إشَعْيا 9:5 - الكتاب المقدس بالعربي الدارجي هنا تشاد

⁵ وَ أَيِّ نَعَالْ عَدُو التَّفْجَقْ وَ تِرَجِّفْ وَ أَيِّ خَلَقْ الدَّسَّوْه فِي دَمّ، خَلَاصْ يَزْقُلُوهُمْ فِي أَمْ بَلْبَالَةْ وَ النَّارْ تَاكُلْهُمْ.

إشَعْيا 9:5 Referenca të Kryqëzuara

2 تَسَلونِيكِي 1:8

هُو يَجِي بِنَارْ أَمّ لَهِيبْ حَامِيَةْ. وَ هُو يِعَاقِبْ النَّاسْ الْمَا يِدَوْرُوا يَعَرْفُوا اللّٰهْ وَ مَا يِتَابُعُوا بِشَارَةْ رَبِّنَا عِيسَى.

مَتَّى 3:11

«أَنَا نِغَطِّسْكُو بِأَلْمِي أَشَانْ إِنْتُو تُبْتُوا مِنْ ذُنُوبْكُو. وَ لَاكِنْ نَادُمْ وَاحِدْ جَايِ وَرَايِ قَادِرْ مِنِّي بِلْحَيْن وَ أَنَا مَا تَمَّيْت لَيَّهْ خَدَّامْ كُلَ. وَ هُو يِغَطِّسْكُو بِالرُّوحْ الْقُدُّوسْ وَ بِنَارْ.

نَاحُوم 3:2

وَ فِي الْمَدِينَةْ، يِنْسَمِعْ حِسّ السَّوْط وَ حَرَكَةْ دَوَرَانْ الْعَجَلَاتْ وَ الْخَيْل يِقَلُّبُوا وَ عَرَبَاتْ الْحَرِبْ يِنَطُّطُوا.

يُوِيل 2:5

وَ حَرَكَتْهُمْ مِثِلْ حَرَكَةْ عَرَبَاتْ الْحَرِبْ الْيِنَطُّطُوا فِي رُوسَيْ الْجِبَالْ. وَ مِثِلْ حَرَكَةْ لَهِيبْ النَّارْ التَّحْرِقْ الْقَشّ، وَ مِثِلْ عَسْكَرْ شُدَادْ رَصَّوْا لِلْحَرِبْ.

إشَعْيا 30:33

وَ مِنْ وَكِتْ طَوِيلْ، نُقْرَةْ النَّارْ جَاهِزَةْ أَيْوَى، هِي جَاهِزَةْ لِمَلِكْ أَشُورْ! وَ النُّقْرَةْ دِي طَوِيلَةْ وَ وَسِيعَةْ وَ دَفَّقَوْا فَوْقهَا حَطَبْ كَتِيرْ. وَ بِنَفْخَةْ اللّٰهْ الْمِثِلْ سَيْل شَدِيدْ هَنَا كِبْرِيتْ، هُو يِقَبِّضْهَا نَارْ.

زَبُور 46:9

هُو يِوَقِّفْ الْحَرِبْ لَحَدِّي فِي آخِرْ الْأَرْض وَ يِكَسِّرْ أَيِّ نُبَّالْ وَ حَرْبَةْ وَ يِحَرِّقْ كُلَّ الدَّرَقْ.

أعمال الرُسُل 2:19

وَ نِسَوِّي عَجَايِبْ فَوْق فِي السَّمَاءْ وَ عَلَامَاتْ تِحِتْ فِي الْأَرْض. وَ النَّاسْ يِشِيفُوا دَمّ وَ نَارْ وَ دُخَّانْ أَزْرَقْ.

إشَعْيا 4:4

وَ دَا، بَعَدْ الرَّبّ يِنَضِّفْ وَسَاخَةْ بَنَاتْ صَهْيُون. أَيْوَى، يِغَسِّلْ مَدِينَةْ الْقُدُسْ مِنْ الدَّمّ الْفَوْقهَا بِالْحُكُمْ وَ بِالنَّارْ.

1 صَمُوِيل 14:19

وَ وَكِتْ شَاوُولْ قَاعِدْ يِكَلِّمْ مَعَ أَخِيَّا رَاجِلْ الدِّينْ، الْكُرَوْرَاكْ قَاعِدْ يِزِيدْ فِي مُعَسْكَرْ الْفِلِسْطِيِّينْ وَ طَوَّالِي شَاوُولْ قَالْ لِرَاجِلْ الدِّينْ: «أَقِيفْ! خَلَاصْ خَلِّيهْ!»

لاوِيِّين 3:16

وَ رَاجِلْ الدِّينْ يِحَرِّقَهْ فِي الْمَدْبَحْ مِثِلْ أَكِلْ. وَ دِي ضَحِيَّةْ مُحَرَّقَةْ لِلّٰهْ الْيَرْضَى بِرِيحِتْهَا. وَ كُلَّ الشَّحَمْ هُو هَنَا اللّٰهْ.

لاوِيِّين 3:11

وَ رَاجِلْ الدِّينْ يِحَرِّقَهْ فِي الْمَدْبَحْ وَ دَا مِثِلْ أَكِلْ مُحَرَّقْ لِلّٰهْ.

أعمال الرُسُل 2:3

وَ شَافَوْا شَيّءْ يِشَابِهْ لِسْنَيْ النَّارْ شَتَّتَوْا وَ نَزَلَوْا فِي أَيِّ وَاحِدْ مِنْهُمْ.

