إشَعْيا 57:5 - الكتاب المقدس بالعربي الدارجي هنا تشاد

⁵ شَهْوِتْكُو لِأَصْنَامْكُو تَكْرُبْكُو جَنْب شَدَرْ الْبَلُّوطْ وَ تِحِتْ أَيِّ شَدَرَةْ خَضْرَةْ. إِنْتُو تَدْبَحَوْا لَيْهُمْ عِيَالْ فِي الْوُدْيَانْ وَ فِي شُقُوقْ الْجِبَالْ.

إشَعْيا 57:5 Referenca të Kryqëzuara

حِزْقِيال 16:20

«‹”وَ شِلْتِ أَوْلَادْكِ وَ بَنَاتْكِ الْوِلِدْتِيهُمْ لَيِّ وَ قَدَّمْتِيهُمْ ضَحَايَا لِلْأَصْنَامْ دَوْل لِيَاكُلُوهُمْ. وَ مِنْ الشَّرْمَطَةْ، مَا شِبِعْتِ وَلَّا؟

إشَعْيا 1:29

أَيْوَى، إِنْتُو تَلْقَوْا عَيْب مِنْ شَدَرْكُو الْكُبَارْ الْقَاعِدِينْ تِتْمَنَّوْه. وَ تَبْقَوْا خَجْلَانِينْ فِي شَانْ الْجِنَيْنَاتْ الْعَزَلْتُوهُمْ لِعِبَادَةْ أَصْنَامْكُو.

إرْمِيا 7:31

وَ فِي وَادِي بَنِي هِنُّومْ فِي تُوفَةْ بَنَوْا مَدْبَحْ لِيِحَرُّقُوا فَوْقَهْ أَوْلَادْهُمْ وَ بَنَاتْهُمْ. وَ دَا فِكِرْ هَنَا شُنُو! أَنَا مَا أَمَرْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ.»

إرْمِيا 3:13

لَاكِنْ وَاجِبْ تَعَرْفِي خَطَاكِ أَشَانْ إِنْتِ عِصِيتِ اللّٰهْ إِلٰـهْكِ. وَ قَسَّمْتِ حُبِّكِ لِلْأَجَانِبْ وَ أَشَّرْمَطْتِ مَعَاهُمْ تِحِتْ أَيِّ شَدَرَةْ خَضْرَةْ وَ أَبَيْتِ مَا سِمِعْتِ كَلَامِي.›» وَ دَا كَلَامْ اللّٰهْ.

إرْمِيا 2:20

وَ اللّٰهْ قَالْ: «يَا بَنِي إِسْرَائِيلْ! مِنْ وَكِتْ طَوِيلْ إِنْتُو دَلَّيْتُوا التَّقَلَةْ مِنْ رَقَبَتْكُو وَ قَطَّعْتُوا قُيُودْكُو وَ قُلْتُوا: ‹أَبَداً مَا نَعَبُدُوكْ.› وَ فِي رَاسْ أَيِّ جَبَلْ عَالِي وَ تِحِتْ أَيِّ شَدَرَةْ خَضْرَةْ، إِنْتُو رَاقْدِينْ مِثِلْ الشَّرْمُوطَةْ.

2 مُلوك 23:10

وَ بَتَّانْ الْمَلِكْ نَجَّسْ الْمَحْرَقْ هَنَا تُوفَةْ الْقَاعِدْ فِي وَادِي بَنِي هِنُّومْ أَشَانْ بَتَّانْ نَادُمْ مَا يِحَرِّقْ وِلَيْدَهْ وَ لَا بِنَيِّتَهْ فِي النَّارْ لِإِلٰـهْ مُولَكْ.

لاوِيِّين 18:21

«مَا تَنْطِي وَاحِدْ مِنْ عِيَالَكْ لِيِقَدُّمُوهْ فِي النَّارْ لِصَنَمْ مُولَكْ وَ بِمِثِلْ دَا، مَا تِحْتَرِمْ أُسُمْ اللّٰهْ إِلٰـهَكْ. وَ أَنَا بَسْ اللّٰهْ.

رُؤية 18:3

وَ دَا بِقِي أَشَانْ كُلَّ الْأُمَمْ شِرْبَوْا الْخَمَرْ الْهِي أَنْطَتْهُمْ وَ الْخَمَرْ دَا يِمَثِّلْ شَهْوِتْهَا الْفَاسْدَةْ. وَ مُلُوكْ الْأَرْض زَنَوْا مَعَاهَا وَ تُجَّارْ الدُّنْيَا لِقَوْا مَالْ كَتِيرْ بِلْحَيْن مِنْ شَهْوِتْهَا الْكَتِيرَةْ الْمَا عِنْدَهَا حَدّ.»

