إشَعْيا 6:2 - الكتاب المقدس بالعربي الدارجي هنا تشاد

² وَ الْمَخْلُوقِينْ النِّيرَانِيِّينْ وَاقْفِينْ مِنْ فَوْق لَيَّهْ وَ أَيِّ وَاحِدْ عِنْدَهْ سِتَّةْ جَنَاحَيْ. إِتْنَيْن يِغَطِّي بَيْهُمْ وِجْهَهْ وَ إِتْنَيْن يِغَطِّي بَيْهُمْ رِجِلَيْنَهْ وَ إِتْنَيْن يِطِيرْ بَيْهُمْ.

إشَعْيا 6:2 Referenca të Kryqëzuara

رُؤية 4:8

وَ أَيِّ وَاحِدْ مِنْ الْأَرْبَعَةْ مَخْلُوقِينْ السَّمَاوِيِّينْ دَوْل عِنْدَهْ سِتَّةْ جَنَاحَيْ مَلَانِينْ بِعُيُونْ مِنْ فَوْق وَ مِنْ تِحِتْ. وَ قَاعِدِينْ يِغَنُّوا دَايْماً لَيْل وَ نَهَارْ وَ أَبَداً مَا خَلَّوْا غِنَيْهُمْ. وَ قَاعِدِينْ يُقُولُوا: «قُدُّوسْ، قُدُّوسْ، قُدُّوسْ اللّٰهْ الرَّبّ الْقَادِرْ الْقَاعِدْ فِي الْوَكِتْ الْفَاتْ وَ فِي الْوَكِتْ الْحَاضِرْ وَ فِي الْوَكِتْ الْجَايِ.»

حِزْقِيال 1:11

وَ دَوْل وُجُوهُّمْ. وَ أَيِّ مَخْلُوقْ عِنْدَهْ جَنَاحَيْ إِتْنَيْن مُمَطَّطِينْ فَوْق وَ يِلَمُّسُوا مَعَ جَنَاحَيْ الْمَخْلُوقْ الْآخَرْ. وَ جَنَاحَيْه الْإِتْنَيْن الْآخَرِينْ كَمَانْ، يِغَطِّي بَيْهُمْ جِسْمَهْ.

زَبُور 104:4

وَ مِنْ الرِّيحْ، سَوَّى مُرَسَّلِينَهْ وَ مِنْ النَّارْ التَّحْرِقْ، سَوَّى خَدَّامِينَهْ.

زَبُور 103:20

يَا مَلَائِكَةْ اللّٰهْ، أَحْمُدُوا اللّٰهْ! إِنْتُو فُرَّاسْ الْقَادْرِينْ التَّسْمَعَوْا كَلَامَهْ وَ تِطَبُّقُوهْ.

إشَعْيا 6:6

وَ وَاحِدْ مِنْ الْمَخْلُوقِينْ النِّيرَانِيِّينْ دَوْل شَالْ جَمْرَايْ مِنْ الْمَدْبَحْ بِكُلَّابْ وَ طَارْ جَاءْ عَلَيِّ.

زَبُور 18:10

هُو رِكِبْ فِي مَخْلُوقْ سَمَاوِي وَ طَارْ وَ بِجَنَاحَيْ الرِّيحْ، حَامْ.

1 مُلوك 6:24

وَ أَيِّ مَخْلُوقْ سَمَاوِي عِنْدَهْ جَنَاحَيْ إِتْنَيْن. وَ طُولْ الْجِنْح الْوَاحِدْ 5 دُرَاعْ وَ الْجِنْح الْآخَرْ كُلَ طُولَهْ 5 دُرَاعْ. وَ مِنْ طَرَفْ جِنْحَهْ الْوَاحِدْ لِجِنْحَهْ الْآخَرْ، طُولَهْ 10 دُرَاعْ.

