إشَعْيا 61:1 - الكتاب المقدس بالعربي الدارجي هنا تشاد

¹ رُوحْ اللّٰهْ الرَّبّ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ وَ نَعْلِنْ بِالْحُرِّيَّةْ لِلْمَكْرُوبِينْ وَ بِالطَّلَقَانْ لِلْمَسَاجِينْ.

إشَعْيا 61:1 Referenca të Kryqëzuara

لُوقا 7:22

وَ عِيسَى رَدَّ لَيْهُمْ وَ قَالْ: «أَمْشُوا وَ أَوْرُوا يَحْيَى بِكُلَّ شَيّءْ الشِّفْتُوهْ وَ سِمِعْتُوهْ. الْعَمْيَانِينْ قَاعِدِينْ يِشِيفُوا وَ الْعُرُجْ يُرُوغُوا وَ الْعِنْدُهُمْ جِدَامْ يَلْقَوْا الْعَافَيْ وَ الطَّرْشَانِينْ يَسْمَعَوْا وَ الْمَيْتِينْ يَبْعَثَوْا وَ الْمَسَاكِينْ قَاعِدِينْ يَسْمَعَوْا الْبِشَارَةْ.

إشَعْيا 42:7

إِنْتَ تَفْتَحْ عُيُونْ الْعَمْيَانِينْ وَ تَمْرُقْ الْمَسَاجِينْ مِنْ السِّجِنْ وَ تَطْلِقْ السَّاكْنِينْ فِي ضَلَامْ السُّلُولُو.

مَتَّى 11:5

الْعَمْيَانِينْ قَاعِدِينْ يِشِيفُوا وَ الْعُرُجْ قَاعِدِينْ يُرُوغُوا وَ الْعِنْدُهُمْ جِدَامْ قَاعِدِينْ يَلْقَوْا الْعَافَيْ وَ الطَّرْشَانِينْ قَاعِدِينْ يَسْمَعَوْا وَ الْمَيْتِينْ قَاعِدِينْ يَبْعَثَوْا. وَ الْمَسَاكِينْ قَاعِدِينْ يَسْمَعَوْا الْبِشَارَةْ.

زَبُور 147:3

هُو يَشْفِي الْقَلِبْهُمْ مَجْرُوحْ وَ يِعَالِجْ وَجَعْهُمْ.

إشَعْيا 42:1

«دَاهُو عَبْدِي الْأَنَا قَاعِدْ نِسَاعِدَهْ وَ هُو بَسْ الْأَنَا إِخْتِرْتَهْ وَ فِرِحْت بَيَّهْ. أَنَا خَطَّيْت رُوحِي فَوْقَهْ وَ هُو يِبَيِّنْ الْعَدَالَةْ لِلْأُمَمْ.

أعمال الرُسُل 10:38

وَ تَعَرْفُوا كَدَرْ اللّٰهْ نَزَّلْ الرُّوحْ الْقُدُّوسْ فِي عِيسَى الْمِنْ النَّاصِرَةْ وَ دَرَّجَهْ مَسِيحْ وَ أَنْطَاهْ قُدْرَةْ. وَ عِيسَى سَوَّى الْخَيْر فِي أَيِّ بَكَانْ وَ شَفَى كُلَّ النَّاسْ الْإِبْلِيسْ عَذَّبَاهُمْ أَشَانْ اللّٰهْ كَانْ مَعَايَهْ.

إشَعْيا 57:15

أَشَانْ دَاهُو كَلَامْ اللّٰهْ الْعَالِي الْقَاعِدْ فَوْق، هُو الْقَاعِدْ إِلَى الْأَبَدْ وَ أُسْمَهْ الْقُدُّوسْ. هُو قَالْ: «أَنَا قَاعِدْ فِي بَكَانْ عَالِي وَ مُقَدَّسْ وَ قَاعِدْ بَتَّانْ مَعَ نَاسْ الْقُلُوبْهُمْ تَعْبَانِينْ وَ رُوحْهُمْ مُتَوَاضِعَةْ لِنَحَيِي رُوحْ الْمُتَوَاضِعِينْ وَ نَحَيِي قُلُوبْ التَّعْبَانِينْ.

