يَعْقُوب 2:5 - الكتاب المقدس بالعربي الدارجي هنا تشاد

⁵ يَا أَخْوَانِي النِّحِبُّكُو، أَسْمَعَوْا كَلَامِي. اللّٰهْ عَزَلْ النَّاسْ الْمَسَاكِينْ فِي الدُّنْيَا دِي أَشَانْ يَلْقَوْا إِيمَانْ زِيَادَةْ وَ يَوْرُثُوا الْمَمْلَكَةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

يَعْقُوب 2:5 Referenca të Kryqëzuara

مَتَّى 5:3

«مَبْرُوكْ لِلنَّاسْ الْيَعَرْفُوا نُفُوسْهُمْ مَسَاكِينْ قِدَّامْ اللّٰهْ أَشَانْ مَمْلَكَةْ اللّٰهْ هِنْتُهُمْ.

لُوقا 6:20

وَ عِيسَى رَفَعْ رَاسَهْ شَافْ تَلَامِيذَهْ وَ قَالْ: «مَبْرُوكْ لَيْكُو إِنْتُو الْمَسَاكِينْ أَشَانْ مَمْلَكَةْ اللّٰهْ هِنْتُكُو.

رُؤية 2:9

أَنَا نَعَرِفْ التَّعَبْ اللِّقَاكْ وَ نَعَرِفْ إِنْتَ بِقِيتْ مِسْكِينْ وَ لَاكِنْ عِنْدَكْ بَرَكَةْ كَبِيرَةْ. وَ نَعَرِفْ الْكَلَامْ الْفَسِلْ الْيُقُولُوهْ فَوْقَكْ النَّاسْ الْيِسَوُّوا نُفُوسْهُمْ يَهُودْ وَ لَاكِنْ هُمَّنْ مَا يَهُودْ. يِصَلُّوا فِي بَيْت الصَّلَاةْ وَ لَاكِنْ هُمَّنْ جَمَاعَةْ إِبْلِيسْ.

2 كُرُنْتُس 8:9

أَشَانْ رَحْمَةْ رَبِّنَا عِيسَى الْمَسِيحْ تَعَرْفُوهَا. هُو غَنِيْ وَ لَاكِنْ فِي شَانْكُو إِنْتُو، هُو بِقِي فَقْرِي أَشَانْ بِفَقْرَهْ دَا، إِنْتُو تَبْقَوْا غَنِيِّينْ.

لُوقا 12:21

وَ عِيسَى قَالْ بَتَّانْ: «وَ يَبْقَى مِثِلْ دَا لِأَيِّ إِنْسَانْ الْيُضُمّ مَالْ لِنَفْسَهْ وَ لَاكِنْ مَا عِنْدَهْ كَنْز قِدَّامْ اللّٰهْ.»

1 بُطْرُس 1:4

وَ وَرَثَتْنَا أَبَداً مَا تِدَّمَّرْ وَ لَا تَتْلَفْ وَ لَا تِوَدِّرْ. وَ اللّٰهْ دَمَّهَا لَيْكُو فِي السَّمَاوَاتْ.

يَعْقُوب 1:12

مَبْرُوكْ لِلنَّادُمْ الْيَصْبُرْ فِي التَّعَبْ الْيِجَرِّبْ إِيمَانَهْ. أَشَانْ وَكِتْ التَّجْرِبَةْ دِي كَمَّلَتْ خَلَاصْ، هُو يَلْقَى تَاجْ الْحَيَاةْ. وَ التَّاجْ دَا، هُو الْحَيَاةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

عِبْرَانِيِّين 11:26

هُو جَعَلْ كَدَرْ الْمُعْيَارْ الْيَجِي فَوْقَهْ فِي شَانْ الْمَسِيحْ عِنْدَهْ فَايْدَةْ كَتِيرَةْ مِنْ كُلَّ دَهَبْ مَصِرْ. وَ هُو خَطَّ فِكْرَهْ فِي الْأَجُرْ الْقِدَّامَهْ.