رُؤية 14:6

وَ أَنَا شِفْت مَلَكْ آخَرْ طَايِرْ فَوْق فِي السَّمَاءْ وَ هُو عِنْدَهْ بِشَارَةْ أَبَدِيَّةْ لِيِبَلِّغْهَا لِكُلَّ سُكَّانْ الْأَرْض، مِنْ أَيِّ أُمَّةْ وَ قَبِيلَةْ وَ لُغَّةْ وَ شَعَبْ.

رُؤية 8:13

وَ شِفْت بَتَّانْ وَ سِمِعْت حِسّ هَنَا صَقُرْ الْقَاعِدْ يِطِيرْ فِي السَّمَاءْ وَ بِحِسّ شَدِيدْ قَالْ: «عَذَابْ، عَذَابْ! عَذَابْ لِسُكَّانْ الْأَرْض! أَشَانْ التَّلَاتَةْ بُرُنْجِي الْفَضَّلَوْا، قَرِيبْ الْمَلَائِكَةْ يَضُرْبُوهُمْ.»

رُؤية 7:11

وَ الْمَلَائِكَةْ الْمُحَوِّقِينْ الْعَرْش وَ الشُّيُوخْ وَ الْأَرْبَعَةْ مَخْلُوقِينْ، كُلُّهُمْ سَجَدَوْا قِدَّامْ الْعَرْش وَ عَبَدَوْا اللّٰهْ.

دَنْيال 7:10

وَ بَحَرْ هَنَا نَارْ جَارِي وَ فَايِتْ قِدَّامَهْ. وَ أُلُوفْ الْآلَافْ يَخْدُمُوا لَيَّهْ وَ مَلَايِينْ وَاقْفِينْ قِدَّامَهْ. وَ نَاسْ مَجْلَسْ الْقُضْيَاءْ قَعَدَوْا وَ فَتَحَوْا الْكُتُبْ.

حِزْقِيال 10:21

وَ الْأَرْبَعَةْ مَخْلُوقِينْ سَمَاوِيِّينْ دَوْل، أَيِّ وَاحِدْ عِنْدَهْ أَرْبَعَةْ وِجِهْ وَ أَرْبَعَةْ جَنَاحَيْ وَ تِحِتْ جَنَاحَيْهُمْ، فِيَّهْ إِيدْ مِثِلْ إِيدْ إِنْسَانْ.

حِزْقِيال 1:24

وَ وَكِتْ الْمَخْلُوقِينْ مَاشِينْ، أَنَا قَاعِدْ نَسْمَعْ حَرَكَةْ جَنَاحَيْهُمْ وَ دَا مِثِلْ حَرَكَةْ مَطَرَةْ تَقِيلَةْ وَ مِثِلْ حِسّ الْقَادِرْ وَ مِثِلْ حِسّ نَاسْ كَتِيرِينْ وَ مِثِلْ حَرَكَةْ دَيْش كَبِيرْ. وَ وَكِتْ يَقِيفُوا، يِدَلُّوا جَنَاحَيْهُمْ.

حِزْقِيال 1:9

وَ أَيِّ مَخْلُوقْ، جَنَاحَيْه يِلَمُّسُوا مَعَ جَنَاحَيْ الْمَخْلُوقْ الْآخَرْ. وَ وَكِتْ الْمَخْلُوقِينْ يَمْشُوا، مَا يِنْلَفْتُوا وَ لَاكِنْ يَمْشُوا عَدِيلْ قِدَّامْهُمْ.

حِزْقِيال 1:6

وَ أَيِّ مَخْلُوقْ عِنْدَهْ أَرْبَعَةْ وِجِهْ وَ أَرْبَعَةْ جَنَاحَيْ.

أيُّوب 15:15

الرَّبّ مَا يِآمِنْ مَلَائِكَتَهْ وَ السَّمَاوَاتْ كُلَ قِدَّامَهْ مَا صَافِيِّينْ.

أيُّوب 1:6

وَ يَوْم وَاحِدْ، مَلَائِكَةْ الرَّبّ مَشَوْا لِيِقَابُلُوا اللّٰهْ وَ الْخَصِيمْ إِبْلِيسْ كُلَ مَشَى مَعَاهُمْ.

