يَعْقُوب 2:9 - الكتاب المقدس بالعربي الدارجي هنا تشاد

⁹ وَ لَاكِنْ كَنْ إِنْتُو قَاعِدِينْ تِشِيفُوا الْوَاحِدْ أَخَيْر مِنْ الْآخَرْ، إِنْتُو قَاعِدِينْ تَذْنُبُوا. وَ شُرُوطْ التَّوْرَاةْ دَوْل يَحْكُمُوا فَوْقكُو أَشَانْ إِنْتُو خَاطِيِّينْ.

يَعْقُوب 2:9 Referenca të Kryqëzuara

لاوِيِّين 19:15

«وَ فِي الشَّرِيعَةْ، مَا تِمَيُّلُوا وَ لَا تَنْصُرُوا الْقَادِرْ وَ لَا الضَّعِيفْ وَ لَاكِنْ أَحْكُمُوا أَمْبَيْن أَخْوَانْكُو بِالْعَدِلْ.

يُوحَنَّا 8:9

وَ وَكِتْ سِمْعَوْا كَلَامَهْ دَا، خَلَاصْ كُلُّهُمْ شَتَّوْا مِنَّهْ. أَوَّلْ الْكُبَارْ وَ وَرَاهُمْ الصُّغَارْ لَحَدِّي فَضَّلْ عِيسَى وِحَيْدَهْ وَ الْمَرَةْ وَاقْفَةْ قِدَّامَهْ.

1 يُوحَنَّا 3:4

أَيِّ نَادُمْ الْقَاعِدْ يَذْنِبْ، هُو يِخَالِفْ وَصَايَا اللّٰهْ. الذَّنِبْ هُو مُخَالَفَةْ وَصَايَا اللّٰهْ.

رَوْمَا 3:20

أَشَانْ مَا فِي إِنْسَانْ يَبْقَى صَالِحْ قِدَّامْ اللّٰهْ بِطَبِّقِينْ شُرُوطْ التَّوْرَاةْ. بِالْعَكْس، الشُّرُوطْ قَاعِدِينْ أَشَانْ بَيْهُمْ الذَّنِبْ يِنْعَرِفْ.

يُوحَنَّا 16:8

وَ وَكِتْ هُو يَجِي، هُو يِعَرِّفْ لِنَاسْ الدُّنْيَا ذُنُوبْهُمْ وَ يِعَرِّفْهُمْ الْحَالْ الصَّالْحَةْ وَ الْحِسَابْ.

يُوحَنَّا 8:46

تُقُولُوا أَنَا مُذْنِبْ لَاكِنْ أَبَداً مَا تِثَبُّتُوا تُهْمِتْكُو. كَنْ أَنَا نُقُولْ لَيْكُو الْحَقّ، مَالْكُو مَا تِآمُنُوا بَيِّ؟

يَهُوذَا 1:15

أَشَانْ يِشَارِعْ كُلَّ النَّاسْ وَ يِعَاقِبْ كُلَّ الْفَسْلِينْ فِي أَيِّ فَسَالَةْ السَّوَّوْهَا. وَ هُو يِعَاقِبْ الْمُذْنِبِينْ الْفَسْلِينْ فِي أَيِّ كَلَامْ الْفَسِلْ الْحَجَّوْه فِي اللّٰهْ.»

غَلاطِية 2:19

التَّوْرَاةْ سَوَّى فَوْقِي عَمَلَهْ وَ خَلَاصْ، فِي الشَّيّءْ الْبُخُصّ شُرُوطْ التَّوْرَاةْ، أَنَا مَيِّتْ. وَ أَنَا مُتّْ لِشُرُوطَهْ أَشَانْ نُقُمّ نِعِيشْ لِلّٰهْ. أَنَا مُتّْ مَعَ الْمَسِيحْ فِي صَلِيبَهْ.

1 كُرُنْتُس 14:24

لَاكِنْ كَنْ كُلُّكُو قَاعِدِينْ تِتْنَبَّأَوْا وَ نَادُمْ مَا مُؤمِنْ أَوْ ضَيْف يِنْدَسَّ فِي الْبَكَانْ دَا، كَلَامْكُو يِنْدَسَّ فَوْقَهْ وَ هُو يِلْمَسْكَن قِدَّامْ اللّٰهْ.

تَثْنِية 1:17

مَا تِمَيُّلُوا فِي الشَّرِيعَةْ، أَسْمَعَوْا الصَّغَيَّرْ وَ الْكَبِيرْ. مَا تَخَافَوْا مِنْ نَادُمْ أَشَانْ الشَّرِيعَةْ هِنْت الرَّبّ. وَ كَنْ الشَّرِيعَةْ بِقَتْ لَيْكُو قَوِيَّةْ كُلَ، جِيبُوهَا لَيِّ أَنَا نِشِيفْهَا.»

أعمال الرُسُل 10:34

وَ بُطْرُسْ قَمَّ يِكَلِّمْ لَيْهُمْ وَ قَالْ: «خَلَاصْ دَهَابَ أَنَا فِهِمْت كَدَرْ صَحِيحْ كَيْ، اللّٰهْ مَا يِشِيفْ قَبِيلَةْ وَاحِدَةْ أَخَيْر مِنْ قَبَايِلْ آخَرِينْ.