إشَعْيا 6:11 - الكتاب المقدس بالعربي الدارجي هنا تشاد

¹¹ وَ أَنَا قُلْت: «دَا لِمَتَى، يَا رَبِّي؟» وَ هُو قَالْ: «لَحَدِّي كُلَّ الْمُدُنْ يِدَّمَّرَوْا وَ يَبْقَوْا فَاضِيِينْ مِنْ سُكَّانْهُمْ وَ الْبُيُوتْ يَبْقَوْا بَلَا نَاسْ وَ الْأَرْض تِدَّمَّرْ وَ تَخْرَبْ.

إشَعْيا 6:11 Referenca të Kryqëzuara

إشَعْيا 1:7

بَلَدْكُو خِرْبَتْ وَ مُدُنْكُو حِرْقَوْا. الْأَجَانِبْ يَاكُلُوا إِنْتَاجْ أَرْضُكُو قِدَّامْكُو. هِي خِرْبَتْ وَ الْأَجَانِبْ دَمَّرَوْهَا.

زَبُور 94:3

لَحَدِّي مَتَى، يَا اللّٰهْ؟ لَحَدِّي مَتَى الْعَاصِيِينْ يِنْبَسْطُوا؟

إشَعْيا 3:26

وَ سُكَّانْكِ يَبْكُوا وَ يَحْزَنَوْا مِثِلْ مَرَةْ الْوَدَّرَتْ كُلَّ شَيّءْ وَ قَعَدَتْ فِي التُّرَابْ.

زَبُور 90:13

تَعَالْ، يَا اللّٰهْ! تِأَخِّرْ لِمَتَى؟ حِنّ فَوْقنَا أَنِحْنَ عَبِيدَكْ.

لاوِيِّين 26:31

وَ نِسَوِّي مُدُنْكُو خَرَابْ وَ بَكَانَاتْ الْمُقَدَّسِينْ فَاضِيِينْ وَ مَا نُشُمّ الرِّيحَةْ التِّحَرُّقُوهَا لِرِضَايِ.

زَبُور 79:5

يَا اللّٰهْ، لِمَتَى تَغْضَبْ؟ إِلَى الْأَبَدْ؟ وَ لِمَتَى غِيرْتَكْ تَحْرِقْ مِثِلْ النَّارْ؟

زَبُور 74:10

لَحَدِّي مَتَى، يَا رَبّ، الْمُضَايِقِينْ يِعَيُّرُوكْ؟ الْعُدْوَانْ يَحْقُرُوا أُسْمَكْ دَايْماً وَلَّا؟

إشَعْيا 3:8

مَدِينَةْ الْقُدُسْ تِتَّرْتَعْ وَ بَلَدْ يَهُوذَا تَقَعْ. أَشَانْ هُمَّنْ أَتْمَرَّدَوْا ضِدّ اللّٰهْ بِكَلَامْهُمْ وَ عَمَلْهُمْ وَ أَبَوْا مَجْدَهْ.

إشَعْيا 5:9

بِأُدْنَيِّ، أَنَا سِمِعْت حَلِيفَةْ اللّٰهْ الْقَادِرْ، هُو قَالْ: «عَدَدْ كَبِيرْ هَنَا بُيُوتْ يَخْرَبَوْا أَيْوَى، هُمَّنْ بُيُوتْ كُبَارْ وَ سَمْحِينْ وَ يَبْقَوْا فَاضِيِينْ مِنْ سُكَّانْهُمْ.

إشَعْيا 13:12

وَ نِسَوِّي الْإِنْسَانْ غَالِي مَا يِنْلَقِي مِثِلْ الدَّهَبْ الصَّافِي. أَيْوَى، بَنِي آدَم يَبْقَى غَالِي مَا يِنْلَقِي مِثِلْ دَهَبْ بَلَدْ أُفِيرْ.

إشَعْيا 32:14

أَشَانْ قَصِرْ الْمَلِكْ خَلَّوْه وَ الْمَدِينَةْ السِّيَادْهَا كَتِيرِينْ، أَبَوْهَا. حَارَةْ عُفَلْ وَ قَصِرْ الْمُرَاقَبَةْ يَبْقَوْا مِثِلْ كَرَاكِيرْ إِلَى الْأَبَدْ. وَ حَمِيرْ الْكَدَادَةْ يِنَطُّطُوا فَوْقهُمْ مِنْ الْفَرَحْ وَ الْبَهَايِمْ يَسْرَحَوْا فَوْقهُمْ

إشَعْيا 35:1

خَلِّي الصَّحَرَاء وَ أَرْض الْجَفَافْ يَفْرَحَوْا وَ بَلَدْ الْيَبَاسْ تِنَوِّرْ وَ تِنْبَسِطْ.

إشَعْيا 60:15

«يَا صَهْيُون! أَوَّلْ، خَلَّوْكِ وَ كِرْهَوْكِ وَ نَادُمْ مَا قِدِرْ يُفُوتْ بَيْكِ. لَاكِنْ هَسَّعْ، أَنَا نُخُطّ فَوْقكِ فَرَحْ دَايِمْ وَ سُرُورْ مِنْ ذُرِّيَّةْ لِذُرِّيَّةْ.

إشَعْيا 64:10

مُدُنَكْ الْمُقَدَّسِينْ فِضَوْا وَ جَبَلْ صَهْيُون بِقَتْ صَحَرَاء وَ مَدِينَةْ الْقُدُسْ بِقَتْ بَكَانْ خَرَابْ.

إرْمِيا 4:7

مُدَمِّرْ الْأُمَمْ شَالْ الدَّرِبْ، الْعَدُو مَرَقْ مِنْ بَكَانَهْ مِثِلْ دُودْ مَرَقْ مِنْ نُقُرْتَهْ. هُو يَجِي وَ يَخْرِبْ بَلَدْكُو وَ مُدُنْكُو يَبْقَوْا فَاضِيِينْ مِنْ سُكَّانْهُمْ.

