يَعْقُوب 2:4 - الكتاب المقدس بالعربي الدارجي هنا تشاد

⁴ وَ مِثِلْ دَا، خَلَاصْ إِنْتُو شِفْتُوا الْوَاحِدْ أَخَيْر مِنْ الْآخَرْ وَ حَقَرْتُوا الْمِسْكِينْ. وَ كَنْ تِسَوُّوا مِثِلْ دَا، سَوَّيْتُوا نُفُوسْكُو مِثِلْ حُكَّامْ الْقُلُوبْهُمْ فَسْلِينْ.

يَعْقُوب 2:4 Referenca të Kryqëzuara

يُوحَنَّا 7:24

مَا تَحْكُمُوا بِالظَّاهِرْ. أَحْكُمُوا بِالْعَدِلْ!»

أيُّوب 34:19

الرَّبّ مَا يِشِيفْ الْمَسَائِيلْ وَ مَا يِفَرِّقْ الْغَنِيْ مِنْ الْفَقْرِي أَشَانْ كُلُّهُمْ، هُو بَسْ خَلَقَاهُمْ.

يَعْقُوب 4:11

يَا أَخْوَانِي، مَا تُقُولُوا كَلَامْ فَسِلْ أَمْبَيْنَاتْكُو. أَيِّ نَادُمْ الْيَتْهَمْ أَخُوهْ وَلَّا يُقُولْ كَلَامْ فَسِلْ فَوْقَهْ، هُو دَا قَاعِدْ يَتْهَمْ وَصَايَا اللّٰهْ وَ يُقُولْ كَلَامْ فَسِلْ فَوْقهُمْ. وَ كَنْ إِنْتَ تُقُولْ كَلَامْ فَسِلْ فِي الْوَصَايَا دَوْل، خَلَاصْ إِنْتَ مَا قَاعِدْ تِطَبِّقْهُمْ لَاكِنْ سَوَّيْت نَفْسَكْ حَاكِمْ.

مَلاخِـي 2:9

وَ خَلَاصْ، أَنَا كُلَ نِسَوِّيكُو مَحْقُورِينْ وَ مَكْرُوهِينْ قِدَّامْ كُلَّ الشَّعَبْ أَشَانْ إِنْتُو مَا تِتَابُعُوا دَرْبِي وَ تِدَنْقُسُوا الشَّرِيعَةْ.»

زَبُور 82:2

«لِمَتَى تَحْكُمُوا بِظُلُمْ وَ تِمَيُّلُوا الشَّرِيعَةْ فِي شَانْ الْعَاصِيِينْ؟ وَقْفَةْ.

زَبُور 58:1

يَا بَنِي آدَم، صَحِيحْ كَيْ؟ بِالسُّكُوتْ تِجِيبُوا الْعَدَالَةْ وَلَّا؟ قَاعِدِينْ تَحْكُمُوا بِالْحَقّ أَمْبَيْنَاتْكُو وَلَّا؟

زَبُور 109:31

أَشَانْ هُو يَقِيفْ بِزَيْنَايِةْ الْمِسْكِينْ وَ يِنَجِّيهْ مِنْ الْيِحَاكُمُوهْ.

أيُّوب 21:27

أَيْوَى! أَنَا نَعَرِفْ خِطِّتْكُو إِنْتُو وَ نِيِّتْكُو وَ مُؤآمَرَتْكُو ضِدِّي!

لُوقا 18:6

وَ الرَّبّ عِيسَى قَالْ: «الْحَاكِمْ دَا نَادُمْ ظَالِمْ لَاكِنْ فَكُّرُوا فِي كَلَامَهْ.

يَعْقُوب 3:17

لَاكِنْ الْحِكْمَةْ الْمِنْ اللّٰهْ أَوَّلاً كَيْ صَافِيَةْ وَ النَّادُمْ الْعِنْدَهْ الْحِكْمَةْ يِرِيدْ السَّلَامْ وَ كَلَامَهْ بَارِدْ وَ رَاسَهْ مَا قَوِي وَ هُو حَنُونْ وَ يِسَوِّي عَمَلْ الْخَيْر وَ هُو مَا عِنْدَهْ تَفْرِقَةْ وَ لَا نِفَاقْ.