إشَعْيا 49:9

وَ لِتُقُولْ لِلْمَسَاجِينْ: ‹أَمُرْقُوا› وَ تُقُولْ لِلْقَاعِدِينْ فِي الضَّلَامْ: ‹بَيُّنُوا نُفُوسْكُو!› وَ بَيْدَا، هُمَّنْ يَسْرَحَوْا فِي الطُّرُقْ وَ فِي كُلَّ رُوسَيْ الْجِبَالْ، يَرْتَعَوْا.

زَبُور 34:18

اللّٰهْ قَرِيبْ لِلنَّاسْ الْقُلُوبْهُمْ مُتَحَيِّرِينْ وَ يِنَجِّي الْفِكِرْهُمْ مُبَرْجَلْ.

إشَعْيا 48:16

قَرُّبُوا لَيِّ وَ أَسْمَعَوْا الْكَلَامْ دَا! مِنْ الْبِدَايَةْ، أَنَا مَا كَلَّمْت بِسِرّ وَ وَكْت الْأَشْيَاءْ دَوْل بِقَوْا، أَنَا قَاعِدْ.» وَ هَسَّعْ، اللّٰهْ الرَّبّ خَطَّ رُوحَهْ فَوْقِي وَ رَسَّلَانِي.

أعمال الرُسُل 26:18

لِتَفْتَحْ عُيُونْهُمْ أَشَانْ يَمُرْقُوا مِنْ الضَّلَامْ وَ يَدْخُلُوا فِي النُّورْ وَ يَمُرْقُوا مِنْ حُكُمْ إِبْلِيسْ وَ يُتُوبُوا لِلّٰهْ. وَ اللّٰهْ يَغْفِرْ لَيْهُمْ ذُنُوبْهُمْ وَ هُمَّنْ يَوْرُثُوا بَكَانْ فِي لُبّ النَّاسْ الْخَاصِّيْن بِسَبَبْ إِيمَانْهُمْ بَيِّ.›

يُوحَنَّا 3:34

النَّادُمْ الْاللّٰهْ رَسَّلَهْ يِحَجِّي الْكَلَامْ الْجَايِ مِنْ اللّٰهْ أَشَانْ اللّٰهْ يِنَزِّلْ فَوْقَهْ رُوحَهْ بَلَا حَدّ.

مَتَّى 3:16

وَ وَكِتْ غَطَّسَهْ خَلَاصْ، عِيسَى قَمَّ مِنْ الْأَلْمِي وَ طَوَّالِي السَّمَاوَاتْ أَنْفَتَحَوْا وَ شَافْ رُوحْ اللّٰهْ جَايِ مِنْ السَّمَاءْ وَ نَزَلْ فَوْقَهْ مِثِلْ حَمَامَةْ.

هُوشَع 6:1

«تَعَالُوا نِقَبُّلُوا لِلّٰهْ أَشَانْ هُو بَسْ الْجَرَحْنَا وَ هُو بَسْ الْيَشْفِينَا. هُو بَسْ الضَّرَبَانَا وَ هُو بَسْ الْيِدَاوِي عُوَارْنَا.

زَبُور 45:7

إِنْتَ تِحِبّ الْعَدَالَةْ وَ تَكْرَهْ الظُّلُمْ. أَشَانْ دَا، الرَّبّ إِلٰـهَكْ عَزَلَكْ إِنْتَ بَسْ مِنْ رُفْقَانَكْ وَ مَسَحَكْ بِدِهِنْ السُّرُورْ.

زَبُور 22:26

الْمَسَاكِينْ يَاكُلُوا وَ يَشْبَعَوْا وَ يَحْمُدُوا اللّٰهْ. وَ إِنْتُو التِّفَتُّشُوا اللّٰهْ، تَلْقَوْا عُمُرْ طَوِيلْ.

