إشَعْيا 9:3 - الكتاب المقدس بالعربي الدارجي هنا تشاد

³ يَا رَبّ! إِنْتَ كَتَّرْت نَاسْ الْأُمَّةْ دِي وَ كَبَّرْت فَرَحْهُمْ. وَ يَفْرَحَوْا قِدَّامَكْ مِثِلْ فَرَحْ هَنَا يَوْم الْقَطِعْ وَ فَرَحْ هَنَا قِسِمْ الْغَنِيمَةْ.

إشَعْيا 9:3 Referenca të Kryqëzuara

زَبُور 119:162

أَنَا نَفْرَحْ بِكَلَامَكْ مِثِلْ اللِّقِي غَنِيمَةْ كَتِيرَةْ.

1 بُطْرُس 1:8

وَ الْمَسِيحْ دَا، إِنْتُو تِحِبُّوهْ حَتَّى كَانْ مَا شِفْتُوهْ كُلَ. وَ كَنْ إِنْتُو مَا قَاعِدِينْ تِشِيفُوهْ كُلَ، إِنْتُو مُؤمِنِينْ بَيَّهْ وَ تَفْرَحَوْا بَيَّهْ بِفَرْحَةْ مَجِيدَةْ وَ كَبِيرَةْ الْأَبَداً مَا تِلْوَصَّفْ.

إشَعْيا 26:15

يَا اللّٰهْ، إِنْتَ كَتَّرْت الْأُمَّةْ أَيْوَى، إِنْتَ كَتَّرْت أُمَّتَكْ وَ وَصَّفْت مَجْدَكْ وَ وَسَّعْت كُلَّ حُدُودْ الْبَلَدْ.

إشَعْيا 66:10

«أَفْرَحَوْا مَعَ مَدِينَةْ الْقُدُسْ وَ أَنْبَسْطُوا بَيْهَا، إِنْتُو كُلُّكُو التِّحِبُّوهَا! أَفْرَحَوْا مَعَاهَا بِسُرُورْ، إِنْتُو كُلُّكُو الْحِزِنْتُوا فِي شَانْهَا.

إشَعْيا 65:18

لَاكِنْ أَفْرَحَوْا وَ أَنْبَسْطُوا إِلَى الْأَبَدْ فِي شَانْ الشَّيّءْ النَّخَلْقَهْ. دَاهُو نَخْلِقْ مَدِينَةْ الْقُدُسْ وَ تِنْمَلِي بِفَرَحْ وَ شَعَبْهَا يِنْبَسْطُوا.

إشَعْيا 35:10

وَ النَّاسْ الْفَدَاهُمْ اللّٰهْ يِقَبُّلُوا وَ يَجُوا فِي صَهْيُون بِزَغْرَاطْ وَ فَرْحَةْ. وَ فَرَحْ دَايِمْ يِنَوِّرْ وُجُوهُّمْ وَ سُرُورْ وَ فَرْحَةْ يِغَطُّوهُمْ وَ الْحِزِنْ وَ الْقَنِتِينْ يَبْقَوْا مَا فِيهُمْ.

1 صَمُوِيل 30:16

وَ خَلَاصْ، الْمَصْرِي وَدَّاهْ لِدَاوُدْ. وَ لِقَوْهُمْ لِلْعَمَالِقْ مُشَتَّتِينْ فِي كُلَّ الْبَلَدْ، يَاكُلُوا وَ يَشَرْبَوْا وَ فَرْحَانِينْ بِالْغَنِيمَةْ الْكَبِيرَةْ اللِّقَوْهَا مِنْ بَلَدْ الْفِلِسْطِيِّينْ وَ مِنْ بَلَدْ يَهُوذَا.

لُوقا 11:22

لَاكِنْ كَنْ نَادُمْ قَوِي مِنَّهْ يَجِي يَهْجِمَهْ، هُو يَغْلِبَهْ وَ يِشِيلْ مِنَّهْ سِلَاحَهْ الْأَوَّلْ كُلَّ عَشَمَهْ قَاعِدْ فَوْقَهْ. وَ خَلَاصْ يِقَسِّمْ الْخُمَامْ لِجَمَاعْتَهْ.

زَبُور 4:7

إِنْتَ مَلَيْت قَلْبِي بِالْفَرَحْ زِيَادَةْ مِنْ فَرَحْهُمْ وَكِتْ عِنْدُهُمْ قَمَحْ وَ خَمَرْ بِكَتَرَةْ.

فِلِبِّي 4:4

أَفْرَحَوْا بِرَبِّنَا عِيسَى دَايْماً وَ بَتَّانْ نُقُولْ لَيْكُو، أَفْرَحَوْا!

زَكَرِيَّا 10:8

وَ أَنَا نِصَفِّرْ لَيْهُمْ لِنِلِمُّهُمْ أَشَانْ أَنَا فَدَيْتهُمْ. هُمَّنْ يَلْدَوْا وَ يَبْقَوْا كَتِيرِينْ مِنْ أَوَّلْ.