إرْمِيا 22:6

دَاهُو اللّٰهْ قَالْ كَلَامْ الْبُخُصّ قَصِرْ مُلُوكْ يَهُوذَا: «يَا الْقَصِرْ! كَنْ تُكُونْ جَمِيلْ مِثِلْ غَابَةْ قِلْعَادْ وَ عَالِي مِثِلْ جِبَالْ لُبْنَانْ كُلَ، أَنَا نِسَوِّيكْ صَحَرَاء وَ مَدِينَةْ بَلَا سُكَّانْ.

إرْمِيا 44:2

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «إِنْتُو شِفْتُوا كُلَّ الْفَسَالَةْ الْجِبْتَهَا فِي مَدِينَةْ الْقُدُسْ وَ فِي كُلَّ حِلَّالْ بَلَدْ يَهُوذَا. لَحَدِّي الْيَوْم، الْمُدُنْ دَوْل خَرْبَانِينْ وَ مَا عِنْدُهُمْ سُكَّانْ.

إرْمِيا 52:27

وَ مَلِكْ بَابِلْ كَتَلَاهُمْ هِنَاكْ فِي رِبْلَةْ فِي بَلَدْ حَمَاتْ. وَ بِمِثِلْ دَا، كُلَّ نَاسْ بَلَدْ يَهُوذَا وَدَّوْهُمْ فِي الْغُرْبَةْ، بَعِيدْ مِنْ أَرْضُهُمْ.

حِزْقِيال 6:6

وَ فِي أَيِّ بَكَانْ التَّسْكُنُوا فَوْقَهْ، الْمُدُنْ يَخْرَبَوْا وَ الْبَكَانَاتْ الْعَالِيِينْ يِلْهَدَّمَوْا. وَ مَدَابِحْكُو يَخْرَبَوْا وَ يِدَّمَّرَوْا وَ أَصْنَامْكُو يِلْكَسَّرَوْا وَ يَقَعَوْا تِحِتْ وَ مَخَابِرْكُو يِلْكَسَّرَوْا وَ خِدْمِتْكُو تِدَّمَّرْ.

دَنْيال 8:13

وَ أَنَا دَنْيَالْ سِمِعْت مَلَكْ وَاحِدْ سَأَلْ مَلَكْ آخَرْ وَ قَالْ: «لِمَتَى يَقْعُدُوا الْأَشْيَاءْ الْكَلَّمَوْهُمْ فِي الرُّؤْيَةْ دِي؟ وَ مَتَى يَقِيفْ قَدِّمِينْ الضَّحِيَّةْ الْيِقَدُّمُوهَا كُلَّ يَوْم؟ وَ لِمَتَى يَقْعُدْ الْعِصْيَانْ الْيِجِيبْ الْخَرَابْ وَ يِسَلُّمُوا الْبَيْت الْمُقَدَّسْ وَ الْقُوَّاتْ لِيِفَجُّقُوهُمْ تِحِتْ الرِّجْلَيْ؟»

مِيخا 2:4

وَ فِي الْيَوْم دَا، يَضُرْبُوا فَوْقكُو مَثَلْ وَ يُنُوحُوا نُوَاحْ وَ يُقُولُوا: «كَمَّلَوْنَا وَ خَرَبَوْنَا! اللّٰهْ بَدَّلْ أَرْض وَرَثَتْنَا بِبَلَدْ الْغُرْبَةْ. وَ قَلَعْ مِنِّنَا أَرْضِنَا وَ قَسَّمْ وَرَثَتْنَا لِعُدْوَانَّا.»

مِيخا 5:11

وَ نِدَمِّرْ مُدُنْ بَلَدْكُو وَ نِهَدِّمْ كُلَّ بَكَانَاتْكُو الْقَوِيِّينْ.

مِيخا 6:13

وَ فِي شَانْ دَا، أَنَا ضَرَبْتُكُو بِمَرَضْ وَ خَرَّبْتُكُو بِسَبَبْ ذُنُوبْكُو.

لاوِيِّين 26:33

وَ كَنْ لَيْكُو إِنْتُو، نِجِيبْ لَيْكُو الْحَرِبْ وَ نِشَتِّتْكُو فِي لُبّ الْأُمَمْ. وَ بَلَدْكُو تَبْقَى خَرَابْ وَ مُدُنْكُو يِلْهَدَّمَوْا.

تَثْنِية 28:62

كَنْ أَوَّلْ إِنْتُو كَتِيرِينْ مِثِلْ نُجُومْ السَّمَاءْ كُلَ، خَلَاصْ تِفَضُّلُوا شِيَّةْ أَشَانْ مَا سِمِعْتُوا كَلَامْ اللّٰهْ إِلٰـهْكُو.

تَثْنِية 28:63

وَ زَمَانْ اللّٰهْ فِي مَحَبِّتَهْ دَوَّرْ يِسَوِّي لَيْكُو الْخَيْر وَ يِكَتِّرْكُو. وَ لَاكِنْ هُو يَقْدَرْ يِشِيلْ نِيَّةْ لِيِكَمِّلْكُو وَ يِدَمِّرْكُو. وَ خَلَاصْ، هُو يَمْرُقْكُو مِنْ الْأَرْض التَّدْخُلُوا فَوْقهَا وَ تِشِيلُوهَا وَرَثَةْ.

مِيخا 7:13

وَ الْأَرْض تَبْقَى خَرَابْ بِسَبَبْ سُكَّانْهَا وَ دَا بِسَبَبْ نَتِيجَةْ عَمَلْهُمْ الْفَسِلْ.