يَعْقُوب 1:12 - الكتاب المقدس بالعربي الدارجي هنا تشاد

¹² مَبْرُوكْ لِلنَّادُمْ الْيَصْبُرْ فِي التَّعَبْ الْيِجَرِّبْ إِيمَانَهْ. أَشَانْ وَكِتْ التَّجْرِبَةْ دِي كَمَّلَتْ خَلَاصْ، هُو يَلْقَى تَاجْ الْحَيَاةْ. وَ التَّاجْ دَا، هُو الْحَيَاةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

يَعْقُوب 1:12 Referenca të Kryqëzuara

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

رُؤية 2:10

مَا تَخَافْ مِنْ الضِّيقَةْ الْقَرِيبْ تَجِيكْ. خُطُّوا بَالْكُو! إِبْلِيسْ يَكْرُبْ وَاحِدِينْ مِنْكُو فِي السِّجِنْ وَ إِيمَانْكُو يِجَرُّبُوهْ. وَ فِي مُدَّةْ عَشَرَةْ يَوْم، تِضَيُّقُوا ضِيقَةْ شَدِيدَةْ. أَقْعُدُوا ثَابْتِينْ فِي إِيمَانْكُو لَحَدِّي الْمَوْت وَ خَلَاصْ نَنْطِيكُو تَاجْ هَنَا الْحَيَاةْ الْأَبَدِيَّةْ.

يَعْقُوب 5:11

هُمَّنْ صَبَرَوْا فِي التَّعَبْ وَ أَنِحْنَ نُقُولُوا هُمَّنْ نَاسْ مُبَارَكِينْ. إِنْتُو سِمِعْتُوا بِصَبُرْ أَيُّوبْ وَ تَعَرْفُوا كَدَرْ اللّٰهْ أَنْطَاهْ بَرَكَةْ فِي الأَخِيرْ أَشَانْ اللّٰهْ هُو الرَّحْمـٰنْ الرَّحِيمْ.

رَوْمَا 8:28

وَ نَعَرْفُوا كَدَرْ فِي كُلَّ شَيّءْ، اللّٰهْ يِسَوِّي الْخَيْر لِلنَّاسْ الْيِحِبُّوهْ وَ هُمَّنْ النَّاسْ الْاللّٰهْ نَادَاهُمْ فِي دَرْبَهْ لِيِطَبُّقُوا خِطِّتَهْ.

مَتَّى 10:22

وَ فِي شَانْ أُسْمِي كُلَّ النَّاسْ يَكْرَهَوْكُو. وَ لَاكِنْ النَّادُمْ الْيَقْعُدْ ثَابِتْ لَحَدِّي كُمَالَةْ كُلَّ شَيّءْ، هُو يَنْجَى.

1 كُرُنْتُس 9:25

وَ نَعَرْفُوا كَنْ نَادُمْ رِيَاضِي، هُو يِثَبِّتْ نَفْسَهْ فِي أَيِّ حَالْ وَ يِجَاهِدْ. وَ الْجَائِزَةْ الْهُو يِدَوْر يَلْقَاهَا دِي، هِي تَتْلَفْ عَجَلَةْ. لَاكِنْ أَنِحْنَ نِجَاهُدُوا أَشَانْ نَلْقَوْا الْجَائِزَةْ الْأَبَداً مَا تَتْلَفْ.

1 بُطْرُس 3:14

وَ كَنْ يِتَعُّبُوكُو بِسَبَبْ إِنْتُو صَالِحِينْ كُلَ، إِنْتُو مُبَارَكِينْ. مَا تَخَافَوْا مِنْهُمْ وَ مَا تِبَرْجُلُوا.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.

يَعْقُوب 2:5

يَا أَخْوَانِي النِّحِبُّكُو، أَسْمَعَوْا كَلَامِي. اللّٰهْ عَزَلْ النَّاسْ الْمَسَاكِينْ فِي الدُّنْيَا دِي أَشَانْ يَلْقَوْا إِيمَانْ زِيَادَةْ وَ يَوْرُثُوا الْمَمْلَكَةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

1 بُطْرُس 5:4

وَ وَكِتْ الْمَسِيحْ كَبِيرْ الرُّعْيَانْ يِبِينْ، هُو يَنْطِيكُو التَّاجْ الْمَجِيدْ الْجَمَالَهْ أَبَداً مَا يِكَمِّلْ.

