إشَعْيا 64:5 - الكتاب المقدس بالعربي الدارجي هنا تشاد

⁵ إِنْتَ تِلَاقِي الْيَفْرَحَوْا بِسَوِّيِّنْ الْعَدَالَةْ وَ الْيِذَّكَّرَوْا دُرُوبَكْ. وَ إِنْتَ غِضِبْت لَيْنَا أَشَانْ أَنِحْنَ أَذْنَبْنَا. لَاكِنْ دَايْماً بِدُرُوبَكْ دَوْل، أَنِحْنَ نَلْقَوْا النَّجَاةْ.

إشَعْيا 64:5 Referenca të Kryqëzuara

عِبْرَانِيِّين 4:16

وَ خَلَاصْ، خَلِّينَا نِقَرُّبُوا لِلّٰهْ الرَّحِيمْ بِأَمَانْ أَشَانْ هُو يَرْحَمْنَا. وَ نَلْقَوْا مِنَّهْ النِّعْمَةْ التِّسَاعِدْنَا وَكِتْ نِحْتَاجَوْا لَيْهَا.

أعمال الرُسُل 10:35

وَ اللّٰهْ يَقْبَلْ نَادُمْ مِنْ أَيِّ قَبِيلَةْ كَنْ يَخَافْ مِنَّهْ وَ عَمَلَهْ صَالِحْ.

مَلاخِـي 3:6

«أَنَا اللّٰهْ مَا نِغَيِّرْ. وَ بَيْدَا، إِنْتُو كُلَ يَا ذُرِّيَّةْ يَعْقُوبْ، مَا تِكَمُّلُوا.

هُوشَع 11:8

«يَا أَفْرَايِمْ، كِكَّيْف نِخَلِّيكْ؟ يَا إِسْرَائِيلْ، كِكَّيْف نِسَلِّمَكْ لِلْعَدُو؟ هَلْ نِدَمِّرَكْ مِثِلْ دَمَّرْت حِلَّالْ أَدْمَةْ وَ صَبُويِيمْ وَلَّا؟ أَنَا أَلْحَيَّرْت وَ قَلْبِي حَنَّ فَوْقكُو مَرَّةْ وَاحِدْ.

إشَعْيا 63:10

لَاكِنْ هُمَّنْ عِصَوْا اللّٰهْ وَ غَضَّبَوْا رُوحَهْ الْمُقَدَّسْ. خَلَاصْ، قَبَّلْ وَ بِقِي لَيْهُمْ عَدُو وَ هُو ذَاتَهْ قَمَّ حَارَبَاهُمْ.

زَبُور 112:1

الْحَمْدُ للّٰهْ! مَبْرُوكْ لِلنَّادُمْ الْيَخَافْ مِنْ اللّٰهْ وَ يَفْرَحْ زِيَادَةْ بِوَصِيَّاتَهْ.

زَبُور 103:17

لَاكِنْ رَحْمَةْ اللّٰهْ قَاعِدَةْ دَايْماً وَ إِلَى الْأَبَدْ فِي النَّاسْ الْيَخَافَوْا مِنَّهْ. وَ عَدَالْتَهْ لِعِيَالْ عِيَالْهُمْ،

زَبُور 37:4

وَ مَعَ اللّٰهْ، تَلْقَى كُلَّ شَيّءْ سَمَحْ وَ هُو يَنْطِيكْ طَلَبَاتْ قَلْبَكْ.

زَبُور 25:10

كُلَّ دُرُوبْ اللّٰهْ رَحْمَةْ وَ حَقّ لِلْيَحْفَضَوْا فَرَايْضَهْ وَ مُعَاهَدَتَهْ.

خُروج 30:6

وَ خُطّ الْمُخْبَرْ دَا بَرَّا مِنْ السِّتَارْ الْقَاعِدْ قِدَّامْ الصَّنْدُوقْ الْفَوْقَهْ لِيحَانْ الْمُعَاهَدَةْ. الصَّنْدُوقْ وَ سِدَادْتَهْ قَاعِدِينْ وَرَاءْ السِّتَارْ. وَ دَا الْبَكَانْ الْأَنَا نِقَابِلَكْ فَوْقَهْ.

