إشَعْيا 64:10 - الكتاب المقدس بالعربي الدارجي هنا تشاد

¹⁰ مُدُنَكْ الْمُقَدَّسِينْ فِضَوْا وَ جَبَلْ صَهْيُون بِقَتْ صَحَرَاء وَ مَدِينَةْ الْقُدُسْ بِقَتْ بَكَانْ خَرَابْ.

إشَعْيا 64:10 Referenca të Kryqëzuara

إشَعْيا 1:7

بَلَدْكُو خِرْبَتْ وَ مُدُنْكُو حِرْقَوْا. الْأَجَانِبْ يَاكُلُوا إِنْتَاجْ أَرْضُكُو قِدَّامْكُو. هِي خِرْبَتْ وَ الْأَجَانِبْ دَمَّرَوْهَا.

لُوقا 21:24

يُمُوتُوا بِالْسَّيْف وَ يِوَدُّوهُمْ مَسَاجِينْ فِي أُسْط كُلَّ الْأُمَمْ. وَ نَاسْ الْأُمَمْ يَمُلْكُوا مَدِينَةْ الْقُدُسْ وَ يِفَجُّقُوهَا لَحَدِّي وَكِتْهُمْ يِكَمِّلْ.

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.

دَنْيال 12:7

وَ النَّادُمْ اللَّابِسْ الْخَلَقْ هَنَا قُمَاشْ سَمَحْ الْقَاعِدْ فَوْق مِنْ أَلْمِي الْبَحَرْ دَا رَفَعْ إِيدَيْنَهْ الْإِتْنَيْن عَلَيْ السَّمَاءْ وَ قَالْ: «نَحْلِفْ بِأُسُمْ اللّٰهْ الْحَيّ الدَّايِمْ، أَخِيرْ الْأَشْيَاءْ دَوْل فِي تَلَاتَةْ سَنَةْ وَ نُصّ. وَ دَا، بَعَدْ تِدَّمَّرْ قُدْرَةْ الشَّعَبْ الصَّالِحِينْ هَنَا اللّٰهْ.»

مَراثِي إرْمِيا 5:18

أَيْوَى، جَبَلْ صَهْيُون خِرِبْ وَ بَعَاشِيمْ سَاكْنِينْ فَوْقَهْ.

2 مُلوك 25:9

وَ هُو تَشَّ بَيْت اللّٰهْ وَ قَصِرْ الْمَلِكْ وَ كُلَّ بُيُوتْ مَدِينَةْ الْقُدُسْ. وَ كُلَّ بُيُوتْ الْمَسَائِيلْ، هُو حَرَّقَاهُمْ بِنَارْ.

لُوقا 21:21

وَ فِي الْبَكَانْ دَا، خَلِّي النَّاسْ الْقَاعِدِينْ فِي دَارْ الْيَهُودِيَّةْ يِعَرُّدُوا فِي الْحُجَارْ. وَ خَلِّي النَّاسْ الْفِي الْمَدِينَةْ يَمُرْقُوا مِنْهَا وَ خَلِّي النَّاسْ الْفِي الْكَدَادَةْ مَا يَدْخُلُوا فِي الْمَدِينَةْ.

إشَعْيا 6:11

وَ أَنَا قُلْت: «دَا لِمَتَى، يَا رَبِّي؟» وَ هُو قَالْ: «لَحَدِّي كُلَّ الْمُدُنْ يِدَّمَّرَوْا وَ يَبْقَوْا فَاضِيِينْ مِنْ سُكَّانْهُمْ وَ الْبُيُوتْ يَبْقَوْا بَلَا نَاسْ وَ الْأَرْض تِدَّمَّرْ وَ تَخْرَبْ.

إشَعْيا 48:2

يِنَادُوكُو نَاسْ الْمَدِينَةْ الْمُقَدَّسَةْ الْمُتَوَكِّلِينْ عَلَيْ إِلٰـهْ بَنِي إِسْرَائِيلْ وَ هُو أُسْمَهْ اللّٰهْ الْقَادِرْ.

إشَعْيا 52:1

قُمِّي! قُمِّي فَوْق! وَ أَبْقَيْ قَوِيَّةْ، يَا مَدِينَةْ صَهْيُون! أَلْبَسَيْ خُلْقَانْكِ هَنَا الشَّرَفْ، يَا مَدِينَةْ الْقُدُسْ، الْمَدِينَةْ الْمُقَدَّسَةْ! أَشَانْ بَتَّانْ مَا يَدْخُلْ فَوْقكِ الْمَا مُطَهَّرْ وَ الْمَا طَاهِرْ.

إرْمِيا 52:13

وَ هُو تَشَّ بَيْت اللّٰهْ وَ قَصِرْ الْمَلِكْ وَ كُلَّ بُيُوتْ مَدِينَةْ الْقُدُسْ. وَ كُلَّ بُيُوتْ الْمَسَائِيلْ، هُو حَرَّقَاهُمْ بِنَارْ.

مَراثِي إرْمِيا 1:10

وَ الْخَصِيمْ خَطَّ إِيدَيْنَهْ فِي كُلَّ زِينَةْ بَيْتهَا التَّفْرَحْ بَيْهَا. أَيْوَى، فِي الْبَيْت الْمُقَدَّسْ دَخَلَوْا أُمَمْ الْإِنْتَ اللّٰهْ قُلْت مَا يَدْخُلُوا فِي بَكَانْ جَمَاعْتَكْ.

1 أخبار 23:5

وَ خَطَّ 4 000 حَرَاسَةْ الْيَحَرْسُوا الْبِيبَانْ وَ 4 000 لِيَشْكُرُوا اللّٰهْ بِآلَاتْ الْمُسِيقَى الْهُو سَوَّاهُمْ لِيَشْكُرُوا بَيْهُمْ.

إشَعْيا 63:18

وَ شَعَبَكْ الْمُخَصَّصْ شَالَوْا الْبَلَدْ دِي لِمُدَّةْ قِصَيْرَةْ بَسْ. وَ بَعَدْ دَا، خُصْمَانَّا جَوْا وَ فَجَّقَوْا بَيْتَكْ الْمُقَدَّسْ.

مَراثِي إرْمِيا 1:7

وَ فِي أَيَّامْهَا هَنَا الضِّيقَةْ وَ التَّعَبْ، مَدِينَةْ الْقُدُسْ أَذَّكَّرَتْ كُلَّ شَهْوَاتْهَا الزَّمَانْ قَاعِدَةْ تَفْرَحْ بَيْهُمْ. وَ وَكِتْ شَعَبْهَا وَقَعَوْا فِي إِيدَيْن خُصْمَانْهُمْ، مَا فِي نَادُمْ الْيَفْزَعْهُمْ. وَ خُصْمَانْهَا شَافَوْهَا وَ فِرْحَوْا بِدَمَارْهَا.

حَقَّاي 2:3

‹يَاتُو مِنْكُو إِنْتُو الْقَاعِدِينْ حَيِّينْ الْيَوْم شَافْ مَجْد الْبَيْت دَا زَمَانْ؟ وَ كَيْف شِفْتُوهْ الْيَوْم؟ صَحِيحْ الْبَيْت دَا مَا يَعَجِبْكُو!›