إرْمِيا 47:3

وَ مِنْ يَسْمَعَوْا شِدَّةْ حَرَكَةْ رِجْلَيْ الْخَيْل وَ حَرَكَةْ عَرَبَاتْهُمْ هَنَا حَرِبْ وَ عَجَلَاتْهُمْ، الْأَبَّهَاتْ يِعَرُّدُوا يِخَلُّوا عِيَالْهُمْ وَ دَا مِنْ شِدَّةْ الْخَوْف.

إشَعْيا 37:36

وَ خَلَاصْ، مَلَكْ اللّٰهْ جَاءْ ضَرَبْ مُعَسْكَرْ الْأَشُورِيِّينْ وَ كَتَلْ 185 000 رَاجِلْ. وَ بِفَجُرْ وَكِتْ قَمَّوْا، الْفَضَّلَوْا مِنْهُمْ شَافَوْا كُلَّ الْجَنَازَاتْ دَوْل.

إشَعْيا 13:4

أَسْمَعَوْا الْحَرَكَةْ الْكَتِيرَةْ فِي الْجِبَالْ مِثِلْ شَعَبْ كَتِيرِينْ! وَ دَا حِسّ حَرَكَةْ الْمَمَالِكْ أَيْوَى، حَرَكَةْ مَلَمَّةْ الْأُمَمْ! اللّٰهْ الْقَادِرْ يِجَهِّزْ دَيْشَهْ الْيِحَارِبْ.

زَبُور 72:3

وَ مِنْ الْجِبَالْ، يَنْزِلْ السَّلَامْ وَ مِنْ الْحُجَارْ، تَنْزِلْ الْعَدَالَةْ لِلشَّعَبْ.

إشَعْيا 2:4

اللّٰهْ يَبْقَى قَاضِي بَيْن الْأُمَمْ وَ يِحَاكِمْ شُعُوبْ كَتِيرِينْ. هُمَّنْ يُدُقُّوا سُيُوفْهُمْ جَرَارِي وَ يُدُقُّوا حُرَابْهُمْ خَنَاجِرْ. وَ أُمَّةْ مَا تَرْفَعْ سُيُوفْهَا لِأُمَّةْ وَ مَا فِي تَدْرِيبْ لِلْحَرِبْ بَتَّانْ.

إشَعْيا 9:4

أَشَانْ إِنْتَ رَفَعْت التَّقَلَةْ الْفَوْقهُمْ وَ الدَّامِي الْفِي كَتَافَيْهُمْ وَ كَسَّرْت عَصَاةْ الْمُضَايِقْ مِثِلْ نَجَّيْتهُمْ مِنْ نَاسْ مِدْيَانْ فِي الْيَوْم دَاكْ.

إشَعْيا 9:6

أَشَانْ وِلْدَوْا لَيْنَا صَغِيرْ وَ الْوِلَيْد دَا، أَنْطَوْه لَيْنَا. وَ السُّلْطَةْ تَبْقَى فِي إِيدَيْنَهْ وَ يِنَادُوهْ بِالْأَسَامَيْ دَوْل، الْمُسْتَشَارْ الْعَجِيبْ وَ الْإِلٰـهْ الْقَادِرْ وَ الْأَبُو الدَّايِمْ وَ مَلِكْ السَّلَامْ.

تكوين 32:30

وَ يَعْقُوبْ سَمَّى الْبَكَانْ دَا فَنِيِيلْ (مَعَنَاتَهْ وِجِهْ الرَّبّ) أَشَانْ هُو قَالْ: «أَنَا شِفْت الرَّبّ وِجِهْ بِوِجِهْ وَ لَاكِنْ أَنَا نِجِيتْ مِنْ الْمَوْت!»

خُروج 23:21

فَكُّرُوا فَوْقَهْ وَ تَابُعُوا كَلَامَهْ وَ مَا تَعَصَوْه أَشَانْ هُو مَا يِسَامِحْ عِصْيَانْكُو أَشَانْ هُو يِمَثِّلْنِي.

قُضياء 13:18

وَ مَلَكْ اللّٰهْ قَالْ لَيَّهْ: «مَالَا تَسْأَلْنِي مِنْ أُسْمِي؟ أُسْمِي هُو عَجِيبْ بِلْحَيْن.»

إرْمِيا 23:5

وَ دَاهُو كَلَامْ اللّٰهْ: «أَكِيدْ يَجِي يَوْم وَاحِدْ، أَنَا نِقَوِّمْ نَادُمْ صَالِحْ مِنْ ذُرِّيَّةْ دَاوُدْ مِثِلْ بِذْرَةْ. وَ النَّادُمْ دَا، أَنَا بَسْ نِدَرِّجَهْ مَلِكْ وَ هُو يَحْكِمْ بِحِكْمَةْ وَ يِجِيبْ الْحَقّ وَ الْعَدَالَةْ فِي الْبَلَدْ.

مِيخا 5:1

وَ هَسَّعْ دَا، يَا سُكَّانْ مَدِينَةْ الْقُدُسْ، جَرُّحُوا نُفُوسْكُو مِنْ الْحِزِنْ. حَاصَرَوْا مَدِينِتْكُو وَ بِالْعِصَيْ ضَرَبَوْا وِجِهْ حَاكِمْ بَنِي إِسْرَائِيلْ.

زَكَرِيَّا 6:13

أَيْوَى، هُو بَسْ يَبْنِي بَيْت اللّٰهْ وَ هُو بَسْ الْيَلْبَسْ خَلَقْ الْمُلُكْ وَ يَقْعُدْ فِي كُرْسِيهْ وَ يَحْكِمْ. وَ رَاجِلْ الدِّينْ كُلَ يَقْعُدْ جَنْب كُرْسِيهْ وَ أَمْبَيْنَاتْهُمْ هُمَّنْ الْإِتْنَيْن فِي مُوَافَقَةْ كَامِلَةْ.“›