إشَعْيا 7:23 - الكتاب المقدس بالعربي الدارجي هنا تشاد

²³ وَ فِي الْيَوْم دَا، الْبَكَانْ الْأَوَّلْ عِنْدَهْ 1 000 شَدَرَةْ هَنَا عِنَبْ التَّمَنَهْ 1 000 حَجَرْ فُضَّةْ، يِخَلُّوهْ فِي الشَّوْك وَ الْحَسْكَنِيتْ.

إشَعْيا 7:23 Referenca të Kryqëzuara

إشَعْيا 5:6

الْجِنَيْنَةْ دِي، أَنَا نَخْرِبْهَا وَ لَا نِعَدِّلْهَا وَ لَا نِجَنْكِبْهَا وَ الشَّوْك وَ أَنْدِرَيْسَةْ يُقُمُّوا فَوْقهَا. وَ نَنْطِي أَمُرْ لِلسَّحَابْ مَا يِنَزِّلْ الْمَطَرَةْ فَوْقهَا.»

مَتَّى 21:33

«أَسْمَعَوْا، نُقُولْ لَيْكُو مَثَلْ آخَرْ. نَادُمْ وَاحِدْ سِيدْ الْمَالْ مَقَّنْ عِنَبْ فِي جِنَيْنَةْ وَ زَرَبَاهَا وَ سَوَّى فَوْقهَا عَصَّارَةْ هَنَا عِنَبْ وَ بَنَى بَيْت هَنَا حَرَاسَةْ. وَ هُو أَجَّرْ حَرَّاتِينْ أَشَانْ يَخْدُمُوا فَوْقهَا وَ خَلَاصْ خَطَرْ وَ مَشَى فِي بَلَدْ آخَرَةْ.

عِبْرَانِيِّين 6:8

لَاكِنْ النَّاسْ دَوْل مِثِلْ الْأَرْض التِّقَوِّمْ شَوْك وَ حَسْكَنِيتْ. هِي مَا عِنْدَهَا فَايْدَةْ وَ لَعَنَةْ اللّٰهْ تِقَرِّبْ لَيْهَا وَ فِي الأَخِيرْ، يِحَرُّقُوهَا.

إرْمِيا 4:26

أَنَا شِفْت. دَاهُو الْبَلَدْ الْخَضْرَةْ بِقَتْ صَحَرَاء وَ كُلَّ الْمُدُنْ أَلْهَدَّمَوْا وَ دَا مِنْ غَضَبْ اللّٰهْ الْمُحْرِقْ.

إشَعْيا 5:10

وَ 10 حَبِلْ هَنَا جِنَيْنَةْ عِنَبْ يَنْتِجْ إِلَّا 10 كَوْرَوْ هَنَا عَصِيرْ وَ الْيِتَيْرِبْ 100 كَوْرَوْ هَنَا قَمَحْ يَلْقَى 10 كَوْرَوْ بَسْ.»

إشَعْيا 7:24

وَ يَدْخُلُوا فَوْقَهْ بِحُرَابْ وَ نُبَّالْ أَشَانْ كُلَّ الْبَلَدْ تَبْقَى كَدَادَةْ، مَلَانَةْ بِالشَّوْك وَ الْحَسْكَنِيتْ.

إشَعْيا 32:10

بَعَدْ سَنَةْ وَ أَيَّامْ، تَرْجِفَنْ، يَا الْقَاعِدَاتْ بِأَمَانْ. أَشَانْ قَطِعْ الْعِنَبْ يَبْقَى مَا فِيهْ بَتَّانْ مَا فِي لَمِّينْ هَنَا مَعَاشْ.

حِزْقِيال 12:20

وَ الْمُدُنْ الْمَسْكُونِينْ يَخْرَبَوْا وَ الْبَلَدْ كُلَ تَبْقَى خَرَابْ. وَ بَيْدَا، إِنْتُو تَعَرْفُوا كَدَرْ أَنَا بَسْ اللّٰهْ.“›»

هُوشَع 2:12

وَ نَخْرِبْ جِنَيْنَاتْ عِنَبْهَا وَ شَدَرْ تِينْهَا الْبِسَبَبْهُمْ هِي قَالَتْ: ‹دَوْل هَدَايَا الْأَنْطَوْهُمْ لَيِّ صُدْقَانِي.› أَنَا نِسَوِّيهُمْ كَدَادَةْ الْيَرْتَعَوْا فَوْقهَا الْحَيْوَانَاتْ.

هُوشَع 9:6

حَتَّى كَانْ عَرَّدَوْا مِنْ الدَّمَارْ كُلَ، بَلَدْ مَصِرْ تَجْمَعْهُمْ وَ حِلَّةْ مَمْفِيسْ تَدْفِنْهُمْ. الشَّوْك يِسِدّ كَنْزُهُمْ هَنَا الْفُضَّةْ وَ الْحَسْكَنِيتْ يُقُمّ فِي خِيَمْهُمْ.

تكوين 3:18

شَوْك وَ حَسْكَنِيتْ يُقُمُّوا لَيْك مِنْ التُّرَابْ وَ تَاكُلْ مِنْ نَبَاتَاتْ الْكَدَادَةْ.