يَعْقُوب 2:7 - الكتاب المقدس بالعربي الدارجي هنا تشاد

⁷ دَوْل هُمَّنْ بَسْ الْيِعَيُّرُوا الْأُسُمْ الْكَرِيمْ هَنَا رَبُّكُو.

يَعْقُوب 2:7 Referenca të Kryqëzuara

1 تِمُوتَاوُس 1:13

وَ دَا عَجِيبْ، أَشَانْ أَوَّلْ أَنَا كَافِرْ بَيَّهْ وَ قَاعِدْ نِتَعِّبْ نَاسَهْ وَ أَنَا قَدُّومِي مُرّ مَرَّةْ وَاحِدْ. لَاكِنْ الرَّبّ رَحَمَانِي أَشَانْ سَوَّيْت الذُّنُوبْ دَوْل وَكِتْ لِسَّاعْنِي مَا عِرِفْت الْحَقّ وَ مَا عِنْدِي إِيمَانْ.

أعمال الرُسُل 11:26

وَ لِقِيهْ وَ قَبَّلْ بَيَّهْ فِي أَنْطَاكِيَةْ. وَ مُدَّةْ سَنَةْ كَامِلَةْ، بَرْنَابَا وَ شَاوُولْ قَاعِدِينْ يِلِمُّوا مَعَ جَمَاعَةْ الْمُؤمِنِينْ وَ يِعَلُّمُوا نَاسْ كَتِيرِينْ. وَ أَوَّلْ مَرَّةْ فِي أَنْطَاكِيَةْ بَسْ النَّاسْ خَطَّوْا لِتَلَامِيذ عِيسَى، أُسُمْ الْمَسِيحِيِّينْ.

زَبُور 111:9

هُو رَسَّلْ وَ فَدَى شَعَبَهْ وَ أَمَرْ بِمُعَاهَدَتَهْ الدَّايْمَةْ. أُسْمَهْ مُقَدَّسْ وَ مُخِيفْ.

رُؤية 19:16

وَ عِنْدَهْ أُسُمْ مَكْتُوبْ فِي خَلَقَهْ وَ فِي دَارِجْتَهْ وَ الْأُسُمْ دَا، هُو مَلِكْ الْمُلُوكْ وَ رَبّ الْأَرْبَابْ.

رُؤية 19:13

وَ هُو لَابِسْ خَلَقْ مَلَانْ بِالدَّمّ وَ الْأُسُمْ الْبِنَادُوهْ بَيَّهْ، هُو كَلِمَةْ اللّٰهْ.

أفَسُس 3:15

وَ هُو أَبُو الْعَايِلَاتْ الْفِي السَّمَاءْ وَ الْأَرْض.

أعمال الرُسُل 26:11

وَ أَنَا قَاعِدْ نِتَعِّبْهُمْ بِلْحَيْن فِي كُلَّ بُيُوتْ الصَّلَاةْ وَ جَبَرْتُهُمْ أَشَانْ يَكْفُرُوا بِعِيسَى. وَ أَنَا زَعْلَانْ مِنْهُمْ زَعَلْ شَدِيدْ لَحَدِّي مَرَقْت مِنْ بَلَدْنَا كُلَ لِنِتَعِّبْهُمْ فِي حِلَّالْ الْبَرَّا مِنْ بَلَدْنَا.

أعمال الرُسُل 4:12

مَا فِي نَجَاةْ إِلَّا بِعِيسَى وِحَيْدَهْ. وَ فِي كُلَّ الْأَرْض، مَا فِي أُسُمْ آخَرْ الْاللّٰهْ نَزَّلَهْ لِلنَّاسْ الْوَاجِبْ أَنِحْنَ نِآمُنُوا بَيَّهْ وَ نَنْجَوْا، إِلَّا بِأُسُمْ عِيسَى!»

