إشَعْيا 8:10 - الكتاب المقدس بالعربي الدارجي هنا تشاد

¹⁰ سَوُّوا شَوْرِتْكُو وَ لَاكِنْ شَوْرِتْكُو دِي تَفْشُلْ. قُولُوا كَلَامْكُو مِثِلْ تِدَوْرُوهْ وَ لَاكِنْ كَلَامْكُو دَا مَا يِلْحَقَّقْ أَشَانْ عِمَّانُوِيل، اللّٰهْ مَعَانَا.

إشَعْيا 8:10 Referenca të Kryqëzuara

مَراثِي إرْمِيا 3:37

يَاتُو يَقْدَرْ يِقَرِّرْ وَ طَوَّالِي يُكُونْ؟ الرَّبّ بَسْ مَا سِيدْ الْقَرَارْ؟

رَوْمَا 8:31

وَ خَلَاصْ بَعَدْ كُلَّ الْكَلَامْ دَا، نُقُولُوا شُنُو؟ كَنْ اللّٰهْ مَعَانَا، مَا فِي الْيُقُمّ ضِدِّنَا.

أيُّوب 5:12

هُو يِفَشِّلْ فِكِرْ النَّجِيضِينْ أَشَانْ مَا يَنْجَحَوْا بِخِدْمَةْ إِيدَيْهُمْ.

أمْثال 21:30

كُلَّ الْحِكْمَةْ وَ الْوَصِيَّةْ وَ الْفِهِمْ الْإِنْسَانِي مَا عِنْدَهْ قِيمَةْ قِدَّامْ اللّٰهْ.

زَبُور 46:11

اللّٰهْ الْقَادِرْ مَعَانَا أَيْوَى، إِلٰـهْ يَعْقُوبْ هُو مَسْكَنَّا الْقَوِي. وَقْفَةْ.

2 صَمُوِيل 15:31

وَ جَوْا خَبَّرَوْا دَاوُدْ وَ قَالَوْا: «دَاهُو أَخِتُوفَلْ كُلَ مِنْ الْخَايْنِينْ الْمَعَ أَبْشَلُومْ.» خَلَاصْ دَاوُدْ قَالْ: «يَا اللّٰهْ، خَلِّي وَصِيَّةْ أَخِتُوفَلْ تَبْقَى مَا نَافْعَةْ.»

إشَعْيا 41:10

هَسَّعْ دَا، مَا تَخَافْ أَشَانْ أَنَا مَعَاكْ. مَا تِهِمّ أَشَانْ أَنَا إِلٰـهَكْ. أَنَا قَوَّيْتَكْ أَيْوَى، أَنَا جِيتْ وَ فَزَعْتَكْ! أَنَا سَاعَدْتَكْ وَ نَصَرْتَكْ بِإِيدِي الزَّيْنَةْ.

زَبُور 46:7

اللّٰهْ الْقَادِرْ مَعَانَا أَيْوَى، إِلٰـهْ يَعْقُوبْ هُو مَسْكَنَّا الْقَوِي. وَقْفَةْ.

2 أخبار 13:12

شِيفُوا! اللّٰهْ وَ رُجَالْ الدِّينْ هِنَيْه قَاعِدِينْ مَعَانَا وَ عِنْدِنَا الْبُرُنْجِي النَّضُرْبُوهْ لِحَرَكَةْ الْحَرِبْ ضِدُّكُو. يَا نَاسْ مَمْلَكَةْ إِسْرَائِيلْ، مَا تِحَارُبُوا اللّٰهْ رَبّ جُدُودْكُو أَشَانْ إِنْتُو مَا تَنْجَحَوْا!»

تَثْنِية 20:1

وَ وَكِتْ تَمُرْقُوا لِلْحَرِبْ ضِدّ عُدْوَانْكُو وَ تِشِيفُوا الْخَيْل وَ عَرَبَاتْ الْحَرِبْ وَ نَاسْ كَتِيرِينْ مِنْكُو، مَا تَخَافَوْا مِنْهُمْ أَشَانْ اللّٰهْ إِلٰـهْكُو الْمَرَقَاكُو مِنْ بَلَدْ مَصِرْ قَاعِدْ مَعَاكُو.

2 صَمُوِيل 17:23

وَ وَكِتْ أَخِتُوفَلْ عِرِفْ كَدَرْ أَبْشَلُومْ مَا طَبَّقْ وَصِيّتَهْ، قَمَّ شَدَّ حُمَارَهْ وَ قَبَّلْ حِلِّتَهْ وَ مَشَى بَيْتَهْ. وَ وَصَّى عَايِلْتَهْ وَ شَنَقْ نَفْسَهْ وَ مَاتْ. وَ دَفَنَوْه فِي قَبُرْ أَبُوهْ.