لُوقا 12:32

«يَا غِنَيْمَاتِي، مَا تَخَافَوْا. أَبُوكُو اللّٰهْ عِنْدَهْ نِيَّةْ يَنْطِيكُو الْمَمْلَكَةْ.

1 كُرُنْتُس 2:9

وَ خَلَاصْ، دَا مُوَافِقْ مَعَ الْكَلَامْ الْمَكْتُوبْ فِي الْكِتَابْ: <الشَّيّءْ الْاللّٰهْ جَهَّزَهْ لِلنَّاسْ الْيِحِبُّوهْ، مَا شَافَتَهْ عَيْن وَ لَا سِمْعَتَهْ أَدَانْ وَ لَا فَكَّرْ فَوْقَهْ إِنْسَانْ.>

مَتَّى 25:34

«وَ الْمَلِكْ يِحَجِّي لِلنَّاسْ الْقَاعِدِينْ فِي نُصَّهْ الزَّيْنَايْ وَ يُقُولْ: ‹أَبُويِ بَارَكَاكُو. تَعَالُوا، شِيلُوا وَرَثَتْكُو وَ هِي الْمَمْلَكَةْ الْاللّٰهْ جَهَّزَاهَا لَيْكُو مِنْ هُو خَلَقْ الدُّنْيَا.

رُؤية 21:7

وَ أَيِّ نَادُمْ الْيِنَّصِرْ، يَوْرِثْ كُلَّ الْبَرَكَةْ دِي. وَ أَنَا نَبْقَى رَبَّهْ وَ هُو يَبْقَى وِلَيْدِي.

يَعْقُوب 1:9

الْأَخُو الْمُؤمِنْ الْمِسْكِينْ، خَلِّي يَفْرَحْ أَشَانْ اللّٰهْ دَرَّجَهْ.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.

2 كُرُنْتُس 6:10

عِنْدِنَا حِزِنْ وَ لَاكِنْ نَفْرَحَوْا دَايْماً. أَنِحْنَ مَسَاكِينْ وَ لَاكِنْ نِجِيبُوا لِكَتِيرْ مِنْ النَّاسْ بَرَكَةْ كَتِيرَةْ. مَا عِنْدِنَا شَيّءْ وَ لَاكِنْ كُلَّ شَيّءْ هَنَانَا.

رُؤية 3:18

وَ أَشَانْ دَا، نِوَصِّيكْ أَشَانْ تَشْرِي مِنِّي دَهَبْ صَافِي وَ بَيَّهْ تَبْقَى غَنِيْ. وَ أَشْرِي مِنِّي لُبَاسْ أَبْيَضْ أَشَانْ تَلْبَسْ وَ تِسِدّ بَيَّهْ عِرَيْك. وَ أَشْرِي مِنِّي قَطْرَةْ أَشَانْ تُصُبَّهَا فِي عُيُونَكْ وَ بَيْدَا، بَتَّانْ تِشِيفْ.

1 تِمُوتَاوُس 6:18

خَلِّي يِسَوُّوا الْخَيْر وَ يَبْقَوْا سِيَادْ الْحَسَنَاتْ بِالْكَرَمْ وَ الْجُودْ.

لُوقا 16:25

«وَ إِبْرَاهِيمْ قَالْ: ‹لَا، يَا وِلَيْدِي. فَكِّرْ فِي كِكَّيْف عِشْت فِي الدُّنْيَا. أَوَّلْ إِنْتَ عِشْت فِي الْحَلُو وَ لَعَازَرْ عَاشْ فِي التَّعَبْ. وَ لَاكِنْ هَسَّعْ هُو عِنْدَهْ رَاحَةْ هِنِي وَ إِنْتَ عِنْدَكْ عَذَابْ.

