إشَعْيا 53:8 - الكتاب المقدس بالعربي الدارجي هنا تشاد

⁸ وَ بِمُضَايَقَةْ وَ شَرِيعَةْ، وَدَّوْه. وَ مِنْ نَاسْ زَمَنَهْ، يَاتُو الْهَمَّ بَيَّهْ؟ لَاكِنْ فَصَلَوْه مِنْ الْحَيِّينْ بِسَبَبْ عِصْيَانْ شَعَبِي وَ كَتَلَوْه.

إشَعْيا 53:8 Referenca të Kryqëzuara

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

أعمال الرُسُل 8:33

نَاسْ عَيَّبَوْه وَ مَا أَنْطَوْه الْحَقّ فِي الشَّرِيعَةْ. وَ يَاتُو يِحَجِّي بِذُرِّيّتَهْ؟ أَشَانْ فَصَلَوْه مِنْ الْحَيِّينْ فِي الْأَرْض.>

يُوحَنَّا 19:7

وَ لَاكِنْ الْيَهُودْ رَدَّوْا لَيَّهْ وَ قَالَوْا: «عِنْدِنَا قَانُونْ وَ حَسَبْ الْقَانُونْ دَا، هُو وَاجِبْ يُمُوتْ أَشَانْ هُو سَوَّى نَفْسَهْ إِبْن اللّٰهْ.»

إشَعْيا 53:12

وَ فِي شَانْ دَا، نَنْطِيهْ قِسِمْ مَعَ نَاسْ كَتِيرِينْ وَ يَلْقَى قِسِمْ الْغَنِيمَةْ مَعَ نَاسْ شُدَادْ. أَشَانْ هُو أَنْطَى نَفْسَهْ لِلْمَوْت وَ حَسَبَوْه مَعَ الْعَاصِيِينْ. لَاكِنْ هُو حِمِلْ ذَنِبْ الْكَتِيرِينْ وَ دَافَعْ لِلْعَاصِيِينْ.

دَنْيال 9:26

وَ بَعَدْ الْأُرْبُعْمِيَةْ وَ تَلَاتِينْ وَ أَرْبَعَةْ سَنَةْ دَوْل، النَّادُمْ الْمَسَحَوْه وَ دَرَّجَوْه مَلِكْ دَا يَكْتُلُوهْ وَ نَادُمْ يِدَافِعْ لَيَّهْ كَيْ مَا فِيهْ. وَ يَجِي مَلِكْ آخَرْ بِعَسْكَرَهْ وَ يِدَمِّرْ الْمَدِينَةْ وَ الْبَيْت الْمُقَدَّسْ. وَ لَاكِنْ الْمَلِكْ دَا، نِهَايَةْ حُكْمَهْ تَجِي عَجَلَةْ مِثِلْ السَّيْل. وَ فِي الأَخِيرْ، الْحَرِبْ وَ الدَّمَارْ الشَّدِيدْ يَبْقَوْا مِثِلْ مُقَرَّرْ.

رَوْمَا 1:4

وَ اللّٰهْ جَعَلَهْ إِبْنَهْ بِقُدْرَةْ الرُّوحْ الْقُدُّوسْ، وَكِتْ هُو بَعَثَهْ مِنْ أُسْط الْمَيْتِينْ. وَ إِبْنَهْ دَا، هُو عِيسَى الْمَسِيحْ رَبِّنَا.

إشَعْيا 53:5

وَ لَاكِنْ طَعَنَوْه فِي شَانْ عِصْيَانَّا أَنِحْنَ وَ تَعَّبَوْه فِي شَانْ خَطَانَا السَّوَّيْنَاهْ. الْعَذَابْ الْوَقَعْ فَوْقَهْ هُو يَضْمَنْ لَيْنَا السَّلَامْ. وَ بِسَبَبْ جُرُوحَهْ، أَنِحْنَ لِقِينَا الشِّفَاءْ.

زَبُور 69:12

وَ نَاسْ فِي بَابْ الْمَدِينَةْ يِحَجُّوا بَيِّ وَ أَنَا بِقِيتْ غِنَّيَّةْ لِلسَّكَّارَى.

مَتَّى 1:1

دَاهُو قُرْمَةْ هَنَا جُدُودْ عِيسَى الْمَسِيحْ إِبْن دَاوُدْ إِبْن إِبْرَاهِيمْ.

زَبُور 88:5

وَ رَقَّدَوْنِي مَعَ الْمَيْتِينْ مِثِلْ الْمَكْتُولِينْ وَ مُرَقَّدِينْ فِي الْقَبُرْ وَ مِثِلْ النَّاسْ الْإِنْتَ مَا تِفَكِّرْ فَوْقهُمْ وَ لَزَمْت إِيدَكْ مِنْهُمْ.

إرْمِيا 11:19

وَ أَنَا مِثِلْ حَمَلْ مِسْكِينْ الْيِوَدُّوا لِلْجَزَّارَةْ. وَ أَنَا مَا عِرِفْت كَدَرْ نِيِّتْهُمْ الْفَسْلَةْ دِي تُخُصِّنِي وَ هُمَّنْ بُقُولُوا: «خَلِّي نِدَمُّرُوهْ مِثِلْ شَدَرَةْ خَضْرَةْ وَ نُقُشُّوهْ مِنْ أَرْض الْحَيِّينْ! وَ بَتَّانْ أُسْمَهْ كُلَ مَا يِنَادُوهْ.»

مَراثِي إرْمِيا 3:54

وَ أَلْمِي غَطَّى رَاسِي لَحَدِّي قُلْت فِي نَفْسِي: «أَنَا نُمُوتْ!»