إشَعْيا 7:4 - الكتاب المقدس بالعربي الدارجي هنا تشاد

⁴ وَ قُولْ لَيَّهْ: ‹أَقْعُدْ سَاكِتْ مَا تَخَافْ! وَ خَلِّي قَلْبَكْ مَا يِبَرْجِلْ فِي شَانْ الزَّعَلْ الشَّدِيدْ هَنَا رَصِينْ مَلِكْ أَرَامْ وَ وِلَيْد رَمَلْيَا. أَشَانْ هُمَّنْ مِثِلْ مَشَاهِيبْ إِتْنَيْن الْقَاعِدِينْ يِدَخُّنُوا.

إشَعْيا 7:4 Referenca të Kryqëzuara

إشَعْيا 35:4

وَ قُولُوا لِلْقُلُوبْهُمْ أَنْقَطَعَوْا: «أَبْقَوْا قَوِيِّينْ! مَا تَخَافَوْا. دَاهُو إِلٰـهْكُو! هُو يَجِي يِشِيلْ لَيْكُو التَّارْ وَ يِلْكَفَّى لَيْكُو فِي عُدْوَانْكُو. وَ هُو ذَاتَهْ يَجِي يِنَجِّيكُو.»

مَراثِي إرْمِيا 3:26

وَ دَا سَمَحْ كَنْ تَرْجَى بِهُدُوءْ وَ تُخُطّ عَشَمَكْ فِي النَّجَاةْ الْجَايَةْ مِنْ اللّٰهْ.

إشَعْيا 30:15

أَشَانْ دَاهُو اللّٰهْ الرَّبّ قُدُّوسْ إِسْرَائِيلْ قَالْ: «كَنْ تُبْتُوا وَ أَنْجَمَّيْتُوا، تَلْقَوْا النَّجَاةْ وَ كَنْ قَعَدْتُوا بِهُدُوءْ وَ آمَنْتُوا، تَلْقَوْا الْقُدْرَةْ. وَ لَاكِنْ إِنْتُو أَبَيْتُوا

تَثْنِية 20:3

وَ يُقُولْ: «أَسْمَعَوْا، يَا بَنِي إِسْرَائِيلْ! دَاهُو الْيَوْم قَرَّبْتُوا لِلْحَرِبْ مَعَ عُدْوَانْكُو وَ فِي شَانْ دَا، خَلِّي قُلُوبْكُو مَا يِنْقَطْعُوا وَ مَا تَخَافَوْا وَ لَا تِبَرْجُلُوا وَ لَا تَرْجُفُوا مِنْهُمْ.

مَتَّى 24:6

وَ تَسْمَعَوْا خَبَرْ هَنَا حُرُوبْ قَرِيبْ وَ حُرُوبْ بَعِيدْ. خُطُّوا بَالْكُو مَا تِبَرْجُلُوا. أَشَانْ دَا، وَاجِبْ يُكُونْ. وَ لَاكِنْ دَا لِسَّاعْ مَا كُمَالَةْ الدُّنْيَا.

زَكَرِيَّا 3:2

وَ مَلَكْ اللّٰهْ قَالْ لِإِبْلِيسْ: «خَلِّي اللّٰهْ يِسَكِّتَكْ، يَا إِبْلِيسْ! أَيْوَى، خَلِّي اللّٰهْ يِسَكِّتَكْ، هُو الْعَزَلْ مَدِينَةْ الْقُدُسْ. وَ كَنْ لِلرَّاجِلْ دَا، هُو مَا مِثِلْ مُشْهَابْ الشَّالَوْه مِنْ النَّارْ وَلَّا؟»

2 أخبار 20:17

مَا وَاجِبْ لَيْكُو تِحَارُبُوهُمْ. أَمْشُوا وَ أَقِيفُوا بَسْ وَ شِيفُوا النَّجَاةْ النِّجِيبْهَا لَيْكُو أَنَا اللّٰهْ. يَا نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ، مَا تَخَافَوْا وَ لَا تِنْبَهْتُوا! أَمْبَاكِرْ، أَمْشُوا وَاجُهُوهُمْ وَ أَنَا اللّٰهْ نُكُونْ مَعَاكُو.›»

عَمُوس 4:11

«وَ دَمَّرْتُكُو مِثِلْ دَمَّرْت حِلَّالْ سَدُومْ وَ عَمُورَةْ وَ دَمَارْهُمْ دَا جَاءْ مِنِّي أَنَا إِلٰـهُّمْ. وَ بِقِيتُوا مِثِلْ الْمُشْهَابْ الْمَرَقَوْه مِنْ النَّارْ وَ بَيْدَا كُلَ، مَا تُبْتُوا.» وَ دَا كَلَامْ اللّٰهْ.

إشَعْيا 30:7

أَشَانْ فَزَعْ مَصِرْ مِثِلْ الرِّيحْ الْمَا عِنْدَهَا فَايْدَةْ وَ فِي شَانْ دَا، أَنَا نَادَيْتهَا رَهَبْ الْغُولْ الْمَا خَطِيرْ.»

إشَعْيا 10:24

وَ فِي شَانْ دَا، دَاهُو اللّٰهْ الرَّبّ الْقَادِرْ قَالْ: «يَا شَعَبِي السَّاكْنِينْ فِي مَدِينَةْ صَهْيُون، مَا تَخَافَوْا مِنْ مَلِكْ بَلَدْ أَشُورْ. هُو قَاعِدْ يَضْرُبْكُو بِعَصَاتَهْ وَ يَرْفَعْ عَصَاتَهْ ضِدُّكُو مِثِلْ سَوَّوْه الْمَصْرِيِّينْ زَمَانْ.