مَتَّى 11:5

الْعَمْيَانِينْ قَاعِدِينْ يِشِيفُوا وَ الْعُرُجْ قَاعِدِينْ يُرُوغُوا وَ الْعِنْدُهُمْ جِدَامْ قَاعِدِينْ يَلْقَوْا الْعَافَيْ وَ الطَّرْشَانِينْ قَاعِدِينْ يَسْمَعَوْا وَ الْمَيْتِينْ قَاعِدِينْ يَبْعَثَوْا. وَ الْمَسَاكِينْ قَاعِدِينْ يَسْمَعَوْا الْبِشَارَةْ.

1 صَمُوِيل 2:30

«أَشَانْ دَا، دَاهُو اللّٰهْ إِلٰـهْ بَنِي إِسْرَائِيلْ قَالْ لَيْك: ‹أَكِيدْ أَنَا أَوَّلْ قُلْت بَيْتَكْ وَ بَيْت أَبُوكْ يَقْعُدُوا فِي خِدِمْتِي دَايْماً.› لَاكِنْ هَسَّعْ دَا، دَاهُو كَلَامْ اللّٰهْ: ‹أَبَداً! بَتَّانْ مَا نِسَوِّيهْ! نِشَرِّفْ الْيِشَرُّفُونِي وَ لَاكِنْ الْيَحْقُرُونِي يَبْقَوْا مَحْقُورِينْ.

2 بُطْرُس 1:11

وَ بِمِثِلْ دَا، اللّٰهْ يَفْتَحْ لَيْكُو بَابْ وَسِيعْ لِتَدْخُلُوا فِي الْمَمْلَكَةْ الْأَبَدِيَّةْ وَ هِي مَمْلَكَةْ رَبِّنَا عِيسَى الْمَسِيحْ مُنَجِّينَا.

2 تِمُوتَاوُس 4:18

وَ هُو يِنَجِّينِي مِنْ كُلِّ شَيّءْ فَسِلْ وَ يِوَدِّينِي عَافَيْ فِي مَمْلَكَتَهْ السَّمَاوِيَّةْ. الْحَمْدُ للّٰهْ دَايْماً وَ إِلَى الْأَبَدْ. آمِينْ.

2 تَسَلونِيكِي 1:5

وَ دَا كُلَّ كَيْ يِوَصِّفْ كَدَرْ اللّٰهْ يَحْكِمْ بِالْعَدِلْ. وَ بِالتَّعَبْ دَا، اللّٰهْ يِجَهِّزْكُو أَشَانْ تَدْخُلُوا فِي مَمْلَكَتَهْ الْإِنْتُو قَاعِدِينْ تَتْعَبَوْا فِي شَانْهَا.

أفَسُس 3:8

وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

رَوْمَا 8:17

وَ كَنْ أَنِحْنَ عِيَالَهْ، أَنِحْنَ كُلَ مِثِلْ وُرَّاثَهْ. أَنِحْنَ وُرَّاثْ اللّٰهْ، أَيْوَى، وُرَّاثَهْ مَعَ الْمَسِيحْ. أَشَانْ كَنْ نَتْعَبَوْا مَعَ الْمَسِيحْ، نَدْخُلُوا مَعَ الْمَسِيحْ فِي مَجْدَهْ كُلَ.

لُوقا 16:22

«وَ الْمِسْكِينْ دَا مَاتْ وَ الْمَلَائِكَةْ شَالَوْه وَ قَعَّدَوْه جَنْب النَّبِي إِبْرَاهِيمْ. وَ الْغَنِيْ كُلَ مَاتْ وَ دَفَنَوْه.

زَكَرِيَّا 11:7

وَ خَلَاصْ، أَنَا سَرَحْت لِلتُّجَّارْ بِغَنَمْهُمْ هَنَا الْجُزُرْ. وَ شِلْت إِتْنَيْن دُقُلْ. الْأَوَّلَانِي سَمَّيْتَهْ رِضَى وَ التَّانِي سَمَّيْتَهْ وِحْدَةْ. وَ خَلَاصْ، سَرَحْت بِالْغَنَمْ.