حِزْقِيال 20:31

وَ وَكِتْ إِنْتُو تِجِيبُوا هَدَايَاكُو وَ وَكِتْ تِحَرُّقُوا عِيَالْكُو فِي النَّارْ، إِنْتُو قَاعِدِينْ تِنَجُّسُوا نُفُوسْكُو بِكُلَّ أَصْنَامْكُو لَحَدِّي الْيَوْم. وَ بَيْدَا، أَنَا مَا نَرْضَى تَسْأَلَوْنِي، يَا بَنِي إِسْرَائِيلْ! نَحْلِفْ بِأُسْمِي الْحَيّ، أَنَا مَا نَرْضَى إِنْتُو تَسْأَلَوْنِي.“ وَ دَا كَلَامْ اللّٰهْ الرَّبّ.

حِزْقِيال 20:26

وَ خَلَّيْتهُمْ أَنَّجَّسَوْا بِقَدِّمِينْ ضَحَايَاهُمْ هَنَا كُلَّ أَوْلَادْ الْبِكِرْ. وَ دَا لِيِنْبَهْتُوا وَ يَعَرْفُوا كَدَرْ أَنَا بَسْ اللّٰهْ.›

حِزْقِيال 6:13

وَ بَيْدَا، يَعَرْفُوا كَدَرْ أَنَا بَسْ اللّٰهْ وَكِتْ يِشِيفُوا مَيْتِينْهُمْ قِدَّامْ أَصْنَامْهُمْ وَ حَوَالَيْ مَدَابِحْهُمْ وَ فَوْق أَيِّ حَجَرْ عَالِي وَ فِي رَاسْ أَيِّ جَبَلْ وَ تِحِتْ أَيِّ شَدَرَةْ خَضْرَةْ وَ أَيِّ شَدَرَةْ ضَلْمَةْ. وَ دَوْل الْبَكَانَاتْ الْقَدَّمَوْا فَوْقهُمْ ضَحَايَا لِأَصْنَامْهُمْ لِيَرْضَوْا بِرِيحِتْهُمْ.

إرْمِيا 51:7

بَابِلْ أَوَّلْ هِي مِثِلْ كَاسْ هَنَا دَهَبْ فِي إِيدْ اللّٰهْ، هِي سَكَّرَتْ كُلَّ الْأَرْض. وَ الْأُمَمْ شِرْبَوْا مِنْ خَمَرْهَا وَ فِي شَانْ دَا بَسْ، رُوسَيْهُمْ وَدَّرَوْا.

إرْمِيا 50:38

وَ نِجِيبْ الْجَفَافْ لِبُحُورْ بَابِلْ وَ هُمَّنْ يِكَمُّلُوا. أَشَانْ هِي بَلَدْ هِنْت أَصْنَامْ مُخِيفِينْ الْيِوَدُّرُوا رَاسْ النَّاسْ الْيَعَبُدُوهُمْ.

إرْمِيا 32:35

وَ فِي وَادِي بَنِي هِنُّومْ بَنَوْا مَدْبَحْ لِبَعَلْ لِيِحَرُّقُوا فَوْقَهْ أَوْلَادْهُمْ وَ بَنَاتْهُمْ لِإِلٰـهُّمْ مُولَكْ. وَ دَا أَنَا مَا أَمَرْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ. وَ بِالْمُحَرَّمَاتْ دَوْل، لَزَّوْا بَنِي يَهُوذَا فِي الذَّنِبْ.»

إرْمِيا 17:2

وَ مِثِلْ يِذَّكَّرَوْا عِيَالْهُمْ، هُمَّنْ يِذَّكَّرَوْا مَدَابِحْ إِلٰـهَاتْهُمْ وَ الْعِيدَانْ الْغَزَّوْهُمْ لِعِبَادَةْ أَشِيرَةْ. وَ دَوْل تِحِتْ أَيِّ شَدَرَةْ خَضْرَةْ وَ فِي رَاسْ أَيِّ جَبَلْ عَالِي.

