إشَعْيا 7:8 - الكتاب المقدس بالعربي الدارجي هنا تشاد

⁸ أَشَانْ مَدِينَةْ دِمَشْق، هِي رَاسْ بَلَدْ أَرَامْ وَ مَلِكْ رَصِينْ، هُو رَاسْ دِمَشْق بَسْ. وَ بَعَدْ 65 سَنَةْ، تُرَابْ قَبِيلَةْ أَفْرَايِمْ يِدَّمَّرْ وَ شَعَبْهَا يَبْقَوْا مَا فِيهُمْ.

إشَعْيا 7:8 Referenca të Kryqëzuara

تكوين 14:15

وَ أَبْرَامْ قَسَّمْ نَاسَهْ وَ هَجَمَوْا عُدْوَانْهُمْ بِاللَّيْل. وَ أَنَّصَرَوْا فَوْقهُمْ وَ طَرَدَوْهُمْ لَحَدِّي حِلَّةْ حُوبَةْ الْقَاعِدَةْ مُنْشَاقْ لِحِلَّةْ دِمَشْق.

إشَعْيا 8:4

أَشَانْ قُبَّالْ الْوِلَيْد مَا يَعَرِفْ يُقُولْ: ‹أَمِّي وَ أَبُويِ›، يِجِيبُوا قِدَّامْ مَلِكْ بَلَدْ أَشُورْ غُنَى دِمَشْق وَ غَنِيمَةْ السَّامِرَةْ.»

عَزْرا 4:2

وَ الْعُدْوَانْ دَوْل مَشَوْا لِزَرُبَابِلْ وَ كُبَارَاتْ عَايِلَاتْ بَنِي إِسْرَائِيلْ وَ قَابَلَوْهُمْ وَ قَالَوْا: «خَلُّونَا نَبْنُوا مَعَاكُو أَشَانْ أَنِحْنَ كُلَ مِثِلْكُو قَاعِدِينْ نَعَبُدُوا إِلٰـهْكُو وَ نِقَدُّمُوا لَيَّهْ ضَحَايَا. وَ دَا مِنْ وَكِتْ أَسَرْ حَدُّونْ مَلِكْ بَلَدْ أَشُورْ جَابَانَا هِنِي.»

2 صَمُوِيل 8:6

وَ دَاوُدْ خَطَّ مُحَافِظِينْ فِي الْأَرَامِيَّيْن الْقَاعِدِينْ تِحِتْ حُكُمْ مَدِينَةْ دِمَشْق. وَ الْأَرَامِيَّيْن قَعَدَوْا تِحِتْ حُكُمْ دَاوُدْ وَ قَاعِدِينْ يِكَفُّوا مِيرِي. وَ اللّٰهْ أَنْطَى النَّصُرْ لِدَاوُدْ فِي أَيِّ بَكَانْ الْيَمْشِي فَوْقَهْ.

إشَعْيا 9:9

الشَّعَبْ كُلُّهُمْ يَعَرْفُوهْ. هُمَّنْ قَبِيلَةْ أَفْرَايِمْ وَ سُكَّانْ مَدِينَةْ السَّامِرَةْ. كُلُّهُمْ بِفَشَارْ وَ قَلِبْ مُتَكَبِّرْ يُقُولُوا:

إشَعْيا 9:11

وَ اللّٰهْ يَنْصُرْ فَوْقهُمْ خُصْمَانْ رَصِينْ وَ يَنْطِي سِلَاحْ لِعُدْوَانْهُمْ.

إرْمِيا 49:23

كَلَامْ بُخُصّ مَدِينَةْ دِمَشْق. «حِلَّالْ حَمَاتْ وَ أَرْفَدْ هَمَّوْا أَشَانْ سِمْعَوْا خَبَرْ شَيْن. هُمَّنْ بَرْجَلَوْا وَ رَجَفَوْا مِثِلْ الْبَحَرْ الْأَلْمِيهْ مَا هَادِي.

حِزْقِيال 27:18

«وَ تُجَّارْ دِمَشْق تَاجَرَوْا مَعَاكِ كُلَّ شَيّءْ الْإِنْتِ صَنَعْتِيهْ بِكَتَرَةْ. وَ بِسَبَبْ غُنَاكِ الْكَتِيرْ، جَابَوْا لَيْكِ الْخَمَرْ هَنَا حَلْبُونْ وَ صُوفْ غَنَمْ مِنْ سَحَرْ.

هُوشَع 13:1

وَكِتْ نَاسْ أَفْرَايِمْ حَجَّوْا، الْخَوْف بِقِي شَدِيدْ فِي بَلَدْ إِسْرَائِيلْ. وَ لَاكِنْ هُمَّنْ بِقَوْا خَاطِيِّينْ أَشَانْ عَبَدَوْا إِلٰـهْ بَعَلْ وَ مَاتَوْا بِسَبَبَهْ.