يَعْقُوب 1:21 - الكتاب المقدس بالعربي الدارجي هنا تشاد

²¹ أَشَانْ دَا، خَلُّوا مِنْكُو كُلَّ شَيّءْ الْيِنَجِّسْكُو وَ كُلَّ شَيّءْ الْفَسِلْ وَ أَقْبَلَوْا بِمَسْكَنَةْ الْكَلَامْ الْاللّٰهْ خَطَّاهْ فِي قُلُوبْكُو. الْكَلَامْ دَا عِنْدَهْ قُدْرَةْ أَشَانْ يِنَجِّيكُو.

يَعْقُوب 1:21 Referenca të Kryqëzuara

أفَسُس 4:22

فِي الشَّيّءْ الْبُخُصّ الْحَالْ الْإِنْتُو أَوَّلْ عَايْشِينْ بَيْهَا، وَاجِبْ تِخَلُّوهَا مِنْكُو مَرَّةْ وَاحِدْ وَ مَا تِتَابُعُوا بَتَّانْ حَالْكُو الْقَدِيمَةْ. أَوَّلْ حَالْكُو دِي غَشَّتْكُو وَ وَدَّرَتْكُو.

أفَسُس 1:13

وَ إِنْتُو كُلَ، سِمِعْتُوا كَلَامْ الْحَقّ فِي بِشَارَةْ الْمَسِيحْ الْبَيْهَا نِجِيتُوا وَ بِقِيتُوا مُؤمِنِينْ بِالْمَسِيحْ. وَ بِسَبَبْ عَلَاقِتْكُو مَعَ الْمَسِيحْ، اللّٰهْ نَزَّلْ فَوْقكُو الرُّوحْ الْقُدُّوسْ الْوَاعَدَانَا بَيَّهْ وَ هُو مِثِلْ الْوَسِمْ الْاللّٰهْ خَطَّاهْ فَوْقكُو.

1 بُطْرُس 2:11

يَا أَخْوَانِي النِّحِبُّكُو الْعَايْشِينْ فِي الدُّنْيَا مِثِلْ أَجَانِبْ وَ ضِيفَانْ، نُقُولْ لَيْكُو أَنْقَرْعُوا. شَهْوَاتْ الْإِنْسَانْ عَدُو. آبَوْا مَا تِتَابُعُوهُمْ.

يُوحَنَّا 6:63

رُوحْ اللّٰهْ يَنْطِي الْحَيَاةْ. وَ الْقُدْرَةْ الْإِنْسَانِيَّةْ مَا عِنْدَهَا فَايْدَةْ. الْكَلَامْ الْقُلْتَهْ لَيْكُو جَايِ مِنْ الرُّوحْ وَ يَنْطِيكُو الْحَيَاةْ.

زَبُور 25:9

وَ هُو يُقُودْ الْمَسَاكِينْ فِي الْعَدَالَةْ وَ يِعَلِّمْهُمْ دَرْبَهْ.

1 بُطْرُس 2:1

أَشَانْ دَا، خَلُّوا مِنْكُو كُلَّ الْفَسَالَةْ وَ كُلَّ النَّجَاضَةْ وَ النِّفَاقْ وَ الْحُسُدْ وَ الْقَطِيعَةْ.

عِبْرَانِيِّين 12:1

وَ فِي الْكَلَامْ دَا، عِنْدِنَا شُهُودْ كَتِيرِينْ بِلْحَيْن الْيَشْهَدَوْا لَيْنَا مِنْ أَيِّ جِيهَةْ. أَشَانْ دَا، خَلِّي نِخَلُّوا مِنِّنَا كُلَّ شَيّءْ الْيِوَقِّفْنَا وَ كُلَّ ذَنِبْ الْيِدَوْر يَكْرُبْنَا. وَ خَلِّي نَمْشُوا قِدَّامْ بِجُهُدْ مِثِلْ نَاسْ فِي مُسَابَقَةْ وَ نَجْرُوا لَحَدِّي نِكَمُّلُوا الْمُسَابَقَةْ الْأَنِحْنَ قَاعِدِينْ فَوْقهَا.