1 كُرُنْتُس 2:9

وَ خَلَاصْ، دَا مُوَافِقْ مَعَ الْكَلَامْ الْمَكْتُوبْ فِي الْكِتَابْ: <الشَّيّءْ الْاللّٰهْ جَهَّزَهْ لِلنَّاسْ الْيِحِبُّوهْ، مَا شَافَتَهْ عَيْن وَ لَا سِمْعَتَهْ أَدَانْ وَ لَا فَكَّرْ فَوْقَهْ إِنْسَانْ.>

تَثْنِية 8:2

وَ فَكُّرُوا فِي الدَّرِبْ الْوَدَّاكُو فَوْقَهْ اللّٰهْ إِلٰـهْكُو فِي مُدَّةْ 40 سَنَةْ فِي الصَّحَرَاء لِيِضَعِّفْكُو. وَ دَا لِيِجَرِّبْكُو وَ يَعَرِفْ الْفِي قُلُوبْكُو وَ يِشِيفْ كَنْ تَحْفَضَوْا وَصِيَّاتَهْ وَلَّا لَا.

أمْثال 17:3

بِالنَّارْ، الصَّيَّاغِي يِصَفِّي الدَّهَبْ وَ الْفُضَّةْ وَ لَاكِنْ الْفِي قُلُوبْ النَّاسْ، اللّٰهْ بَسْ يَكْشِفَهْ.

زَكَرِيَّا 13:9

وَ التِّلِتْ الْفَضَّلْ دَا، نُخُطَّهْ فِي النَّارْ وَ نِصَفِّيهْ مِثِلْ يِصَفُّوا الْفُضَّةْ وَ نَكْشِفَهْ مِثِلْ يَكْشُفُوا الدَّهَبْ. وَ هُمَّنْ يِنَادُوا أُسْمِي وَ أَنَا نُرُدّ لَيْهُمْ. وَ أَنَا نُقُولْ لَيْهُمْ: ‹إِنْتُو تَبْقَوْا شَعَبِي.› وَ هُمَّنْ يُقُولُوا: ‹اللّٰهْ بَسْ يَبْقَى إِلٰـهْنَا.›»

رُؤية 3:21

وَ أَيِّ نَادُمْ الْيِنَّصِرْ، أَنَا نَنْطِيهْ إِذِنْ أَشَانْ يَقْعُدْ مَعَايِ فِي عَرْشِي. أَيْوَى، هُو يِسَوِّي مِثِلْ أَنَا ذَاتِي أَنَّصَرْت وَ قَعَدْت مَعَ أَبُويِ اللّٰهْ فِي عَرْشَهْ.

1 بُطْرُس 4:13

إِنْتُو قَاعِدِينْ تِشَارُكُوا فِي تَعَبْ الْمَسِيحْ وَ أَشَانْ دَا، أَفْرَحَوْا فِي أُسْط التَّعَبْ. وَ كَنْ شَارَكْتُوا فِي تَعَبْ الْمَسِيحْ دَا، تَفْرَحَوْا فَرْحَةْ شَدِيدَةْ وَكِتْ هُو يِبِينْ فِي مَجْدَهْ.

1 كُرُنْتُس 8:3

لَاكِنْ كَنْ نَادُمْ يِحِبّ اللّٰهْ، النَّادُمْ دَا اللّٰهْ يَعَرْفَهْ.

رُؤية 3:19

أَنَا نَهْرِجْ النَّاسْ النِّحِبُّهُمْ وَ نِأَدِّبْهُمْ. أَشَانْ دَا، أنْكَرِبْ فِي كَلَامِي وَ تُوبْ مِنْ ذُنُوبَكْ.

تَثْنِية 13:3

مَا تَسْمَعَوْا كَلَامْ النَّبِي أَوْ سِيدْ الرُّؤْيَةْ أَشَانْ اللّٰهْ إِلٰـهْكُو قَاعِدْ يِجَرِّبْكُو لِيِشِيفْ كَنْ إِنْتُو تِحِبُّوا اللّٰهْ إِلٰـهْكُو بِكُلَّ قُلُوبْكُو وَ كُلَّ فِكِرْكُو.

