إشَعْيا 64:6 - الكتاب المقدس بالعربي الدارجي هنا تشاد

⁶ وَ كُلِّنَا بِقِينَا مَا طَاهِرِينْ وَ كُلَّ شَيّءْ النِّسَوُّوهْ عَدِيلْ بِقِي مِثِلْ خَلَقْ مُنَجَّسْ بِدَمّ الْحَيْض. وَ أَنِحْنَ كُلِّنَا يِبِسْنَا مِثِلْ وَرَقْ الشَّدَرْ الدَّفَّقْ وَ خَطَايَانَا شَالَوْنَا مِثِلْ الرِّيحْ.

إشَعْيا 64:6 Referenca të Kryqëzuara

رَوْمَا 7:18

نَعَرِفْ مَا فِي شَيّءْ عَدِيلْ قَاعِدْ فَوْقِي، يَعْنِي فِي طَبِيعْتِي الْإِنْسَانِيَّةْ. عِنْدِي نِيَّةْ نِسَوِّي الْخَيْر لَاكِنْ مَا نَقْدَرْ.

رَوْمَا 7:24

يَا أَنَا التَّعْبَانْ! يَاتُو الْيَفْزَعْنِي مِنْ جِسْمِي الْيِوَدِّينِي لِلْمَوْت؟

زَكَرِيَّا 3:3

وَ يَشُوعْ وَاقِفْ قِدَّامْ الْمَلَكْ وَ لَابِسْ خُلْقَانْ وَسْخَانِينْ.

إشَعْيا 53:6

أَنِحْنَ كُلِّنَا مِثِلْ غَنَمْ الْمُوَدِّرِينْ، أَيِّ وَاحِدْ شَايِلْ لَيَّهْ دَرِبْ. وَ اللّٰهْ خَطَّ فَوْقَهْ هُو خَطَانَا أَنِحْنَ كُلِّنَا.

تِيطُس 3:3

خَلِّي مَا نَنْسَوْا كَدَرْ أَوَّلْ أَنِحْنَ كُلَ مِثِلْهُمْ، جُهَّالْ وَ عَاصِيِينْ. أَوَّلْ أَنِحْنَ مُوَدِّرِينْ وَ شَهْوَاتْنَا مَلَكَوْنَا وَ قُلُوبْنَا مَرْبُوطِينْ فِي حَلَاتْ الدُّنْيَا. أَوَّلْ أَنِحْنَ عَايْشِينْ بِالْفَسَالَةْ وَ الْحُسُدْ، وَ قَاعِدِينْ نَكْرَهَوْا النَّاسْ وَ النَّاسْ يَكْرَهَوْنَا.

أيُّوب 25:4

وَ بَيْدَا كُلَ، كِكَّيْف الْإِنْسَانْ يِسَوِّي نَفْسَهْ صَالِحْ قِدَّامْ الرَّبّ؟ وَ كِكَّيْف الْجَابَتَهْ مَرَةْ يَبْقَى صَافِي قِدَّامَهْ؟

أيُّوب 14:4

يَاتُو يَقْدَرْ يَمْرُقْ الطَّاهِرْ مِنْ النِّجِسْ؟ مَا فِي!

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.

إشَعْيا 46:12

أَسْمَعَوْنِي، يَا الرُّوسَيْكُو قَوِيِّينْ وَ إِنْتُو الْبَعِيدِينْ مِنْ الْعَدَالَةْ!

زَبُور 51:5

دَاهُو مِنْ وِلْدَوْنِي، أَنَا فِي الْخَطَا أَيْوَى، مِنْ أَمِّي غِلْبَتْ بَيِّ، أَنَا مُذْنِبْ.

رُؤية 7:13

وَ فِي الْبَكَانْ دَا، وَاحِدْ مِنْ الشُّيُوخْ حَجَّى لَيِّ وَ قَالْ: «يَاتُمَّنْ النَّاسْ اللَّابْسِينْ خُلْقَانْ بُيُضْ دَوْل؟ هُمَّنْ جَوْا مِنْ وَيْن؟»

إشَعْيا 6:5

وَ خَلَاصْ، أَنَا قُلْت: «الْعَذَابْ لَيِّ! أَنَا وَدَّرْت! أَشَانْ أَنَا نَادُمْ خَشْمِي مَا طَاهِرْ وَ سَاكِنْ فِي أُسُطْ شَعَبْ خُشُومْهُمْ مَا طَاهِرِينْ. وَ عُيُونِي شَافَوْا الْمَلِكْ وَ هُو اللّٰهْ الْقَادِرْ!»

هُوشَع 4:19

خَلَاصْ، الرِّيحْ تِشِيلْهُمْ فِي جَنَاحَيْهَا وَ ضَحَايَاهُمْ يِجِيبُوا لَيْهُمْ الْعَيْب.

إشَعْيا 48:1

أَسْمَعَوْا، يَا ذُرِّيَّةْ يَعْقُوبْ، إِنْتُو الْيِنَادُوكُو بِأُسُمْ إِسْرَائِيلْ وَ مَرَقْتُوا مِنْ صُلُبْ يَهُوذَا. أَسْمَعَوْا، إِنْتُو التَّحَلْفُوا بِأُسُمْ اللّٰهْ وَ تَذْكُرُوا إِلٰـهْ بَنِي إِسْرَائِيلْ لَاكِنْ بَلَا أَمَانْ وَ بَلَا عَدَالَةْ.

