يَعْقُوب 1:1 - الكتاب المقدس بالعربي الدارجي هنا تشاد

¹ جَوَابْ مِنِّي أَنَا يَعْقُوبْ عَبْد اللّٰهْ وَ عَبْد رَبِّنَا عِيسَى الْمَسِيحْ. وَ نِرَسِّلَهْ لَيْكُو إِنْتُو أُمَّةْ اللّٰهْ الْمُشَتَّتِينْ فِي أَيِّ بَكَانْ. السَّلَامْ عَلَيْكُمْ.

يَعْقُوب 1:1 Referenca të Kryqëzuara

حِزْقِيال 12:15

وَكِتْ نِشَتِّتْهُمْ بَيْن الْأُمَمْ وَ نِفَرِّقْهُمْ فِي أُسْط الْبُلْدَانْ، خَلَاصْ هُمَّنْ يَعَرْفُوا كَدَرْ أَنَا بَسْ اللّٰهْ.

1 بُطْرُس 1:1

جَوَابْ مِنِّي أَنَا بُطْرُسْ رَسُولْ عِيسَى الْمَسِيحْ. أَنَا نَكْتِبْ لَيْكُو إِنْتُو النَّاسْ الْاللّٰهْ عَزَلَاكُو لِتَبْقَوْا شَعَبَهْ. إِنْتُو الْعَايْشِينْ أَجَانِبْ وَ مُشَتَّتِينْ فِي بُلْدَانْ بُنْطُسْ وَ غَلَاطِيَةْ وَ كَبَّدُوكِيَّةْ وَ آسِيَا وَ بِثِنْيَةْ.

يُوحَنَّا 7:35

وَ الْيَهُودْ حَجَّوْا أَمْبَيْنَاتْهُمْ وَ قَالَوْا: «وَيْن الْبَكَانْ الْيِدَوْر يَمْشِي فَوْقَهْ وَ أَنِحْنَ مَا نَقْدَرَوْا نَلْقَوْه؟ هَلْ هُو يِدَوْر يِسَافِرْ لِلْيَهُودْ الْمُشَتَّتِينْ أَجَانِبْ فِي بُلْدَانْ الْيُونَانِيِّينْ وَلَّا؟ هُو يِدَوْر يِعَلِّمْ الْيُونَانِيِّينْ وَلَّا؟

أعمال الرُسُل 8:1

وَ شَاوُولْ مُوَافِقْ بِكَتِلْ إِسْتِفَانْ. وَ فِي نَفْس الْيَوْم بَسْ، النَّاسْ قَمَّوْا يِتَعُّبُوا أُمَّةْ الْمَسِيحْ فِي مَدِينَةْ الْقُدُسْ تَعَبْ شَدِيدْ. وَ كُلَّ الْأَخْوَانْ جَرَوْا مِنْ الْمَدِينَةْ وَ شَتَّوْا فِي الْكَدَادَةْ هَنَا دَارْ الْيَهُودِيَّةْ وَ دَارْ السَّامِرَةْ. وَ إِلَّا الرُّسُلْ فَضَّلَوْا فِي الْمَدِينَةْ.

أعمال الرُسُل 26:7

وَ قَبَايِلْنَا الْأَتْنَا عَشَرْ قَاعِدِينْ يَعَبُدُوا اللّٰهْ بِشِدَّةْ لَيْل وَ نَهَارْ أَشَانْ هُمَّنْ مُؤمِنِينْ بِالْبُعَاثْ وَ يِدَوْرُوا اللّٰهْ يِتِمّ لَيْهُمْ كَلَامَهْ. وَ هَسَّعْ، بِسَبَبْ كَلَامِي فِي الْبُعَاثْ بَسْ، الْيَهُودْ قَاعِدِينْ يَتْهَمَوْنِي، يَا السَّيِّدْ الْمَلِكْ.

