إشَعْيا 8:6 - الكتاب المقدس بالعربي الدارجي هنا تشاد

⁶ «الشَّعَبْ دَا أَبَى أَلْمِي حِلَّةْ شِيلَوْه الْيَجْرِي بِبِشَيْش وَ فِرْحَوْا بِالْمَلِكْ رَصِينْ وَ بِوِلَيْد رَمَلْيَا.

إشَعْيا 8:6 Referenca të Kryqëzuara

يُوحَنَّا 9:7

وَ قَالْ لَيَّهْ: «أَمْشِي غَسِّلْ وِجْهَكْ فِي بِرْكَةْ سِلْوَامْ.» وَ خَلَاصْ، الْعَمْيَانْ مَشَى وَ غَسَّلْ وِجْهَهْ وَ قَبَّلْ يِشِيفْ. وَ الْأُسُمْ سِلْوَامْ مَعَنَاتَهْ الْمُرْسَالْ.

نَحَمْيا 3:15

وَ لِخَشُمْ الْبَابْ الْبِنَادُوهْ عَيْن أَلْمِي كَمَانْ، الْعَدَّلَهْ شَلُّونْ وِلَيْد كُلْحُوزَى كَبِيرْ فِي تُرَابْ حِلَّةْ مِصْفَةْ. وَ شَلُّونْ بَنَى خَشُمْ الْبَابْ دَا وَ سَوَّى لَيَّهْ رَاسْ وَ رَكَّبْ الْبَابْ بِتَرْبَازَهْ وَ قُفُلَهْ. وَ بَتَّانْ عَدَّلْ الدُّرْدُرْ الْمَاشِي مِنْ الرَّهَدْ الْبِنَادُوهْ سِلْوَامْ لَحَدِّي جِنَيْنَةْ الْمَلِكْ وَ لَحَدِّي الدَّرِبْ الْبِدَلِّي بِعَتَبَاتْ مِنْ مَدِينَةْ دَاوُدْ.

إرْمِيا 18:14

هَلْ كُلَّ تَلَجْ جِبَالْ لُبْنَانْ يِسِيلْ وَ يَنْزِلْ فِي نَوَايِطْ الْجِبَالْ وَلَّا؟ هَلْ الْأَلْمِي الْبَارِدْ الْقَاعِدْ يِسِيلْ مِنْ بَعِيدْ يَقِيفْ مَا يَجْرِي وَلَّا؟ لَا!

إرْمِيا 2:18

مَالَا مَشَيْتُوا بَلَدْ مَصِرْ لِتِفَتُّشُوا مُسَاعَدَتْهَا مِثِلْ عَطْشَانِينْ لِأَلْمِي النِّيلْ؟ وَ مَالَا مَشَيْتُوا بَلَدْ أَشُورْ لِتِفَتُّشُوا قُدْرِتْهَا مِثِلْ عَطْشَانِينْ لِأَلْمِي الْفُرَاتْ؟

إرْمِيا 2:13

وَ شَعَبِي سَوَّوْا فَسَالَةْ إِتْنَيْن. أَبَوْنِي أَنَا اللَّيْهُمْ مِثِلْ عَيْن أَلْمِي الْحَيَاةْ وَ مَشَوْا لِإِلٰـهَاتْ آخَرِينْ. الْإِلٰـهَاتْ دَوْل مِثِلْ خَزَّانَاتْ النَّكَتَوْهُمْ وَ أَشَّقَّقَوْا، مَا يَكُرْبُوا أَلْمِي.›»

إشَعْيا 7:6

”يَلَّا نُقُمُّوا ضِدّ بَلَدْ يَهُوذَا وَ نَدْخُلُوا الْمَدِينَةْ. وَ نِخَوُّفُوهَا وَ نِشِيلُوهَا وَ نُخُطُّوا فَوْقهَا وِلَيْد طَبِيلْ مِثِلْ مَلِكْ.“›»

إشَعْيا 5:24

فِي شَانْ دَا، هُمَّنْ يَبْقَوْا مِثِلْ قَشّ التَّاكُلَهْ النَّارْ وَ مِثِلْ عَقَيْق الْيِوَدِّرْ فِي أَمْ بَلْبَالَةْ. وَ عُرُوقْهُمْ يِعَفُّنُوا وَ نُوَّارْهُمْ يَبْقَوْا مِثِلْ عَجَاجْ. أَشَانْ هُمَّنْ مَا طَبَّقَوْا تَوْرَاةْ اللّٰهْ الْقَادِرْ وَ حَقَرَوْا كَلَامْ قُدُّوسْ إِسْرَائِيلْ.

