إشَعْيا 64:2 - الكتاب المقدس بالعربي الدارجي هنا تشاد

² مِثِلْ بِسُرْعَةْ النَّارْ تَاكُلْ الْقَشّ وَ تِفَوِّرْ الْأَلْمِي، إِنْتَ كُلَ تِعَرِّفْ أُسْمَكْ لِخُصْمَانَكْ وَ تِرَجِّفْ الْأُمَمْ قِدَّامَكْ!

إشَعْيا 64:2 Referenca të Kryqëzuara

زَبُور 99:1

اللّٰهْ هُو الْمَلِكْ. خَلِّي الشُّعُوبْ يَرْجُفُوا! هُو قَاعِدْ فَوْق الْمَخْلُوقِينْ السَّمَاوِيِّينْ. خَلِّي الْأَرْض تِنْهَزَّ!

إرْمِيا 33:9

وَ الْمَدِينَةْ دِي، تَبْقَى لَيِّ فَرَحْ وَ تِجِيبْ لَيِّ شُكُرْ وَ شَرَفْ قِدَّامْ كُلَّ أُمَمْ الْأَرْض الْيَسْمَعَوْا بِالْخَيْر الْأَنَا سَوَّيْتَهْ لِشَعَبِي. وَ الْأُمَمْ دَوْل يَخَافَوْا وَ يِبَرْجُلُوا بِسَبَبْ كُلَّ الْخَيْر وَ السَّلَامْ الْأَنَا جِبْتَهْ فِي الْمَدِينَةْ دِي.»

إرْمِيا 5:22

وَ مَالَا مَا تَخَافَوْا مِنِّي؟ وَ مَالَا مَا تَرْجُفُوا قِدَّامِي؟ أَنَا بَسْ الْخَطَّيْت تُرَابْ حَدّ دَايِمْ لِلْبَحَرْ، هُو مَا يُفُوتْ حُدُودَهْ. كَنْ هُو يُفُورْ وَ مَوْجَهْ يُقُمّ وَ يَضْرُبْ كُلَ، هُو مَا يَقْدَرْ يُفُوتْ الْحُدُودْ دَوْل. وَ دَا كَلَامْ اللّٰهْ.

إشَعْيا 37:20

وَ هَسَّعْ، يَا اللّٰهْ إِلٰـهْنَا، نَجِّينَا مِنْ إِيدْ سَنْحَرِيبْ. وَ بَيْدَا، كُلَّ مَمَالِكْ الْأَرْض يَعَرْفُوا كَدَرْ إِنْتَ وِحَيْدَكْ بَسْ اللّٰهْ.»

زَبُور 46:10

وَ يُقُولْ: «خَلُّوا السِّلَاحْ وَ أَعَرْفُوا كَدَرْ أَنَا الرَّبّ، الْعَالِي فِي الْأُمَمْ وَ الْعَالِي فِي الْأَرْض.»

خُروج 14:4

وَ بَتَّانْ أَنَا نِقَوِّي رَاسْ فِرْعَوْن وَ هُو يَمْشِي وَرَاكُو لِيَكْرُبْكُو. وَ بَيْدَا، أَنَا نِوَصِّفْ قُدُرْتِي الْمَجِيدَةْ بَيَّهْ هُو وَ عَسْكَرَهْ. وَ مِثِلْ دَا، كُلَّ الْمَصْرِيِّينْ يَعَرْفُوا كَدَرْ أَنَا بَسْ اللّٰهْ.» وَ بَنِي إِسْرَائِيلْ مَشَوْا نَزَلَوْا فِي الْبَكَانْ دَا مِثِلْ اللّٰهْ أَمَرَاهُمْ.

إشَعْيا 63:12

وَيْن هُو السَّاعَدْ مُوسَى بِإِيدَهْ الْمَجِيدَةْ وَ شَقَّ الْبَحَرْ إِتْنَيْن قِدَّامْهُمْ لِيِعَلِّي أُسْمَهْ إِلَى الْأَبَدْ؟

زَبُور 106:8

وَ لَاكِنْ اللّٰهْ نَجَّاهُمْ فِي شَانْ أُسْمَهْ لِيِعَرِّفْهُمْ قُدُرْتَهْ.

زَبُور 83:13

يَا إِلٰـهِي! سَوِّيهُمْ يُدُورُوا مِثِلْ قَشّ الشَّايْلَةْ الرِّيحْ.

زَبُور 79:10

مَالَا الْأُمَمْ بُقُولُوا: «وَيْن إِلٰـهُّمْ؟» خَلِّي الْأُمَمْ دَوْل يَعَرْفُوا وَ وَصِّفْهُمْ قِدَّامْنَا كَدَرْ تِشِيلْ تَارْ فِي شَانْ عَبِيدَكْ الْكَتَلَوْهُمْ.

زَبُور 9:20

يَا اللّٰهْ، نَزِّلْ خَوْف شَدِيدْ فَوْقهُمْ! وَ خَلِّي الْأُمَمْ يَعَرْفُوا كَدَرْ هُمَّنْ إِنْسَانْ بَسْ. وَقْفَةْ.

تَثْنِية 2:25

وَ مِنْ الْيَوْم، أَنَا نَبْدَا نِنَزِّلْ الرُّعُبْ وَ الْخَوْف فِي كُلَّ شُعُوبْ الْأَرْض وَ هُمَّنْ يَخَافَوْا مِنْكُو. وَ وَكِتْ يَسْمَعَوْا بَيْكُو، يِبَرْجُلُوا وَ يِنْبَهْتُوا.»

عَمُوس 4:12

«وَ دَا كُلَّ نِسَوِّيهْ فَوْقكُو، يَا بَنِي إِسْرَائِيلْ، وَ مِثِلْ دَا بَسْ، نِسَوِّيهْ فَوْقكُو. جَهُّزُوا نُفُوسْكُو لِمُقَابَلَتِي أَنَا إِلٰـهْكُو، يَا بَنِي إِسْرَائِيلْ!»

مِيخا 1:4

وَ الْجِبَالْ يُمُوعُوا تِحْتَهْ وَ حُجَارْ خُشُومْ الْوُدْيَانْ يِنْقَطْعُوا مِثِلْ الشَّمْعَةْ فِي النَّارْ وَ مِثِلْ أَلْمِي الصَّبَّوْه فِي دِلَّيَّةْ.

زَكَرِيَّا 14:4

وَ فِي الْيَوْم دَا، اللّٰهْ يَقِيفْ فِي جَبَلْ الزَّيْتُونْ صَبَاحْ لِمَدِينَةْ الْقُدُسْ. وَ جَبَلْ الزَّيْتُونْ يِنْشَقَّ مِنْ أُسُطْ مِنْ الصَّبَاحْ لَحَدِّي الْغَرِبْ وَ يَبْقَى وَادِي كَبِيرْ زِيَادَةْ. وَ نُصّ الْجَبَلْ يِكَسْكِسْ عَلَيْ الْمُنْشَاقْ وَ نُصَّهْ الْآخَرْ يِكَسْكِسْ عَلَيْ الْوَطِي.

إشَعْيا 28:21

بِأَكِيدْ، اللّٰهْ يُقُمّ مِثِلْ قَمَّ فِي جَبَلْ فَرَاصِيمْ وَ يَغْضَبْ مِثِلْ غِضِبْ فِي وَادِي قِبْعُونْ. وَ دَا لِيِسَوِّي خِدِمْتَهْ وَ هِي خِدِمْتَهْ الْعَجِيبَةْ وَ يِحَقِّقْ عَمَلَهْ وَ هُو عَمَلَهْ الْغَرِيبْ.