خُروج 25:22

وَ هِنَاكْ فَوْق لِسِدَادَةْ الصَّنْدُوقْ أَمْبَيْن الْمَخْلُوقِينْ السَّمَاوِيِّينْ الْإِتْنَيْن، أَنَا نِقَابِلَكْ. وَ نِكَلِّمْ لَيْك بِكُلَّ الْأَوَامِرْ النَّنْطِيهُمْ لِبَنِي إِسْرَائِيلْ.

خُروج 20:24

أَبْنُوا لَيِّ مَدْبَحْ مِنْ تُرَابْ لِتِقَدُّمُوا لَيِّ فَوْقَهْ ضَحَايَا مُحَرَّقِينْ وَ ضَحَايَا سَلَامَةْ مِنْ غَنَمْكُو وَ بَقَرْكُو. وَ أَنَا نَجِي نِبَارِكُّو فِي كُلَّ بَكَانْ التِّنَادُوا فَوْقَهْ أُسْمِي.

هُوشَع 6:3

خَلِّي نِتَابُعُوا اللّٰهْ لِنَعَرْفُوهْ. جَيْتَهْ مُؤَكَّدَةْ مِثِلْ نُورْ الصَّبَاحْ وَ هُو يَجِينَا مِثِلْ مَطَرْ، مِثِلْ مَطَرْ الرِّشَاشْ الْيَزْقِي الْأَرْض.»

إشَعْيا 12:1

وَ فِي الْيَوْم دَا، إِنْتَ تُقُولْ: «أَنَا نَشْكُرَكْ، يَا اللّٰهْ! أَشَانْ إِنْتَ زِعِلْت ضِدِّي وَ لَاكِنْ غَضَبَكْ إِنْتَ خَلَّيْتَهْ وَ إِنْتَ صَبَّرْتِنِي.

إشَعْيا 26:13

يَا اللّٰهْ إِلٰـهْنَا، سِيَادْ آخَرِينْ بَلَاكْ إِنْتَ مَلَكَوْا فَوْقنَا لَاكِنْ أُسْمَكْ إِنْتَ وِحَيْدَكْ بَسْ، أَنِحْنَ نَذْكُرُوهْ.

إشَعْيا 63:7

أَنَا نِذَّكَّرْ رَحْمَةْ اللّٰهْ وَ عَمَلَهْ الْوَاجِبْ لَيَّهْ الشُّكُرْ حَسَبْ كُلَّ شَيّءْ السَّوَّاهْ لَيْنَا اللّٰهْ. أَيْوَى، خَيْرَهْ الْكَبِيرْ لِبَنِي إِسْرَائِيلْ، عَدَالْتَهْ السَّوَّاهَا حَسَبْ خَيْرَهْ الْمَا عِنْدَهْ حَدّ.

دَنْيال 9:5

أَنِحْنَ أَذْنَبْنَا وَ خِطِينَا وَ سَوَّيْنَا الشَّرّ وَ عِصِينَاكْ وَ خَلَّيْنَا وَصِيَّاتَكْ وَ شَرِيعْتَكْ.

إشَعْيا 1:30

خَلَاصْ، إِنْتُو تَبْقَوْا مِثِلْ شَدَرَةْ الْوَرَقْهَا يِبِسْ وَ جِنَيْنَةْ الْأَلْمِيهَا كَمَّلْ.

إشَعْيا 27:8

وَ لَاكِنْ وَكِتْ اللّٰهْ عَاقَبَاهُمْ، هُو طَرَدَاهُمْ وَ مَرَقَاهُمْ وَ قَشَّاهُمْ بِنَفْخَةْ شَدِيدَةْ فِي يَوْم هَنَا رِيحْ الْجَايَةْ مِنْ صَبَاحْ.

زَكَرِيَّا 3:3

وَ يَشُوعْ وَاقِفْ قِدَّامْ الْمَلَكْ وَ لَابِسْ خُلْقَانْ وَسْخَانِينْ.