زَبُور 102:20

لِيَسْمَعْ قَنِيتْ الْمَسْجُونْ وَ لِيِنَجِّي الْحَكَمَوْا لَيْهُمْ بِالْمَوْت.

زَبُور 51:17

الضَّحِيَّةْ الْيَقْبَلْهَا الرَّبّ، هِي ضَحِيَّةْ الرُّوحْ الْمُحَطَّمَةْ. يَا إِلٰـهِي، إِنْتَ مَا تَابَى الْقَلِبْ الْمَكْسُورْ وَ مَرْحُوكْ.

زَبُور 2:6

وَ يُقُولْ: «أَنَا اللّٰهْ دَرَّجْت الْمَلِكْ النِّدَوْرَهْ فِي جَبَلِي صَهْيُون الْمُقَدَّسْ.»

إشَعْيا 59:21

وَ اللّٰهْ قَالْ: «كَنْ لَيِّ أَنَا، دِي مُعَاهَدَتِي مَعَاهُمْ. رُوحِي قَاعِدْ فَوْقَكْ وَ خَطَّيْت كَلَامِي فِي خَشْمَكْ. وَ أَبَداً مَا نِشِيلْهُمْ مِنْ خَشْمَكْ وَ لَا مِنْ خُشُومْ ذُرِّيّتَكْ وَ لَا مِنْ خُشُومْ ذُرِّيَّةْ ذُرِّيّتَكْ، مِنْ هَسَّعْ وَ إِلَى الْأَبَدْ.»

عِبْرَانِيِّين 1:9

إِنْتَ تِحِبّ الْعَدَالَةْ وَ تَكْرَهْ الظُّلُمْ. أَشَانْ دَا، اللّٰهْ إِلٰـهَكْ عَزَلَكْ إِنْتَ بَسْ مِنْ رُفْقَانَكْ وَ مَسَحَكْ بِدِهِنْ السُّرُورْ.>

2 كُرُنْتُس 7:6

لَاكِنْ اللّٰهْ الْيِشَجِّعْ التَّعْبَانِينْ شَجَّعَانَا بِجَيَّةْ أَخُونَا تِيطُسْ.

دَنْيال 9:24

«أَعَرِفْ كَدَرْ اللّٰهْ قَرَّرْ وَكِتْ مُحَدَّدْ لِشَعَبَكْ وَ لِمَدِينَةْ الْقُدُسْ. وَ الْعَدَدْ دَا 70 فِي 7 سَنَةْ يَعْنِي 490 سَنَةْ. وَ حَدَّدْ لَيْهُمْ الْوَكِتْ دَا أَشَانْ يِخَلُّوا مِنْهُمْ الْعِصْيَانْ وَ الذَّنِبْ وَ يَلْقَوْا كَفَّارَةْ لِخَطَايَاهُمْ وَ يِعِيشُوا دَايْماً فِي الْعَدَالَةْ. وَ الرُّؤْيَةْ وَ كَلَامْ الْأَنْبِيَاء يِلْحَقَّقَوْا وَ الْبَيْت الْمُقَدَّسْ كُلَ بَتَّانْ يَمْسَحَوْه لِيِخَصُّصُوهْ.

زَبُور 69:32

وَ الْمَسَاكِينْ يِشِيفُوا نَجَاتِي وَ يَفْرَحَوْا. وَ الْيِفَتُّشُوا الرَّبّ، خَلِّي قُلُوبْهُمْ يَحْيَوْا.

إشَعْيا 66:2

أَشَانْ كُلَّ الْأَشْيَاءْ دَوْل، إِيدِي بَسْ سَوَّتْهُمْ وَ مِثِلْ دَا بَسْ، هُمَّنْ مَوْجُودِينْ. دَاهُو النَّادُمْ الْأَنَا نَرْضَى بَيَّهْ، هُو الْمِسْكِينْ وَ رُوحَهْ مُحَطَّمَةْ وَ يَرْجِفْ مِنْ كَلَامِي.» وَ دَا كَلَامْ اللّٰهْ.

