إشَعْيا 64:3 - الكتاب المقدس بالعربي الدارجي هنا تشاد

³ زَمَانْ، إِنْتَ سَوَّيْت أَشْيَاءْ الْبِخَوُّفُوا الْأَنِحْنَ مَا خَطَّيْنَا فَوْقهُمْ عَشَمْنَا. خَلَاصْ، إِنْتَ نَزَلْت وَ الْجِبَالْ أَنْهَزَّوْا قِدَّامَكْ.

إشَعْيا 64:3 Referenca të Kryqëzuara

حَبَقُوق 3:3

وَ الرَّبّ جَاءْ مِنْ بَلَدْ تَيْمَانْ. أَيْوَى، الْقُدُّوسْ جَاءْ مِنْ جَبَلْ فَارَانْ. وَقْفَةْ. مَجْدَهْ مَلَا السَّمَاوَاتْ وَ شُكْرَهْ غَطَّى الْأَرْض.

زَبُور 106:22

وَ عَجَايِبْ فِي بَلَدْ حَامْ. وَ فِي خَشُمْ الْبَحَرْ الْأَحْمَرْ، سَوَّى أَعْمَالْ الْبِخَوُّفُوا.

زَبُور 66:5

تَعَالُوا شِيفُوا عَمَلْ الرَّبّ. بِعَجَايْبَهْ، يِخَوِّفْ الْإِنْسَانْ.

زَبُور 66:3

قُولُوا لِلرَّبّ: «أَعْمَالَكْ مُخِيفِينْ! وَ بِسَبَبْ قُدُرْتَكْ الْكَبِيرَةْ، عُدْوَانَكْ يِلْمَسْكَنَوْا قِدَّامَكْ.

تَثْنِية 10:21

وَ لَيَّهْ هُو بَسْ أَشْكُرُوهْ، هُو إِلٰـهْكُو السَّوَّى فِي أُسُطْكُو الْعَجَايِبْ الْكُبَارْ الْبِخَوُّفُوا وَ إِنْتُو شِفْتُوهُمْ بِعُيُونْكُو.

حَبَقُوق 3:6

هُو وَقَفْ وَ الْأَرْض أَنْهَزَّتْ وَ هُو شَافْ وَ الْأُمَمْ رَجَّفَوْا. الْجِبَالْ الْقَدِيمِينْ أَلْفَتْفَتَوْا وَ الْحُجَارْ الدَّايْمِينْ أَلْكَسَّرَوْا وَ الدُّرُوبْ الدَّايْمِينْ هِنَيْه هُو.

إشَعْيا 64:1

يَا اللّٰهْ! أَفْتَحْ السَّمَاوَاتْ وَ أَنْزِلْ أَشَانْ الْجِبَالْ يِنْهَزَّوْا قِدَّامَكْ!

زَبُور 76:12

أَشَانْ هُو يِمَسْكِنْ الْكُبَارَاتْ وَ يِخَوِّفْ مُلُوكْ الْأَرْض.

زَبُور 68:8

وَ فِي الْوَكِتْ دَا، الْأَرْض رَجَفَتْ وَ السَّمَاوَاتْ صَبَّوْا أَلْمِي قِدَّامْ الرَّبّ إِلٰـهْ جَبَلْ سِينَاء، قِدَّامْ الرَّبّ إِلٰـهْ بَنِي إِسْرَائِيلْ.

2 صَمُوِيل 7:23

فِيَّهْ أُمَّةْ فِي كُلَّ الْأَرْض مِثِلْ شَعَبَكْ بَنِي إِسْرَائِيلْ وَلَّا؟ يَا رَبّ، إِنْتَ فَدَيْتهُمْ وَ سَوَّيْتهُمْ شَعَبَكْ أَشَانْ أُسْمَكْ يَبْقَى عَالِي. وَ إِنْتَ سَوَّيْت عَجَايِبْ كُبَارْ الْبِخَوُّفُوا لِبَلَدَكْ وَ قِدَّامْ شَعَبَكْ الْإِنْتَ فَدَيْتهُمْ لِنَفْسَكْ مِنْ بَلَدْ مَصِرْ. وَ طَرَدْت الْأُمَمْ الْآخَرِينْ وَ إِلٰـهَاتْهُمْ قِدَّامْ شَعَبَكْ.

تَثْنِية 4:34

وَ هَلْ فِي إِلٰـهْ آخَرْ الْجَرَّبْ يِشِيلْ لِنَفْسَهْ أُمَّةْ مِنْ أُسُطْ أُمَّةْ آخَرَةْ بِتَجْرِبَةْ أَوْ بِعَلَامَاتْ أَوْ بِعَجَايِبْ أَوْ بِحَرِبْ أَوْ بِإِيدْ شَدِيدَةْ أَوْ بِدُرَاعْ قَوِي أَوْ بِخَوْف شَدِيدْ مِثِلْ السَّوَّاهْ اللّٰهْ إِلٰـهْكُو فِي بَلَدْ مَصِرْ وَلَّا؟ وَ دَا إِنْتُو شِفْتُوهْ بِعُيُونْكُو.

خُروج 34:10

وَ اللّٰهْ قَالْ لِمُوسَى: «دَاهُو أَنَا نِسَوِّي مَعَاكُو مُعَاهَدَةْ. نِسَوِّي عَجَايِبْ قِدَّامْ كُلَّ شَعَبَكْ الْأَبَداً مَا بِقَوْا فِي أُمَمْ الْأَرْض. وَ الشَّعَبْ الْإِنْتَ قَاعِدْ فِي أُسُطْهُمْ يِشِيفُوا كُلَّ الْفِعِلْ الْعَجِيبْ الْبِخَوِّفْ الْأَنَا اللّٰهْ نِسَوِّيهْ بَيْك إِنْتَ.

إشَعْيا 5:25

وَ بِسَبَبْ دَا، غَضَبْ اللّٰهْ يَنْزِلْ ضِدّ شَعَبَهْ. هُو يَرْفَعْ إِيدَهْ ضِدُّهُمْ لِيَضْرُبْهُمْ. وَ الْجِبَالْ يَرْجُفُوا وَ جَنَازَاتْ شَعَبَهْ يَبْقَوْا مِثِلْ وَسَخْ فِي أُسْط الشَّوَارِعْ. لَاكِنْ بَيْدَا كُلَ، مَا خَلَّى زَعَلَهْ وَ إِيدَهْ قَاعِدَةْ مَرْفُوعَةْ لِلْعِقَابْ.