إشَعْيا 57:4 - الكتاب المقدس بالعربي الدارجي هنا تشاد

⁴ تِشَّمَّتَوْا لِيَاتُو؟ ضِدّ يَاتُو تَفْتَحَوْا خُشُومْكُو وَ تَبُرْطُوا شَلَالِيفْكُو؟ إِنْتُو مَا عِيَالْ الْعَاصِيِينْ وَ ذُرِّيَّةْ الْكَدَّابِينْ وَلَّا؟

إشَعْيا 57:4 Referenca të Kryqëzuara

2 بُطْرُس 2:13

وَ يَلْقَوْا ظُلُمْ بِسَبَبْ الظُّلُمْ السَّوَّوْه. وَ فِي أُسْط النَّهَارْ يِسَوُّوا شَهْوَاتْهُمْ. وَ فِي عَاوَازِيمْكُو، حُضُورْهُمْ عَيْب وَ وَسَخْ. مَا يِخَلُّوا مِنْهُمْ سَفَاهِتْهُمْ وَ وَكِتْ يِلْعَشَّوْا مَعَاكُو، فَرْحَانِينْ بِغَشُّهُمْ.

إشَعْيا 1:4

الْعَذَابْ لِلْأُمَّةْ الْمُذْنِبَةْ أَيْوَى، لِلْأُمَّةْ الشَّايْلَةْ الْخَطَا! إِنْتُو ذُرِّيَّةْ النَّاسْ الْفَسْلِينْ، عِيَالْ الْمُدَمَّرِينْ! إِنْتُو أَبَيْتُوا اللّٰهْ أَيْوَى، أَبَيْتُوا قُدُّوسْ إِسْرَائِيلْ وَ قَبَّلْتُوا وَرَاءْ.

زَبُور 35:21

وَ يَفْتَحَوْا خُشُومْهُمْ كُبَارْ وَ يُقُولُوا ضِدِّي: «هَا هَا! عُيُونَّا شَافَوْه!»

خُروج 9:17

وَ دَايْماً، إِنْتَ قَاعِدْ تَدْحَرْ شَعَبِي وَ مَا تِخَلِّيهُمْ يَمُرْقُوا مِنْ بَلَدَكْ.

كُلُوسِي 3:6

فِي شَانْ الذُّنُوبْ دَوْل، غَضَبْ اللّٰهْ يَنْزِلْ فِي الْعَاصِيِينْ.

أفَسُس 5:6

مَا تِخَلُّوا نَادُمْ يُغُشُّكُو بِكَلامْ بَاطِلْ. بِسَبَبْ الذُّنُوبْ الْمِثِلْ دَوْل، اللّٰهْ يِنَزِّلْ غَضَبَهْ فَوْق الْعَاصِيِينْ.

أعمال الرُسُل 9:4

وَ شَاوُولْ وَقَعْ فِي التُّرَابْ وَ سِمِعْ حِسّ نَادُمْ قَاعِدْ يِكَلِّمْ لَيَّهْ وَ يُقُولْ: «يَا شَاوُولْ، يَا شَاوُولْ! مَالَكْ تِتَعِّبْنِي؟»

لُوقا 10:16

وَ عِيسَى قَالْ لِلتَّلَامِيذ: «أَيِّ نَادُمْ السِّمِعْ كَلَامْكُو، سِمِعْ كَلَامِي. وَ الْأَبَاكُو، أَبَانِي. وَ الْأَبَانِي، أَبَى اللّٰهْ الرَّسَّلَانِي.»

مَتَّى 27:29

وَ سَوَّوْا لَيَّهْ تَاجْ هَنَا شَوْك مَضْفُورْ وَ خَطَّوْه فِي رَاسَهْ. وَ مَسَّكَوْه عَصَاةْ فِي إِيدَهْ الزَّيْنَةْ وَ رَكَعَوْا قِدَّامَهْ وَ أَشَّمَّتَوْا لَيَّهْ وَ قَالَوْا: «السَّلَامْ عَلَيْك، يَا مَلِكْ الْيَهُودْ!»

مَتَّى 13:38

وَ الزَّرَعْ يِمَثِّلْ الدُّنْيَا. وَ التَّيْرَابْ الْعَدِيلْ يِمَثِّلْ نَاسْ الْمَمْلَكَةْ وَ السِّعِدْ يِمَثِّلْ نَاسْ إِبْلِيسْ الشَّرِيرْ.

هُوشَع 10:9

«وَ مِنْ أَيَّامْ قِبَيْعَةْ، بَنِي إِسْرَائِيلْ أَذْنَبَوْا وَ هُمَّنْ مَا غَيَّرَوْا حَالْهُمْ. فِي قِبَيْعَةْ، وَاجِبْ الْحَرِبْ يَلْحَقْ الْمُجْرِمِينْ

حِزْقِيال 2:4

أَيْوَى، أَنَا نِرَسِّلَكْ لِنَاسْ الْوُجُوهُّمْ ضُلُمْ وَ قُلُوبْهُمْ قَوِيِّينْ وَ إِنْتَ قُولْ لَيْهُمْ: ‹دَاهُو اللّٰهْ الرَّبّ قَالْ:

إشَعْيا 37:29

وَ أَنَا سِمِعْت إِنْتَ رَجَفْت مِنْ الزَّعَلْ ضِدِّي وَ أَسْتَكْبَرْت. وَ بِسَبَبْ دَا، أَنَا نِدِسّ لَيْك زُمَامْ فِي مُنْخَرَكْ وَ لِجَامْ فِي خَشْمَكْ وَ نِقَبِّلَكْ بِالدَّرِبْ الْإِنْتَ جِيتْ بَيَّهْ.›»

إشَعْيا 37:23

لِيَاتُو إِنْتَ عَيَّرْتَهْ وَ أَشَّمَّتْ فَوْقَهْ؟ وَ ضِدّ يَاتُو إِنْتَ كَلَّمْت وَ شِفْت بِإِسْتِكْبَارْ؟ دَا ضِدِّي أَنَا، قُدُّوسْ إِسْرَائِيلْ!

