يَعْقُوب 1:25 - الكتاب المقدس بالعربي الدارجي هنا تشاد

²⁵ وَ لَاكِنْ كَنْ نَادُمْ يُخُطّ بَالَهْ عَدِيلْ فِي وَصَايَا اللّٰهْ الْكَامِلِينْ الْيَنْطُونَا الْحُرِّيَّةْ وَ يِنْكَرِبْ فَوْقهُمْ وَ مَا يَسْمَعْهُمْ لِيَنْسَاهُمْ وَ يِطَبِّقْهُمْ، خَلَاصْ النَّادُمْ دَا، اللّٰهْ يِبَارِكَهْ فِي كُلِّ شَيّءْ الْيِسَوِّيهْ.

يَعْقُوب 1:25 Referenca të Kryqëzuara

لُوقا 11:28

لَاكِنْ عِيسَى قَالْ: «أَخَيْر تُقُولِي مَبْرُوكْ لِلنَّاسْ الْيَسْمَعَوْا كَلَامْ اللّٰهْ وَ يِتَابُعُوهْ.»

يُوحَنَّا 13:17

وَ خَلَاصْ، تَعَرْفُوا الْكَلَامْ دَا وَ مَبْرُوكْ لَيْكُو كَنْ تِسَوُّوهْ.

1 بُطْرُس 2:16

عِيشُوا بِحُرِّيَّةْ لَاكِنْ مَا تِشِيلُوا الْحُرِّيَّةْ دِي فُرْصَةْ لِتِسَوُّوا بَيْهَا الْفَسَالَةْ وَ مَا تَنْسَوْا كَدَرْ إِنْتُو عَبِيدْ اللّٰهْ.

يَعْقُوب 2:12

حَجُّوا كَلَامْ عَدِيلْ وَ سَوُّوا عَمَلْ عَدِيلْ وَ أَبَداً مَا تَنْسَوْا كَدَرْ اللّٰهْ يِحَاسِبْكُو حَسَبْ وَصَايَا اللّٰهْ الْيَنْطُوا الْحُرِّيَّةْ.

غَلاطِية 5:1

الْمَسِيحْ سَوَّانَا نَاسْ حُرِّينْ أَشَانْ نِعِيشُوا فِي الْحُرِّيَّةْ. أَقْعُدُوا ثَابْتِينْ فِي الْحُرِّيَّةْ وَ آبَوْا مَا تَبْقَوْا بَتَّانْ عَبِيدْ.

1 كُرُنْتُس 15:58

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

1 تِمُوتَاوُس 4:16

خُطّ بَالَكْ فِي نَفْسَكْ وَ فِي تَعْلِيمَكْ لِلنَّاسْ. أنْكَرِبْ فَوْقَهْ وَ بِمِثِلْ دَا، تِنَجِّي نَفْسَكْ وَ تِنَجِّي النَّاسْ الْيَسْمَعَوْا كَلَامَكْ.

2 كُرُنْتُس 13:5

أَسْأَلَوْا نُفُوسْكُو. هَلْ بِالصَّحِيحْ كَيْ إِنْتُو مُؤمِنِينْ؟ جَرُّبُوا نُفُوسْكُو. مَا تَعَرْفُوا كَدَرْ عِيسَى الْمَسِيحْ قَاعِدْ فِيكُو وَلَّا؟ وَ دَا يَبْقَى صَحِيحْ كَنْ مَا فَشَلْتُوا مَرَّةْ وَاحِدْ.

رَوْمَا 11:22

فَكِّرْ فِي مَحَنَّةْ اللّٰهْ وَ فَكِّرْ فِي حُكْمَهْ الْقَوِي كُلَ. حُكْمَهْ قَوِي فِي النَّاسْ الْمَرَقَوْا مِنْ الدَّرِبْ، لَاكِنْ هُو حَنُونْ لَيْك بِلْحَيْن كَنْ تَقْعُدْ ثَابِتْ فِي إِحْسَانَهْ. وَ كَنْ مَا تَقْعُدْ ثَابِتْ، إِنْتَ كُلَ يَقْطَعَوْك.

أمْثال 14:15

الْجَاهِلْ يِصَدِّقْ بِكُلَّ الْكَلَامْ الْيُقُولُوهْ لَيَّهْ وَ الْعَاقِلْ يِفَكِّرْ حَتَّى فِي الْبَكَانْ الْيُخُطّ فَوْقَهْ رِجْلَهْ.

رَوْمَا 8:15

وَ اللّٰهْ نَزَّلْ فَوْقكُو رُوحَهْ مَا أَشَانْ يِسَوِّيكُو عَبِيدْ الْعَايْشِينْ بَتَّانْ بِالْخَوْف. لَا. الرُّوحْ النَّزَّلَهْ فَوْقكُو، هُو الرُّوحْ الْيِسَوِّيكُو عِيَالْ اللّٰهْ. وَ بِسَبَبْ الرُّوحْ دَا، كُلِّنَا نِنَادُوهْ بِحِسّ عَالِي: «أَبَّ، أَبُونَا!»