زَبُور 25:9

وَ هُو يُقُودْ الْمَسَاكِينْ فِي الْعَدَالَةْ وَ يِعَلِّمْهُمْ دَرْبَهْ.

يُوحَنَّا 1:41

أَوَّلْ شَيّءْ، أَنْدَرَيَّسْ مَشَى لِقِي أَخُوهْ سِمْعَانْ وَ حَجَّى لَيَّهْ وَ قَالْ: «لِقِينَا مَسِّيَّا.» وَ مَسِّيَّا مَعَنَاتَهْ الْمَسِيحْ بِاللُّغَّةْ الْأَرَامِيَّةْ.

زَبُور 149:4

أَشَانْ اللّٰهْ يَرْضَى بِشَعَبَهْ وَ يِجَمِّلْ الْمَسَاكِينْ بِالنَّجَاةْ.

أعمال الرُسُل 4:27

«وَ خَلَاصْ، الْكَلَامْ دَا أَلْحَقَّقْ هِنِي فِي الْمَدِينَةْ دِي. هِرُودُسْ وَ بِلَاطُسْ الْبُنْطِي وَ كُبَارَاتْ الْأُمَمْ وَ بَنِي إِسْرَائِيلْ أَشَّاوَرَوْا ضِدّ عَبْدَكْ الْقُدُّوسْ، عِيسَى الْإِنْتَ عَزَلْتَهْ وَ دَرَّجْتَهْ أَشَانْ يَبْقَى الْمَسِيحْ.

إرْمِيا 34:8

وَ اللّٰهْ حَجَّى لِإِرْمِيَا وَ دَا بَعَدْ الْمَلِكْ صِدْقِيَّا مَعَ كُلَّ شَعَبْ مَدِينَةْ الْقُدُسْ سَوَّوْا مُعَاهَدَةْ لِيَعْلُنُوا الْحُرِّيَّةْ.

إشَعْيا 52:9

أَفْرَحَوْا سَوَا وَ رَقْرُقُوا، يَا مَسَاكِينْ مَدِينَةْ الْقُدُسْ الْخَرْبَانَةْ! أَشَانْ اللّٰهْ صَبَّرْ شَعَبَهْ وَ فَدَى مَدِينَةْ الْقُدُسْ.

2 كُرُنْتُس 3:17

وَ فِي الْكَلَامْ دَا، الرَّبّ هُو الرُّوحْ الْقُدُّوسْ. وَ أَيِّ بَكَانْ الرُّوحْ الْقُدُّوسْ هَنَا الرَّبّ قَاعِدْ فَوْقَهْ، الْحُرِّيَّةْ كُلَ قَاعِدَةْ فَوْقَهْ.

إشَعْيا 29:19

وَ الْمَسَاكِينْ يَفْرَحَوْا زِيَادَةْ بِاللّٰهْ وَ فَقْرَانِينْ الشَّعَبْ يِنْبَسْطُوا بِقُدُّوسْ إِسْرَائِيلْ.

إشَعْيا 30:19

أَيْوَى، يَا شَعَبْ صَهْيُون السَّاكْنِينْ فِي مَدِينَةْ الْقُدُسْ، إِنْتُو أَبَداً مَا تَبْكُوا بَتَّانْ. وَ وَكِتْ تَصْرَخَوْا، هُو يِحِنّ فَوْقكُو! وَ مِنْ يَسْمَعْكُو، طَوَّالِي يُرُدّ لَيْكُو.

إشَعْيا 30:26

وَ نُورْ الْقَمَرْ يَبْقَى مِثِلْ نُورْ الْحَرَّايْ. وَ نُورْ الْحَرَّايْ يَبْقَى سَبْعَةْ مَرَّاتْ زِيَادَةْ مِثِلْ نُورْ هَنَا سَبْعَةْ يَوْم. وَ دَا الْيَوْم الْفَوْقَهْ اللّٰهْ يِعَالِجْ جُرُوحْ شَعَبَهْ وَ يِدَاوِي عَوَاوِيرْ ضَرِبِينْهُمْ.