زَكَرِيَّا 8:23

وَ دَاهُو اللّٰهْ الْقَادِرْ قَالْ: «فِي الْوَكِتْ دَا، يَجُوا مِنْ الْأُمَمْ عَشَرَةْ رُجَالْ أَيِّ وَاحِدْ بِلُغِّتَهْ. وَ كُلَّ الرُّجَالْ دَوْل يَكُرْبُوا دَايِرْ خَلَقْ هَنَا وَاحِدْ مِنْ الْيَهُودْ وَ يَشْحَدَوْه وَ يُقُولُوا لَيَّهْ: ‹خَلُّونَا نَمْشُوا مَعَاكُو أَشَانْ سِمِعْنَا كَدَرْ الرَّبّ قَاعِدْ مَعَاكُو.›»

زَكَرِيَّا 2:11

وَ فِي الْيَوْم دَا، أُمَمْ كَتِيرِينْ يِنْكَرْبُوا فَوْقِي أَنَا اللّٰهْ. وَ يَبْقَوْا شَعَبِي حَلَالِي. وَ أَنَا نَسْكُنْ فِي أُسُطْكُو.» وَ بَيْدَا، تَعَرْفُوا كَدَرْ اللّٰهْ الْقَادِرْ، هُو بَسْ رَسَّلَانِي لَيْكُو.

هُوشَع 4:7

«وَ رُجَالْ الدِّينْ كُلُّهُمْ أَذْنَبَوْا ضِدِّي وَ بَيْدَا، أَنَا نِبَدِّلْ شَرَفْهُمْ بِإِهَانَةْ.

إرْمِيا 31:7

وَ دَاهُو اللّٰهْ قَالْ: «أَفْرَحَوْا وَ زَغْرُطُوا لِذُرِّيَّةْ يَعْقُوبْ وَ رَقْرُقُوا لِأَحْسَنْ أُمَّةْ. وَ أَشْكُرُوا بِحِسّ عَالِي وَ قُولُوا: ‹اللّٰهْ نَجَّى شَعَبَهْ، هُمَّنْ الْفَضَّلَوْا مِنْ بَنِي إِسْرَائِيلْ.›»

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

إشَعْيا 61:7

وَ اللّٰهْ قَالْ: «بَدَلْ الْعَيْب، تَلْقَوْا قِسِمْكُو مَرَّتَيْن وَ بَدَلْ الْإِهَانَةْ، الْفَرَحْ يَبْقَى قِسِمْكُو. أَشَانْ دَا، تَوْرُثُوا مَرَّتَيْن مِنْ بَلَدْكُو وَ فَرْحِتْكُو تَقْعُدْ إِلَى الْأَبَدْ.

إشَعْيا 55:12

أَيْوَى، بِالْفَرَحْ تَمُرْقُوا وَ بِالسَّلَامْ يُقُودُوكُو. وَ الْجِبَالْ وَ الْحُجَارْ يَفْرَحَوْا وَ يِرَقْرُقُوا لَيْكُو وَ كُلَّ شَدَرْ الْكَدَادَةْ يِصَفِّقْ.

إشَعْيا 54:1

وَ اللّٰهْ قَالْ: «زَغْرِطِي، يَا مَدِينَةْ الْقُدُسْ الْعَاقْرَةْ، إِنْتِ الْمَا وِلِدْتِ! عِيطِي بِفَرَحْ وَ زَغْرِطِي، إِنْتِ الْمَا دُقْتِ وَجَعْ الطَّلَقَةْ! أَشَانْ عِيَالْ الْمُطَلَّقَةْ يَبْقَوْا كَتِيرِينْ مِنْ عِيَالْ الْمَرَةْ الْقَاعِدَةْ مَعَ رَاجِلْهَا.»

إشَعْيا 35:2

خَلِّي تِنْمَلِي بِنُوَّارْ الْكَدَادَةْ وَ تِنَطِّطْ وَ تَلْعَبْ وَ تِزَغْرِطْ مِنْ الْفَرَحْ. اللّٰهْ يَنْطِي الْبَلَدْ دِي غَابَةْ جَمِيلَةْ مِثِلْ غَابَةْ لُبْنَانْ وَ أَرْض الْعِنْدَهَا إِنْتَاجْ كَتِيرْ مِثِلْ جَبَلْ الْكَرْمَلْ وَ سَهَلَةْ شَارُونْ. وَ يِشِيفُوا مَجْد اللّٰهْ وَ عَظَمَةْ إِلٰـهْنَا.

