يَعْقُوب 3:1 - الكتاب المقدس بالعربي الدارجي هنا تشاد

¹ يَا أَخْوَانِي، خَلِّي كَتِيرِينْ مِنْكُو مَا يَبْقَوْا مُعَلِّمِينْ أَشَانْ تَعَرْفُوا كَدَرْ اللّٰهْ يِحَاسِبْنَا أَنِحْنَ الْمُعَلِّمِينْ شَدِيدْ مِنْ النَّاسْ الْآخَرِينْ.

يَعْقُوب 3:1 Referenca të Kryqëzuara

1 تِمُوتَاوُس 1:7

يِدَوْرُوا يِسَوُّوا نُفُوسْهُمْ مُعَلِّمِينْ فِي التَّوْرَاةْ. لَاكِنْ مَا فِهْمَوْا الشَّيّءْ الْقَاعِدِينْ يِحَجُّوا بَيَّهْ وَ لَا الْكَلَامْ الْمُنْكَرِبِينْ فَوْقَهْ.

1 بُطْرُس 5:3

وَ مَا تَمُلْكُوا بِشِدَّةْ فِي النَّاسْ الْاللّٰهْ كَلَّفَاكُو بَيْهُمْ مِثِلْ رُعْيَانْ لَاكِنْ أَبْقَوْا لَيْهُمْ مَثَلْ لَحَدِّي يِتَابُعُوا دَرِبْكُو.

1 كُرُنْتُس 12:28

وَ اللّٰهْ نَظَّمْ جَمَاعَةْ الْمُؤمِنِينْ وَ جَعَلْ لَيْهُمْ خَدَّامِينْ. أَوَّلْ كَيْ الرُّسُلْ وَ تَانِي الْأَنْبِيَاء وَ تَالِتْ الْمُعَلِّمِينْ. وَ بَتَّانْ هُو أَنْطَى عَطِيَّةْ هَنَا قُدْرَةْ أَشَانْ نَاسْ وَاحِدِينْ يِسَوُّوا عَجَايِبْ وَ يِدَاوُوا الْمَرْضَانِينْ وَ يِسَاعُدُوا أَخْوَانْهُمْ وَ يُقُودُوهُمْ وَ يِحَجُّوا لُغَّاتْ شِقْ شِقْ الْيَجُوا مِنْ الرُّوحْ الْقُدُّوسْ.

مَتَّى 23:13

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ تِسِدُّوا بَابْ مَمْلَكَةْ اللّٰهْ مِنْ النَّاسْ. وَ إِنْتُو ذَاتْكُو مَا تِنْدَسَّوْا وَ النَّاسْ الْيِدَوْرُوا يِنْدَسَّوْا إِنْتُو تَدْحَرَوْهُمْ مِنَّهْ.

1 تِمُوتَاوُس 2:7

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ أَشَانْ نِبَلِّغْ الشَّهَادَةْ دِي. كَلَامِي صَحِيحْ وَ مَا كِدِبْ. هُو سَوَّانِي مُعَلِّمْ الْأُمَمْ لِنِعَلِّمْهُمْ الْإِيمَانْ وَ الْحَقّ.

أفَسُس 4:11

وَ هُو بَسْ الْأَنْطَى عَطَايَا لِلنَّاسْ. وَ نَاسْ وَاحِدِينْ، هُو جَعَلَاهُمْ رُسُلْ وَ وَاحِدِينْ جَعَلَاهُمْ أَنْبِيَاء وَ وَاحِدِينْ جَعَلَاهُمْ مُبَشِّرِينْ وَ وَاحِدِينْ جَعَلَاهُمْ شُيُوخْ وَ مُعَلِّمِينْ.

2 كُرُنْتُس 5:10

أَشَانْ لَابُدَّ أَيِّ وَاحِدْ مِنِّنَا يَقِيفْ قِدَّامْ كُرْسِي مَحْكَمَةْ الْمَسِيحْ. وَ فِي الْبَكَانْ دَا، أَيِّ نَادُمْ يَلْقَى الشَّيّءْ الْوَاجِبْ لَيَّهْ حَسَبْ الْعَمَلْ السَّوَّاهْ وَكِتْ هُو عَايِشْ بِجِسْمَهْ الْأَرْضِي، كَنْ عَمَلَهْ هَنَا خَيْر أَوْ هَنَا شَرّ.

عِبْرَانِيِّين 13:17

أَسْمَعَوْا كُبَارَاتْكُو وَ تَابُعُوا كَلَامْهُمْ عَدِيلْ. أَشَانْ هُمَّنْ قَاعِدِينْ يِفَكُّرُوا فَوْقكُو وَ يَعَرْفُوا كَدَرْ هُمَّنْ مَسْؤُولِينْ مِنْكُو قِدَّامْ اللّٰهْ الْيِحَاسِبْهُمْ. خَلِّي خِدْمِتْهُمْ دِي تَبْقَى لَيْهُمْ فَرْحَةْ. كَنْ تَبْقَى لَيْهُمْ قَاسِيَةْ، إِنْتُو كُلَ مَا تَلْقَوْا مِنْهَا فَايْدَةْ.