غَلاطِية 2:4

حَتَّى كَانْ أَخْوَانْ وَاحِدِينْ مَا مُؤمِنِينْ بِالصَّحِيحْ، أَنْدَسَّوْا أَمْبَيْنَاتْنَا وَ دَوَّرَوْا يِطَهُّرُوهْ. هُمَّنْ جَوْا بِتَلْبِيدْ يِجَاسُسُوا فِي الْحُرِّيَّةْ الْعِنْدِنَا بِالْمَسِيحْ عِيسَى أَشَانْ دَوَّرَوْا يَرْبُطُوا فَوْقنَا عَادَاتْ الْيَهُودْ لَحَدِّي نَبْقَوْا مِثِلْ عَبِيدْ.

يُوحَنَّا 8:36

وَ كَنْ إِبْن اللّٰهْ يِحَرِّرْكُو مِنْ الْعُبُودِيَّةْ، إِنْتُو تَبْقَوْا حُرِّينْ مَرَّةْ وَاحِدْ.

زَبُور 106:3

مَبْرُوكْ لِلْيَحْفَضَوْا قَوَانِينَهْ وَ يِطَبُّقُوا عَدَالْتَهْ فِي كُلَّ وَكِتْ.

رُؤية 14:13

وَ سِمِعْت حِسّ جَايِ مِنْ السَّمَاءْ قَالْ: «أَكْتِبْ: ‹مَبْرُوكْ لِلنَّاسْ الْيُمُوتُوا فِي دَرِبْ الرَّبّ مِنْ الْوَكِتْ دَا وَ قِدَّامْ.›» وَ رُوحْ اللّٰهْ رَدَّ لَيَّهْ وَ قَالْ: «آمِينْ، تَعَبْهُمْ يِكَمِّلْ وَ هُمَّنْ يِنْجَمَّوْا وَ أَجُرْ هَنَا خِدْمِتْهُمْ مَاشِي وَرَاهُمْ.»

1 تِمُوتَاوُس 2:15

وَ لَاكِنْ الْمَرَةْ تَنْجَى بِوَالُودَةْ الْوِلَيْد. وَ خَلَاصْ، الْعَوِينْ يَنْجَنْ كَنْ يَقْعُدَنْ ثَابْتَاتْ فِي الْإِيمَانْ وَ الْمَحَبَّةْ وَ الْحَالْ الصَّالْحَةْ مَعَ الْأَدَبْ.

رَوْمَا 7:12

وَ مِثِلْ دَا خَلَاصْ، شُرُوطْ التَّوْرَاةْ مُقَدَّسِينْ وَ الْوَصِيَّةْ مُقَدَّسَةْ وَ صَالْحَةْ وَ عَدِيلَةْ.

أعمال الرُسُل 26:22

لَاكِنْ لَحَدِّي الْيَوْم، اللّٰهْ قَاعِدْ يَحْفَضْنِي وَ أَشَانْ دَا بَسْ، أَنَا وَاقِفْ هِنِي وَ قَاعِدْ نَشْهَدْ قِدَّامْ كُلَّ النَّاسْ الْكُبَارْ وَ الصُّغَارْ. وَ أَبَداً مَا نُقُولْ شَيّءْ إِلَّا الشَّيّءْ الْمُوسَى وَ الْأَنْبِيَاء قَالَوْا لَابُدَّ يُكُونْ.

أعمال الرُسُل 13:43

وَ بَعَدْ الْمَلَمَّةْ، نَاسْ كَتِيرِينْ تَابَعَوْا بُولُسْ وَ بَرْنَابَا. وَ النَّاسْ دَوْل مِنْ الْيَهُودْ وَ مِنْ النَّاسْ الدَّخَلَوْا فِي دِينْ الْيَهُودْ. وَ بُولُسْ وَ بَرْنَابَا كَلَّمَوْهُمْ كَلَامْ كَتِيرْ وَ شَجَّعَوْهُمْ أَشَانْ يَقْعُدُوا ثَابْتِينْ فِي الْبِشَارَةْ هَنَا رَحْمَةْ اللّٰهْ.

عِبْرَانِيِّين 12:15

أَنْقَرْعُوا أَشَانْ نَادُمْ مِنْكُو مَا يَدْحَرْ نَفْسَهْ مِنْ نِعْمَةْ اللّٰهْ. أَنْقَرْعُوا أَشَانْ نَادُمْ أَمْبَيْنَاتْكُو مَا يِتَلِّفْ نَفْسَهْ وَ لَا يِتَلِّفْ الْجَمَاعَةْ مِثِلْ شَدَرَةْ فِي أُسُطْكُو الْعِيَالْهَا عِنْدُهُمْ سَمّ.