زَبُور 1:4

وَ لَاكِنْ النَّاسْ الْهَوَانِينْ مَا مِثِلْ دَا. هُمَّنْ مِثِلْ الْأُتَّابْ التِّشِيلَهْ الرِّيحْ.

أيُّوب 40:4

أَنَا الْمَا نِسَاوِي شَيّءْ، نَقْدَرْ نُرُدّ لَيْك وَلَّا؟ لَا! نِسِدّ خَشْمِي.

إشَعْيا 1:30

خَلَاصْ، إِنْتُو تَبْقَوْا مِثِلْ شَدَرَةْ الْوَرَقْهَا يِبِسْ وَ جِنَيْنَةْ الْأَلْمِيهَا كَمَّلْ.

إشَعْيا 50:1

وَ دَاهُو اللّٰهْ قَالْ: «صَحِيحْ أَنَا طَرَدْت أَمُّكُو. وَيْن مَكْتُوبْ الطَّلَاقْ؟ وَ لِيَاتُو أَنَا بِعْتُكُو لِنِكَفِّي دَيْنِي؟ أَعَرْفُوا! بِسَبَبْ خَطَاكُو بَسْ، بَاعَوْكُو وَ بِسَبَبْ عِصْيَانْكُو، طَلَّقَوْا أَمُّكُو.

لاوِيِّين 13:12

أَكُونْ مَرَضْ الْجِسِمْ دَا أَلْوَسَّعْ وَ غَطَّى كُلَّ جِسِمْ النَّادُمْ الْمَرْضَانْ، مِنْ رَاسَهْ لَحَدِّي رِجِلَيْنَهْ، حَسَبْ الشَّافَهْ رَاجِلْ الدِّينْ.

2 صَمُوِيل 22:46

الْأَجَانِبْ كِسْلَوْا وَ مَرَقَوْا مِنْ مَلْجَئْهُمْ بِرَجِفِينْ.

زَبُور 14:4

الْيِسَوُّوا الظُّلُمْ مَا عِنْدُهُمْ الْمَعْرَفَةْ وَلَّا؟ هُمَّنْ يَاكُلُوا شَعَبِي مِثِلْ يَاكُلُوا الْخُبْزَةْ وَ مَا يَشْحَدَوْا اللّٰهْ.

إشَعْيا 1:28

الْعَاصِيِينْ وَ الْمُذْنِبِينْ يِدَّمَّرَوْا سَوَا وَ الْأَبَوْا اللّٰهْ، يِكَمُّلُوا.

إشَعْيا 8:17

أَنَا نُخُطّ عَشَمِي فِي اللّٰهْ الْأَبَى مَا يِوَجِّهْ عَلَيْ ذُرِّيَّةْ يَعْقُوبْ وَ أَنَا نِتْوَكَّلْ عَلَيَّهْ.

إشَعْيا 43:22

«وَ إِنْتَ مَا نَادَيْتنِي، يَا يَعْقُوبْ! أَيْوَى، إِنْتَ خَلَّيْتنِي، يَا إِسْرَائِيلْ!

إشَعْيا 50:2

وَكِتْ أَنَا جِيتْ، مَالَا مَا فِي نَادُمْ؟ وَكِتْ نَادَيْت، مَالَا نَادُمْ مَا رَدَّ لَيِّ؟ هَلْ إِيدِي قِصَيْرَةْ لَحَدِّي مَا تَفْدَى وَلَّا؟ وَ هَلْ مَا عِنْدِي أَيِّ قُدْرَةْ لِنِنَجِّي وَلَّا؟ أَعَرْفُوا! أَنَا نِكِشّ لِلْبَحَرْ وَ نِيَبِّسَهْ وَ لِلْوُدْيَانْ، نِسَوِّيهُمْ صَحَرَاء. مِنْ قِلَّةْ أَلْمِي الْحُوتْ يُمُوتْ أَيْوَى، مِنْ الْعَطَشْ هُو يُمُوتْ وَ يِعَفِّنْ.

دَنْيال 9:13

وَ الْمَصِيبَةْ دِي نَزَلَتْ فَوْقنَا مِثِلْ مَكْتُوبْ فِي تَوْرَاةْ مُوسَى. وَ بَيْدَا كُلَ، يَا اللّٰهْ إِلٰـهْنَا، مَا وَجَّهْنَا عَلَيْك وَ مَا شَحَدْنَاكْ وَ مَا خَلَّيْنَا الْخَطَايَا الْقَاعِدِينْ نِسَوُّوهُمْ وَ مَا سِمِعْنَا كَلَامَكْ الْحَقّ.

هُوشَع 7:7

كُلُّهُمْ حَامِيِينْ مِثِلْ الْفُرُنْ وَ يَاكُلُوا حُكَّامْهُمْ. كُلَّ مُلُوكْهُمْ يَقَعَوْا وَ مِنْهُمْ مَا فِي وَاحِدْ الْيِنَادِينِي.