يَعْقُوب 4:8

تَعَالُوا قَرُّبُوا لِلّٰهْ وَ اللّٰهْ يِقَرِّبْ لَيْكُو. إِنْتُو الْمُذْنِبِينْ، نَضُّفُوا إِيدَيْكُو مِنْ الذَّنِبْ. إِنْتُو الْقَلِبْكُو إِتْنَيْن، طَهُّرُوا نُفُوسْكُو.

تِيطُس 2:11

أَكِيدْ، نِعْمَةْ اللّٰهْ بَانَتْ فِي الْمَسِيحْ أَشَانْ تِنَجِّي كُلَّ النَّاسْ.

رَوْمَا 1:16

أَشَانْ وَكِتْ أَنَا نِبَشِّرْ بِشَارَةْ الْمَسِيحْ، دَا مَا عِنْدَهْ لَيِّ عَيْب. وَ بِشَارَةْ الْمَسِيحْ، هِي قُدْرَةْ اللّٰهْ الْبَيْهَا يِنَجِّي كُلَّ النَّاسْ الْيِآمُنُوا بَيَّهْ، أَوَّلْ كَيْ الْيَهُودْ وَ بَتَّانْ الْمَا يَهُودْ.

عِبْرَانِيِّين 4:2

أَنِحْنَ سِمِعْنَا الْبِشَارَةْ مِثِلْ أَوَّلْ هُمَّنْ كُلَ سِمْعَوْهَا. لَاكِنْ الْكَلَامْ الْهُمَّنْ سِمْعَوْه مَا جَابْ لَيْهُمْ فَايْدَةْ أَشَانْ النَّاسْ السِّمْعَوْه مَا قِبْلَوْه بِإِيمَانْ.

عِبْرَانِيِّين 2:3

وَ كِكَّيْف أَنِحْنَ نَنْجَوْا كَنْ مَا نِتَابُعُوا عَدِيلْ كَلَامْ هَنَا النَّجَاةْ الْمُهِمَّةْ دِي؟ الْأَوَّلْ بَلَّغَاهَا، هُو رَبِّنَا. وَ الشُّهُودْ السِّمْعَوْا كَلَامَهْ أَكَّدَوْهَا لَيْنَا.

1 كُرُنْتُس 15:2

وَ بِالْبِشَارَةْ دِي، تَنْجَوْا كَنْ تَكُرْبُوا قَوِي الْكَلَامْ الْبَلَّغْتَهْ لَيْكُو. وَ كَنْ مَا تَكُرْبُوهْ، إِيمَانْكُو دَا بَاطِلْ.

رَوْمَا 6:17

وَ الْحَمْدُ للّٰهْ، أَوَّلْ إِنْتُو بِقِيتُوا عَبِيدْ لِلذَّنِبْ لَاكِنْ هَسَّعْ تِتَابُعُوا بِكُلَّ قُلُوبْكُو التَّعْلِيمْ الْاللّٰهْ نَزَّلَهْ لَيْكُو.

إشَعْيا 29:19

وَ الْمَسَاكِينْ يَفْرَحَوْا زِيَادَةْ بِاللّٰهْ وَ فَقْرَانِينْ الشَّعَبْ يِنْبَسْطُوا بِقُدُّوسْ إِسْرَائِيلْ.

يُوحَنَّا 6:68

وَ سِمْعَانْ بُطْرُسْ رَدَّ لَيَّهْ وَ قَالْ: «يَا سَيِّدْنَا، نَمْشُوا وَيْن؟ إِنْتَ وِحَيْدَكْ عِنْدَكْ كَلَامْ الْحَيَاةْ الْأَبَدِيَّةْ.