1 مُلوك 22:19

وَ خَلَاصْ، مِيكَا قَالْ لَيَّهْ: «هَسَّعْ دَا، أَسْمَعْ كَلَامْ اللّٰهْ! أَنَا شِفْت اللّٰهْ قَاعِدْ فِي عَرْشَهْ وَ كُلَّ قُوَّاتْ السَّمَاءْ وَاقْفِينْ جَنْبَهْ بِنُصَّهْ الزَّيْنَايْ وَ الْإِسْرَايْ.

1 مُلوك 8:7

وَ الْمَخْلُوقِينْ السَّمَاوِيِّينْ دَوْل مُمَطِّطِينْ جَنَاحَيْهُمْ بِفَوْق لِلْبَكَانْ الْقَاعِدْ فَوْقَهْ الصَّنْدُوقْ. وَ بِمِثِلْ دَا، يِغَطُّوا الصَّنْدُوقْ وَ الْعِيدَانْ الْيِشِيلُوهْ بَيْهُمْ.

1 مُلوك 6:27

وَ سُلَيْمَانْ خَطَّ الْمَخْلُوقِينْ السَّمَاوِيِّينْ دَوْل دَاخَلْ فِي لُبّ الْبَكَانْ الْمُقَدَّسْ مَرَّةْ وَاحِدْ. وَ الْمَخْلُوقِينْ السَّمَاوِيِّينْ دَوْل مُمَطِّطِينْ جَنَاحَيْهُمْ وَ جِنْح هَنَا الْمَخْلُوقْ السَّمَاوِي الْوَاحِدْ يِلَمِّسْ الدُّرْدُرْ بِهِنِي وَ جِنْح هَنَا الْمَخْلُوقْ السَّمَاوِي الْآخَرْ يِلَمِّسْ الدُّرْدُرْ بِهِنَاكْ. وَ مِثِلْ دَا، جَنَاحَيْهُمْ الْآخَرِينْ كَمَانْ لَامِّينْ سَوَا فِي أُسْط الْبَيْت، جِنْح مَعَ جِنْح.

خُروج 37:9

وَ الْمَخْلُوقِينْ السَّمَاوِيِّينْ دَوْل مُمَطِّطِينْ جَنَاحَيْهُمْ قِدَّامْ وَ مُغَطِّيِّينْ بَيْهُمْ السِّدَادَةْ. أَيِّ وَاحِدْ مُقَابِلْ الْآخَرْ وَ مُدَنْقِرِينْ عَلَيْ السِّدَادَةْ.

خُروج 25:20

وَ الْمَخْلُوقِينْ السَّمَاوِيِّينْ دَوْل مُمَطِّطِينْ جَنَاحَيْهُمْ قِدَّامْ وَ مُغَطِّيِّينْ بَيْهُمْ السِّدَادَةْ. أَيِّ وَاحِدْ مُقَابِلْ الْآخَرْ وَ مُدَنْقِرِينْ عَلَيْ السِّدَادَةْ.

زَبُور 89:7

هُو إِلٰـهْ يِرَجِّفْ مَلَمَّةْ الْقُدُّوسِينْ وَ يِخَوِّفْ كُلَّ الْمُحَوِّقِينَهْ.

أيُّوب 4:18

الرَّبّ مَا يِآمِنْ خَدَّامِينَهْ أَيْوَى، يِشِيفْ مَلَائِكَتَهْ غَلْطَانِينْ.

1 مُلوك 19:13

وَ وَكِتْ إِلِيَاسْ سِمِعْ الْحِسّ الْبَارِدْ دَا، غَطَّى وِجْهَهْ بِخَلَقَهْ وَ مَرَقْ وَقَفْ فِي خَشُمْ الْكَرْكُورْ. وَ سِمِعْ حِسّ بُقُولْ لَيَّهْ: «يَا إِلِيَاسْ، إِنْتَ قَاعِدْ تِسَوِّي شُنُو هِنِي؟»

خُروج 3:6

أَنَا رَبّ أَبُوكْ وَ رَبّ جُدُودَكْ إِبْرَاهِيمْ وَ إِسْحَاقْ وَ يَعْقُوبْ.» وَ خَلَاصْ، مُوسَى سَدَّ وِجْهَهْ أَشَانْ هُو خَايِفْ مَا يَقْدَرْ يِشِيفْ الرَّبّ.