إشَعْيا 29:19

وَ الْمَسَاكِينْ يَفْرَحَوْا زِيَادَةْ بِاللّٰهْ وَ فَقْرَانِينْ الشَّعَبْ يِنْبَسْطُوا بِقُدُّوسْ إِسْرَائِيلْ.

إشَعْيا 14:32

شُنُو النُّرُدُّوهْ لِمُرَسَّلِينْ الْأُمَّةْ دِي؟ نُقُولُوا: ‹أَيْوَى، اللّٰهْ أَسَّسْ صَهْيُون أَشَانْ مَسَاكِينْ شَعَبَهْ يَلْجَأَوْا لَيْهَا.›»

أيُّوب 34:19

الرَّبّ مَا يِشِيفْ الْمَسَائِيلْ وَ مَا يِفَرِّقْ الْغَنِيْ مِنْ الْفَقْرِي أَشَانْ كُلُّهُمْ، هُو بَسْ خَلَقَاهُمْ.

أيُّوب 34:10

وَ خَلَاصْ أَسْمَعَوْنِي، يَا النَّاسْ الْفَاهِمِينْ! الرَّبّ يِسَوِّي الشَّرّ؟ لَا! الْقَادِرْ يِسَوِّي الظُّلُمْ؟ أَبَداً!

خُروج 20:6

وَ لَاكِنْ أَنَا نِسَوِّي الْخَيْر لِآلَافْ الذُّرِّيَّاتْ الْيِحِبُّونِي وَ يِطَبُّقُوا وَصِيَّاتِي.

يَعْقُوب 1:16

يَا أَخْوَانِي النِّحِبُّكُو، مَا تُغُشُّوا نُفُوسْكُو.

1 تَسَلونِيكِي 2:12

وَ أَنِحْنَ دَايْماً شَجَّعْنَاكُو وَ صَبَّرْنَاكُو وَ وَصَّيْنَاكُو بِشِدَّةْ أَشَانْ تِعِيشُوا بِالْحَالْ الْوَاجْبَةْ لِلنَّاسْ الْاللّٰهْ نَادَاهُمْ لِيَدْخُلُوا فِي مَمْلَكَتَهْ وَ مَجْدَهْ.

أفَسُس 1:18

خَلِّي نُورْ اللّٰهْ يَدْخُلْ فِي قُلُوبْكُو أَشَانْ تَفْهَمَوْا تَمَامْ الْعَشَمْ الْاللّٰهْ نَادَاكُو لِتَلْقَوْه وَ بَتَّانْ تَفْهَمَوْا كُبُرْ الْوَرَثَةْ الْمَجِيدَةْ الْقَاعِدَةْ فِي أُسْط الصَّالِحِينْ.

2 كُرُنْتُس 4:15

وَ كُلَّ خِدْمِتْنَا دِي لِفَايْدِتْكُو. وَ نَخْدُمُوا أَشَانْ رَحْمَةْ اللّٰهْ تَلْحَقْ كُلَّ النَّاسْ وَ هُمَّنْ يَشْكُرُوا اللّٰهْ زِيَادَةْ وَ كُلُّهُمْ يِمَجُّدُوهْ.

يُوحَنَّا 7:48

فِيَّهْ نَادُمْ وَاحِدْ مِنْ الْكُبَارَاتْ أَوْ مِنْ الْفَرِيزِيِّينْ الْآمَنْ بَيَّهْ وَلَّا؟

لُوقا 22:29

وَ مِثِلْ أَبُويِ اللّٰهْ أَنْطَانِي مَمْلَكَةْ، أَنَا كُلَ نَنْطِيكُو مَمْلَكَةْ.

مَرْخُوس 7:14

وَ بَتَّانْ عِيسَى نَادَى النَّاسْ وَ قَالْ لَيْهُمْ: «كُلُّكُو أَسْمَعَوْا كَلَامِي وَ أَفْهَمَوْا!

