إشَعْيا 7:9 - الكتاب المقدس بالعربي الدارجي هنا تشاد

⁹ وَ مَدِينَةْ السَّامِرَةْ، هِي رَاسْ تُرَابْ قَبِيلَةْ أَفْرَايِمْ وَ وِلَيْد رَمَلْيَا، هُو رَاسْ السَّامِرَةْ بَسْ. كَنْ مَا تِآمُنُوا بِكَلَامِي أَنَا الرَّبّ، أَبَداً مَا تَثْبُتُوا.»

إشَعْيا 7:9 Referenca të Kryqëzuara

عِبْرَانِيِّين 11:6

وَ بَلَا إِيمَانْ، نَادُمْ مَا يَلْقَى رِضَى اللّٰهْ. أَشَانْ أَيِّ نَادُمْ الْيِدَوْر يِقَرِّبْ لِلّٰهْ، وَاجِبْ يِآمِنْ كَدَرْ اللّٰهْ مَوْجُودْ وَ يَنْطِي أَجُرْ لِلنَّاسْ الْيِفَتُّشُوهْ.

رَوْمَا 11:20

كَلَامَكْ دَا صَحِيحْ. لَاكِنْ مَا تَنْسَى قَطَعَوْهُمْ أَشَانْ هُمَّنْ مَا آمَنَوْا وَ إِنْتَ قَاعِدْ فِي بَكَانْهُمْ بِسَبَبْ إِيمَانَكْ بَسْ. مَا تِسْتَكْبَرْ. أَنْقَرِعْ!

2 أخبار 20:20

وَ الشَّعَبْ قَمَّوْا بِفَجُرْ بَدْرِي مَرَقَوْا وَ مَاشِينْ عَلَيْ صَحَرَاء تَقُوعَةْ. وَ وَكِتْ هُمَّنْ مَاشِينْ، يَهُوشَفَطْ وَقَفْ بِطُولَهْ وَ قَالْ: «أَسْمَعَوْنِي، يَا نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ. آمُنُوا بِاللّٰهْ إِلٰـهْكُو وَ تَقْعُدُوا ثَابْتِينْ. وَ آمُنُوا بِأَنْبِيَاء اللّٰهْ وَ تَنْجَحَوْا.»

1 يُوحَنَّا 5:10

الْمُؤمِنِينْ بِإِبْن اللّٰهْ كَرَبَوْا الشَّهَادَةْ دِي فِي قُلُوبْهُمْ. النَّاسْ الْمَا مُؤمِنِينْ بِالْكَلَامْ الْاللّٰهْ قَالَهْ، هُمَّنْ كَدَبَوْا اللّٰهْ أَشَانْ أَبَوْا مَا يَقْبَلَوْا شَهَادَةْ اللّٰهْ فِي إِبْنَهْ.

أعمال الرُسُل 27:25

أَشَانْ دَا، يَا الْأَخْوَانْ، شِدُّوا حَيْلكُو. أَنَا مُؤمِنْ بِاللّٰهْ وَ كَلَامَهْ وَ كُلَّ شَيّءْ الْقَالَهْ لَيِّ يَبْقَى.

أعمال الرُسُل 27:11

لَاكِنْ مَسْؤُولْ الْعَسْكَرْ سِمِعْ كَلَامْ السَّوَّاقْ وَ كَلَامْ سِيدْ السَّفِينَةْ وَ مَا سِمِعْ كَلَامْ بُولُسْ.

2 مُلوك 15:27

وَ فِي سَنِةْ 52 هَنَا حُكُمْ عُزِّيَّا مَلِكْ مَمْلَكَةْ يَهُوذَا، فَقَحْ وِلَيْد رَمَلْيَا بِقِي مَلِكْ فِي مَمْلَكَةْ إِسْرَائِيلْ فِي مَدِينَةْ السَّامِرَةْ. وَ هُو حَكَمْ 20 سَنَةْ.

