إشَعْيا 9:11 - الكتاب المقدس بالعربي الدارجي هنا تشاد

¹¹ وَ اللّٰهْ يَنْصُرْ فَوْقهُمْ خُصْمَانْ رَصِينْ وَ يَنْطِي سِلَاحْ لِعُدْوَانْهُمْ.

إشَعْيا 9:11 Referenca të Kryqëzuara

إشَعْيا 7:8

أَشَانْ مَدِينَةْ دِمَشْق، هِي رَاسْ بَلَدْ أَرَامْ وَ مَلِكْ رَصِينْ، هُو رَاسْ دِمَشْق بَسْ. وَ بَعَدْ 65 سَنَةْ، تُرَابْ قَبِيلَةْ أَفْرَايِمْ يِدَّمَّرْ وَ شَعَبْهَا يَبْقَوْا مَا فِيهُمْ.

2 مُلوك 16:9

وَ مَلِكْ أَشُورْ رَدَّ فِي طَلَبْ أَحَازْ. هُو قَمَّ وَ مَشَى هَجَمْ مَدِينَةْ دِمَشْق وَ شَالْهَا وَ وَدَّى سُكَّانْهَا فِي الْغُرْبَةْ فِي حِلَّةْ قِيرْ. وَ كَتَلْ رَصِينْ مَلِكْ أَرَامْ.

2 مُلوك 15:29

وَ وَكِتْ الْفَقَحْ قَاعِدْ يَمْلُكْ فِي مَمْلَكَةْ إِسْرَائِيلْ، تَغْلَتْ فَلَاسَرْ مَلِكْ بَلَدْ أَشُورْ جَاءْ وَ شَالْ حِلَّالْ عِيُونْ وَ آبِلْ بَيْت مَعَاكَةْ وَ يَنُوحْ وَ قَدَشْ وَ حَاصُورْ وَ تُرَابْ قِلْعَادْ وَ بَلَدْ الْجَلِيلْ وَ كُلَّ أَرْض نَفْتَالِي. وَ وَدَّى سُكَّانْهُمْ فِي الْغُرْبَةْ فِي بَلَدْ أَشُورْ.

إشَعْيا 7:1

وَ رَصِينْ مَلِكْ بَلَدْ أَرَامْ وَ فَقَحْ وِلَيْد رَمَلْيَا مَلِكْ مَمْلَكَةْ إِسْرَائِيلْ قَمَّوْا ضِدّ مَدِينَةْ الْقُدُسْ لِيِحَارُبُوهَا وَ لَاكِنْ مَا قِدْرَوْا يَهْجُمُوهَا. وَ دَا فِي أَيَّامْ حُكُمْ أَحَازْ وِلَيْد يُوتَامْ وِلَيْد عُزِّيَّا مَلِكْ مَمْلَكَةْ يَهُوذَا.

إشَعْيا 5:25

وَ بِسَبَبْ دَا، غَضَبْ اللّٰهْ يَنْزِلْ ضِدّ شَعَبَهْ. هُو يَرْفَعْ إِيدَهْ ضِدُّهُمْ لِيَضْرُبْهُمْ. وَ الْجِبَالْ يَرْجُفُوا وَ جَنَازَاتْ شَعَبَهْ يَبْقَوْا مِثِلْ وَسَخْ فِي أُسْط الشَّوَارِعْ. لَاكِنْ بَيْدَا كُلَ، مَا خَلَّى زَعَلَهْ وَ إِيدَهْ قَاعِدَةْ مَرْفُوعَةْ لِلْعِقَابْ.

إشَعْيا 10:4

مَا فَضَّلْ إِلَّا تِدَنْقُرُوا مَعَ الْمَسَاجِينْ وَ تَقَعَوْا مَعَ الْمَيْتِينْ. وَ بَيْدَا كُلَ، زَعَلْ اللّٰهْ مَا يَقِيفْ وَ إِيدَهْ قَاعِدَةْ مَرْفُوعَةْ لِلْعِقَابْ.

إشَعْيا 28:1

الْعَذَابْ لِمَدِينَةْ السَّامِرَةْ، هِي مِثِلْ تَاجْ الْإِسْتِكْبَارْ هَنَا سَكَّارَى أَفْرَايِمْ. الْعَذَابْ لَيْهَا هِي، الْجَمَالْهَا وَ زِينِتْهَا مِثِلْ زُهُورْ الْيَابْسِينْ. الْمَدِينَةْ دِي فِي رَاسْ الْوَادِي الْأَخْضَرْ، وَ دَا بَكَانْكُو إِنْتُو الْغِمِرْتُوا مِنْ الْخَمَرْ.