ لِسَانَهْ حَفَضْ نَفْسَهْ، الطَّلَقْ لِسَانَهْ هَلَكْ نَفْسَهْ.

1 بُطْرُس 3:10

وَ مَكْتُوبْ فِي الْكِتَابْ: <أَيِّ نَادُمْ الْيِدَوْر يِعِيشْ أَيَّامْ سَعِيدِينْ خَلِّي يَحْفَضْ لِسَانَهْ مِنْ الْكَلَامْ الْفَسِلْ وَ خَشْمَهْ مِنْ الْكَلَامْ الْكِدِبْ

مَتَّى 12:37

أَشَانْ اللّٰهْ يِبَرِّيكْ حَسَبْ كَلَامَكْ وَ يِحَاكِمَكْ حَسَبْ كَلَامَكْ.»

زَبُور 34:13

خَلَاصْ، أَحْفَضْ لِسَانَكْ مِنْ الْكَلَامْ الْفَسِلْ وَ خَشْمَكْ مِنْ الْكَلَامْ الْكِدِبْ.

أمْثال 20:9

يَاتُو يَقْدَرْ يُقُولْ: «أَنَا طَهَّرْت قَلْبِي وَ بَتَّانْ مَا عِنْدِي أَيِّ ذَنِبْ؟»

جامِعة 7:20

أَكِيدْ، مَا فِي نَادُمْ صَالِحْ فِي الْأَرْض الْيِسَوِّي الْعَدِيلْ وَ مَا يَذْنِبْ.

رَوْمَا 3:10

وَ الْكِتَابْ بُقُولْ: <مَا فِي نَادُمْ صَالِحْ وَ لَا وَاحِدْ.

يَعْقُوب 1:4

وَ خَلِّي صَبُرْكُو يَبْقَى تَمَامْ أَشَانْ بَيَّهْ تَبْقَوْا كَامِلِينْ وَ قَادْرِينْ وَ مَا فِي شَيّءْ يِقَصِّرْ لَيْكُو.

1 مُلوك 8:46

«وَ أَكُونْ بَنِي إِسْرَائِيلْ يَذْنُبُوا ضِدَّكْ، أَشَانْ مَا فِي نَادُمْ الْمَا يِسَوِّي ذَنِبْ، وَ إِنْتَ تَغْضَبْ لَيْهُمْ وَ تِسَلِّمْهُمْ لِعُدْوَانْهُمْ وَ هُمَّنْ يَكُرْبُوهُمْ مَسَاجِينْ حَرِبْ وَ يِوَدُّوهُمْ فِي بَلَدْ بَعِيدَةْ أَوْ قَرِيبَةْ.

يَعْقُوب 2:10

تَعَرْفُوا كَدَرْ النَّادُمْ التَّابَعْ كُلَّ الشُّرُوطْ وَ لَاكِنْ خَالَفْ شَرْط وَاحِدْ، هُو مِثِلْ خَالَفْ كُلَّ الشُّرُوطْ.

إشَعْيا 64:6

وَ كُلِّنَا بِقِينَا مَا طَاهِرِينْ وَ كُلَّ شَيّءْ النِّسَوُّوهْ عَدِيلْ بِقِي مِثِلْ خَلَقْ مُنَجَّسْ بِدَمّ الْحَيْض. وَ أَنِحْنَ كُلِّنَا يِبِسْنَا مِثِلْ وَرَقْ الشَّدَرْ الدَّفَّقْ وَ خَطَايَانَا شَالَوْنَا مِثِلْ الرِّيحْ.

1 كُرُنْتُس 9:27

أَيْوَى، أَنَا نِوَلِّفْ جِسْمِي التَّعَبْ لِنِسَّيْطَرْ فَوْقَهْ. أَشَانْ كَنْ مَا نِسَّيْطَرْ فِي نَفْسِي، أَكُونْ نِنَادِي النَّاسْ فِي دَرِبْ النَّجَاةْ لَاكِنْ فِي الأَخِيرْ، أَنَا ذَاتِي يَدْحَرَوْنِي مِنْ الْجَائِزَةْ.

عِبْرَانِيِّين 13:21

وَ خَلِّي اللّٰهْ يِجَهِّزْكُو بِكُلَّ شَيّءْ الْعَدِيلْ أَشَانْ تِسَوُّوا الْهُو يِدَوْرَهْ. وَ خَلِّي هُو يِسَوِّي فَوْقكُو كُلَّ شَيّءْ الْهُو يَرْضَى بَيَّهْ بِوَاسِطَةْ عِيسَى الْمَسِيحْ. أَيْوَى، لِعِيسَى الْمَسِيحْ الْمَجْد دَايْماً وَ إِلَى الْأَبَدْ. آمِينْ.

