إشَعْيا 8:15 - الكتاب المقدس بالعربي الدارجي هنا تشاد

¹⁵ وَ كَتِيرِينْ يِتَّرْتَعَوْا فِي الْحَجَرْ وَ يَقَعَوْا وَ يِلْكَسَّرَوْا وَ يَقَعَوْا فِي الشَّرَكْ وَ يَكُرْبُوهُمْ.»

إشَعْيا 8:15 Referenca të Kryqëzuara

مَتَّى 21:44

وَ أَيِّ نَادُمْ الْيَقَعْ فَوْق الْحَجَرْ دَا، يِنْكَسِرْ مَرَّةْ وَاحِدْ. وَ كَنْ الْحَجَرْ دَا يَقَعْ فَوْقَهْ نَادُمْ، يَرْحَكَهْ مَرَّةْ وَاحِدْ.»

إشَعْيا 28:13

وَ بَيْدَا، كَلَامْ اللّٰهْ يَبْقَى لَيْهُمْ: «لَا لَا لَا لَا لَا، دَا دَا دَا دَا دَا، كَيْ كَيْ كَيْ كَيْ كَيْ.» خَلَاصْ وَكِتْ مَاشِينْ، يَقَعَوْا بِقَفَاهُمْ وَ يِكَسُّرُوا صَلَبَاهُمْ وَ يَقَعَوْا فِي شَرَكْ وَ يَكُرْبُوهُمْ.

1 كُرُنْتُس 1:23

لَاكِنْ أَنِحْنَ نِبَلُّغُوا لِكُلَّ النَّاسْ بِالْمَسِيحْ الْكَتَلَوْه فِي الصَّلِيبْ. وَ الْكَلَامْ دَا يِزَعِّلْ الْيَهُودْ وَ هُو كَلامْ بَاطِلْ لِلْيُونَانِيِّينْ.

رَوْمَا 9:32

وَ دَا مَالَا؟ أَشَانْ مَا تَابَعَوْا دَرِبْ الْإِيمَانْ. وَ فِي فِكِرْهُمْ، هُمَّنْ يَبْقَوْا صَالِحِينْ بِسَبَبْ الْعَمَلْ الْيِسَوُّوهْ. وَ خَلَاصْ، هُمَّنْ أَنْطَقَّوْا فِي الْحَجَرْ الْيَرْمِيهُمْ.

يُوحَنَّا 6:66

وَ مِنْ الْيَوْم دَا، تَلَامِيذ كَتِيرِينْ خَلَّوْه وَ مَا تَابَعَوْه بَتَّانْ.

مَتَّى 15:14

خَلُّوهُمْ! هُمَّنْ عَمْيَانِينْ وَ يُقُودُوا عَمْيَانِينْ. كَنْ نَادُمْ عَمْيَانْ يُقُودْ عَمْيَانْ آخَرْ، كُلُّهُمْ يَقَعَوْا فِي نُقْرَةْ.»

مَتَّى 11:6

وَ مَبْرُوكْ لِلنَّادُمْ الْمَا يِشَكِّكْ فَوْقِي.»

إشَعْيا 59:10

نِدَّقَّشَوْا مِثِلْ عَمْيَانِينْ فِي الدَّرَادِرْ أَيْوَى، نِدَّقَّشَوْا مِثِلْ الْمَا عِنْدُهُمْ عُيُونْ. وَ قَايْلَةْ بَسْ، نِتَّرْتَعَوْا مِثِلْ فِي اللَّيْل وَ فِي لُبّ النَّاسْ الطَّيْبِينْ، بِقِينَا مِثِلْ الْمَيْتِينْ.

إشَعْيا 7:22

وَ مِنْ كَتَرَةْ اللَّبَنْ، النَّاسْ يَشَرْبَوْا اللَّبَنْ الرَّايِبْ. أَيْوَى، النَّاسْ الْفَضَّلَوْا فِي الْبَلَدْ يِعِيشُوا بِاللَّبَنْ الرَّايِبْ وَ الْعَسَلْ بَسْ.

إشَعْيا 28:16

وَ فِي شَانْ دَا، دَاهُو اللّٰهْ الرَّبّ قَالْ: أَنَا خَطَّيْت حَجَرْ فِي صَهْيُون وَ دَا حَجَرْ زَاوِيَةْ غَالِي وَ مُجَرَّبْ لِيِسَوِّي الْأَسَاسْ قَوِي. وَ أَيِّ نَادُمْ الْيِآمِنْ بَيَّهْ أَبَداً مَا يَقَعْ.

إرْمِيا 6:21

وَ فِي شَانْ دَا، دَاهُو اللّٰهْ قَالْ: «أَنَا نُخُطّ قِدَّامْ الشَّعَبْ دَا حَجَرْ وَ هُمَّنْ يِنْطَقَّوْا فَوْقَهْ. وَ يِوَدُّرُوا كُلُّهُمْ حَيَاتْهُمْ، الْأَبُو وَ الْوَلَدْ وَ الْجَارْ وَ الرَّفِيقْ.»