أعمال الرُسُل 2:42

وَ بِنِيَّةْ وَاحِدَةْ كُلَّ الْمُؤمِنِينْ قَمَّوْا يِنْكَرْبُوا فِي تَعْلِيمْ الرُّسُلْ وَ الْحَيَاةْ الْأَخَوِيَّةْ وَ عَشَاءْ الْمَسِيحْ وَ الصَّلَاوَاتْ.

إشَعْيا 8:20

خَلَاصْ، رُدُّوا لَيْهُمْ وَ قُولُوا: «النَّاسْ الْمَا يِتَابُعُوا التَّعْلِيمْ وَ الشَّهَادَةْ مَا يِشِيفُوا نُورْ الصَّبَاحْ.»

زَبُور 119:45

وَ أَنَا نُرُوغْ بِحُرِّيَّةْ أَشَانْ فَتَّشْت فَرَايْضَكْ.

زَبُور 119:32

نَجْرِي فِي دَرِبْ قَوَانِينَكْ أَشَانْ إِنْتَ تِرَيِّحْ قَلْبِي.

1 صَمُوِيل 12:14

وَ كَنْ إِنْتُو خُفْتُوا مِنْ اللّٰهْ وَ عَبَدْتُوهْ وَ سِمِعْتُوا كَلَامَهْ وَ مَا عِصِيتُوا أَمُرْ اللّٰهْ إِلٰـهْكُو وَ تَابَعْتُوهْ، إِنْتُو وَ الْمَلِكْ الْقَاعِدْ يَمْلُكْ فَوْقكُو، دَا يَبْقَى لَيْكُو عَدِيلْ.

رُؤية 22:14

وَ مَبْرُوكْ لِلنَّاسْ الْيِغَسُّلُوا خُلْقَانْهُمْ أَشَانْ كَنْ خُلْقَانْهُمْ نُضَافْ، عِنْدُهُمْ حَقّ يَاكُلُوا مِنْ عِيَالْ شَدَرَةْ الْحَيَاةْ وَ يَمْشُوا لِلْبِيبَانْ وَ يِنْدَسَّوْا فِي الْمَدِينَةْ.

1 يُوحَنَّا 2:24

خَلُّوا الْكَلَامْ الْأَوَّلْ سِمِعْتُوهْ مِنِّنَا يَقْعُدْ ثَابِتْ فِي قُلُوبْكُو. كَنْ الْكَلَامْ الْأَوَّلْ سِمِعْتُوهْ يَقْعُدْ ثَابِتْ فِي قُلُوبْكُو، إِنْتُو تَقْعُدُوا فِي عَلَاقَةْ ثَابْتَةْ مَعَ إِبْن اللّٰهْ وَ مَعَ اللّٰهْ أَبُوهْ.

كُلُوسِي 1:23

وَ دَا كُلَ يَبْقَى لَيْكُو كَنْ تَقْعُدُوا ثَابْتِينْ وَ قَوِيِّينْ فِي الْإِيمَانْ وَ مَا خَلَّيْتُوا عَشَمْكُو الْأَوَّلْ لِقِيتُوهْ وَكِتْ سِمِعْتُوا بِشَارَةْ الْمَسِيحْ. وَ الْبِشَارَةْ دِي، بَلَّغَوْهَا لِكُلَّ مَخْلُوقْ فِي الْأَرْض وَ أَنَا بُولُسْ بِقِيتْ خَدَّامَهْ أَشَانْ نِبَلِّغْ الْبِشَارَةْ لِلنَّاسْ.

رَوْمَا 2:13

أَشَانْ النَّاسْ الصَّالِحِينْ قِدَّامْ اللّٰهْ، هُمَّنْ مَا النَّاسْ الْيَعَرْفُوا شُرُوطْ التَّوْرَاةْ، لَاكِنْ هُمَّنْ النَّاسْ الْيِطَبُّقُوا شُرُوطْ التَّوْرَاةْ. هُمَّنْ بَسْ النَّاسْ الْاللّٰهْ يَجْعَلْهُمْ صَالِحِينْ.

رَوْمَا 8:2

وَ قُدْرَةْ الرُّوحْ الْقُدُّوسْ التَّنْطِي الْحَيَاةْ فِي عِيسَى الْمَسِيحْ حَرَّرَتْنِي مِنْ قُدْرَةْ الشُّرُوطْ الْقَدِيمِينْ الْوَدَّوْنِي لِلذَّنِبْ وَ الْمَوْت.

غَلاطِية 6:2

وَ فِي وَكِتْ التَّعَبْ، أَسَّاعَدَوْا أَمْبَيْنَاتْكُو. وَ مِثِلْ دَا، تِطَبُّقُوا وَصَايَا الْمَسِيحْ.