إشَعْيا 7:2 - الكتاب المقدس بالعربي الدارجي هنا تشاد

² وَ قَالَوْا لِلْمَلِكْ أَحَازْ الْمِنْ ذُرِّيَّةْ دَاوُدْ: «دَاهُو مَلِكْ أَرَامْ خَطَّ مُعَسْكَرَهْ فِي تُرَابْ قَبِيلَةْ أَفْرَايِمْ.» خَلَاصْ فِي الْبَكَانْ دَا، الْمَلِكْ وَ شَعَبَهْ بَرْجَلَوْا بِقَوْا مِثِلْ شَدَرْ الْغَابَةْ الْهَزَّتَهْ الرِّيحْ.

إشَعْيا 7:2 Referenca të Kryqëzuara

إشَعْيا 8:12

«مَا تُقُولُوا مُؤآمَرَةْ لِأَيِّ شَيّءْ الْيِنَادِي الشَّعَبْ دَا مُؤآمَرَةْ. مَا تَخَافَوْا مِنْ أَيِّ شَيّءْ الْهُمَّنْ يَخَافَوْا مِنَّهْ وَ مَا تَرْجُفُوا.

إشَعْيا 7:13

وَ خَلَاصْ، إِشَعْيَا قَالْ: «أَسْمَعَوْا، يَا ذُرِّيَّةْ دَاوُدْ. قَلَّلْتُوا صَبُرْ النَّاسْ دَا شِيَّةْ لَيْكُو وَلَّا؟ هَلْ تَقْدَرَوْا تِقَلُّلُوا صَبُرْ إِلٰـهِي؟

إشَعْيا 9:9

الشَّعَبْ كُلُّهُمْ يَعَرْفُوهْ. هُمَّنْ قَبِيلَةْ أَفْرَايِمْ وَ سُكَّانْ مَدِينَةْ السَّامِرَةْ. كُلُّهُمْ بِفَشَارْ وَ قَلِبْ مُتَكَبِّرْ يُقُولُوا:

أمْثال 28:1

كَنْ مَا يَطُرْدُوهْ كُلَ، الْعَاصِي يَجْرِي وَ يِنْبَلِصْ. وَ لَاكِنْ الصَّالِحْ فَحَلْ مِثِلْ الدُّودْ.

مَتَّى 2:3

وَ الْمَلِكْ هِرُودُسْ سِمِعْ الْكَلَامْ دَا وَ بَرْجَلْ. وَ كُلَّ نَاسْ مَدِينَةْ الْقُدُسْ بَرْجَلَوْا مَعَايَهْ.

هُوشَع 12:1

قَبِيلَةْ أَفْرَايِمْ تَرْوَى بِرِيحْ وَ تَجْرِي وَرَاءْ رِيحْ الصَّبَاحْ. كُلَّ يَوْم هِي تِكَتِّرْ الْكِدِبْ وَ الدَّمَارْ. تِسَوِّي عَلَاقَةْ مَعَ أَشُورْ وَ تَنْطِيهْ دِهِنْ لِمَصِرْ فِي بَدَلْ السَّلَامْ.

إرْمِيا 21:12

وَ يَا ذُرِّيَّةْ دَاوُدْ، دَاهُو اللّٰهْ قَالْ: «سَوُّوا الْعَدَالَةْ كُلَّ يَوْم وَ نَجُّوا الْمَظْلُومْ مِنْ إِيدَيْن الظَّالِمْ. كَنْ مَا كَيْ دَا، غَضَبِي يَنْزِلْ مِثِلْ النَّارْ التَّحْرِقْ وَ مَا فِي نَادُمْ الْيَقْدَرْ يَكْتُلْهَا أَشَانْ دَا بِسَبَبْ عَمَلْكُو الْفَسِلْ.»

إشَعْيا 37:35

أَنَا نَحْمِي الْمَدِينَةْ دِي وَ نِنَجِّيهَا. وَ دَا فِي شَانِي أَنَا اللّٰهْ وَ فِي شَانْ عَبْدِي دَاوُدْ.»

إشَعْيا 37:27

وَ سُكَّانْهُمْ مَا عِنْدُهُمْ قُدْرَةْ وَ خَافَوْا وَ خِجْلَوْا. هُمَّنْ يِبْسَوْا مِثِلْ قَشّ الْكَدَادَةْ وَ نَبَاتْ الْأَخْضَرْ وَ مِثِلْ قَشّ فِي رُوسَيْ الْبُيُوتْ وَ مِثِلْ الزِّرَاعَةْ الْيِبْسَوْا قُبَّالْ مَا يِسَوُّوا عَقَيْق.

إشَعْيا 22:22

وَ مَسْؤُولِيَّةْ مُفْتَاحْ قَصِرْ الْمَلِكْ دَاوُدْ، نُخُطَّهَا تِحِتْ سُلْطِتَهْ. وَ كَنْ هُو يَفْتَحْ الْبَابْ، مَا فِي الْيَقْدَرْ يِسِدَّهْ وَ كَنْ هُو يِسِدَّهْ، مَا فِي الْيَقْدَرْ يَفْتَحَهْ.

إشَعْيا 11:13

وَ حُسُدْ أَفْرَايِمْ يَبْقَى مَا فِيهْ وَ خُصْمَانْ يَهُوذَا يِكَمُّلُوا. وَ أَفْرَايِمْ مَا يَحْسِدْ يَهُوذَا بَتَّانْ وَ يَهُوذَا مَا يَبْقَى أَبَداً خَصِيمْ أَفْرَايِمْ.

