إشَعْيا 66:3 - الكتاب المقدس بالعربي الدارجي هنا تشاد

³ «وَ لَاكِنْ الْيَدْبَحْ تَوْر ضَحِيَّةْ، هُو مِثِلْ الْيَكْتُلْ إِنْسَانْ. وَ الْيِقَدِّمْ غَنَمَايْ ضَحِيَّةْ، هُو مِثِلْ الْيَكْسِرْ رَقَبَةْ كَلِبْ. وَ الْيِقَدِّمْ هَدِيَّةْ هَنَا دَقِيقْ، هُو مِثِلْ الْيِقَدِّمْ هَدِيَّةْ دَمّ هَنَا خِنْزِيرْ وَ الْيِحَرِّقْ بَخُورْ، هُو مِثِلْ الْيَعَبُدْ صَنَمْ. النَّاسْ دَوْل عَزَلَوْا دَرِبْهُمْ وَ بِمُحَرَّمَاتْهُمْ دَوْل، هُمَّنْ فَرْحَانِينْ.

إشَعْيا 66:3 Referenca të Kryqëzuara

أمْثال 15:8

ضَحِيَّةْ الْعَاصِيِينْ، اللّٰهْ يِحَرِّمْهَا وَ صَلَاةْ الْعَدِيلِينْ، اللّٰهْ يَقْبَلْهَا.

إشَعْيا 66:17

«وَ النَّاسْ الْيِخَصُّصُوا نُفُوسْهُمْ وَ يِطَّهَّرَوْا لِيَدْخُلُوا فِي الْجِنَيْنَاتْ لِيَمْشُوا يَعَبُدُوا الصَّنَمْ الْقَاعِدْ أُسُطْ، هُمَّنْ دَوْل الْيَاكُلُوا لَحَمْ الْخِنْزِيرْ وَ الْفَارْ وَ كُلَّ شَيّءْ نِجِسْ مَرَّةْ وَاحِدْ، هُمَّنْ دَوْل كُلُّهُمْ يِدَّمَّرَوْا!» وَ دَا كَلَامْ اللّٰهْ.

إشَعْيا 65:12

لَاكِنْ أَنَا نِوَدِّيكُو تُمُوتُوا فِي الْحَرِبْ وَ تَرْكَعَوْا قِدَّامْ الْيَدْبَحَوْكُو. أَشَانْ أَنَا نَادَيْتكُو وَ إِنْتُو مَا رَدَّيْتُوا لَيِّ. وَ أَنَا كَلَّمْت لَيْكُو وَ إِنْتُو مَا سِمِعْتُوا كَلَامِي. لَاكِنْ إِنْتُو سَوَّيْتُوا الْفَسِلْ قِدَّامِي وَ عَزَلْتُوا الْمَا نِدَوْرَهْ.»

لاوِيِّين 2:2

وَ هُو يِوَدِّي هَدِيّتَهْ دِي لِرُجَالْ الدِّينْ مِنْ ذُرِّيَّةْ هَارُونْ. وَ رَاجِلْ الدِّينْ يِشِيلْ مَلْيَةْ إِيدْ مِنْ الدَّقِيقْ الْمُخَلْبَطْ بِدِهِنْ وَ كُلَّ اللُّبَانْ. وَ يِحَرِّقْهُمْ فِي الْمَدْبَحْ. وَ دِي هَدِيَّةْ ذِكْرَةْ وَ هِي هَدِيَّةْ مُحَرَّقَةْ الْاللّٰهْ يَرْضَى بِرِيحِتْهَا.

أمْثال 21:27

ضَحِيَّةْ الْعَاصِي اللّٰهْ حَرَّمْهَا. وَ كَنْ يِقَدِّمْهَا بِنِيَّةْ فَسْلَةْ، مَا تَبْقَى حَرَامَةْ زِيَادَةْ وَلَّا؟

تَثْنِية 23:18

وَ لِتِكَفُّوا أَيِّ نَذِرْ، أَبَداً مَا تِجِيبُوا مِنْ مَالْ الشَّرْمَطَةْ هَنَا مَرَةْ أَوْ رَاجِلْ لِبَيْت اللّٰهْ إِلٰـهْكُو أَشَانْ هُمَّنْ الْإِتْنَيْن دَوْل، اللّٰهْ إِلٰـهْكُو حَرَّمَاهُمْ.

