يَعْقُوب 1:8 - الكتاب المقدس بالعربي الدارجي هنا تشاد

⁸ أَشَانْ النَّادُمْ دَا قَلْبَهْ إِتْنَيْن وَ هُو مَا ثَابِتْ فِي أَيِّ شَيّءْ الْيِسَوِّيهْ.

يَعْقُوب 1:8 Referenca të Kryqëzuara

1 مُلوك 18:21

وَ فِي الْبَكَانْ دَا، إِلِيَاسْ قَرَّبْ لِكُلَّ الشَّعَبْ وَ قَالْ: «لِمَتَى تَمْشُوا جَايْ وَ جَايْ مِثِلْ جَعَبَاتْ الرَّحَّاكْ؟ كَنْ اللّٰهْ بَسْ الْإِلٰـهْ، تَابُعُوهْ! كَنْ بَعَلْ بَسْ الْإِلٰـهْ، تَابُعُوهْ!» وَ لَاكِنْ هُمَّنْ مَا قِدْرَوْا رَدَّوْا لَيَّهْ كِلْمَةْ وَاحِدَةْ كُلَ.

مَتَّى 6:24

«مَا مُمْكِنْ نَادُمْ يَبْقَى عَبِدْ لِسِيَادْ إِتْنَيْن. أَشَانْ هُو يَكْرَهْ الْأَوَّلْ وَ يِرِيدْ التَّانِي وَلَّا يِحِبَّهْ لِلْأَوَّلْ بِكُلَّ قَلْبَهْ وَ يَحْقِرْ التَّانِي. وَ إِنْتُو كُلَ، مَا تَقْدَرَوْا تَبْقَوْا عَبِيدْ لِلّٰهْ وَ عَبِيدْ لِلْمَالْ.

يَعْقُوب 4:8

تَعَالُوا قَرُّبُوا لِلّٰهْ وَ اللّٰهْ يِقَرِّبْ لَيْكُو. إِنْتُو الْمُذْنِبِينْ، نَضُّفُوا إِيدَيْكُو مِنْ الذَّنِبْ. إِنْتُو الْقَلِبْكُو إِتْنَيْن، طَهُّرُوا نُفُوسْكُو.

إشَعْيا 29:13

وَ رَبِّي قَالْ: «الشَّعَبْ دَوْل يِقَرُّبُوا لَيِّ بِكَلَامْ خُشُومْهُمْ. يِمَجُّدُونِي بِلِسْنَيْهُمْ بَسْ وَ لَاكِنْ قُلُوبْهُمْ بَعِيدْ مِنِّي. وَ خَوْفهُمْ مِنِّي، دَا مِنْ وَصِيَّةْ الْهُمَّنْ عَلَّمَوْهَا مِنْ النَّاسْ بَسْ.

2 بُطْرُس 2:14

أَيِّ مَرَةْ الْيِشِيفُوهَا، فِي فِكِرْهُمْ يَزْنَوْا بَيْهَا. يِرِيدُوا الذُّنُوبْ وَ شَهْوِتْهُمْ أَبَداً مَا تَشْبَعْ. وَ يِدِسُّوا مَعَاهُمْ فِي الذُّنُوبْ النَّاسْ الْمَا قَوِيِّينْ فِي الْإِيمَانْ. هُمَّنْ مُدَرَّبِينْ فِي الطَّمَعْ وَ مَلْعُونِينْ.

2 مُلوك 17:41

وَ بِمِثِلْ دَا، الْأُمَمْ دَوْل خَايْفِينْ مِنْ اللّٰهْ وَ لَاكِنْ تَابَعَوْا عِبَادَةْ الْأَصْنَامْ كُلَ. وَ لَحَدِّي الْيَوْم كُلَ، عِيَالْهُمْ وَ عِيَالْ عِيَالْهُمْ قَاعِدِينْ يِسَوُّوا نَفْس الشَّيّءْ مِثِلْ جُدُودْهُمْ.

2 بُطْرُس 3:16

وَ هُو يِحَجِّي بِالْكَلَامْ دَا فِي كُلَّ جَوَابَاتَهْ. وَ فِي كَلَامْ قَاعِدْ فِي جَوَابَاتَهْ التَّفْسِيرَهْ مَا هَيِّنْ. وَ نَاسْ وَاحِدِينْ الْمَا قَرَوْا وَ إِيمَانْهُمْ مَا ثَابِتْ يِعَوُّجُوا كَلَامَهْ مِثِلْ يِعَوُّجُوا كَلَامْ الْكُتُبْ الْآخَرِينْ. وَ بَيْدَا، يِجِيبُوا لِنُفُوسْهُمْ الْهَلَاكْ.

2 مُلوك 17:33

وَ بِخَوْفهُمْ مِنْ اللّٰهْ دَا كُلَ، هُمَّنْ قَاعِدِينْ يَعَبُدُوا إِلٰـهَاتْهُمْ حَسَبْ عَادَاتْ الْأُمَمْ الْجَوْا مِنْهُمْ.

هُوشَع 10:2

قُلُوبْهُمْ بِقَوْا إِتْنَيْن إِتْنَيْن وَ هَسَّعْ يِكَفُّوا تَمَنْ خَطَاهُمْ. اللّٰهْ ذَاتَهْ يِهَدِّمْ مَدَابِحْهُمْ وَ يَرْمِي حُجَارْهُمْ الْغَزَّوْهُمْ لِلْعِبَادَةْ.

مَتَّى 6:22

«الْعَيْن هِي فَانُوسْ الْجِلِدْ. كَنْ عَيْنَكْ طَيْبَةْ، إِنْتَ قَاعِدْ فِي النُّورْ.

زَبُور 119:113

نَكْرَهْ النَّاسْ الْقُلُوبْهُمْ تِنَيْن وَ لَاكِنْ أَنَا نِحِبّ تَوْرَاتَكْ.

يَعْقُوب 1:7

نَادُمْ مِثِلْ دَا، خَلِّي مَا يُخُطّ فِي عَقْلَهْ كَدَرْ يَلْقَى شَيّءْ مِنْ رَبِّنَا