مَتَّى 12:24

وَ لَاكِنْ الْفَرِيزِيِّينْ سِمْعَوْا الْكَلَامْ دَا وَ قَالَوْا: «النَّادُمْ دَا مَا يَطْرُدْ الشَّوَاطِينْ إِلَّا بِقُدْرَةْ إِبْلِيسْ كَبِيرْ الشَّوَاطِينْ.»

مَتَّى 1:23

<الْبِنَيَّةْ الْعُدْرِيَّةْ تَبْقَى غَلْبَانَةْ وَ تَلْدَ وِلَيْد وَ يِسَمُّوهْ عِمَّانُوِيل.> وَ أُسُمْ عِمَّانُوِيل مَعَنَاتَهْ اللّٰهْ مَعَانَا.

إرْمِيا 23:6

وَ فِي وَكِتْ حُكْمَهْ، بَنِي يَهُوذَا يَلْقَوْا النَّجَاةْ وَ بَنِي إِسْرَائِيلْ يَسْكُنُوا بِأَمَانْ. وَ دَاهُو الْأُسُمْ الْيِسَمُّوهْ بَيَّهْ، اللّٰهْ هُو بَسْ الْيِجِيبْ لَيْنَا الْعَدَالَةْ.»

إشَعْيا 65:15

وَ النَّاسْ الْأَنَا عَزَلْتُهُمْ يِسْتَعْمَلَوْا أُسُمْكُو مِثِلْ لَعَنَةْ. وَ يُقُولُوا: ‹اللّٰهْ الرَّبّ يَكْتُلَكْ مِثِلْ فِلَانْ!› وَ لَاكِنْ لِعَبِيدِي، نِنَادِيهُمْ بِأُسُمْ آخَرْ.

إشَعْيا 7:14

وَ فِي شَانْ دَا، الرَّبّ هُو ذَاتَهْ يَنْطِيكُو عَلَامَةْ. دَاهُو الْبِنَيَّةْ غَلْبَانَةْ وَ تَلْدَ وِلَيْد وَ تِسَمِّيهْ عِمَّانُوِيل (مَعَنَاتَهْ اللّٰهْ مَعَانَا).

نشيد 1:3

عِطْرَكْ يِنْشَمَّ حَلُو وَ أُسْمَكْ شَتَّتْ مِثِلْ رِيحَةْ الْعِطِرْ. فِي شَانْ دَا، الْبَنَاتْ بِحِبَّنَّكْ.

مَتَّى 27:63

وَ قَالَوْا: «يَا سَيِّدْنَا، فَكَّرْنَا فِي الْكَلَامْ الْقَالَهْ الْغَشَّاشْ دَا قُبَّالْ مَا يُمُوتْ. هُو قَالْ: ‹فِي تَلَاتَةْ يَوْم نَبْعَثْ.›

إشَعْيا 43:7

جِيبْ كُلَّ النَّاسْ النَّادَوْهُمْ بِأُسْمِي الْأَنَا خَلَقْتُهُمْ وَ كَوَّنْتُهُمْ وَ سَوَّيْتهُمْ فِي شَانْ مَجْدِي.›»

أعمال الرُسُل 15:17

وَ كُلَّ النَّاسْ يِفَتُّشُونِي، أَيْوَى، كُلَّ الْأُمَمْ النَّادَيْتهُمْ بِأُسْمِي لِيَبْقَوْا هِنَيّ. وَ بَيْدَا، الْأُمَمْ النَّادَيْتهُمْ يَبْقَوْا شَعَبِي. وَ دَا كَلَامْ اللّٰهْ وَ هُو يِحَقِّقْ كَلَامَهْ

1 بُطْرُس 4:16

وَ لَاكِنْ كَنْ يِتَعُّبُوهْ أَشَانْ هُو مَسِيحِي بَسْ، خَلِّي مَا يَخْجَلْ. فِي بَدَلَهْ، خَلِّي يِمَجِّدْ اللّٰهْ أَشَانْ النَّاسْ جَعَلَوْه نَادُمْ هَنَا الْمَسِيحْ.