عِبْرَانِيِّين 10:32

فَكُّرُوا فِي الْوَكِتْ الْفَاتْ وَكِتْ أَوَّلْ مَرَّةْ دَخَلْتُوا فِي نُورْ اللّٰهْ. فِي الْوَكِتْ دَاكْ، إِنْتُو جَاهَدْتُوا وَ صَبَرْتُوا صَبُرْ قَوِي فِي الضِّيقَةْ.

زَبُور 119:71

أَخَيْر لَيِّ نَلْقَى الْإِهَانَةْ أَشَانْ نِلْعَلَّمْ شُرُوطَكْ.

تَثْنِية 7:9

وَ بَيْدَا، تَعَرْفُوا تَمَامْ كَدَرْ اللّٰهْ إِلٰـهْكُو، هُو بَسْ الرَّبّ. وَ هُو صَادِقْ وَ يَحْفَضْ مُعَاهَدَتَهْ وَ خَيْرَهْ لِأَلِفْ ذُرِّيَّةْ. وَ دَا، لِلنَّاسْ الْيِحِبُّوهْ وَ يِطَبُّقُوا وَصِيَّاتَهْ.

عِبْرَانِيِّين 6:15

وَ خَلَاصْ، إِبْرَاهِيمْ صَبَرْ صَبُرْ قَوِي وَ لِقِي الشَّيّءْ الْاللّٰهْ وَاعَدَهْ بَيَّهْ.

مَتَّى 25:34

«وَ الْمَلِكْ يِحَجِّي لِلنَّاسْ الْقَاعِدِينْ فِي نُصَّهْ الزَّيْنَايْ وَ يُقُولْ: ‹أَبُويِ بَارَكَاكُو. تَعَالُوا، شِيلُوا وَرَثَتْكُو وَ هِي الْمَمْلَكَةْ الْاللّٰهْ جَهَّزَاهَا لَيْكُو مِنْ هُو خَلَقْ الدُّنْيَا.

زَبُور 119:67

وَ قَبُلْ مَا نَلْقَى إِهَانَةْ، أَنَا وَدَّرْت وَ لَاكِنْ هَسَّعْ، حَفَضْت كَلَامَكْ.

نَحَمْيا 1:5

وَ قُلْت: «يَا اللّٰهْ رَبّ السَّمَاوَاتْ! يَا رَبّ، إِنْتَ عَظِيمْ وَ مُخِيفْ وَ إِنْتَ تَحْفَضْ الْمُعَاهَدَةْ وَ تِوَصِّفْ رَحْمَتَكْ لِلنَّاسْ الْبِرِيدُوكْ وَ الْبَحْفَضَوْا وَصِيَّاتَكْ.

عِبْرَانِيِّين 11:17

وَ بِالْإِيمَانْ، إِبْرَاهِيمْ قَدَّمْ إِسْحَاقْ ضَحِيَّةْ وَكِتْ اللّٰهْ جَرَّبَهْ. النَّادُمْ الْاللّٰهْ أَنْطَاهْ الْوَعَدْ شَالْ نِيَّةْ أَشَانْ يِقَدِّمْ وِلَيْدَهْ الْوَحِيدْ ضَحِيَّةْ لِلّٰهْ.

زَبُور 119:75

يَا اللّٰهْ، أَنَا نَعَرِفْ كَدَرْ شَرِيعْتَكْ عَادِلَةْ وَ بِأَمَانَكْ، إِنْتَ دَسَّيْتنِي فِي الْإِهَانَةْ.

1 يُوحَنَّا 4:19

أَنِحْنَ نِحِبُّوا اللّٰهْ أَشَانْ اللّٰهْ حَبَّانَا أَنِحْنَ مِنْ أَوَّلْ.

إشَعْيا 64:4

أَبَداً مَا فِي نَادُمْ سِمِعْ وَ لَا فَكَّوْا أَدَانَهْ وَ لَا شَافْ إِلٰـهْ مِثْلَكْ إِنْتَ، الْيِسَوِّي عَمَلْ عَجِيبْ لِلْقَاعِدِينْ يَرْجَوْه بِعَشَمْ.