لُوقا 16:2

وَ نَادَى الْوَكِيلْ وَ قَالْ: ‹دَا شُنُو السِّمِعْتَهْ فَوْقَكْ؟ قَبِّلْ لَيِّ مَكَاتِيبْ الْحِسَابْ. مَا نِدَوْر إِنْتَ تَبْقَى بَتَّانْ وَكِيلِي.›

لاوِيِّين 10:3

وَ مُوسَى قَالْ لِهَارُونْ: «دَا بَسْ كَلَامْ اللّٰهْ وَكِتْ قَالْ: ‹الْيِقَرُّبُوا لَيِّ يَعَرْفُونِي كَدَرْ أَنَا قُدُّوسْ وَ يِمَجُّدُونِي قِدَّامْ كُلَّ الشَّعَبْ.›» وَ هَارُونْ قَاعِدْ سَاكِتْ.

2 تِمُوتَاوُس 1:11

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ وَ مُعَلِّمْ.

يُوحَنَّا 3:10

وَ عِيسَى رَدَّ لَيَّهْ وَ قَالْ: «إِنْتَ قَاعِدْ تِعَلِّمْ بَنِي إِسْرَائِيلْ. كِكَّيْف مَا فِهِمْت الْكَلَامْ دَا؟

مَتَّى 10:24

وَ عِيسَى قَالْ بَتَّانْ: «التِّلْمِيذْ مَا أَكْبَرْ مِنْ سَيِّدَهْ وَ الْعَبِدْ مَا أَكْبَرْ مِنْ سِيدَهْ.

لُوقا 6:37

«مَا تِحَاكُمُوا النَّاسْ أَشَانْ اللّٰهْ مَا يِحَاكِمْكُو إِنْتُو. مَا تَجْعَلَوْا النَّاسْ خَاطِيِّينْ أَشَانْ اللّٰهْ مَا يَجْعَلْكُو إِنْتُو خَاطِيِّينْ. سَامُحُوا النَّاسْ وَ اللّٰهْ يِسَامِحْكُو.

مَتَّى 9:11

وَ وَاحِدِينْ مِنْ الْفَرِيزِيِّينْ شَافَوْهُمْ وَ سَأَلَوْا تَلَامِيذَهْ وَ قَالَوْا: «مَالَا سَيِّدْكُو يَاكُلْ مَعَ نَاسْ الضَّرَايِبْ وَ الْمُذْنِبِينْ؟»

مَلاخِـي 2:12

أَيِّ نَادُمْ الْيِسَوِّي مِثِلْ دَا، اللّٰهْ يَفْصُلَهْ وَ يَمُرْقَهْ مِنْ مُجْتَمَعْ ذُرِّيَّةْ يَعْقُوبْ حَتَّى كَانْ هُو يِقَدِّمْ ضَحَايَا لِلّٰهْ الْقَادِرْ كُلَ.

أعمال الرُسُل 13:1

وَ فِي جَمَاعَةْ الْمُؤمِنِينْ الْقَاعِدِينْ فِي حِلَّةْ أَنْطَاكِيَةْ، فِي أَنْبِيَاء وَ مُعَلِّمِينْ. وَ هُمَّنْ بَرْنَابَا وَ سِمْعَانْ الْبِنَادُوهْ أَزْرَقْ وَ لُوكِيُسْ الْمِنْ حِلَّةْ الْقَيْرَوَانْ وَ مَنَايِنْ الرَّبَّوْه مَعَ هِرُودُسْ مُحَافِظْ دَارْ الْجَلِيلْ وَ شَاوُولْ.

يَعْقُوب 1:16

يَا أَخْوَانِي النِّحِبُّكُو، مَا تُغُشُّوا نُفُوسْكُو.

يَعْقُوب 1:19

يَا أَخْوَانِي النِّحِبُّكُو، فَكُّرُوا عَدِيلْ. خَلِّي أَيِّ نَادُمْ يُكُونْ دَايْماً جَاهِزْ لِيَسْمَعْ. خَلِّي مَا يِحَجِّي عَجَلَةْ وَ مَا يَزْعَلْ عَجَلَةْ

يَعْقُوب 3:10

بِخَشُمْ الْوَاحِدْ بَسْ نَشْكُرُوا وَ نَلْعَنَوْا بَيَّهْ. يَا أَخْوَانِي، خَلِّي مَا يَبْقَى مِثِلْ دَا.

مَتَّى 23:14

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ إِنْتُو قَاعِدِينْ تَاكُلُوا بُيُوتْ الْأَرَامِلْ وَ تُقُمُّوا تِصَلُّوا صَلَاةْ طَوِيلَةْ أَشَانْ النَّاسْ يِشِيفُوكُو. أَشَانْ دَا، الْعَذَابْ الْيَنْزِلْ فَوْقكُو يَبْقَى شَدِيدْ زِيَادَةْ.