إشَعْيا 8:4 - الكتاب المقدس بالعربي الدارجي هنا تشاد

⁴ أَشَانْ قُبَّالْ الْوِلَيْد مَا يَعَرِفْ يُقُولْ: ‹أَمِّي وَ أَبُويِ›، يِجِيبُوا قِدَّامْ مَلِكْ بَلَدْ أَشُورْ غُنَى دِمَشْق وَ غَنِيمَةْ السَّامِرَةْ.»

إشَعْيا 8:4 Referenca të Kryqëzuara

رَوْمَا 9:11

لَاكِنْ قُبَّالْ التِّيمَانْ مَا يَلْدَوْهُمْ وَ قُبَّالْ هُمَّنْ مَا يِسَوُّوا شَيّءْ وَ لَا زَيْن وَ لَا فَسِلْ، اللّٰهْ شَالْ نِيَّةْ وَ عَزَلْ وَاحِدْ مِنْهُمْ أَشَانْ نِيَّةْ اللّٰهْ تِتِمّ بِالْإِخْتِيَارْ.

يُونُس 4:11

شِيفْ نَاسْ هَنَا نِينَوَى، الْمَدِينَةْ الْكَبِيرَةْ، الْعِنْدَهَا زِيَادَةْ مِنْ 120 000 نَاسْ الْمَا يَعَرْفُوا زَيْن وَ لَا فَسِلْ. وَ عِنْدَهَا بَهَايِمْ كَتِيرِينْ كُلَ. كِكَّيْف أَنَا مَا نِحِنّ فَوْقهُمْ؟»

2 مُلوك 17:3

وَ شَلْمَنَاسَرْ مَلِكْ بَلَدْ أَشُورْ جَاءْ حَارَبَهْ لِهُوشَعْ مَلِكْ مَمْلَكَةْ إِسْرَائِيلْ وَ قِدِرْ فَوْقَهْ. وَ هُوشَعْ كَفَّى لَيَّهْ الْمِيرِي.

2 مُلوك 16:9

وَ مَلِكْ أَشُورْ رَدَّ فِي طَلَبْ أَحَازْ. هُو قَمَّ وَ مَشَى هَجَمْ مَدِينَةْ دِمَشْق وَ شَالْهَا وَ وَدَّى سُكَّانْهَا فِي الْغُرْبَةْ فِي حِلَّةْ قِيرْ. وَ كَتَلْ رَصِينْ مَلِكْ أَرَامْ.

2 مُلوك 15:29

وَ وَكِتْ الْفَقَحْ قَاعِدْ يَمْلُكْ فِي مَمْلَكَةْ إِسْرَائِيلْ، تَغْلَتْ فَلَاسَرْ مَلِكْ بَلَدْ أَشُورْ جَاءْ وَ شَالْ حِلَّالْ عِيُونْ وَ آبِلْ بَيْت مَعَاكَةْ وَ يَنُوحْ وَ قَدَشْ وَ حَاصُورْ وَ تُرَابْ قِلْعَادْ وَ بَلَدْ الْجَلِيلْ وَ كُلَّ أَرْض نَفْتَالِي. وَ وَدَّى سُكَّانْهُمْ فِي الْغُرْبَةْ فِي بَلَدْ أَشُورْ.

تَثْنِية 1:39

وَ عِيَالْكُو الْقُلْتُوا يَبْقَوْا كَسِيبَةْ وَ عِيَالْكُو الْمَا يَفْصُلُوا بَيْن الْخَيْر وَ الشَّرّ، هُمَّنْ دَوْل بَسْ يَدْخُلُوهَا. وَ لَيْهُمْ هُمَّنْ، أَنَا أَنْطَيْت الْبَلَدْ وَ هُمَّنْ يِشِيلُوهَا.

إشَعْيا 17:3

الْمُدُنْ الْقَوِيِّينْ فِي أَفْرَايِمْ يِدَّمَّرَوْا وَ مُلُكْ دِمَشْق كُلَ يَقِيفْ. الْفَضَّلَوْا مِنْ بَلَدْ أَرَامْ، شَرَفْهُمْ يَبْقَى مَا فِيهْ مِثِلْ شَرَفْ بَنِي إِسْرَائِيلْ. وَ دَا كَلَامْ اللّٰهْ الْقَادِرْ.

إشَعْيا 8:5

وَ اللّٰهْ حَجَّى لَيِّ بَتَّانْ وَ قَالْ:

إشَعْيا 17:1

مُحَاكَمَةْ مَدِينَةْ دِمَشْق. دِمَشْق بَتَّانْ مَا تُكُونْ مَدِينَةْ. هِي تِلْهَدَّمْ وَ تَبْقَى كَوْم هَنَا تُرَابْ.

عَمُوس 1:3

وَ دَاهُو اللّٰهْ قَالْ: «بِسَبَبْ نَاسْ مَدِينَةْ دِمَشْق عِصَوْا تَلَاتَةْ وَ أَرْبَعَةْ مَرَّاتْ، أَنَا أَبَداً مَا نِخَلِّي الْقَرَارْ الشِّلْتَهْ ضِدُّهُمْ. أَشَانْ سَوَّوْا سُكَّانْ قِلْعَادْ مِثِلْ قَنَادِيلْ الدَّقَّوْهُمْ بِمُدْقَاقَةْ هَنَا حَدِيدْ.

إشَعْيا 28:4

وَ الْمَدِينَةْ الْقَاعِدَةْ فِي رَاسْ الْوَادِي الْأَخْضَرْ، هِي الْجَمَالْهَا وَ زِينِتْهَا مِثِلْ زُهُورْ الْيَابْسِينْ، هِي تَبْقَى مِثِلْ التِّينْ الْيَلْدَ عَجَلَةْ وَ يَنْجَضْ قُبَّالْ وَكْتَهْ. الْيِشِيفْهُمْ يِشِيلْهُمْ وَ يَزْرُطْهُمْ تُشتّ!

عَمُوس 1:5

وَ نِكَسِّرْ حَادِرْ بَابْ مَدِينَةْ دِمَشْق وَ نُقُشّ الْحَاكِمْ مِنْ وَادِي آوَنْ وَ الْكَارِبْ عَصَاةْ الْمُلُكْ مِنْ بَيْت عَدِنْ. وَ شَعَبْ بَلَدْ أَرَامْ يِوَدُّوهُمْ فِي الْغُرْبَةْ فِي قِيرْ.» وَ دَا، اللّٰهْ بَسْ قَالَهْ.