تَثْنِية 14:8

وَ الْخِنْزِيرْ هُو عِنْدَهْ ضُلُفْ وَ لَاكِنْ مَا يِقْسَعْ جُرَّةْ. وَ أَشَانْ دَا، هُو حَرَامْ لَيْكُو وَ لَا تَاكُلُوا لَحَمَهْ وَ لَا تِلَمُّسُوا رِمِّتَهْ.

قُضياء 10:14

يَلَّا! أَمْشُوا أَصْرَخَوْا لِإِلٰـهَاتْكُو الْإِنْتُو عَزَلْتُوهُمْ. خَلِّي هُمَّنْ بَسْ يَفْزَعَوْكُو وَكِتْ تَتْعَبَوْا!»

إشَعْيا 57:17

«وَ بِخَطَاهُمْ هَنَا الطَّمَعْ، أَنَا غِضِبْت وَ ضَرَبْت شَعَبِي وَ مَا وَجَّهْت عَلَيْهُمْ. أَنَا غِضِبْت وَ هُمَّنْ مَشَوْا فِي عِصْيَانْهُمْ وَ تَابَعَوْا شَهْوَاتْ قُلُوبْهُمْ.

قُضياء 5:8

هُمَّنْ شَالَوْا لَيْهُمْ إِلٰـهَاتْ آخَرِينْ، وَكِتْ الْحَرِبْ قَرَّبْ لِمَدَاخِلْ الْحِلَّالْ. فِي الْوَكِتْ دَا، بِقِي لَيْنَا قَاسِي لِنَلْقَوْا دَرَقَةْ أَوْ حَرْبَةْ لِدَيْش إِسْرَائِيلْ الْعَدَدْهُمْ 40 000 رَاجِلْ.

إشَعْيا 44:19

وَ مَا فِي إِنْسَانْ الْقَلْبَهْ يِقَبِّلَهْ لِلْمَعْرَفَةْ وَ الْفِهِمْ لِيُقُولْ: «أَنَا حَرَّقْت نُصّ حَطَبِي فِي النَّارْ وَ سَوَّيْت خُبْزَةْ بِالْجَمُرْ وَ قَلَيْت لَحَمْ وَ أَكَلْتَهْ. وَ بِالْفَضَّلْ، سَوَّيْت شَيّءْ مُحَرَّمْ وَ نَرْكَعْ قِدَّامْ قِطَعْ الْحَطَبْ!»

إشَعْيا 65:2

كُلَّ يَوْم مَدَّيْت إِيدَيْنِي لِشَعَبْ رَاسْهُمْ قَوِي. وَ لَاكِنْ هُمَّنْ شَايْلِينْ دَرِبْ مَا عَدِيلْ حَسَبْ أَفْكَارْهُمْ.

إرْمِيا 6:20

شُنُو نِسَوِّي بِاللُّبَانْ الْجِبْتُوهْ مِنْ سَبَأ وَلَّا بِالرِّيحَةْ الْحَلُوَّةْ الْجِبْتُوهَا مِنْ بَعِيدْ؟ أَنَا مَا نِدَوْر ضَحَايَاكُو الْمُحَرَّقِينْ وَ كُلَّ ضَحَايَاكُو، أَنَا مَا نَرْضَى بَيْهُمْ.»

قُضياء 21:25

وَ فِي الْوَكِتْ دَاكْ، مَا فِي مَلِكْ فِي إِسْرَائِيلْ وَ أَيِّ نَادُمْ بِسَوِّي شَيّءْ الْهُو بِدَوْرَهْ.

إشَعْيا 53:6

أَنِحْنَ كُلِّنَا مِثِلْ غَنَمْ الْمُوَدِّرِينْ، أَيِّ وَاحِدْ شَايِلْ لَيَّهْ دَرِبْ. وَ اللّٰهْ خَطَّ فَوْقَهْ هُو خَطَانَا أَنِحْنَ كُلِّنَا.

حَقَّاي 2:14

وَ حَقَّاي رَدَّ لَيْهُمْ وَ قَالْ: «دَاهُو كَلَامْ اللّٰهْ: ‹الشَّعَبْ دَا وَ الْأُمَّةْ دِي، كُلُّهُمْ مِثِلْ دَا قِدَّامِي أَنَا. وَ كُلَّ خِدْمَةْ إِيدَيْهُمْ وَ أَيِّ شَيّءْ الْيِقَدُّمُوهْ لَيِّ كُلَ نِجِسْ.