1 تَسَلونِيكِي 2:13

وَ فِي شَانْ دَا، نَشْكُرُوا اللّٰهْ دَايْماً أَشَانْ وَكِتْ سِمِعْتُوا مِنِّنَا كَلَامْ اللّٰهْ، إِنْتُو كَرَبْتُوهْ قَوِي. قِبِلْتُوهْ مَا مِثِلْ كَلَامْ إِنْسَانِي بَسْ لَاكِنْ قِبِلْتُوهْ مِثِلْ كَلَامْ اللّٰهْ. وَ بِالصَّحِيحْ، هُو كَلَامْ اللّٰهْ وَ قَاعِدْ يِسَوِّي خِدِمْتَهْ فِي قُلُوبْكُو إِنْتُو الْمُؤمِنِينْ.

2 كُرُنْتُس 7:1

يَا أَخْوَانِي النِّحِبُّكُو، خَلِّي نِفَكُّرُوا فِي وَعَدْ اللّٰهْ دَا. وَ خَلِّي نِطَهُّرُوا جِسِمْنَا وَ قُلُوبْنَا مِنْ أَيِّ شَيّءْ الْيِنَجِّسْنَا. لَحَدِّي نِعِيشُوا بِحَالْ صَالْحَةْ وَ خَوْف اللّٰهْ.

إشَعْيا 30:22

وَ تَجْعَلَوْا مِثِلْ نِجِسْ الْفُضَّةْ الْمَسَحْتُوا بَيْهَا أَصْنَامْكُو وَ الدَّهَبْ الْمَسَحْتُوا بَيَّهْ تَمَاثِيلْكُو الْمَصْبُوبِينْ. وَ تِدَفُّقُوهُمْ مِثِلْ نَجَاسَةْ وَ تُقُولُوا: «يَلَّا! بَرَّا مِنْ هِنِي!»

إشَعْيا 2:20

وَ فِي الْيَوْم دَا، الْإِنْسَانْ يِدَفِّقْ لِلْفَارْ وَ أَبُنْ رِقَيْع إِلٰـهَاتَهْ هَنَا الْفُضَّةْ وَ إِلٰـهَاتَهْ هَنَا الدَّهَبْ الصَّنَعَاهُمْ لِيَسْجُدْ لَيْهُمْ.

أعمال الرُسُل 13:26

وَ بُولُسْ قَالْ: «يَا الْأَخْوَانْ، يَا عِيَالْ جِدِّنَا إِبْرَاهِيمْ وَ كُلَّ النَّاسْ اللَّامِّينْ مَعَانَا وَ خَايْفِينْ مِنْ اللّٰهْ، هُو رَسَّلْ خَبَرْ النَّجَاةْ دِي لَيْنَا كُلِّنَا.

إشَعْيا 61:1

رُوحْ اللّٰهْ الرَّبّ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ وَ نَعْلِنْ بِالْحُرِّيَّةْ لِلْمَكْرُوبِينْ وَ بِالطَّلَقَانْ لِلْمَسَاجِينْ.

1 بُطْرُس 1:9

أَشَانْ إِنْتُو قَاعِدِينْ تَلْقَوْا نَتِيجَةْ إِيمَانْكُو وَ هِي نَجَاتْكُو.

رَوْمَا 11:17

وَ مِثِلْ دَا، ذُرِّيَّةْ إِبْرَاهِيمْ مِثِلْ شَدَرَةْ الزَّيْتُونْ وَ فُرُوعْ وَاحِدِينْ قَطَعَوْهُمْ مِنْهَا. وَ إِنْتَ الْمَا يَهُودِي، إِنْتَ مِثِلْ فِرِعْ هَنَا الزَّيْتُونْ الْبَنْدَرْ. وَ شَالَوْك وَ لَصَّقَوْك فِي الشَّدَرَةْ الْفِي الْجِنَيْنَةْ فِي بَدَلْ الْفُرُوعْ الْقَطَعَوْهُمْ. وَ مِثِلْ دَا، إِنْتَ كُلَ تِعِيشْ مِنْ الْعُرُوقْ الْعَدِيلِينْ مَعَ الْفُرُوعْ الْفَضَّلَوْا.

