إشَعْيا 59:10 - الكتاب المقدس بالعربي الدارجي هنا تشاد

¹⁰ نِدَّقَّشَوْا مِثِلْ عَمْيَانِينْ فِي الدَّرَادِرْ أَيْوَى، نِدَّقَّشَوْا مِثِلْ الْمَا عِنْدُهُمْ عُيُونْ. وَ قَايْلَةْ بَسْ، نِتَّرْتَعَوْا مِثِلْ فِي اللَّيْل وَ فِي لُبّ النَّاسْ الطَّيْبِينْ، بِقِينَا مِثِلْ الْمَيْتِينْ.

إشَعْيا 59:10 Referenca të Kryqëzuara

تَثْنِية 28:29

وَ مِثِلْ عَمْيَانِينْ يِدَّقَّشَوْا فِي الضَّلَامْ بِقَايْلَةْ، إِنْتُو كُلَ مَا تَنْجَحَوْا فِي دَرِبْكُو. وَ أَكِيدْ تِنْظَلْمُوا وَ حَقُّكُو يَقْلَعَوْه وَ مَا فِي نَادُمْ الْيِنَجِّيكُو.

أيُّوب 5:14

بِنَهَارْ، النَّاسْ دَوْل يَوَاجُهُوا ضَلَامْ وَ بِقَايْلَةْ، يِدَّقَّشَوْا مِثِلْ بِاللَّيْل.

مَراثِي إرْمِيا 3:6

وَ سَكَّنَانِي فِي ضَلَامْ الْقَبُرْ مِثِلْ الْمَاتَوْا مِنْ زَمَانْ.

1 يُوحَنَّا 2:11

وَ أَيِّ نَادُمْ الْيَكْرَهْ أَخُوهْ، هُو قَاعِدْ فِي الضَّلَامْ وَ يُرُوغْ فِي الضَّلَامْ وَ مَا يَعَرِفْ دَرْبَهْ أَشَانْ الضَّلَامْ سَدَّ عُيُونَهْ.

يُوحَنَّا 12:40

<اللّٰهْ عَمَى عُيُونْهُمْ وَ قَوَّى قُلُوبْهُمْ أَشَانْ مَا يِشِيفُوا بِعُيُونْهُمْ وَ مَا يَفْهَمَوْا بِقُلُوبْهُمْ. وَ بَيْدَا، مَا يُتُوبُوا أَشَانْ نَشْفِيهُمْ.>

يُوحَنَّا 12:35

وَ عِيسَى قَالْ لَيْهُمْ: «النُّورْ يَقْعُدْ مَعَاكُو وَكِتْ شِيَّةْ بَسْ. رُوغُوا فِي النُّورْ أَشَانْ الضَّلَامْ مَا يِنَّصِرْ فَوْقكُو. النَّادُمْ الْيُرُوغْ فِي الضَّلَامْ مَا يَعَرِفْ الْبَكَانْ الْهُو مَاشِي لَيَّهْ.

عَمُوس 8:9

وَ دَا كَلَامْ اللّٰهْ الرَّبّ: «فِي الْيَوْم دَا بِضُهُرْ، الْوَطَاةْ تَبْقَى ضَلْمَةْ وَ بِنَهَارْ بَسْ، الْوَطَاةْ تَبْقَى لَيْل فِي كُلَّ الْبَلَدْ.

مَراثِي إرْمِيا 4:14

يِدَّقَّشَوْا فِي شَوَارِعْ الْمَدِينَةْ مِثِلْ عَمْيَانِينْ. وَ مُنَجَّسِينْ بِالدَّمّ حَتَّى خُلْقَانْهُمْ مَا يِنْلَمْسُوا مِنْ النَّجَاسَةْ.

إرْمِيا 13:16

مَجُّدُوا اللّٰهْ إِلٰـهْكُو قَبُلْ مَا يِرَسِّلْ لَيْكُو الضَّلَامْ وَ قَبُلْ رِجْلَيْكُو مَا يِتَّرْتَعَوْا فِي الْجِبَالْ الْغَطَّاهُمْ الضَّلَامْ. إِنْتُو تَرْجَوْا النُّورْ بِعَشَمْ وَ لَاكِنْ هُو يِبَدِّلَهْ بِالضَّلَامْ الْهَالِكْ وَ يِسَوِّيكُو مِثِلْ قَاعِدِينْ فِي لُبّ سَحَابَايْ زَرْقَةْ.

إشَعْيا 8:15

وَ كَتِيرِينْ يِتَّرْتَعَوْا فِي الْحَجَرْ وَ يَقَعَوْا وَ يِلْكَسَّرَوْا وَ يَقَعَوْا فِي الشَّرَكْ وَ يَكُرْبُوهُمْ.»

أمْثال 4:19

لَاكِنْ دَرِبْ الْعَاصِيِينْ مِثِلْ اللَّيْل الْأَضْلَمْ. فِي الضَّلَامْ، مَا يِشِيفُوا الشَّيّءْ الْيَرْمِيهُمْ.

إشَعْيا 8:14

وَ هُو يَبْقَى بَكَانْ مُقَدَّسْ لِلْمَمَالِكْ الْإِتْنَيْن هَنَا بَنِي إِسْرَائِيلْ. يَبْقَى لَيْهُمْ حَجَرْ الْيِنْطَقَّوْا فَوْقَهْ وَ يِتَّرْتَعَوْا وَ يَبْقَى شَبَكَةْ وَ شَرَكْ لِسُكَّانْ مَدِينَةْ الْقُدُسْ.

إشَعْيا 28:13

وَ بَيْدَا، كَلَامْ اللّٰهْ يَبْقَى لَيْهُمْ: «لَا لَا لَا لَا لَا، دَا دَا دَا دَا دَا، كَيْ كَيْ كَيْ كَيْ كَيْ.» خَلَاصْ وَكِتْ مَاشِينْ، يَقَعَوْا بِقَفَاهُمْ وَ يِكَسُّرُوا صَلَبَاهُمْ وَ يَقَعَوْا فِي شَرَكْ وَ يَكُرْبُوهُمْ.

حِزْقِيال 21:15

فِي شَانْ السَّيْف دَا، قُلُوبْهُمْ يِنْقَطْعُوا وَ رِجْلَيْهُمْ يِتَّرْتَعَوْا. فِي كُلَّ بِيبَانْهُمْ، أَنَا خَطَّيْت السَّيْف الْيَخْرِبْ. وَ هُو يِرَارِي مِثِلْ الْبَرَّاقَةْ وَ مَجْلِي لِلْحَرِبْ.

مِيخا 3:6

وَ فِي شَانْ دَا، إِنْتُو الْأَنْبِيَاء، يَبْقَى لَيْكُو لَيْل بَلَا رُؤْيَةْ. وَ يَبْقَى لَيْكُو ضَلَامْ، مَا تَقْدَرَوْا تِشَوُّفُوا. وَ الْحَرَّايْ تَقَعْ لَيْكُو، يَا الْأَنْبِيَاء، وَ الْيَوْم يِضَلِّمْ لَيْكُو.»