يَشُوع 1:5

فِي كُلَّ مُدَّةْ حَيَاتَكْ، مَا فِي نَادُمْ الْيَقْدَرْ يَقِيفْ قِدَّامَكْ. وَ أَنَا نُكُونْ مَعَاكْ مِثِلْ كُنْت مَعَ مُوسَى وَ لَا نَابَاكْ وَ لَا نِخَلِّيكْ.

زَبُور 46:1

الرَّبّ هُو مَلْجَئْنَا وَ قُدْرِتْنَا وَ فَزَعْ دَايِمْ فِي كُلِّ ضِيقَةْ.

رَوْمَا 8:13

كَنْ تِعِيشُوا بِقُدْرَةْ الْإِنْسَانْ، تُمُوتُوا. لَاكِنْ كَنْ تَحْيَوْا بِقُدْرَةْ الرُّوحْ الْقُدُّوسْ، تَكْتُلُوا الذُّنُوبْ الْفِي أَجْسَامْكُو.

1 يُوحَنَّا 4:4

يَا عِيَالِي، إِنْتُو نَاسْ هَنَا اللّٰهْ وَ غَلَبْتُوا الْأَنْبِيَاء الْكَدَّابِينْ دَوْل خَلَاصْ، أَشَانْ هُو الْقَاعِدْ فِيكُو أَكْبَرْ مِنْ الْقَاعِدْ فِي الدُّنْيَا.

مَتَّى 28:20

وَ عَلُّمُوهُمْ أَشَانْ يِسَوُّوا كُلَّ شَيّءْ الْأَنَا وَصَّيْتكُو بَيَّهْ. وَ خَلَاصْ أَنَا قَاعِدْ مَعَاكُو كُلَّ يَوْم لَحَدِّي كُمَالَةْ الدُّنْيَا.»

إشَعْيا 7:14

وَ فِي شَانْ دَا، الرَّبّ هُو ذَاتَهْ يَنْطِيكُو عَلَامَةْ. دَاهُو الْبِنَيَّةْ غَلْبَانَةْ وَ تَلْدَ وِلَيْد وَ تِسَمِّيهْ عِمَّانُوِيل (مَعَنَاتَهْ اللّٰهْ مَعَانَا).

مَتَّى 1:23

<الْبِنَيَّةْ الْعُدْرِيَّةْ تَبْقَى غَلْبَانَةْ وَ تَلْدَ وِلَيْد وَ يِسَمُّوهْ عِمَّانُوِيل.> وَ أُسُمْ عِمَّانُوِيل مَعَنَاتَهْ اللّٰهْ مَعَانَا.

إشَعْيا 9:6

أَشَانْ وِلْدَوْا لَيْنَا صَغِيرْ وَ الْوِلَيْد دَا، أَنْطَوْه لَيْنَا. وَ السُّلْطَةْ تَبْقَى فِي إِيدَيْنَهْ وَ يِنَادُوهْ بِالْأَسَامَيْ دَوْل، الْمُسْتَشَارْ الْعَجِيبْ وَ الْإِلٰـهْ الْقَادِرْ وَ الْأَبُو الدَّايِمْ وَ مَلِكْ السَّلَامْ.

إشَعْيا 8:8

وَ يَاكُلْ بَلَدْ يَهُوذَا وَ يِسِيلْ وَ يِنَيِّلْ وَ يَلْحَقْ لَحَدِّي الرَّقَبَةْ. وَ رُجُولَهْ يَمْلَوْا عُرْض بَلَدَكْ، يَا عِمَّانُوِيل.»

2 صَمُوِيل 17:4

وَ أَبْشَلُومْ وَ كُلَّ شُيُوخْ بَنِي إِسْرَائِيلْ مُوَافْقِينْ فِي الْكَلَامْ دَا.

تكوين 21:22

وَ فِي الْوَكِتْ دَا، أَبِيمَلِكْ وَ مَسْؤُولْ عَسْكَرَهْ فِكُولْ مَشَوْا لِإِبْرَاهِيمْ. وَ أَبِيمَلِكْ قَالْ لَيَّهْ: «الرَّبّ قَاعِدْ مَعَاكْ فِي كُلَّ شَيّءْ الْإِنْتَ قَاعِدْ تِسَوِّيهْ.