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

كُلُوسِي 1:28

وَ نِبَلُّغُوا النَّاسْ بِالْمَسِيحْ. وَ نِخَبُّرُوا أَيِّ نَادُمْ وَ نِعَلُّمُوا أَيِّ نَادُمْ بِكُلِّ حِكْمَةْ أَشَانْ أَيِّ إِنْسَانْ يُكُونْ كَامِلْ فِي الْمَسِيحْ.

غَلاطِية 3:22

لَاكِنْ فِي الْكِتَابْ، اللّٰهْ قَالْ كَدَرْ كُلَّ النَّاسْ قَاعِدِينْ تِحِتْ حُكُمْ الذَّنِبْ وَ مَا يَقْدَرَوْا يَمُرْقُوا مِنَّهْ. وَ بِقِي مِثِلْ دَا أَشَانْ اللّٰهْ عِنْدَهْ نِيَّةْ يَنْطِي لِلْمُؤمِنِينْ بَسْ الْبَرَكَةْ الْهُو وَاعَدْ بَيْهَا بِسَبَبْ إِيمَانْهُمْ بِعِيسَى الْمَسِيحْ.

رَوْمَا 7:21

وَ خَلَاصْ، دَاهُو الشَّيّءْ الدَّايْماً بِقِي لَيِّ. كَنْ نِدَوْر نِسَوِّي الْخَيْر، الْفَسَالَةْ بَسْ تَجِي لَيِّ.

2 أخبار 6:36

«وَ أَكُونْ بَنِي إِسْرَائِيلْ يَذْنُبُوا ضِدَّكْ، أَشَانْ مَا فِي نَادُمْ الْمَا يِسَوِّي ذَنِبْ، وَ إِنْتَ تَغْضَبْ لَيْهُمْ وَ تِسَلِّمْهُمْ لِعُدْوَانْهُمْ وَ هُمَّنْ يَكُرْبُوهُمْ مَسَاجِينْ حَرِبْ وَ يِوَدُّوهُمْ فِي بَلَدْ بَعِيدَةْ أَوْ قَرِيبَةْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

غَلاطِية 5:17

أَشَانْ الشَّيّءْ الْيِرِيدَهْ قَلِبْ الْإِنْسَانْ شِقْ مِنْ الْيِرِيدَهْ الرُّوحْ الْقُدُّوسْ. وَ الشَّيّءْ الْيِرِيدَهْ الرُّوحْ الْقُدُّوسْ شِقْ مِنْ الْيِرِيدَهْ قَلِبْ الْإِنْسَانْ. الْإِتْنَيْن دَوْل يِدَّاوَسَوْا أَمْبَيْنَاتْهُمْ أَشَانْ يَدْحَرَوْكُو مِنْ الشَّيّءْ التِّدَوْرُوا تِسَوُّوهْ.

زَبُور 39:1

أَنَا قُلْت: «نَحْفَضْ دُرُوبِي أَشَانْ مَا نَقَعْ فِي الذَّنِبْ بِلِسَانِي وَ نِبَلِّمْ خَشْمِي وَكِتْ الْعَاصِي قَاعِدْ قِدَّامِي.»

أمْثال 10:19

كَتَرَةْ الْكَلَامْ تَرْمِي فِي الْخَطَا وَ لَاكِنْ الْيَحْفَضْ لِسَانَهْ عَاقِلْ.

أمْثال 21:23

الْحَفَضْ خَشْمَهْ وَ لِسَانَهْ حَفَضْ نَفْسَهْ بَعِيدْ مِنْ التَّعَبْ.

مَتَّى 12:34

يَا عِيَالْ الدَّبِيبْ، إِنْتُو فَسْلِينْ وَ مِثِلْ دَا كِكَّيْف تَقْدَرَوْا تُقُولُوا كَلَامْ عَدِيلْ؟ أَشَانْ الشَّيّءْ الْقَلِبْ النَّادُمْ مَلَانْ بَيَّهْ، دَا بَسْ الْيَمْرُقْ مِنْ خَشْمَهْ كَنْ يِحَجِّي.

لاوِيِّين 13:39

وَاجِبْ رَاجِلْ الدِّينْ يِشِيفَهْ. وَ كَنْ الْبُقَعْ الْفِي الْجِسِمْ دَوْل بُيُضْ وَ مَا بِرَارُوا، خَلَاصْ دَوْل بُقَعْ سَاكِتْ بَسْ الْقَمَّوْا فِي الْجِسِمْ وَ النَّادُمْ دَا طَاهِرْ.

أيُّوب 15:13

مَالَا تِوَجِّهْ غَضَبَكْ لِلرَّبّ وَ تَمْرُقْ الْكَلَامْ دَا مِنْ خَشْمَكْ؟