إشَعْيا 6:8 - الكتاب المقدس بالعربي الدارجي هنا تشاد

⁸ وَ أَنَا سِمِعْت حِسّ الرَّبّ قَالْ: «يَاتُو النِّرَسِّلَهْ؟ وَ يَاتُو الْيَمْشِي لَيْنَا؟» وَ أَنَا قُلْت: «دَاهُونِي أَنَا! رَسِّلْنِي!»

إشَعْيا 6:8 Referenca të Kryqëzuara

أفَسُس 3:8

وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

أعمال الرُسُل 22:21

وَ لَاكِنْ هُو قَالْ لَيِّ: ‹أَمْشِي. أَنَا نِرَسِّلَكْ بَعِيدْ مِنْ هِنِي. نِرَسِّلَكْ لِلنَّاسْ الْمَا يَهُودْ.›»

إشَعْيا 65:1

«أَنَا بَيَّنْت نَفْسِي لِنَاسْ الْمَا نَادَوْنِي وَ أَنَا وَصَّفْت نَفْسِي لِنَاسْ الْمَا فَتَّشَوْنِي. وَ أَنَا قُلْت: ‹دَاهُونِي أَنَا! دَاهُونِي أَنَا› لِأُمَّةْ الْمَا نَادَتْ أُسْمِي.

أعمال الرُسُل 20:24

حَيَاتِي مَا مُهِمَّةْ لَيِّ. لَاكِنْ الْمُهِمّ لَيِّ نِكَمِّلْ خِدْمَةْ رَبِّنَا عِيسَى الْهُو أَنْطَاهَا لَيِّ. وَاجِبْ نَشْهَدْ لِلنَّاسْ وَ نِأَوْرِيهُمْ بِالْبِشَارَةْ هَنَا نِعْمَةْ اللّٰهْ.

تكوين 1:26

وَ الرَّبّ قَالْ: «نَخَلْقُوا الْإِنْسَانْ فِي صُورِتْنَا وَ يِشَابِهْنَا. خَلِّي يَحْكِمْ فِي حُوتْ الْبَحَرْ وَ طُيُورْ السَّمَاءْ وَ الْبَهَايِمْ. وَ خَلِّي يَحْكِمْ فِي كُلَّ الْأَرْض وَ فِي كُلَّ زَوَاحِفْ الْأَرْض.»

تكوين 11:7

خَلِّي نِبَرْجُلُوا لُغِّتْهُمْ أَشَانْ مَا يِلْفَاهَمَوْا أَمْبَيْنَاتْهُمْ.»

حِزْقِيال 1:24

وَ وَكِتْ الْمَخْلُوقِينْ مَاشِينْ، أَنَا قَاعِدْ نَسْمَعْ حَرَكَةْ جَنَاحَيْهُمْ وَ دَا مِثِلْ حَرَكَةْ مَطَرَةْ تَقِيلَةْ وَ مِثِلْ حِسّ الْقَادِرْ وَ مِثِلْ حِسّ نَاسْ كَتِيرِينْ وَ مِثِلْ حَرَكَةْ دَيْش كَبِيرْ. وَ وَكِتْ يَقِيفُوا، يِدَلُّوا جَنَاحَيْهُمْ.

1 مُلوك 22:20

وَ اللّٰهْ سَأَلَاهُمْ وَ قَالْ: ‹يَاتُو يَقْدَرْ يُغُشّ الْمَلِكْ أَخَابْ لِيَمْشِي يَهْجِمْ حِلَّةْ رَامُوتْ الْفِي قِلْعَادْ وَ يُمُوتْ هِنَاكْ؟› وَ أَيِّ وَاحِدْ يِحَجِّي كَلَامْ شِقْ.

حِزْقِيال 10:5

وَ حَرَكَةْ جَنَاحَيْ الْمَخْلُوقِينْ السَّمَاوِيِّينْ أَنْسَمَعَتْ لَحَدِّي فِي الْفَضَايْ الْبَرَّانِيَّةْ وَ الْحَرَكَةْ دِي مِثِلْ حِسّ اللّٰهْ الْقَادِرْ وَكِتْ يِحَجِّي.

تكوين 3:22

وَ اللّٰهْ الرَّبّ قَالْ: «دَاهُو الْإِنْسَانْ بِقِي مِثِلْنَا وَ يَعَرِفْ الْخَيْر وَ الشَّرّ. هَسَّعْ دَا، خَلِّي نَدْحَرَوْه مَا يِمِدّ إِيدَهْ لِيِشِيلْ عِيَالْ شَدَرَةْ الْحَيَاةْ لِيَاكُلْهَا وَ يِعِيشْ دَايْماً.»

أعمال الرُسُل 9:4

وَ شَاوُولْ وَقَعْ فِي التُّرَابْ وَ سِمِعْ حِسّ نَادُمْ قَاعِدْ يِكَلِّمْ لَيَّهْ وَ يُقُولْ: «يَا شَاوُولْ، يَا شَاوُولْ! مَالَكْ تِتَعِّبْنِي؟»

أعمال الرُسُل 26:19

«وَ خَلَاصْ، يَا الْمَلِكْ أَغْرِيبَاسْ، أَنَا مَا أَبَيْت كَلَامْ الرُّؤْيَةْ الْجَاتْ مِنْ اللّٰهْ.

1 صَمُوِيل 3:4

وَ اللّٰهْ نَادَى صَمُوِيلْ وَ صَمُوِيلْ قَالْ: «نَعَمْ!»

حِزْقِيال 9:1

وَ اللّٰهْ نَادَى بِحِسّ عَالِي وَ قَالْ: «تَعَالُوا إِنْتُو التِّعَاقُبُوا الْمَدِينَةْ! وَ خَلِّي أَيِّ وَاحِدْ يِشِيلْ سِلَاحَهْ هَنَا الْخَرَابْ!»

تكوين 22:1

وَ بَعَدْ دَا، اللّٰهْ نَادَاهْ لِإِبْرَاهِيمْ لِيِجَرِّبَهْ وَ قَالْ لَيَّهْ: «يَا إِبْرَاهِيمْ!» وَ إِبْرَاهِيمْ قَالْ: «نَعَمْ.»

تكوين 22:11

طَوَّالِي مَلَكْ اللّٰهْ نَادَاهْ لِإِبْرَاهِيمْ مِنْ السَّمَاءْ وَ قَالْ: «يَا إِبْرَاهِيمْ! يَا إِبْرَاهِيمْ!» وَ إِبْرَاهِيمْ قَالْ: «نَعَمْ.»

2 صَمُوِيل 1:7

وَ وَكِتْ شَاوُولْ أَنْلَفَتْ، شَافَانِي وَ نَادَانِي وَ أَنَا قُلْت: ‹نَعَمْ، يَا سِيدِي.›