إشَعْيا 7:3 - الكتاب المقدس بالعربي الدارجي هنا تشاد

³ وَ اللّٰهْ قَالْ لِإِشَعْيَا: «أَمْرُقْ إِنْتَ وَ وِلَيْدَكْ شَارْ يَشُوبْ (مَعَنَاتَهْ الْفَضُّلُوا يِقَبُّلُوا). وَ قَابُلُوا الْمَلِكْ أَحَازْ. تَلْقَوْه فِي طَرَفْ مَجْرَةْ الْبِرْكَةْ الْعَالِي عَلَيْ دَرِبْ زَرَعْ الْغَسَّالِينْ.

إشَعْيا 7:3 Referenca të Kryqëzuara

إشَعْيا 36:2

وَ مِنْ حِلَّةْ لَكِيشْ، مَلِكْ أَشُورْ رَسَّلْ قَايِدْ الدَّيْش لِلْمَلِكْ حِزْقِيَّا فِي مَدِينَةْ الْقُدُسْ. وَ رَسَّلْ مَعَايَهْ دَيْش كَبِيرْ. وَ وَكِتْ وَصَّلَوْا فِي مَدِينَةْ الْقُدُسْ، قَعَدَوْا جَنْب مَجْرَةْ الْبِرْكَةْ الْعَالِي فِي الدَّرِبْ الْمَاشِي عَلَيْ زَرَعْ الْغَسَّالِينْ.

2 مُلوك 18:17

وَ مِنْ حِلَّةْ لَكِيشْ، مَلِكْ بَلَدْ أَشُورْ رَسَّلْ وَزِيرَهْ هَنَا الدِّفَاعْ وَ كَبِيرْ الْمَسَائِيلْ وَ قَايِدْ الدَّيْش وَ مَعَاهُمْ دَيْش كَبِيرْ لِلْمَلِكْ حِزْقِيَّا فِي مَدِينَةْ الْقُدُسْ. وَ وَكِتْ وَصَّلَوْا فِي مَدِينَةْ الْقُدُسْ، قَعَدَوْا جَنْب مَجْرَةْ الْبِرْكَةْ الْعَالِي فِي الدَّرِبْ الْمَاشِي عَلَيْ زَرَعْ الْغَسَّالِينْ.

رَوْمَا 9:27

وَ لَاكِنْ فِي بَنِي إِسْرَائِيلْ النَّبِي إِشَعْيَا حَجَّى بِحِسّ عَالِي وَ قَالْ: <كَنْ بَنِي إِسْرَائِيلْ بِقَوْا كَتِيرِينْ مِثِلْ رَمْلَةْ هَنَا خَشُمْ الْبَحَرْ كُلَ، شِيَّةْ مِنْهُمْ بَسْ يَنْجَوْا.

إشَعْيا 6:13

وَ حَتَّى كَنْ فَضَّلَوْا عُشُرْ مِنْ السُّكَّانْ كُلَ، بَتَّانْ يَحْرَقَوْا بِنَارْ. وَ هُمَّنْ يَبْقَوْا مِثِلْ شَدَرْ الْبُطُمْ أَوْ الْبَلُّوطْ الْقَطَعَوْه. يِفَضِّلْ إِلَّا دُنْبُرَهْ لَاكِنْ دُنْبُرَهْ يِجِيبْ ذُرِّيَّةْ مُقَدَّسَةْ.»

إرْمِيا 22:1

دَاهُو اللّٰهْ قَالْ لِإِرْمِيَا: «قُمّ أَمْشِي فِي قَصِرْ مَلِكْ يَهُوذَا وَ هِنَاكْ إِنْتَ تُقُولْ لَيْهُمْ الْكَلَامْ دَا.

إشَعْيا 55:7

خَلِّي الْعَاصِي يِخَلِّي دَرْبَهْ وَ النَّادُمْ الْفَسِلْ يِخَلِّي أَفْكَارَهْ. خَلِّي يِقَبِّلْ لِلّٰهْ وَ هُو يَرْحَمَهْ أَشَانْ غُفْرَانْ إِلٰـهْنَا وَسِيعْ.

إشَعْيا 10:21

وَ الْيِفَضُّلُوا يِقَبُّلُوا. أَيْوَى، الْيِفَضُّلُوا مِنْ ذُرِّيَّةْ يَعْقُوبْ يِقَبُّلُوا لِلّٰهْ الْقَادِرْ.

2 مُلوك 20:20

وَ الْبَاقِي مِنْ عَمَلْ حِزْقِيَّا وَ فَرَاسِيّتَهْ وَ كُلَّ شَيّءْ السَّوَّاهْ وَ بُنَى خَزَّانْ أَلْمِي وَ نَكِتِينْ الْمَجْرَةْ الْيِجِيبْ الْأَلْمِي فِي لُبّ الْحِلَّةْ، كُلَّ الشَّيّءْ دَا مَكْتُوبْ فِي كِتَابْ تَارِيخْ مُلُوكْ بَنِي يَهُوذَا.

خُروج 7:15

قُمّ أَمْشِي لَيَّهْ بِفَجُرْ وَ تَلْقَاهْ مَارِقْ مَاشِي عَلَيْ بَحَرْ النِّيلْ. وَ إِنْتَ أَمْشِي قَابِلَهْ فِي خَشُمْ الْبَحَرْ. وَ شِيلْ فِي إِيدَكْ الْعَصَاةْ الْأَوَّلْ بِقَتْ دَابِي.

نَحَمْيا 3:16

وَ جَنْبَهْ، نَحَمْيَا وِلَيْد عَزْبُوقْ الْهُو كَبِيرْ فِي نُصّ التُّرَابْ هَنَا حِلَّةْ بَيْت صُورْ قَاعِدْ يَبْنِي الدُّرْدُرْ لَحَدِّي مُقَابِلْ لِمَخَابِرْ عَايِلَةْ الْمَلِكْ دَاوُدْ وَ لَحَدِّي الرَّهَدْ النَّكَتَوْه النَّاسْ وَ لَحَدِّي بَيْت فُرَّاسْ الْمَلِكْ.

2 مُلوك 16:1

وَ فِي سَنِةْ 17 هَنَا حُكُمْ فَقَحْ وِلَيْد رَمَلْيَا، أَحَازْ وِلَيْد يُوتَامْ بِقِي مَلِكْ فِي مَمْلَكَةْ يَهُوذَا.

إشَعْيا 22:10

وَ حَسَبْتُوا عَدَدْ بُيُوتْ مَدِينَةْ الْقُدُسْ وَ هَدَّمْتُوا بُيُوتْ وَاحِدِينْ لِتِقَوُّوا الدُّرْدُرْ.

إشَعْيا 22:11

وَ سَوَّيْتُوا خَزَّانْ أَمْبَيْنَاتْ الدَّرَادِرْ الْإِتْنَيْن لِلْأَلْمِي هَنَا الْبِرْكَةْ الْقَدِيمَةْ. وَ لَاكِنْ مَا وَجَّهْتُوا لِلّٰهْ هُو الْجَابْ الْمَصِيبَةْ دِي. وَ مَا شِفْتُوهْ عَلَيَّهْ، هُو الْجَهَّزَاهَا مِنْ زَمَنْ بَعِيدْ.