إشَعْيا 30:9

أَشَانْ الشَّعَبْ دَوْل عَاصِيِينْ وَ عِيَالْ غَشَّاشِينْ! أَيْوَى، مَا يِدَوْرُوا يَسْمَعَوْنِي، مَا يَسْمَعَوْا شُرُوطْ تَوْرَاةْ اللّٰهْ.

إشَعْيا 30:1

دَاهُو كَلَامْ اللّٰهْ. «الْعَذَابْ لِلْعِيَالْ الْحَرَامِيِّينْ! هُمَّنْ سَوَّوْا شَوْرَةْ الْمَا جَايَةْ مِنِّي. وَ سَوَّوْا عَلَاقَةْ الْأَنَا مَا أَمَرْت بَيْهَا وَ بَيْدَا، زَادَوْا ذَنِبْ فِي ذَنِبْ.

إشَعْيا 10:15

وَ اللّٰهْ قَالْ: «هَلْ الْفَاسْ تِفْشُرْ فِي سِيدْهَا الْيَقْطَعْ بَيْهَا وَلَّا؟ هَلْ الْمُنْشَارْ يِلْعَلَّى فِي الْيِسْتَعْمَلَهْ وَلَّا؟ وَ دَا مِثِلْ الْعَصَاةْ تِحَرِّكْ الْإِيدْ التَّرْفَعْهَا وَلَّا مِثِلْ الدُّقُلْ يِقِلّ الْإِنْسَانْ!

زَبُور 69:12

وَ نَاسْ فِي بَابْ الْمَدِينَةْ يِحَجُّوا بَيِّ وَ أَنَا بِقِيتْ غِنَّيَّةْ لِلسَّكَّارَى.

زَبُور 22:17

وَ مِنْ الْبَطُولْ، أَنَا نَقْدَرْ نَحْسِبْ عُضَامِي وَ هُمَّنْ قَاعِدِينْ يِشِيفُونِي وَ يِلْفَرَّجَوْا فَوْقِي.

زَبُور 22:13

وَ فَتَحَوْا خُشُومْهُمْ لَيِّ مِثِلْ دُودْ الْيَضْرُبْ وَ يِكِرّ.

زَبُور 22:7

وَ كُلَّ الْيِشِيفُونِي يِشَّمَّتَوْا فَوْقِي. وَ يِتَعُّسُونِي وَ يِهِزُّوا رُوسَيْهُمْ

يَشُوع 10:21

وَ بَعَدْ دَا، كُلَّ الشَّعَبْ قَبَّلَوْا لِيَشُوعْ فِي الْمُعَسْكَرْ الْفِي مَقِيدَةْ بِسَلَامْ. وَ نَادُمْ وَاحِدْ كُلَ مِنْ الْبَلَدْ مَا قِدِرْ يُقُولْ شَيّءْ ضِدّ بَنِي إِسْرَائِيلْ.

عَدد 16:11

أَشَانْ دَا بَسْ، إِنْتَ وَ كُلَّ نَاسَكْ قَمَّيْتُوا ضِدّ اللّٰهْ. وَ هَارُونْ كَيْ، هُو يَاتُو إِنْتُو تُلُومُوهْ؟»

إشَعْيا 48:8

أَيْوَى، إِنْتُو مَا سِمِعْتُوا شَيّءْ وَ لَا عِرِفْتُوا شَيّءْ، وَ أَبَداً مَا خَطَّيْتُوا أُدْنَيْكُو! أَشَانْ أَنَا نَعَرِفْكُو إِنْتُو خَايْنِينْ وَ مِنْ فِي بُطُونْ أَمَّهَاتْكُو، يِنَادُوكُو مُتَمَرِّدِينْ.

إشَعْيا 57:5

شَهْوِتْكُو لِأَصْنَامْكُو تَكْرُبْكُو جَنْب شَدَرْ الْبَلُّوطْ وَ تِحِتْ أَيِّ شَدَرَةْ خَضْرَةْ. إِنْتُو تَدْبَحَوْا لَيْهُمْ عِيَالْ فِي الْوُدْيَانْ وَ فِي شُقُوقْ الْجِبَالْ.

2 أخبار 36:16

وَ لَاكِنْ شَعَبَهْ قَاعِدِينْ يِشَّمَّتَوْا لِمُرَسَّلِينْ الرَّبّ وَ يَنْكُرُوا كَلَامَهْ وَ يَضْحَكَوْا فِي الْأَنْبِيَاء دَوْل لَحَدِّي غَضَبْ اللّٰهْ نَزَلْ فَوْقهُمْ وَ لِحِقَاهُمْ وَ مَا نِجَوْا مِنَّهْ.

إرْمِيا 20:8

وَ كَنْ نِحَجِّي، نِعِيطْ وَ نُقُولْ: «الْعُنُفْ وَ الْخَرَابْ جَايِينْ!» وَ كَنْ نِحَجِّي بِكَلَامَكْ، يَا اللّٰهْ، يِجِيبْ لَيِّ الْعَيْب وَ طُولْ النَّهَارْ، يِشَّمَّتَوْا فَوْقِي.