1 مُلوك 7:16

وَ صَنَعْ رُوسَيْ هَنَا نَحَاسْ الْيُخُطُّوهُمْ فَوْق فِي الْعَمَدْ دَوْل وَ أَيِّ وَاحِدْ مِنْ الرُّوسَيْ دَوْل طُولَهْ 5 دُرَاعْ.

لُوقا 13:4

وَ سِمِعْتُوا خَبَرْ هَنَا النَّاسْ التَّمَانِيَةَ عَشَرْ الْقَصِرْ سِلْوَامْ وَقَعْ فَوْقهُمْ وَ كَتَلَاهُمْ. وَ فِي فِكِرْكُو، هُمَّنْ خَاطِيِّينْ زِيَادَةْ مِنْ كُلَّ النَّاسْ الْآخَرِينْ السَّاكْنِينْ فِي مَدِينَةْ الْقُدُسْ وَلَّا؟

زَبُور 46:4

وَ لَاكِنْ فِيَّهْ بَحَرْ الرُّجُولَهْ يِفَرُّحُوا مَدِينَةْ الرَّبّ، الْمَدِينَةْ الْمُقَدَّسَةْ مِنْ كُلَّ مَسَاكِينْ اللّٰهْ الْعَالِي.

إشَعْيا 1:20

لَاكِنْ كَنْ أَبَيْتُوا وَ عِصِيتُونِي، السَّيْف يَبْقَى مِثِلْ نَارْ يَاكُلْكُو!» أَيْوَى، دَا كَلَامْ اللّٰهْ الْقَالَهْ.

إشَعْيا 7:9

وَ مَدِينَةْ السَّامِرَةْ، هِي رَاسْ تُرَابْ قَبِيلَةْ أَفْرَايِمْ وَ وِلَيْد رَمَلْيَا، هُو رَاسْ السَّامِرَةْ بَسْ. كَنْ مَا تِآمُنُوا بِكَلَامِي أَنَا الرَّبّ، أَبَداً مَا تَثْبُتُوا.»

إشَعْيا 8:5

وَ اللّٰهْ حَجَّى لَيِّ بَتَّانْ وَ قَالْ:

إشَعْيا 28:2

دَاهُو يَجِي رَاجِلْ قَادِرْ وَ شَدِيدْ مِنْ الرَّبّ الْبِشَابِهْ مَطَرَةْ بَرَدْ وَ رِيحْ شَدِيدَةْ التِّدَمِّرْ. وَ هُو مِثِلْ مَطَرَةْ الْعِنْدَهَا أَلْمِي شَدِيدْ الْيَغْرِقْ وَ بِشِدَّةْ، كُلَّ شَيّءْ يِرَقِّدَهْ فِي الْأَرْض.

إشَعْيا 30:12

وَ فِي شَانْ دَا، دَاهُو كَلَامْ قُدُّوسْ إِسْرَائِيلْ: «إِنْتُو أَبَيْتُوا الْكَلَامْ دَا وَ أَتْوَكَّلْتُوا عَلَيْ الْمُضَايِقْ وَ الْمُفْسِدْ وَ أَرَّكَّزْتُوا فَوْقَهْ.

إشَعْيا 7:4

وَ قُولْ لَيَّهْ: ‹أَقْعُدْ سَاكِتْ مَا تَخَافْ! وَ خَلِّي قَلْبَكْ مَا يِبَرْجِلْ فِي شَانْ الزَّعَلْ الشَّدِيدْ هَنَا رَصِينْ مَلِكْ أَرَامْ وَ وِلَيْد رَمَلْيَا. أَشَانْ هُمَّنْ مِثِلْ مَشَاهِيبْ إِتْنَيْن الْقَاعِدِينْ يِدَخُّنُوا.