إشَعْيا 6:3 - الكتاب المقدس بالعربي الدارجي هنا تشاد

³ وَ الْوَاحِدْ يِنَادِي الْآخَرْ وَ يُقُولْ: «قُدُّوسْ! قُدُّوسْ! قُدُّوسْ! اللّٰهْ الْقَادِرْ! مَجْدَهْ يَمْلَا كُلَّ الْأَرْض.»

إشَعْيا 6:3 Referenca të Kryqëzuara

زَبُور 72:19

بَارَكْ اللّٰهْ الْأُسْمَهْ مَجِيدْ إِلَى الْأَبَدْ وَ خَلِّي كُلَّ الْأَرْض تِنْمَلِي بِمَجْدَهْ. آمِينْ! آمِينْ!

عَزْرا 3:11

وَ مَجْمُوعَةْ وَاحِدَةْ مِنْهُمْ حَمَدَتْ وَ شَكَرَتْ اللّٰهْ بِغِنَيْ وَ الْآخَرِينْ رَفَعَوْا وَ قَالَوْا: «إِنْتَ رَحِيمْ وَ رَحْمَتَكْ دَايْمَةْ فِي إِسْرَائِيلْ إِلَى الْأَبَدْ!» وَ كُلَّ الشَّعَبْ قَمَّوْا فِرْحَوْا بِزِيَادَةْ وَ حَمَدَوْا اللّٰهْ أَشَانْ خَطَّوْا أَسَاسْ بَيْت اللّٰهْ.

عَدد 14:21

صَحِيحْ، أَنَا حَيّ وَ مَجْدِي يَمْلَا كُلَّ الْأَرْض.

خُروج 15:11

يَا اللّٰهْ، يَاتُو مِثْلَكْ إِنْتَ فِي إِلٰـهَاتْ الْقَبَايِلْ؟ يَاتُو مِثْلَكْ، يَا جَلِيلْ، يَا قُدُّوسْ؟ إِنْتَ الْوَاجِبْ لَيْك الشُّكُرْ وَ إِنْتَ الْقَادِرْ تِسَوِّي عَجَايِبْ.

زَكَرِيَّا 14:9

وَ خَلَاصْ، اللّٰهْ يِوَصِّفْ كَدَرْ هُو مَلِكْ فَوْق كُلَّ الْأَرْض. وَ فِي الْيَوْم دَا، النَّاسْ يَعَرْفُوا كَدَرْ اللّٰهْ هُو وَاحِدْ وَ أُسْمَهْ كُلَ وَاحِدْ بَسْ.

إشَعْيا 40:5

خَلَاصْ، مَجْد اللّٰهْ يِبِينْ وَ كُلَّ النَّاسْ يِشِيفُوهْ سَوَا!» وَ دَا كَلَامْ اللّٰهْ الْقَالَهْ.

إشَعْيا 24:16

وَ مِنْ طَرَفْ الْأَرْض، نَسْمَعَوْا غِنَيْ الْبُقُولْ: «الْمَجْد لِلّٰهْ الصَّادِقْ!» وَ لَاكِنْ أَنَا نُقُولْ: «أَنَا وَدَّرْت! أَنَا وَدَّرْت! الْعَذَابْ لَيِّ أَنَا! الْخَايْنِينْ خَانَوْا. خِيَانَةْ! الْخَايْنِينْ خَانَوْا.»

زَبُور 57:11

إِنْتَ عَالِي فِي السَّمَاءْ، يَا رَبّ، وَ خَلِّي مَجْدَكْ يُكُونْ فِي كُلَّ الْأَرْض.

أفَسُس 1:18

خَلِّي نُورْ اللّٰهْ يَدْخُلْ فِي قُلُوبْكُو أَشَانْ تَفْهَمَوْا تَمَامْ الْعَشَمْ الْاللّٰهْ نَادَاكُو لِتَلْقَوْه وَ بَتَّانْ تَفْهَمَوْا كُبُرْ الْوَرَثَةْ الْمَجِيدَةْ الْقَاعِدَةْ فِي أُسْط الصَّالِحِينْ.

حَبَقُوق 2:14

أَشَانْ الْأَرْض تِنْمَلِي بِمَعْرَفَةْ مَجْد اللّٰهْ مِثِلْ الْبَحَرْ يِنْمَلِي بِأَلْمِي.

زَبُور 90:16

خَلِّي عَمَلَكْ يِبِينْ لِعَبِيدَكْ وَ عَظَمَتَكْ تِبِينْ لِعِيَالْهُمْ.

زَبُور 97:6

السَّمَاوَاتْ بَلَّغَوْا بِعَدَالْتَهْ وَ كُلَّ الشُّعُوبْ شَافَوْا عَظَمَتَهْ.

زَبُور 99:3

خَلِّي يَشْكُرُوا أُسْمَهْ الْعَظِيمْ وَ مُخِيفْ! هُو الْقُدُّوسْ!

إشَعْيا 54:5

أَشَانْ الْخَلَقَاكِ، هُو مِثِلْ رَاجِلْكِ وَ أُسْمَهْ اللّٰهْ الْقَادِرْ. وَ الْيَفْدَاكِ، هُو قُدُّوسْ إِسْرَائِيلْ وَ يِنَادُوهْ إِلٰـهْ كُلَّ الْأَرْض.

حِزْقِيال 43:2

وَ دَاهُو مَجْد اللّٰهْ إِلٰـهْ بَنِي إِسْرَائِيلْ جَايِ مِنْ الصَّبَاحْ بِحَرَكَةْ مِثِلْ حَرَكَةْ أَلْمِي الْكَتِيرْ وَ الْأَرْض نَوَّرَتْ بِمَجْدَهْ.

حِزْقِيال 44:4

وَ بَعَدْ دَا، الرَّاجِلْ وَدَّانِي بِبَيْت الْمَدَخَلْ الْمُنْشَاقِي لَحَدِّي وِصِلْنَا قِدَّامْ الْبَيْت الْمُقَدَّسْ. وَ دَاهُو أَنَا شِفْت مَجْد اللّٰهْ مَلَا بَيْتَهْ. وَ خَلَاصْ، أَنَا وَقَعْت بِوِجْهِي فِي الْأَرْض.

زَبُور 8:2

الْأَطْفَالْ وَ الْبَرْضَعَوْا مَجَّدَوْا وَ بِمَجِّدِينْهُمْ، إِنْتَ هَزَمْت عَدُوكْ لِتِسَكِّتْ خُصْمَانَكْ!

زَبُور 66:2

أَحْمُدُوا أُسْمَهْ الْمَجِيدْ وَ عَظُّمُوهْ بِغِنَيْكُو.

زَبُور 99:9

عَظُّمُوا اللّٰهْ إِلٰـهْنَا! وَ أَسْجُدُوا قِدَّامْ جَبَلَهْ الْمُقَدَّسْ أَشَانْ اللّٰهْ إِلٰـهْنَا هُو الْقُدُّوسْ!