إرْمِيا 3:6

وَ فِي أَيَّامْ حُكُمْ الْمَلِكْ يُوشِيَّا، اللّٰهْ قَالْ لَيِّ أَنَا إِرْمِيَا: «إِنْتَ مَا شِفْت السَّوَّتَهْ إِسْرَائِيلْ الْكَافْرَةْ؟ هِي مَشَتْ فِي رَاسْ أَيِّ جَبَلْ عَالِي وَ تِحِتْ أَيِّ شَدَرَةْ خَضْرَةْ وَ أَشَّرْمَطَتْ هِنَاكْ وَرَاءْ الْأَصْنَامْ.

2 أخبار 28:3

وَ هُو قَدَّمْ بَخُورْ فِي وَادِي بَنِي هِنُّومْ وَ قَدَّمْ عِيَالَهْ وَ حَرَّقَاهُمْ فِي النَّارْ. وَ دَا نَفْس الْمُحَرَّمَاتْ السَّوَّوْهُمْ الْأُمَمْ الْاللّٰهْ قَلَعْ مِنْهُمْ أَرْضُهُمْ وَ أَنْطَاهَا لِبَنِي إِسْرَائِيلْ.

2 مُلوك 17:10

وَ غَزَّوْا حُجَارْ وَ عِيدَانْ لِعِبَادَةْ أَشِيرَةْ فِي رَاسْ أَيِّ جَبَلْ عَالِي وَ تِحِتْ أَيِّ شَدَرَةْ خَضْرَةْ.

1 مُلوك 14:23

وَ هُمَّنْ كُلَ بَنَوْا بَكَانَاتْ عَالِيِينْ وَ غَزَّوْا حُجَارْ لِلْعِبَادَةْ وَ غَزَّوْا عِيدَانْ لِعِبَادَةْ أَشِيرَةْ فِي رَاسْ أَيِّ جَبَلْ عَالِي وَ تِحِتْ أَيِّ شَدَرَةْ خَضْرَةْ.

تَثْنِية 12:2

دَمُّرُوا بِالْكَامِلْ كُلَّ الْبَكَانَاتْ التِّشِيلُوهُمْ الْفَوْقهُمْ الْأُمَمْ عَبَدَوْا إِلٰـهَاتْهُمْ فِي رُوسَيْ الْجِبَالْ وَ فِي الْحُجَارْ وَ فِي تِحِتْ أَيِّ شَدَرَةْ خَضْرَةْ.

عَدد 25:6

وَ وَكِتْ بَنِي إِسْرَائِيلْ قَاعِدِينْ يَبْكُوا فِي مَدَخَلْ خَيْمَةْ الْإِجْتِمَاعْ، فِي رَاجِلْ مِنْ بَنِي إِسْرَائِيلْ جَايِ لِأَخْوَانَهْ مَعَ مَرَةْ مِدْيَانِيَّةْ. وَ مُوسَى وَ كُلَّ مُجْتَمَعْ بَنِي إِسْرَائِيلْ شَافَوْه.

خُروج 32:6

وَ أَمْبَاكِرْ بِفَجُرْ، هُمَّنْ قَدَّمَوْا ضَحَايَا مُحَرَّقِينْ وَ ضَحَايَا سَلَامَةْ. وَ بَعَدْ دَا، أَكَلَوْا وَ شِرْبَوْا وَ قَمَّوْا يَلْعَبَوْا.

حِزْقِيال 20:28

أَنَا وَدَّيْتهُمْ فِي الْبَلَدْ الْحَلَفْت وَ قُلْت نَنْطِيهَا لَيْهُمْ. وَ وَكِتْ هُمَّنْ شَافَوْا أَيِّ جَبَلْ عَالِي وَ أَيِّ شَدَرَةْ خَضْرَةْ، قَدَّمَوْا فِي الْبَكَانْ دَا ضَحَايَاهُمْ. وَ غَضَّبَوْنِي بِهَدَايَاهُمْ وَ بِالْبَخُورْ الرِّيحْتَهْ تَعَجِبْ وَ بِهَدَايَاهُمْ هَنَا الشَّرَابْ الْقَدَّمَوْهُمْ فِي الْبَكَانْ دَا.

2 مُلوك 17:7

وَ كُلَّ الشَّيّءْ دَا كَانْ أَشَانْ نَاسْ مَمْلَكَةْ إِسْرَائِيلْ أَذْنَبَوْا ضِدّ اللّٰهْ إِلٰـهُّمْ، هُو النَّجَّاهُمْ مِنْ حُكُمْ فِرْعَوْن مَلِكْ بَلَدْ مَصِرْ وَ مَرَقَاهُمْ مِنْ بَلَدَهْ وَ بَيْدَا كُلَ، هُمَّنْ عَبَدَوْا إِلٰـهَاتْ آخَرِينْ.