أعمال الرُسُل 10:33

وَ طَوَّالِي، أَنَا رَسَّلْتُهُمْ أَشَانْ يِنَادُوكْ وَ شُكْراً بِجَيْتَكْ. وَ خَلَاصْ، كُلِّنَا قَاعِدِينْ هِنِي قِدَّامْ اللّٰهْ أَشَانْ نَسْمَعَوْا كُلَّ الْكَلَامْ الْاللّٰهْ أَمَرَكْ بَيَّهْ.»

مَتَّى 5:5

مَبْرُوكْ لِلنَّاسْ الضَّلُولِينْ أَشَانْ هُمَّنْ يَوْرُثُوا الْأَرْض.

صَفَنْيا 2:3

قُمُّوا فَتُّشُوا اللّٰهْ، إِنْتُو كُلُّكُو مَسَاكِينْ الْأَرْض الْقَاعِدِينْ تِطَبُّقُوا قَوَانِينَهْ الْهُو خَطَّاهُمْ. فَتُّشُوا الْعَدَالَةْ وَ مَسْكُنُوا نُفُوسْكُو! وَ بَيْدَا، مُمْكِنْ تَنْجَوْا فِي يَوْم غَضَبْ اللّٰهْ.

حِزْقِيال 36:25

وَ أَنَا نُرُشُّكُو بِأَلْمِي طَاهِرْ وَ تَبْقَوْا طَاهِرِينْ وَ نِطَهِّرْكُو مِنْ كُلَّ نَجَاسِتْكُو وَ مِنْ كُلَّ أَصْنَامْكُو.

حِزْقِيال 18:31

خَلُّوا مِنْكُو عِصْيَانْكُو وَ غَيَّرَوْا قَلِبْكُو بِقَلِبْ جَدِيدْ وَ غَيَّرَوْا رُوحْكُو بِرُوحْ جَدِيدَةْ. مَالَا تُمُوتُوا، يَا بَنِي إِسْرَائِيلْ؟

1 تَسَلونِيكِي 1:5

أَشَانْ الْبِشَارَةْ الْبَلَّغْنَاهَا لَيْكُو مَا جَاتْ لَيْكُو بِكَلَامْ بَسْ لَاكِنْ بِقُدْرَةْ وَ بِخِدْمَةْ الرُّوحْ الْقُدُّوسْ وَ بِعَشَمْ مُؤَكَّدْ. وَ إِنْتُو شِفْتُوا حَالْنَا مَعَاكُو وَ خِدْمِتْنَا فِي شَانْكُو.

أفَسُس 5:4

أَبَداً مَا تِحَجُّوا كَلَامْ شَيْن وَ لَا كَلَامْ هَنَا سَفَاهَةْ وَ أَبَداً مَا تَلْعَبَوْا أَمْبَيْنَاتْكُو بِكَلَامْ فَسِلْ. كُلَّ الْكَلَامْ الْمِثِلْ دَا، مَا وَاجِبْ. فِي بَدَلَهْ، حَجُّوا بِشُكُرْ.

أفَسُس 4:25

وَ أَشَانْ دَا، أَبَداً مَا تَكْدُبُوا. كَلُّمُوا أَمْبَيْنَاتْكُو بِالصَّحِيحْ أَشَانْ أَنِحْنَ كُلِّنَا وَاحِدْ.

يَعْقُوب 5:20

أَعَرْفُوا كَدَرْ النَّادُمْ الْقَبَّلْ أَخُوهْ مِنْ الدَّرِبْ الْهَوَانْ دَا، هُو نَجَّاهْ مِنْ الْهَلَاكْ. وَ فِي شَانْ دَا، اللّٰهْ يَغْفِرْ لِلْمُذْنِبْ ذُنُوبَهْ الْكَتِيرِينْ.

1 بُطْرُس 1:22

وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.