زَبُور 5:11

خَلَاصْ، كُلَّ الْيَلْجَأَوْا لَيْك يَفْرَحَوْا وَ دَايْماً يِزَغْرُطُوا وَ يِرَقْرُقُوا. إِنْتَ مَلْجَأْ لِلْيِحِبُّوا أُسْمَكْ وَ هُمَّنْ يِنَطُّطُوا مِنْ الْفَرَحْ.

خُروج 20:6

وَ لَاكِنْ أَنَا نِسَوِّي الْخَيْر لِآلَافْ الذُّرِّيَّاتْ الْيِحِبُّونِي وَ يِطَبُّقُوا وَصِيَّاتِي.

عِبْرَانِيِّين 12:5

إِنْتُو نِسِيتُوا كَلَامْ الشَّجَاعَةْ الْاللّٰهْ قَالَهْ لَيْكُو إِنْتُو أَوْلَادَهْ؟ قَالْ: <يَا وِلَيْدِي، مَا تَابَى أَدَبْ اللّٰهْ وَ مَا تَكْسَلْ كَنْ يِعَاقِبَكْ

أيُّوب 5:17

مَبْرُوكْ لِلْإِنْسَانْ الْيِأَدِّبَهْ الرَّبّ! وَ مِثِلْ دَا، إِنْتَ كُلَ، مَا تَابَى هِدَايَةْ الْقَادِرْ!

زَبُور 94:12

يَا اللّٰهْ، مَبْرُوكْ لِلنَّادُمْ الْإِنْتَ تِأَدِّبَهْ وَ تِعَلِّمَهْ تَوْرَاتَكْ.

تكوين 22:1

وَ بَعَدْ دَا، اللّٰهْ نَادَاهْ لِإِبْرَاهِيمْ لِيِجَرِّبَهْ وَ قَالْ لَيَّهْ: «يَا إِبْرَاهِيمْ!» وَ إِبْرَاهِيمْ قَالْ: «نَعَمْ.»

أيُّوب 2:10

وَ أَيُّوبْ قَالْ لَيْهَا: «إِنْتِ قَاعِدَةْ تِحَجِّي مِثِلْ مَطْمُوسَةْ. كَنْ الْخَيْر النَّلْقَوْه يَجِي لَيْنَا مِنْ الرَّبّ، مَالَا مَا نَقْبَلَوْا الشَّرّ الْجَايَةْ مِنَّهْ؟» وَ فِي كُلَّ الشَّيّءْ دَا، أَيُّوبْ مَا أَذْنَبْ بِكَلَامَهْ.

زَبُور 11:5

اللّٰهْ يِجَرِّبْ الصَّالِحْ وَ الْعَاصِي وَ يَكْرَهْ الْيِحِبّ الْعُنُفْ.

لُوقا 6:22

مَبْرُوكْ لَيْكُو إِنْتُو كَنْ النَّاسْ يَكْرَهَوْكُو وَ يَابَوْكُو وَ يِعَيُّرُوكُو وَ يِتَلُّفُوا أُسُمْكُو بِسَبَبِي أَنَا، إِبْن الْإِنْسَانْ.

رَوْمَا 5:4

وَ الصَّبُرْ يِشَجِّعْ قُلُوبْنَا. وَ كَنْ قُلُوبْنَا لِقَوْا شَجَاعَةْ، عِنْدِنَا عَشَمْ.

2 تِمُوتَاوُس 2:15

أَعَصِرْ قَلْبَكْ أَشَانْ تَبْقَى نَادُمْ الْاللّٰهْ يَرْضَى بَيَّهْ. أَبْقَى مِثِلْ خَدَّامْ الْخِدِمْتَهْ مَا تِسَبِّبْ لَيَّهْ عَيْب. فَسِّرْ كَلَامْ الْحَقّ بِتَفْسِيرْ عَدِيلْ.

1 بُطْرُس 4:14

كَنْ النَّاسْ يِعَيُّرُوكُو أَشَانْ إِنْتُو نَاسْ الْمَسِيحْ، خَلَاصْ عِنْدُكُو بَرَكَةْ أَشَانْ رُوحْ اللّٰهْ الْمَجِيدْ قَاعِدْ فَوْقكُو.