تكوين 17:3

أَبْرَامْ سَجَدْ قِدَّامْ الرَّبّ وَ هُو قَالْ لَيَّهْ:

عِبْرَانِيِّين 1:7

وَ الْكَلَامْ الْمَكْتُوبْ الْبُخُصّ الْمَلَائِكَةْ بُقُولْ: <هُو جَعَلْ مَلَائِكَتَهْ مِثِلْ الرِّيحْ وَ خَدَّامِينَهْ دَوْل مِثِلْ النَّارْ التَّحْرِقْ.>

لُوقا 1:10

وَ نَاسْ كَتِيرِينْ لَامِّينْ بَرَّا وَ كُلُّهُمْ قَاعِدِينْ يِصَلُّوا فِي وَكِتْ هَنَا قَدِّمِينْ الْبَخُورْ.

زَكَرِيَّا 3:4

وَ الْمَلَكْ أَمَرْ وَ قَالْ لِلْوَاقْفِينْ جَنْبَهْ: «سِلُّوا مِنَّهْ خُلْقَانَهْ الْوَسْخَانِينْ.» وَ بَعَدْ دَا، قَالْ لِيَشُوعْ: «شِيفْ، أَنَا نَجَّيْتَكْ مِنْ ذَنْبَكْ. خَلِّي يِلَبُّسُوكْ خُلْقَانْ هَنَا عِيدْ.»

دَنْيال 9:21

وَ وَكِتْ أَنَا قَاعِدْ نِصَلِّي، شِفْت الْمَلَكْ جِبْرِيلْ وَ دَا الْمَلَكْ الْأَوَّلْ أَنَا شِفْتَهْ فِي الرُّؤْيَةْ. وَ هُو جَانِي طَايِرْ بِسُرْعَةْ فِي وَكِتْ قَدِّمِينْ هَدِيَّةْ الْعَشِيَّةْ.

حِزْقِيال 10:16

وَ وَكِتْ الْمَخْلُوقِينْ السَّمَاوِيِّينْ يَمْشُوا، الْعَجَلَاتْ كُلَ يَمْشُوا مَعَاهُمْ. وَ وَكِتْ الْمَخْلُوقِينْ السَّمَاوِيِّينْ يِمَطُّطُوا جَنَاحَيْهُمْ لِيِنْرَفْعُوا مِنْ الْأَرْض، الْعَجَلَاتْ كُلَ مَا يِنْفَرْقُوا مِنْهُمْ لَاكِنْ يِنْرَفْعُوا مَعَاهُمْ.

حِزْقِيال 1:4

وَ دَاهُو أَنَا شِفْت رِيحْ أَمْ زَوْبَعَانَةْ جَايَةْ مِنْ مُنْشَاقْ. وَ جَابَتْ سَحَابَايْ كَبِيرَةْ مُحَوَّقَةْ بِضَيّ التَّمْرُقْ مِنْهَا بَرَّاقَةْ. وَ فِي أُسُطْهَا فِي شَيّءْ يِرَارِي مِثِلْ نَحَاسْ صَافِي.

نَحَمْيا 9:6

إِنْتَ بَسْ اللّٰهْ. وَ إِنْتَ بَسْ السَّوَّيْت كُلَّ السَّمَاوَاتْ وَ قُوَّاتْهُمْ. وَ إِنْتَ بَسْ خَلَقْت الْأَرْض وَ كُلَّ شَيّءْ الْقَاعِدْ فَوْقهَا وَ الْبُحُورْ وَ كُلَّ شَيّءْ الْفِيهُمْ. إِنْتَ بَسْ التَّنْطِي الْحَيَاةْ لِكُلَّ شَيّءْ وَ كُلَّ قُوَّاتْ السَّمَاوَاتْ يَسْجُدُوا لَيْك.