أعمال الرُسُل 15:23

وَ أَمَّنَوْهُمْ الْجَوَابْ. وَ الْجَوَابْ بُقُولْ: مَكْتُوبْ مِنْ أَخْوَانْكُو الرُّسُلْ وَ الْكُبَارَاتْ لَيْكُو إِنْتُو الْأَخْوَانْ الْمَا يَهُودْ الْقَاعِدِينْ فِي حِلَّةْ أَنْطَاكِيَةْ وَ فِي سُورِيَا وَ كِلِكِيَّةْ. السَّلَامْ عَلَيْكُمْ.

تِيطُس 1:1

جَوَابْ مِنِّي أَنَا بُولُسْ عَبْد اللّٰهْ وَ رَسُولْ هَنَا عِيسَى الْمَسِيحْ، مُرَسَّلْ أَشَانْ نِجِيبْ النَّاسْ الْاللّٰهْ عَزَلَاهُمْ فِي دَرِبْ الْإِيمَانْ وَ نِعَرِّفْهُمْ الْحَقّ الْيِوَدِّيهُمْ لِلتَّقْوَى.

غَلاطِية 2:9

وَ الْكُبَارَاتْ الْمَعْرُوفِينْ مِثِلْ عَمَدْ الْمُؤمِنِينْ، هُمَّنْ يَعْقُوبْ وَ بُطْرُسْ وَ يُوحَنَّا، بِقِي لَيْهُمْ وَاضِحْ كَدَرْ اللّٰهْ أَنْطَانِي النِّعْمَةْ دِي. وَ خَلَاصْ، كَرَبَوْنَا بِالْإِيدْ الزَّيْنَةْ أَنَا وَ بَرْنَابَا أَشَانْ يِوَصُّفُوا كَدَرْ كُلِّنَا مُشْتَرِكِينْ فِي الْخِدْمَةْ. وَ أَسْتَفَقَوْا كَدَرْ أَنِحْنَ نَخْدُمُوا فِي أُسْط النَّاسْ الْمَا يَهُودْ وَ هُمَّنْ يَخْدُمُوا فِي أُسْط الْيَهُودْ.

أعمال الرُسُل 15:13

وَ وَكِتْ كَمَّلَوْا كَلَامْهُمْ، يَعْقُوبْ قَالْ: «يَا الْأَخْوَانْ، أَسْمَعَوْا كَلَامِي.

تَثْنِية 28:64

وَ اللّٰهْ يِشَتِّتْكُو فِي لُبّ الشُّعُوبْ مِنْ طَرَفْ الْأَرْض لِطَرَفْهَا الْآخَرْ. وَ هِنَاكْ تَعَبُدُوا إِلٰـهَاتْ آخَرِينْ هَنَا حَطَبْ وَ حَجَرْ وَ دَوْل إِلٰـهَاتْ الْأَوَّلْ مَا تَعَرْفُوهُمْ وَ لَا إِنْتُو وَ لَا جُدُودْكُو.

رَوْمَا 1:1

جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ

أعمال الرُسُل 21:18

وَ أَمْبَاكِرْ، بُولُسْ مَشَى لِيَعْقُوبْ فِي بَيْتَهْ أَشَانْ يِسَلِّمَهْ وَ أَنِحْنَ مَشَيْنَا مَعَايَهْ. وَ هِنَاكْ لِقِينَا كُلَّ الْكُبَارَاتْ لَامِّينْ.

يُوحَنَّا 12:26

كَنْ نَادُمْ يِدَوْر يَخْدِمْ لَيِّ، وَاجِبْ يِتَابِعْنِي. وَ فِي الْبَكَانْ الْأَنَا نَقْعُدْ فَوْقَهْ، خَدَّامِي كُلَ يَقْعُدْ فَوْقَهْ. وَ أَيِّ نَادُمْ الْيَخْدِمْ لَيِّ، أَبُويِ يِشَرِّفَهْ.

