إشَعْيا 9:1 - الكتاب المقدس بالعربي الدارجي هنا تشاد

¹ وَ لَاكِنْ الضَّلَامْ مَا يَقْعُدْ دَايْماً فِي الْبَلَدْ الْقَاعِدَةْ فِي التَّعَبْ. زَمَانْ اللّٰهْ عَيَّبْ تُرَابْ زَبُلُونْ وَ تُرَابْ نَفْتَالِي. وَ لَاكِنْ فِي الْمُسْتَقْبَلْ، يِشَرِّفْ الدَّرِبْ الْجَنْب الْبَحَرْ غَادِي لِبَحَرْ الْأُرْدُنْ وَ دَارْ الْجَلِيلْ، دَارْ الْأَجَانِبْ.

إشَعْيا 9:1 Referenca të Kryqëzuara

2 مُلوك 15:29

وَ وَكِتْ الْفَقَحْ قَاعِدْ يَمْلُكْ فِي مَمْلَكَةْ إِسْرَائِيلْ، تَغْلَتْ فَلَاسَرْ مَلِكْ بَلَدْ أَشُورْ جَاءْ وَ شَالْ حِلَّالْ عِيُونْ وَ آبِلْ بَيْت مَعَاكَةْ وَ يَنُوحْ وَ قَدَشْ وَ حَاصُورْ وَ تُرَابْ قِلْعَادْ وَ بَلَدْ الْجَلِيلْ وَ كُلَّ أَرْض نَفْتَالِي. وَ وَدَّى سُكَّانْهُمْ فِي الْغُرْبَةْ فِي بَلَدْ أَشُورْ.

إشَعْيا 8:22

وَ بَعَدْ دَا، يِشِيفُوا الْأَرْض وَ دَاهُو تَعَبْ وَ ضَلَامْ. وَ ضَلَامْ الضِّيقَةْ يِلِزُّهُمْ فِي ضَلَامْ أَزْرَقْ كُرُمْ.

2 أخبار 16:4

وَ بَنْهَدَادْ قَصَّدْ بِكَلَامْ الْمَلِكْ آسَا. وَ خَلَاصْ، هُو رَسَّلْ قُيَّادْ عَسْكَرَهْ وَ هَجَمَوْا حِلَّالْ مَمْلَكَةْ إِسْرَائِيلْ وَ شَالَوْا عِيُونْ وَ دَانْ وَ آبِلْ مَايِمْ وَ كُلَّ الْمَخَازِنْ هَنَا حِلَّالْ قَبِيلَةْ نَفْتَالِي.

1 أخبار 5:26

وَ خَلَاصْ، اللّٰهْ إِلٰـهْ بَنِي إِسْرَائِيلْ لَزَّ فُولْ مَلِكْ بَلَدْ أَشُورْ وَ هُو الْأُسْمَهْ تَغْلَتْ فَلَاسَرْ. وَ تَغْلَتْ فَلَاسَرْ جَاءْ شَالْ قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى. وَ وَدَّاهُمْ فِي الْغُرْبَةْ فِي بَلَدْ أَشُورْ فِي حِلَّالْ حَلَحْ وَ حَابُرْ وَ هَارَا وَ قَرِيبْ لِبَحَرْ قُزَانْ. وَ هُمَّنْ سَاكْنِينْ هِنَاكْ لَحَدِّي الْيَوْم.

لاوِيِّين 26:28

أَنَا كُلَ نُقُمّ ضِدُّكُو بِغَضَبْ شَدِيدْ وَ أَنَا ذَاتِي نِعَاقِبْكُو سَبْعَةْ مَرَّاتْ بِسَبَبْ ذُنُوبْكُو.

لاوِيِّين 26:24

أَنَا كُلَ نُقُمّ ضِدُّكُو وَ أَنَا كُلَ نَضْرُبْكُو سَبْعَةْ مَرَّاتْ بِسَبَبْ ذُنُوبْكُو.

لُوقا 24:27

وَ فَسَّرْ لَيْهُمْ كُلَّ شَيّءْ الْبُخُصَّهْ الْمَكْتُوبْ فِي كُتُبْ اللّٰهْ. وَ بَدَا فِي كِتَابْ مُوسَى وَ فَسَّرْ لَيْهُمْ كُتُبْ هَنَا كُلَّ الْأَنْبِيَاء.