إشَعْيا 8:4

أَشَانْ قُبَّالْ الْوِلَيْد مَا يَعَرِفْ يُقُولْ: ‹أَمِّي وَ أَبُويِ›، يِجِيبُوا قِدَّامْ مَلِكْ بَلَدْ أَشُورْ غُنَى دِمَشْق وَ غَنِيمَةْ السَّامِرَةْ.»

إشَعْيا 7:8

أَشَانْ مَدِينَةْ دِمَشْق، هِي رَاسْ بَلَدْ أَرَامْ وَ مَلِكْ رَصِينْ، هُو رَاسْ دِمَشْق بَسْ. وَ بَعَدْ 65 سَنَةْ، تُرَابْ قَبِيلَةْ أَفْرَايِمْ يِدَّمَّرْ وَ شَعَبْهَا يَبْقَوْا مَا فِيهُمْ.

1 صَمُوِيل 17:32

وَ دَاوُدْ قَالْ لِشَاوُولْ: «خَلِّي نَادُمْ وَاحِدْ كُلَ قَلْبَهْ مَا يَخَافْ مِنْ الْفِلِسْطِي دَا! أَنَا عَبْدَكْ نَمْشِي لَيَّهْ وَ نِحَارِبَهْ.»

مَتَّى 10:28

«مَا تَخَافَوْا مِنْ النَّاسْ. يَقْدَرَوْا يَكْتُلُوا جِسِمْ النَّادُمْ وَ لَاكِنْ مَا يَقْدَرَوْا يَكْتُلُوا رُوحَهْ. أَخَافَوْا مِنْ اللّٰهْ أَشَانْ هُو يَقْدَرْ يَهْلِكْ الْجِسِمْ وَ الرُّوحْ سَوَا فِي جَهَنَّمْ.

إشَعْيا 41:14

«مَا تَخَافْ، يَا يَعْقُوبْ، إِنْتَ الْمِثِلْ دُودْ التُّرَابْ وَ يَا إِسْرَائِيلْ، إِنْتَ الْمِثِلْ الرِّمَّةْ! أَنَا بَسْ النِّسَاعِدَكْ وَ الْيَفْدَاكْ، هُو أَنَا قُدُّوسْ إِسْرَائِيلْ. وَ دَا كَلَامْ اللّٰهْ.

إشَعْيا 7:1

وَ رَصِينْ مَلِكْ بَلَدْ أَرَامْ وَ فَقَحْ وِلَيْد رَمَلْيَا مَلِكْ مَمْلَكَةْ إِسْرَائِيلْ قَمَّوْا ضِدّ مَدِينَةْ الْقُدُسْ لِيِحَارُبُوهَا وَ لَاكِنْ مَا قِدْرَوْا يَهْجُمُوهَا. وَ دَا فِي أَيَّامْ حُكُمْ أَحَازْ وِلَيْد يُوتَامْ وِلَيْد عُزِّيَّا مَلِكْ مَمْلَكَةْ يَهُوذَا.

إشَعْيا 7:9

وَ مَدِينَةْ السَّامِرَةْ، هِي رَاسْ تُرَابْ قَبِيلَةْ أَفْرَايِمْ وَ وِلَيْد رَمَلْيَا، هُو رَاسْ السَّامِرَةْ بَسْ. كَنْ مَا تِآمُنُوا بِكَلَامِي أَنَا الرَّبّ، أَبَداً مَا تَثْبُتُوا.»

إشَعْيا 37:6

هُو قَالْ لَيْهُمْ: «أَمْشُوا قُولُوا لِسِيدْكُو الْمَلِكْ حِزْقِيَّا: ‹دَاهُو اللّٰهْ قَالْ: ”مَا تَخَافْ مِنْ الْمُعْيَارْ السِّمِعْتَهْ الْعَيَّرَوْنِي بَيَّهْ خَدَّامِينْ مَلِكْ أَشُورْ.

2 مُلوك 15:27

وَ فِي سَنِةْ 52 هَنَا حُكُمْ عُزِّيَّا مَلِكْ مَمْلَكَةْ يَهُوذَا، فَقَحْ وِلَيْد رَمَلْيَا بِقِي مَلِكْ فِي مَمْلَكَةْ إِسْرَائِيلْ فِي مَدِينَةْ السَّامِرَةْ. وَ هُو حَكَمْ 20 سَنَةْ.

إشَعْيا 8:6

«الشَّعَبْ دَا أَبَى أَلْمِي حِلَّةْ شِيلَوْه الْيَجْرِي بِبِشَيْش وَ فِرْحَوْا بِالْمَلِكْ رَصِينْ وَ بِوِلَيْد رَمَلْيَا.

حَبَقُوق 2:3

أَشَانْ الرُّؤْيَةْ دِي، الْوَكِتْ الْمُحَدَّدْ لَيْهَا لِسَّاعْ مَا جَاءْ. وَ لَاكِنْ أَكِيدْ هِي تَجِي فِي وَكِتْهَا! أَبَداً مَا تَكْدِبْ. وَ كَنْ أَخَّرَتْ كُلَ، أَرْجَاهَا أَشَانْ أَكِيدْ هِي تَجِي بَلَا تَأخِيرْ.