مَتَّى 19:28

عِيسَى رَدَّ لَيْهُمْ وَ قَالْ: «نُقُولْ لَيْكُو الْحَقّ، وَكِتْ أَنَا إِبْن الْإِنْسَانْ نَقْعُدْ فِي الْكُرْسِي الْعَظِيمْ فِي الزَّمَنْ الْفَوْقَهْ اللّٰهْ يِسَوِّي كُلَّ شَيّءْ جَدِيدْ، إِنْتُو التَّابَعْتُونِي تَقْعُدُوا فِي كَرَاسِي 12 وَ تَحْكُمُوا قَبَايِلْ بَنِي إِسْرَائِيلْ الْأَتْنَا عَشَرْ.

يَهُوذَا 1:1

الْجَوَابْ مِنِّي أَنَا يَهُوذَا عَبِدْ عِيسَى الْمَسِيحْ وَ أَخُو يَعْقُوبْ. وَ نَكْتِبْ لَيْكُو إِنْتُو النَّاسْ الْاللّٰهْ أَبُونَا نَادَاكُو فِي مَحَبِّتَهْ وَ قَاعِدْ يَحْفَضْكُو بِعِيسَى الْمَسِيحْ.

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

غَلاطِية 2:12

قُبَّالْ نَاسْ وَاحِدِينْ مَا يَجُوا مِنْ بَكَانْ يَعْقُوبْ، بُطْرُسْ قَاعِدْ يَاكُلْ مَعَ الْأَخْوَانْ الْمَا يَهُودْ. لَاكِنْ مِنْ النَّاسْ دَوْل جَوْا خَلَاصْ، هُو بَدَا يِكِسّ مِنْ النَّاسْ الْمَا يَهُودْ وَ أَنْفَرَقْ مِنْهُمْ أَشَانْ هُو خَايِفْ مِنْ نَاسْ حِزِبْ الطَّهُورَةْ.

غَلاطِية 1:19

لَاكِنْ مَا شِفْت نَادُمْ آخَرْ مِنْ الرُّسُلْ إِلَّا شِفْت يَعْقُوبْ أَخُو الرَّبّ عِيسَى.

أعمال الرُسُل 15:21

أَشَانْ مِنْ زَمَانْ، فِي نَاسْ قَاعِدِينْ يِبَلُّغُوا كَلَامْ مُوسَى فِي كُلَّ حِلَّةْ وَ يَقْرُوا التَّوْرَاةْ فِي بُيُوتْ الصَّلَاةْ كُلَّ يَوْم السَّبْت.»

أعمال الرُسُل 1:13

وَ الرُّسُلْ قَبَّلَوْا فِي الْمَدِينَةْ وَ دَخَلَوْا فِي الْبَيْت وَ طَلَعَوْا فِي الْقَصِرْ الْقَاعِدِينْ فَوْقَهْ. وَ النَّاسْ دَوْل، هُمَّنْ بُطْرُسْ وَ يُوحَنَّا وَ يَعْقُوبْ وَ أَنْدَرَيَّسْ وَ فِلِبُّسْ وَ تُومَا وَ بَرْتُلْمَا وَ مَتَّى وَ يَعْقُوبْ وِلَيْد حَلْفَا وَ سِمْعَانْ الثَّوْرِي وَ يَهُوذَا وِلَيْد يَعْقُوبْ.

مَتَّى 13:55

هُو مَا وِلَيْد الْأُسْطَى وَلَّا؟ وَ أَمَّهْ، مَا أُسُمْهَا مَرْيَمْ وَلَّا؟ وَ أَخْوَانَهْ، مَا يَعْقُوبْ وَ يُوسُفْ وَ سِمْعَانْ وَ يَهُوذَا وَلَّا؟

1 مُلوك 18:31

وَ إِلِيَاسْ شَالْ 12 حَجَرْ عَلَيْ حَسَبْ عَدَدْ قَبَايِلْ عِيَالْ يَعْقُوبْ هُو الْاللّٰهْ حَجَّى لَيَّهْ وَ قَالْ: «مِنْ الْيَوْم، يِنَادُوكْ إِسْرَائِيلْ.»