إشَعْيا 25:9

وَ فِي الْيَوْم دَا، يُقُولُوا: «دَاهُو إِلٰـهْنَا. أَنِحْنَ خَطَّيْنَا عَشَمْنَا فَوْقَهْ وَ هُو نَجَّانَا. أَيْوَى، هُو بَسْ اللّٰهْ الْخَطَّيْنَا عَشَمْنَا فَوْقَهْ. يَلَّا نَفْرَحَوْا وَ نِنْبَسْطُوا أَشَانْ هُو نَجَّانَا!

إشَعْيا 12:1

وَ فِي الْيَوْم دَا، إِنْتَ تُقُولْ: «أَنَا نَشْكُرَكْ، يَا اللّٰهْ! أَشَانْ إِنْتَ زِعِلْت ضِدِّي وَ لَاكِنْ غَضَبَكْ إِنْتَ خَلَّيْتَهْ وَ إِنْتَ صَبَّرْتِنِي.

زَبُور 107:38

هُو يِبَارِكْهُمْ وَ هُمَّنْ يَبْقَوْا كَتِيرِينْ وَ بَهَايِمْهُمْ كُلَ مَا يَنْقُصُوا.

نَحَمْيا 9:23

وَ إِنْتَ سَوَّيْت ذُرِّيِّتْهُمْ كَتِيرِينْ مِثِلْ نُجُومْ السَّمَاءْ وَ جِبْتُهُمْ فِي الْبَلَدْ الْوَاعَدْت بَيْهَا جُدُودْهُمْ وَ قُلْت يِشِيلُوهَا وَ يَقْعُدُوا فَوْقهَا.

قُضياء 5:3

«أَسْمَعَوْا، يَا الْمُلُوكْ، وَ أَفْتَحَوْا أَدَانْكُو، يَا السَّلَاطِينْ. أَنَا نِغَنِّي لِلّٰهْ وَ لِلّٰهْ إِلٰـهْ بَنِي إِسْرَائِيلْ أَنَا نَحْمُدَهْ.

أعمال الرُسُل 8:8

وَ كُلَّ نَاسْ الْحِلَّةْ فِرْحَوْا بِلْحَيْن.

أيُّوب 12:23

هُو يِكَبِّرْ الْأُمَمْ وَ يِدَمِّرْهُمْ وَ يِشَتِّتْ الشُّعُوبْ وَ يِوَدِّيهُمْ فِي الْغُرْبَةْ.

إشَعْيا 65:14

عَبِيدِي يِكَوْرُكُوا مِنْ فَرَحْ قُلُوبْهُمْ لَاكِنْ إِنْتُو تِكَوْرُكُوا مِنْ وَجَعْ قُلُوبْكُو وَ تَبْكُوا بِحِزِنْ وَ بِرُوحْ مُحَطَّمَةْ.

لاوِيِّين 26:13

وَ أَنَا اللّٰهْ إِلٰـهْكُو الْمَرَقْتُكُو مِنْ بَلَدْ الْمَصْرِيِّينْ لِمَا تَبْقَوْا عَبِيدْهُمْ وَ أَنَا بَسْ الْكَسَّرْت الدَّامِي الْفِي رِقَابْكُو وَ خَلَّيْتكُو مَاشِينْ رَاسْكُو مَرْفُوعْ.

قُضياء 7:22

وَ وَكِتْ التُّلْتُمِيَةْ نَاسْ ضَرَبَوْا الْبُوَقَا، اللّٰهْ سَوَّى فِي لُبّ الْمُعَسْكَرْ كَدَرْ أَيِّ رَاجِلْ يَكْتُلْ رَفِيقَهْ بِسَيْفَهْ. وَ كُلَّ الْعَسْكَرْ عَرَّدَوْا لَحَدِّي بَيْت شِطَّةْ عَلَيْ صَرِيرَةْ وَ لَحَدِّي خَشُمْ آبِلْ مَحُولَى قَرِيبْ لِطَبَّتْ.

قُضياء 8:12

وَ زَبَحْ وَ صَلْمُونَعْ مُلُوكْ مِدْيَانْ عَرَّدَوْا وَ قِدْعُونْ طَرَدَاهُمْ وَ كَرَبَاهُمْ. وَ خَلَاصْ بَيْدَا، بَرْجَلْ كُلَّ عَسْكَرْهُمْ.

إشَعْيا 10:26

«وَ أَنَا اللّٰهْ الْقَادِرْ نَرْفَعْ لَيَّهْ السَّوْط وَ نَضُرْبَهْ مِثِلْ ضَرَبْت نَاسْ مِدْيَانْ فِي حَجَرْ عُرِيبْ. وَ نَرْفَعْ عَصَاتِي ضِدّ الْبَحَرْ مِثِلْ رَفَعْتَهَا ضِدّ الْمَصْرِيِّينْ زَمَانْ.

إشَعْيا 14:5

اللّٰهْ كَسَّرْ عِصَيْ الْعَاصِيِينْ وَ عَصَاةْ الْحُكَّامْ.