إشَعْيا 61:3 - الكتاب المقدس بالعربي الدارجي هنا تشاد

³ هُو رَسَّلَانِي لِنَاسْ صَهْيُون الْقَاعِدِينْ فِي الْحِزِنْ أَشَانْ نَنْطِيهُمْ كَدْمُولْ جَمِيلْ بَدَلْ الرُّمَادْ الْفِي رَاسْهُمْ وَ دِهِنْ السُّرُورْ بَدَلْ الْحِزِنْ وَ لُبَاسْ الشُّكُرْ بَدَلْ الرُّوحْ الضَّعِيفَةْ. وَ يِسَمُّوهُمْ شَدَرْ الْعَدَالَةْ الْاللّٰهْ مَقَنَهْ لِيِوَصِّفْ مَجْدَهْ.

إشَعْيا 61:3 Referenca të Kryqëzuara

زَبُور 30:11

إِنْتَ بَدَّلْت حِزْنِي بِالْفَرْحَةْ وَ خُلْقَانِي هَنَا الْحِزِنْ، بَدَّلْتُهُمْ بِخُلْقَانْ هَنَا الْفَرْحَةْ.

يُوحَنَّا 16:20

أَسْمَعَوْا نُقُولْ لَيْكُو الْحَقّ، إِنْتُو تَبْكُوا وَ تَحْزَنَوْا وَ نَاسْ الدُّنْيَا يَفْرَحَوْا. صَحِيحْ، إِنْتُو تَحْزَنَوْا لَاكِنْ الْفَرْحَةْ تِبَدِّلْ لَيْكُو الْحِزِنْ.

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

جامِعة 9:8

وَ فِي كُلَّ وَكِتْ، أَلْبَسْ خَلَقْ مُكَلَّفْ وَ خَلِّي مَا يِقَصِّرْ لَيْك الدِّهِنْ الْيَمْسَحَوْه فِي الرَّاسْ.

زَبُور 45:7

إِنْتَ تِحِبّ الْعَدَالَةْ وَ تَكْرَهْ الظُّلُمْ. أَشَانْ دَا، الرَّبّ إِلٰـهَكْ عَزَلَكْ إِنْتَ بَسْ مِنْ رُفْقَانَكْ وَ مَسَحَكْ بِدِهِنْ السُّرُورْ.

1 بُطْرُس 2:9

لَاكِنْ كَنْ لَيْكُو إِنْتُو، بِقِيتُوا الْقَبِيلَةْ الْاللّٰهْ عَزَلَاهَا وَ رُجَالْ دِينْ هَنَا الْمَلِكْ الْكَبِيرْ وَ أُمَّةْ مُخَصَّصَةْ لِلّٰهْ وَ شَعَبْ اللّٰهْ ذَاتَهْ. هُو نَادَاكُو أَشَانْ تَمُرْقُوا مِنْ الضَّلَامْ وَ تَدْخُلُوا فِي نُورَهْ الْعَجِيبْ وَ خَلَاصْ تِبَلُّغُوا خَبَرْ هَنَا أَعْمَالْ اللّٰهْ الْكُبَارْ.

زَبُور 23:5

يَا اللّٰهْ! إِنْتَ عَزَمْتِنِي قِدَّامْ عُدْوَانِي وَ صَبَّيْت لَيِّ دِهِنْ فِي رَاسِي وَ كَاسِي مَلَانْ وَ أَنَا رَوْيَانْ.

1 كُرُنْتُس 6:20

هُو فَدَاكُو بِتَمَنْ غَالِي. أَشَانْ دَا، خَلِّي كُلَّ شَيّءْ التِّسَوُّوا بِجِسِمْكُو يِمَجِّدْ اللّٰهْ.

زَكَرِيَّا 3:5

وَ قَالْ بَتَّانْ: «خَلِّي يُخُطُّوا فِي رَاسَهْ كَدْمُولْ طَاهِرْ.» وَ خَلَاصْ، لَبَّسَوْه خُلْقَانْ وَ خَطَّوْا كَدْمُولْ طَاهِرْ فِي رَاسَهْ. وَ مَلَكْ اللّٰهْ وَاقِفْ فِي الْبَكَانْ دَا.

فِلِبِّي 1:11

وَ تَبْقَوْا صَالِحِينْ وَ مَلَانِينْ بِالْخَيْر الْجَايِ مِنْ عِيسَى الْمَسِيحْ. وَ خَلَاصْ، الْمَجْد وَ الشُّكُرْ لِلّٰهْ.