تَثْنِية 30:3

خَلَاصْ اللّٰهْ إِلٰـهْكُو يِقَبِّلْ لَيْكُو نَاسْكُو الْكَرَبَوْهُمْ وَ وَدَّوْهُمْ فِي الْغُرْبَةْ. وَ يِحِنّ فَوْقكُو وَ بَتَّانْ يِلِمُّكُو مِنْ أُسْط الْأُمَمْ الْأَوَّلْ هُو شَتَّتَاكُو فِي لُبُّهُمْ.

لاوِيِّين 26:33

وَ كَنْ لَيْكُو إِنْتُو، نِجِيبْ لَيْكُو الْحَرِبْ وَ نِشَتِّتْكُو فِي لُبّ الْأُمَمْ. وَ بَلَدْكُو تَبْقَى خَرَابْ وَ مُدُنْكُو يِلْهَدَّمَوْا.

أعمال الرُسُل 12:17

وَ بُطْرُسْ سَوَّى لَيْهُمْ إِشَارَةْ بِإِيدَهْ أَشَانْ يَسْكُتُوا. وَ أَوْرَاهُمْ بِكِكَّيْف اللّٰهْ مَرَقَهْ مِنْ السِّجِنْ وَ قَالْ: «أَمْشُوا خَبُّرُوا يَعْقُوبْ وَ الْأَخْوَانْ بِالشَّيّءْ الْبِقِي.» وَ خَلَاصْ، بُطْرُسْ مَرَقْ مِنْ الْبَيْت وَ مَشَى بَكَانْ آخَرْ.

عَزْرا 6:17

وَ وَكِتْ فَتَحَوْا الْبَيْت دَا، قَدَّمَوْا 100 تَوْر وَ 200 كَبِشْ وَ 400 حَمَلْ. وَ قَدَّمَوْا 12 تَيْس ضَحَايَا لِكَفَّارَةْ الذَّنِبْ لِكُلَّ بَنِي إِسْرَائِيلْ حَسَبْ عَدَدْ قَبَايِلْهُمْ.

تَثْنِية 4:27

وَ اللّٰهْ يِشَتِّتْكُو فِي لُبّ الْأُمَمْ وَ تِفَضِّلْ مِنْكُو أُمَّةْ صَغَيْرَةْ بَسْ فِي لُبّ الْأُمَمْ الْاللّٰهْ يِوَدِّيكُو فِي بَكَانْهُمْ.

خُروج 39:14

وَ الْحُجَارْ الْغَالِيِّينْ دَوْل فِي عَدَدْ قَبَايِلْ بَنِي إِسْرَائِيلْ الْأَتْنَا عَشَرْ. أَيِّ أُسُمْ قَبِيلَةْ مَنْقُوشْ فِي حَجَرْ وَاحِدْ مِثِلْ نَقِشْ الْخَوَاتِمْ.

خُروج 24:4

مُوسَى كَتَبْ كُلَّ كَلَامْ اللّٰهْ. وَ أَمْبَاكِرْ فَجُرْ، مُوسَى بَكَّرْ وَ بَنَى مَدْبَحْ فِي قَعَرْ الْجَبَلْ. وَ بَتَّانْ غَزَّ 12 حَجَرْ عَلَيْ حَسَبْ عَدَدْ قَبَايِلْ بَنِي إِسْرَائِيلْ.

رُؤية 7:4

وَ بَعَدْ دَا، أَنَا سِمِعْت عَدَدْ النَّاسْ الْخَطَّوْا فَوْقهُمْ وَسِمْ اللّٰهْ. وَ الْعَدَدْ دَا بِقِي 144 000 نَادُمْ. وَ هُمَّنْ مِنْ أَيِّ قَبِيلَةْ هَنَا بَنِي إِسْرَائِيلْ.