إشَعْيا 5:24

فِي شَانْ دَا، هُمَّنْ يَبْقَوْا مِثِلْ قَشّ التَّاكُلَهْ النَّارْ وَ مِثِلْ عَقَيْق الْيِوَدِّرْ فِي أَمْ بَلْبَالَةْ. وَ عُرُوقْهُمْ يِعَفُّنُوا وَ نُوَّارْهُمْ يَبْقَوْا مِثِلْ عَجَاجْ. أَشَانْ هُمَّنْ مَا طَبَّقَوْا تَوْرَاةْ اللّٰهْ الْقَادِرْ وَ حَقَرَوْا كَلَامْ قُدُّوسْ إِسْرَائِيلْ.

إشَعْيا 7:4

وَ قُولْ لَيَّهْ: ‹أَقْعُدْ سَاكِتْ مَا تَخَافْ! وَ خَلِّي قَلْبَكْ مَا يِبَرْجِلْ فِي شَانْ الزَّعَلْ الشَّدِيدْ هَنَا رَصِينْ مَلِكْ أَرَامْ وَ وِلَيْد رَمَلْيَا. أَشَانْ هُمَّنْ مِثِلْ مَشَاهِيبْ إِتْنَيْن الْقَاعِدِينْ يِدَخُّنُوا.

إشَعْيا 7:10

وَ بَتَّانْ اللّٰهْ حَجَّى لِأَحَازْ وَ قَالْ لَيَّهْ:

إشَعْيا 8:4

أَشَانْ قُبَّالْ الْوِلَيْد مَا يَعَرِفْ يُقُولْ: ‹أَمِّي وَ أَبُويِ›، يِجِيبُوا قِدَّامْ مَلِكْ بَلَدْ أَشُورْ غُنَى دِمَشْق وَ غَنِيمَةْ السَّامِرَةْ.»

إشَعْيا 9:9

الشَّعَبْ كُلُّهُمْ يَعَرْفُوهْ. هُمَّنْ قَبِيلَةْ أَفْرَايِمْ وَ سُكَّانْ مَدِينَةْ السَّامِرَةْ. كُلُّهُمْ بِفَشَارْ وَ قَلِبْ مُتَكَبِّرْ يُقُولُوا:

إرْمِيا 43:2

وَ عَزَرْيَا وِلَيْد هُشَاعْيَا وَ يُوحَنَانْ وِلَيْد قَارِحْ وَ كُلَّ الرُّجَالْ الْمُسْتَكْبِرِينْ دَوْل قَالَوْا لِإِرْمِيَا: «كَلَامَكْ دَا كِدِبْ! مَا صَحِيحْ. وَ اللّٰهْ إِلٰـهْنَا كُلَ مَا كَلَّفَاكْ لِتُقُولْ لَيْنَا مَا نَمْشُوا مَصِرْ لِنَسْكُنُوا هِنَاكْ.

مِيخا 1:5

وَ دَا كُلَّ فِي شَانْ عِصْيَانْ ذُرِّيَّةْ يَعْقُوبْ وَ فِي شَانْ ذُنُوبْ بَنِي إِسْرَائِيلْ. وَ يَاتُو اللَّزَّ ذُرِّيَّةْ يَعْقُوبْ فِي الْعِصْيَانْ؟ دِي مَا مَدِينَةْ السَّامِرَةْ وَلَّا؟ وَ يَاتُو الْحَرَّشْ بَنِي يَهُوذَا لِيَعَبُدُوا إِلٰـهَاتْ فِي الْبَكَانَاتْ الْعَالِيِينْ؟ دِي مَا مَدِينَةْ الْقُدُسْ وَلَّا؟

إشَعْيا 28:1

الْعَذَابْ لِمَدِينَةْ السَّامِرَةْ، هِي مِثِلْ تَاجْ الْإِسْتِكْبَارْ هَنَا سَكَّارَى أَفْرَايِمْ. الْعَذَابْ لَيْهَا هِي، الْجَمَالْهَا وَ زِينِتْهَا مِثِلْ زُهُورْ الْيَابْسِينْ. الْمَدِينَةْ دِي فِي رَاسْ الْوَادِي الْأَخْضَرْ، وَ دَا بَكَانْكُو إِنْتُو الْغِمِرْتُوا مِنْ الْخَمَرْ.