إشَعْيا 32:7

الْغَشَّاشْ عَمَلَهْ فَسِلْ. هُو يِخَطِّطْ الْفَسَالَةْ لِيِدَمِّرْ الْمَسَاكِينْ بِكَلَامْ كِدِبْ وَكِتْ يِدَافُعُوا لِحُقُوقْهُمْ.

إشَعْيا 40:9

أَطْلَعَيْ فِي الْجَبَلْ الْعَالِي، يَا صَهْيُون، إِنْتِ الْعِنْدِكِ خَبَرْ حَلُو! بِشِدَّةْ أَرْفَعَيْ صَوْتكِ، يَا مَدِينَةْ الْقُدُسْ، إِنْتِ الْعِنْدِكِ خَبَرْ حَلُو! أَرْفَعَيْ صَوْتكِ بَلَا خَوْف وَ قُولِي لِحِلَّالْ بَلَدْ يَهُوذَا: «دَاهُو إِلٰـهْكُو!

إشَعْيا 52:7

مَرْحَباً بِجَيَّةْ الْمُرْسَالْ فِي الْجِبَالْ الْيِبَلِّغْ الْبِشَارَةْ وَ يِخَبِّرْ بِالسَّلَامْ وَ الْخَيْر وَ النَّجَاةْ. وَ يُقُولْ لِصَهْيُون: «إِلٰـهْكِ يَحْكِمْ!»

إشَعْيا 57:18

أَنَا شِفْت دُرُوبْهُمْ وَ نَشْفِيهُمْ وَ نُقُودْهُمْ وَ نِحَنِّسْهُمْ بَتَّانْ هُمَّنْ وَ النَّاسْ الْحِزْنَوْا فِي شَانْهُمْ.

مِيخا 3:8

وَ لَاكِنْ أَنَا مَلَانْ بِقُدْرَةْ أَشَانْ رُوحْ اللّٰهْ نَزَلْ فَوْقِي. وَ عِنْدِي الْعَدَالَةْ وَ الْفَحَالِيَّةْ لِنِخَبِّرْ ذُرِّيَّةْ يَعْقُوبْ بِعِصْيَانْهُمْ وَ بَنِي إِسْرَائِيلْ بِذَنِبْهُمْ.

خُروج 28:41

وَ بَعَدْ تِلَبِّسْ أَخُوكْ هَارُونْ وَ أَوْلَادَهْ الْخُلْقَانْ دَوْل، أَمْسَحْهُمْ وَ دَرِّجْهُمْ وَ خَصِّصْهُمْ لِيَبْقَوْا لَيِّ رُجَالْ دِينْ.

خُروج 29:7

وَ شِيلْ دِهِنْ الْمَسَحَانْ وَ صُبَّهْ فِي رَاسَهْ وَ أَمْسَحَهْ.

لاوِيِّين 7:35

«وَ دَا قِسِمْ هَارُونْ وَ قِسِمْ أَوْلَادَهْ مِنْ الضَّحَايَا الْمُحَرَّقِينْ الْيِقَدُّمُوهُمْ لِلّٰهْ. وَ دَا مِنْ يَوْم الْيِدَرُّجُوهُمْ رُجَالْ دِينْ وَ يُكُونُوا فِي خِدْمَةْ اللّٰهْ.

زَبُور 68:7

يَا رَبّ! مَرَقْت قِدَّامْ شَعَبَكْ وَ مَشَيْت فِي الصَّحَرَاء. وَقْفَةْ.

إرْمِيا 52:33

وَ مَلِكْ بَابِلْ غَيَّرْ خُلْقَانْ يُيَكِينْ هَنَا السِّجِنْ وَ خَلَّاهْ يَاكُلْ مَعَايَهْ دَايْماً فِي دَبَلَايْتَهْ فِي كُلَّ مُدَّةْ حَيَاتَهْ.