زَكَرِيَّا 11:11

وَ فِي الْيَوْم دَا، أَنَا نَقَضْتَهَا. وَ تُجَّارْ الْغَنَمْ الْقَاعِدِينْ يِشِيفُونِي عِرْفَوْا كَدَرْ فِعِلِي دَا حَسَبْ كَلَامْ اللّٰهْ.

صَفَنْيا 3:12

وَ أَنَا نِفَضِّلْ فِي أُسُطْكُو نَاسْ مَسَاكِينْ وَ فَقْرَانِينْ وَ هُمَّنْ يَلْجَأَوْا تِحِتْ أُسُمْ اللّٰهْ.

أمْثال 8:32

«وَ هَسَّعْ، أَسْمَعَوْا يَا عِيَالِي. مَبْرُوكْ لِلْيِشِيلُوا دَرْبِي.

أمْثال 7:24

وَ هَسَّعْ دَا، أَسْمَعْ يَا وِلَيْدِي وَ خُطّ بَالَكْ لِكَلَامِي.

أيُّوب 38:14

وَ بِفَجُرْ، الْأَرْض تِنْشَافْ وَاضْحَةْ مِثِلْ الطِّينَةْ الْخَطَّوْا فَوْقهَا الْخِتِمْ وَ لَوْنهَا يَبْقَى مِثِلْ جَمَّلَوْهَا بِلُبَاسْ.

1 مُلوك 22:28

وَ مِيكَا قَالْ لِلْمَلِكْ: «كَنْ صَحِيحْ كَيْ إِنْتَ بَسْ قَبَّلْت بِصِحَّةْ وَ سَلَامَةْ دَا، اللّٰهْ مَا حَجَّى كَلَامَهْ لَيِّ أَنَا.» وَ قَالْ بَتَّانْ: «أَسْمَعَوْا، يَا كُلَّ الشَّعَبْ.»

أعمال الرُسُل 7:2

وَ إِسْتِفَانْ رَدَّ لَيَّهْ وَ قَالْ: «يَا الْأَخْوَانْ وَ الْأَبَّهَاتْ، أَسْمَعَوْا كَلَامِي. اللّٰهْ الْمَجِيدْ بَانْ لِجِدِّنَا إِبْرَاهِيمْ وَكِتْ هُو قَاعِدْ فِي بَلَدْ بَيْن الْنَّهْرَيْن قُبَّالْ مَا مَشَى فِي حِلَّةْ حَارَانْ.

قُضياء 9:7

وَ وَكِتْ خَبَّرَوْا يُوتَامْ، هُو مَشَى طَلَعْ فِي رَاسْ جَبَلْ قَرِزِيمْ وَ صَرَخْ بِحِسّ عَالِي وَ قَالْ: «أَسْمَعَوْنِي، يَا سُكَّانْ شَكِيمْ، وَ الرَّبّ كُلَ يَسْمَعْكُو.

1 صَمُوِيل 2:8

وَ يِقَوِّمْ الْمِسْكِينْ مِنْ التُّرَابْ وَ يَرْفَعْ الْفَقْرَانْ مِنْ الرُّمَادْ. مَعَ الْمُلُوكْ، يِقَعِّدْهُمْ وَ عِزّ وَ شَرَفْ يَنْطِيهُمْ مِثِلْ وَرَثَةْ. لِلّٰهْ بَسْ أَسَاسْ الْأَرْض وَ فَوْقَهْ، خَطَّ الدُّنْيَا.

أمْثال 13:7

دَا يُقُولْ هُو غَنِيْ وَ لَاكِنْ مَا عِنْدَهْ شَيّءْ. وَ دَا يُقُولْ هُو فَقْرِي وَ عِنْدَهْ كُلَّ شَيّءْ.

يَعْقُوب 1:19

يَا أَخْوَانِي النِّحِبُّكُو، فَكُّرُوا عَدِيلْ. خَلِّي أَيِّ نَادُمْ يُكُونْ دَايْماً جَاهِزْ لِيَسْمَعْ. خَلِّي مَا يِحَجِّي عَجَلَةْ وَ مَا يَزْعَلْ عَجَلَةْ