مَتَّى 5:16

وَ مِثِلْ دَا، خَلُّوا نُورْكُو يِضَوِّي قِدَّامْ النَّاسْ. وَ خَلُّوهُمْ يِشِيفُوا خِدْمِتْكُو السَّمْحَةْ وَ يَشْكُرُوا أَبُوكُو اللّٰهْ الْقَاعِدْ فِي السَّمَاوَاتْ.

أسْتِير 8:15

وَ مَرْدَكَايْ مَرَقْ مِنْ قَصِرْ الْمَلِكْ لَابِسْ خَلَقْ هَنَا مُلُوكْ لَوْنَهْ ظَهْرِي وَ أَبْيَضْ وَ جَلَّابِيَّةْ مِنْ قُمَاشْ أَبْيَضْ وَ قَرَضِي وَ تَاجْ كَبِيرْ هَنَا دَهَبْ فِي رَاسَهْ. وَ كُلَّ نَاسْ مَدِينَةْ شُوشَةْ قَاعِدِينْ يِعِيطُوا مِنْ الْفَرْحَةْ.

1 بُطْرُس 4:14

كَنْ النَّاسْ يِعَيُّرُوكُو أَشَانْ إِنْتُو نَاسْ الْمَسِيحْ، خَلَاصْ عِنْدُكُو بَرَكَةْ أَشَانْ رُوحْ اللّٰهْ الْمَجِيدْ قَاعِدْ فَوْقكُو.

لُوقا 15:22

«لَاكِنْ أَبُوهْ نَادَى عَبِيدَهْ وَ قَالْ: ‹عَجَلَةْ، جِيبُوا لَيَّهْ أَجْمَلْ خَلَقْ وَ لَبُّسُوهْ لَيَّهْ. وَ دِسُّوا لَيَّهْ خَاتِمْ فِي إِيدَهْ وَ نَعَالْ فِي رِجِلَيْنَهْ.

أسْتِير 9:22

أَشَانْ دَوْل الْأَيَّامْ الْيَهُودْ لِقَوْا فَوْقهُمْ الْجُمَّةْ مِنْ عُدْوَانْهُمْ وَ دَا الشَّهَرْ الْفَوْقَهْ حَالِتْهُمْ أَلْبَدَّلَتْ، الضِّيقَةْ بِالْفَرْحَةْ وَ الْحِزِنْ بِالْعِيدْ. وَ وَاجِبْ يِعَيُّدُوا الْأَيَّامْ دَوْل بِفَرْحَةْ وَ يِقَدُّمُوا هَدَايَا أَمْبَيْنَاتْهُمْ وَ يَنْطُوا هَدَايَا لِلْمَسَاكِينْ.

2 تَسَلونِيكِي 1:10

وَ دَا يَبْقَى وَكِتْ هُو يَجِي فِي أُسُطْ شَعَبَهْ الصَّالِحِينْ أَشَانْ يِمَجُّدُوهْ. وَ فِي الْيَوْم دَا، هُو يَجِي فِي أُسْط النَّاسْ الْآمَنَوْا بَيَّهْ وَ كُلُّهُمْ يِكَرُّمُوهْ بِفَرْحَةْ. وَ إِنْتُو كُلَ تُكُونُوا مَعَاهُمْ أَشَانْ وَكِتْ جِينَا لَيْكُو، آمَنْتُوا بِسَبَبْ شَهَادِتْنَا.

يُوحَنَّا 15:8

وَ مَجْد أَبُويِ يِبِينْ زِيَادَةْ وَكِتْ إِنْتُو تَبْقَوْا مِثِلْ فُرُوعْ الْيَلْدَوْا عِيَالْ كَتِيرْ. وَ بَيْدَا، تِوَصُّفُوا نُفُوسْكُو كَدَرْ إِنْتُو تَلَامِيذِي.

زَبُور 104:15

وَ دَوْل خَمَرْ الْيِفَرِّحْ قَلِبْ بَنِي آدَم وَ دِهِنْ الْيِنَوِّرْ وِجْهَهْ وَ أَكِلْ الْيَنْطِيهْ قُدْرَةْ.

إشَعْيا 12:1

وَ فِي الْيَوْم دَا، إِنْتَ تُقُولْ: «أَنَا نَشْكُرَكْ، يَا اللّٰهْ! أَشَانْ إِنْتَ زِعِلْت ضِدِّي وَ لَاكِنْ غَضَبَكْ إِنْتَ خَلَّيْتَهْ وَ إِنْتَ صَبَّرْتِنِي.

مَتَّى 15:13

وَ رَدَّ لَيْهُمْ وَ قَالْ: «أَيِّ خَضَارْ الْأَبُويِ اللّٰهْ مَا تَيْرَبَهْ يِنْمَلِطْ.