أعمال الرُسُل 2:5

وَ فِي الْوَكِتْ دَا، مَدِينَةْ الْقُدُسْ مَلَانَةْ بِيَهُودْ تَقِيِّينْ الْجَوْا مِنْ كُلَّ بُلْدَانْ الدُّنْيَا.

لُوقا 22:30

وَ تَاكُلُوا وَ تَشَرْبَوْا فِي نَفْس الدَّبَلَايْ مَعَايِ فِي مَمْلَكَتِي وَ تَقْعُدُوا فِي كَرَاسِي وَ تَحْكُمُوا قَبَايِلْ بَنِي إِسْرَائِيلْ الْأَتْنَا عَشَرْ.»

مَتَّى 10:3

وَ فِلِبُّسْ وَ بَرْتُلْمَا، وَ تُومَا وَ مَتَّى الْيِشِيلْ الْمِيرِي، وَ يَعْقُوبْ وِلَيْد حَلْفَا وَ تَدَّايَا،

أسْتِير 3:8

وَ خَلَاصْ، هَمَانْ قَالْ لِلْمَلِكْ أَشَوِرُوشْ: «فِيَّهْ شَعَبْ مُشَتَّتْ وَ مُفَرَّقْ فِي لُبّ الشُّعُوبْ هَنَا كُلَّ وُلَايَاتْ مَمْلَكَتَكْ. وَ قَوَانِينْهُمْ شِقْ مِنْ قَوَانِينْ كُلَّ الشُّعُوبْ الْآخَرِينْ وَ هُمَّنْ مَا قَاعِدِينْ يِطَبُّقُوا قَانُونَكْ، يَا الْمَلِكْ. وَ دَا مَا وَاجِبْ الْمَلِكْ يِخَلِّيهُمْ فِي رَاحَةْ.

خُروج 28:21

وَ الْحُجَارْ الْغَالِيِّينْ دَوْل فِي عَدَدْ قَبَايِلْ بَنِي إِسْرَائِيلْ الْأَتْنَا عَشَرْ. أَيِّ أُسُمْ قَبِيلَةْ مَنْقُوشْ فِي حَجَرْ وَاحِدْ مِثِلْ نَقِشْ الْخَوَاتِمْ.

2 تِمُوتَاوُس 4:21

جَاهِدْ أَشَانْ تَجِي لَيِّ قُبَّالْ الشِّتَاءْ مَا يَبْدَا. يُوبُلُسْ وَ بُودِسْ وَ لِينُسْ وَ كُلُودِيَةْ وَ كُلَّ الْأَخْوَانْ يِسَلُّمُوكْ.

أعمال الرُسُل 23:26

جَوَابْ مِنْ كُلُودِي لِيسِيَاسْ لِلسَّيِّدْ الْوَالِي فِيلِكْس الْمُحْتَرَمْ، السَّلَامْ عَلَيْكُمْ.

لُوقا 6:15

وَ مَتَّى وَ تُومَا وَ يَعْقُوبْ وِلَيْد حَلْفَا وَ سِمْعَانْ الْبِنَادُوهْ الثَّوْرِي

مَرْخُوس 3:18

وَ عَزَلْ أَنْدَرَيَّسْ وَ فِلِبُّسْ وَ بَرْتُلْمَا وَ مَتَّى وَ تُومَا وَ يَعْقُوبْ وِلَيْد حَلْفَا وَ تَدَّايَا وَ سِمْعَانْ الثَّوْرِي

تَثْنِية 32:26

وَ أَنَا نُقُشُّهُمْ بِنَفْخَةْ وَاحِدَةْ وَ نِوَدِّرْ ذِكِرْهُمْ مِنْ أُسْط النَّاسْ.