إشَعْيا 28:18

وَ عَلَاقِتْكُو مَعَ الْمَوْت تَفْشُلْ وَ إِسْتِفَاقْ مَعَ الْقُبُورْ كُلَ يَبْقَى مَا فِيهْ. وَ وَكِتْ الْوَبَاءْ يِلْوَسَّعْ، يَخْرِبْكُو.

إشَعْيا 43:5

«مَا تَخَافْ أَشَانْ أَنَا قَاعِدْ مَعَاكْ. مِنْ الصَّبَاحْ، نِجِيبْ ذُرِّيّتَكْ وَ مِنْ الْغَرِبْ، نِلِمُّهُمْ.

إرْمِيا 42:11

مَا تَخَافَوْا مِنْ مَلِكْ بَابِلْ الْإِنْتُو خَايْفِينْ مِنَّهْ. مَا تَخَافَوْا مِنَّهْ أَبَداً أَشَانْ أَنَا قَاعِدْ مَعَاكُو، نَحْمِيكُو وَ نِنَجِّيكُو مِنْ إِيدَهْ. وَ دَا كَلَامْ اللّٰهْ.

إرْمِيا 46:28

وَ إِنْتُو، يَا ذُرِّيَّةْ عَبْدِي يَعْقُوبْ، مَا تَخَافَوْا أَشَانْ أَنَا دَايْماً نُكُونْ مَعَاكُو. وَ أَنَا نِدَمِّرْ مَرَّةْ وَاحِدْ كُلَّ الْأُمَمْ الْأَنَا شَتَّتُّكُو فِي لُبُّهُمْ. وَ لَاكِنْ إِنْتُو، مَا نِدَمِّرْكُو مَرَّةْ وَاحِدْ. أَكِيدْ مَا نَجْعَلْكُو بَرِيِّينْ وَ لَاكِنْ نِأَدِّبْكُو بِمِيزْ.» وَ دَا كَلَامْ اللّٰهْ.

يُوِيل 3:9

بَلُّغُوا لِلْأُمَمْ وَ قُولُوا: «خَصُّصُوا دَيْش لِلْحَرِبْ وَ قَوُّمُوا الْفُرَّاسْ. خَلِّي كُلَّ الرُّجَالْ الْمُحَارِبِينْ يِنْضَمَّوْا وَ يَمْشُوا.

عَدد 14:9

وَ هَسَّعْ دَا، مَا تَعَصَوْا اللّٰهْ وَ مَا تَخَافَوْا مِنْ سُكَّانْ الْبَلَدْ دِي. هُمَّنْ لُقْمَةْ كُلَ مَا تَمَّوْا لَيْنَا! وَ إِلٰـهَاتْهُمْ الْيَحْمُوهُمْ كُلَ أَبَوْهُمْ وَ لَاكِنْ أَنِحْنَ اللّٰهْ مَعَانَا. وَ فِي شَانْ دَا، مَا تَخَافَوْا مِنْهُمْ.»

2 مُلوك 6:12

وَ وَاحِدْ مِنْ مَسَائِيلَهْ قَالْ لَيَّهْ: «مَا فِي نَادُمْ، يَا سِيدِي الْمَلِكْ! لَاكِنْ أَلْيَسَعْ النَّبِي الْقَاعِدْ فِي مَمْلَكَةْ إِسْرَائِيلْ، هُو بَسْ يَقْدَرْ يِحَجِّي لِمَلِكْ مَمْلَكَةْ إِسْرَائِيلْ بِكُلَّ الْكَلَامْ الْإِنْتَ تُقُولَهْ حَتَّى فِي غُرْفِتَكْ التُّنُومْ فَوْقَهْ كُلَ.»

زَبُور 21:12

أَشَانْ إِنْتَ تَطْرُدْهُمْ وَ بِنَشَاشِيبَكْ، تَضْرُبْهُمْ.

زَبُور 46:8

تَعَالُوا شِيفُوا أَعْمَالْ اللّٰهْ! هُو يِجِيبْ الْبَهِيتَةْ فِي الْأَرْض.

إشَعْيا 14:27

اللّٰهْ الْقَادِرْ شَالْ قَرَارْ. يَاتُو يَقْدَرْ يِفَشِّلَهْ؟ هُو رَفَعْ إِيدَهْ لِلْعِقَابْ. يَاتُو يَقْدَرْ يِنَزِّلْهَا؟

حَقَّاي 1:13

وَ حَقَّاي رَسُولْ اللّٰهْ حَجَّى لِلشَّعَبْ حَسَبْ الْكَلَامْ الرَّسَّلَهْ بَيَّهْ اللّٰهْ وَ قَالْ: «دَاهُو كَلَامْ اللّٰهْ: ‹أَنَا مَعَاكُو.›»