1 كُرُنْتُس 3:9

وَ خَلَاصْ، أَنِحْنَ أَخْوَانْ فِي خِدْمَةْ اللّٰهْ وَ إِنْتُو بِقِيتُوا جِنَيْنَةْ هَنَا اللّٰهْ. أَوْ بِمَثَلْ آخَرْ، إِنْتُو بِقِيتُوا الْبَيْت الْاللّٰهْ قَاعِدْ يَبْنِيهْ.

عِبْرَانِيِّين 1:9

إِنْتَ تِحِبّ الْعَدَالَةْ وَ تَكْرَهْ الظُّلُمْ. أَشَانْ دَا، اللّٰهْ إِلٰـهَكْ عَزَلَكْ إِنْتَ بَسْ مِنْ رُفْقَانَكْ وَ مَسَحَكْ بِدِهِنْ السُّرُورْ.>

زَبُور 149:4

أَشَانْ اللّٰهْ يَرْضَى بِشَعَبَهْ وَ يِجَمِّلْ الْمَسَاكِينْ بِالنَّجَاةْ.

إشَعْيا 26:2

أَفْتَحَوْا الْبِيبَانْ أَشَانْ تَدْخُلْ الْأُمَّةْ الصَّالْحَةْ وَ حَافْضَةْ أَمَانْهَا.

إشَعْيا 44:23

يَا السَّمَاوَاتْ، زَغْرُطُوا أَشَانْ اللّٰهْ سَوَّى الشَّيّءْ دَا! أَفْرَحَيْ، يَا أَرْض التِّحِتْ! وَ يَا جِبَالْ وَ إِنْتُو الْغَابَاتْ وَ كُلَّ شَدَرْكُو، غَنُّوا بِالْفَرَحْ! أَشَانْ اللّٰهْ فَدَى يَعْقُوبْ وَ يِوَصِّفْ مَجْدَهْ فِي إِسْرَائِيلْ.

إشَعْيا 46:13

وَ أَنَا نِقَرِّبْ عَدَالْتِي الْهِي مَا بَعِيدَةْ وَ نِنَجِّيكُو بَلَا تَأخِيرْ. وَ فِي صَهْيُون، نِجِيبْ النَّجَاةْ وَ فِي إِسْرَائِيلْ، نِجِيبْ مَجْدِي.»

إشَعْيا 52:1

قُمِّي! قُمِّي فَوْق! وَ أَبْقَيْ قَوِيَّةْ، يَا مَدِينَةْ صَهْيُون! أَلْبَسَيْ خُلْقَانْكِ هَنَا الشَّرَفْ، يَا مَدِينَةْ الْقُدُسْ، الْمَدِينَةْ الْمُقَدَّسَةْ! أَشَانْ بَتَّانْ مَا يَدْخُلْ فَوْقكِ الْمَا مُطَهَّرْ وَ الْمَا طَاهِرْ.

إرْمِيا 31:13

وَ دَاهُو كَلَامْ اللّٰهْ: «فِي الْوَكِتْ دَا، الْبَنَاتْ يَلْعَبَنْ وَ يَفْرَحَنْ وَ الصُّبْيَانْ وَ الشِّيَّابْ كُلَ. نِبَدِّلْ بَكِيهُمْ بِفَرْحَةْ وَ نِحَنِّسْهُمْ وَ نِفَرِّحْهُمْ مِنْ حِزِنْهُمْ. وَ نَشْبِعْ رُجَالْ الدِّينْ بِاللَّحَمْ السَّمِينْ وَ شَعَبِي يَشْبَعَوْا بِكُلَّ خَيْرِي.»

حِزْقِيال 34:29

وَ نِقَوِّمْ لَيْهُمْ زِرَاعَةْ مَعْرُوفَةْ بِكَتَرَةْ الْإِنْتَاجْ. وَ الْجُوعْ بَتَّانْ مَا يَكْتُلْهُمْ فِي الْبَلَدْ وَ مَا يَبْقَوْا مُعْيَارْ فِي أُسْط الْأُمَمْ.

حِزْقِيال 47:7

وَ وَكِتْ قَبَّلَانِي، دَاهُو أَنَا شِفْت شَدَرْ كَتِيرْ فِي خَشُمْ الْوَادِي جَايْ وَ جَايْ.

زَبُور 30:12

وَ بَيْدَا، قَلْبِي يِغَنِّي لَيْك، مَا يَسْكُتْ. يَا اللّٰهْ إِلٰـهِي، نَشْكُرَكْ إِلَى الْأَبَدْ!