إشَعْيا 6:4 - الكتاب المقدس بالعربي الدارجي هنا تشاد

⁴ وَ الْبِيبَانْ أَنْهَزَّوْا مِنْ الْحِسّ الْقَاعِدْ يِنَادِي وَ الْبَيْت الْمُقَدَّسْ أَنْمَلَى بِالدُّخَّانْ.

إشَعْيا 6:4 Referenca të Kryqëzuara

رُؤية 15:8

وَ قُدْرَةْ اللّٰهْ الْمَجِيدَةْ سَدَّتْ بَيْت الْعِبَادَةْ بِالدُّخَّانْ مَرَّةْ وَاحِدْ. وَ الدَّخُولْ فَوْقَهْ مَا فِيهْ لَحَدِّي السَّبْعَةْ مَلَائِكَةْ يِكَمُّلُوا السَّبْعَةْ وَبَاءْ.

رُؤية 11:19

وَ بَيْت اللّٰهْ الْقَاعِدْ فِي السَّمَاوَاتْ أَنْفَتَحْ وَ صَنْدُوقْ مُعَاهَدَةْ اللّٰهْ أَنْشَافْ فِي بَيْت اللّٰهْ. وَ بَرَّاقَةْ شَلَعَتْ وَ حَرَكَةْ شَدِيدَةْ وَ رَعَدْ أَنْسَمَعَوْا وَ بِقِي زِلْزَالْ وَ بَرَدْ شَدِيدْ مَرَّةْ وَاحِدْ.

حِزْقِيال 10:5

وَ حَرَكَةْ جَنَاحَيْ الْمَخْلُوقِينْ السَّمَاوِيِّينْ أَنْسَمَعَتْ لَحَدِّي فِي الْفَضَايْ الْبَرَّانِيَّةْ وَ الْحَرَكَةْ دِي مِثِلْ حِسّ اللّٰهْ الْقَادِرْ وَكِتْ يِحَجِّي.

2 أخبار 5:13

وَ النَّاسْ الْيَضُرْبُوا الْبُرُنْجِي وَ الْغَنَّايِينْ كُلُّهُمْ لَمَّوْا حِسُّهُمْ سَوَا لِيَحْمُدُوا اللّٰهْ وَ يَشْكُرُوهْ. وَكِتْ ضَرَبَوْا الْبُرُنْجِي وَ النَّقَاقِيرْ وَ الْآلَاتْ الْآخَرِينْ هَنَا الْمُسِيقَى، قَالَوْا: «اللّٰهْ هُو رَحِيمْ وَ رَحْمَتَهْ دَايْمَةْ إِلَى الْأَبَدْ.» وَ طَوَّالِي كَيْ، بَيْت اللّٰهْ أَنْمَلَى بِسَحَابَايْ.

خُروج 40:34

وَ بَعَدْ دَا، السَّحَابَايْ غَطَّتْ خَيْمَةْ الْإِجْتِمَاعْ وَ مَجْد اللّٰهْ مَلَا الْخَيْمَةْ.

عَمُوس 9:1

دَاهُو أَنَا عَمُوسْ شِفْت الرَّبّ وَاقِفْ جَنْب الْمَدْبَحْ وَ هُو قَالْ: «أَضُرْبُوا رُوسَيْ عَمَدْ بَيْت اللّٰهْ وَ قَعَرَهْ يَرْجِفْ وَ يَقَعْ فِي رَاسْ كُلَّ النَّاسْ وَ هُمَّنْ يُمُوتُوا. وَ ذُرِّيِّتْهُمْ كَمَانْ يَكْتُلُوهُمْ بِالْسَّيْف وَ نَادُمْ وَاحِدْ مَا يِعَرِّدْ وَ لَا يِفَضِّلْ.

زَبُور 18:8

مِنْ مَنَاخِرَهْ يَطْلَعْ دُخَّانْ وَ مِنْ خَشْمَهْ تَمْرُقْ نَارْ التَّاكُلْ الْعِنْدَهَا جَمُرْ الْيَحْرِقْ.

حِزْقِيال 1:24

وَ وَكِتْ الْمَخْلُوقِينْ مَاشِينْ، أَنَا قَاعِدْ نَسْمَعْ حَرَكَةْ جَنَاحَيْهُمْ وَ دَا مِثِلْ حَرَكَةْ مَطَرَةْ تَقِيلَةْ وَ مِثِلْ حِسّ الْقَادِرْ وَ مِثِلْ حِسّ نَاسْ كَتِيرِينْ وَ مِثِلْ حَرَكَةْ دَيْش كَبِيرْ. وَ وَكِتْ يَقِيفُوا، يِدَلُّوا جَنَاحَيْهُمْ.

حِزْقِيال 41:16

دَرَادِرْهُمْ مُغَطَّيِينْ بِخَشَبْ. وَ الْعِيدَانْ الْيَرْكَبَوْا فَوْقهُمْ الْبِيبَانْ وَ الشَّبَابِيكْ الْعِنْدُهُمْ حَدِيدْ مَضْفُورْ وَ الدُّرُوبْ الْيِحَوُّقُوا الْقُصُورْ هَنَا تَلَاتَةْ دَرَجَاتْ، كُلُّهُمْ مُغَطَّيِينْ بِخَشَبْ مِنْ الْأَرْض لَحَدِّي الشَّبَابِيكْ. وَ كُلَّ الشَّبَابِيكْ مُغَطَّيِينْ.

حِزْقِيال 44:4

وَ بَعَدْ دَا، الرَّاجِلْ وَدَّانِي بِبَيْت الْمَدَخَلْ الْمُنْشَاقِي لَحَدِّي وِصِلْنَا قِدَّامْ الْبَيْت الْمُقَدَّسْ. وَ دَاهُو أَنَا شِفْت مَجْد اللّٰهْ مَلَا بَيْتَهْ. وَ خَلَاصْ، أَنَا وَقَعْت بِوِجْهِي فِي الْأَرْض.