إشَعْيا 7:17

وَ اللّٰهْ يِجِيبْ فَوْقَكْ إِنْتَ، يَا الْمَلِكْ أَحَازْ، وَ فِي شَعَبَكْ وَ عَايِلْتَكْ أَيَّامْ الْأَبَداً مَا جَوْا مِنْ يَوْم تُرَابْ أَفْرَايِمْ أَنْفَرَقْ مِنْ تُرَابْ يَهُوذَا. وَ الْأَيَّامْ الْفَسْلِينْ دَوْل يَجُوا لَيْك بِسَبَبْ مَلِكْ بَلَدْ أَشُورْ.»

إشَعْيا 6:13

وَ حَتَّى كَنْ فَضَّلَوْا عُشُرْ مِنْ السُّكَّانْ كُلَ، بَتَّانْ يَحْرَقَوْا بِنَارْ. وَ هُمَّنْ يَبْقَوْا مِثِلْ شَدَرْ الْبُطُمْ أَوْ الْبَلُّوطْ الْقَطَعَوْه. يِفَضِّلْ إِلَّا دُنْبُرَهْ لَاكِنْ دُنْبُرَهْ يِجِيبْ ذُرِّيَّةْ مُقَدَّسَةْ.»

زَبُور 11:1

لِلّٰهْ مَلْجَئِي. وَ بَيْدَا، مَالَا تُقُولُوا لَيِّ: «عَرِّدْ فِي جَبَلْ مِثِلْ طَيْر!

2 أخبار 28:12

وَ كُبَارَاتْ وَاحِدِينْ مِنْ قَبِيلَةْ أَفْرَايِمْ كُلَ قَمَّوْا ضِدّ الرُّجَالْ الْقَبَّلَوْا مِنْ الْحَرِبْ. وَ الْكُبَارَاتْ دَوْل هُمَّنْ عَزَرْيَا وِلَيْد يُوحَنَانْ وَ بَرَكْيَا وِلَيْد مَشِلِّمُوتْ وَ يَحِزْقِيَّا وِلَيْد شَلُّومْ وَ عَمَاسَا وِلَيْد حَدْلَايْ.

2 أخبار 25:10

وَ بَيْدَا، أَمَصْيَا طَرَدْ الْعَسْكَرْ الْجَوْا مِنْ قَبِيلَةْ أَفْرَايِمْ أَشَانْ يِقَبُّلُوا بُيُوتْهُمْ. وَ لَاكِنْ هُمَّنْ زِعِلَوْا ضِدّ مَمْلَكَةْ يَهُوذَا وَ قَبَّلَوْا بُيُوتْهُمْ بِزَعَلْ شَدِيدْ.

1 مُلوك 13:2

وَ النَّبِي دَا حَجَّى بِحِسّ عَالِي ضِدّ الْمَدْبَحْ حَسَبْ كَلَامْ اللّٰهْ وَ قَالْ: «يَا الْمَدْبَحْ! يَا الْمَدْبَحْ! دَاهُو اللّٰهْ قَالْ: ‹دَاهُو يَلْدَوْا وِلَيْد لِذُرِّيَّةْ دَاوُدْ وَ يِسَمُّوهْ يُوشِيَّا. وَ رُجَالْ الدِّينْ هَنَا الْبَكَانَاتْ الْعَالِيِينْ الْيِحَرُّقُوا فَوْقَكْ الْبَخُورْ، هُو يِقَدِّمْهُمْ فَوْقَكْ ضَحَايَا. وَ يِحَرُّقُوا فَوْقَكْ عُضَامْ النَّاسْ كُلَ.›»

1 مُلوك 12:16

وَ وَكِتْ كُلَّ قَبَايِلْ بَنِي إِسْرَائِيلْ شَافَوْا كَدَرْ الْمَلِكْ مَا سِمِعْ كَلَامْهُمْ دَا، قَالَوْا لَيَّهْ: «شُنُو الْيِلِمِّنَا مَعَ ذُرِّيَّةْ دَاوُدْ؟ أَنِحْنَ مَا عِنْدِنَا وَرَثَةْ مَعَ عِيَالْ يَسَّى! يَلَّا، يَا قَبَايِلْ إِسْرَائِيلْ، خَلِّي أَيِّ وَاحِدْ يِقَبِّلْ بَيْتَهْ! وَ هَسَّعْ دَا، يَا ذُرِّيَّةْ دَاوُدْ، هِمُّوا بِنُفُوسْكُو.» وَ بَنِي إِسْرَائِيلْ شَتَّوْا وَ قَبَّلَوْا بُيُوتْهُمْ.

1 مُلوك 11:32

وَ قَبِيلَةْ وَاحِدَةْ بَسْ تِفَضِّلْ لَيَّهْ وَ دَا فِي شَانْ عَبْدِي دَاوُدْ وَ فِي شَانْ مَدِينَةْ الْقُدُسْ الْأَنَا عَزَلْتَهَا مِنْ كُلَّ قَبَايِلْ بَنِي إِسْرَائِيلْ.

2 صَمُوِيل 7:16

وَ عَايِلَةْ بَيْتَكْ تَحْكِمْ دَايْماً بَعَدَكْ وَ مُلْكَكْ يَثْبِتْ إِلَى الْأَبَدْ.“›»

إشَعْيا 7:5

أَشَانْ بَلَدْ أَرَامْ وَ تُرَابْ قَبِيلَةْ أَفْرَايِمْ وَ وِلَيْد رَمَلْيَا دَوَّرَوْا يِسَوُّوا لَيْك الْفَسَالَةْ وَ قَالَوْا: