إشَعْيا 53:7 - الكتاب المقدس بالعربي الدارجي هنا تشاد

⁷ هُو عَذَّبَوْه وَ أَهَانَوْه وَ مَا فَكَّ خَشْمَهْ. مِثِلْ حَمَلْ الْيِوَدُّوهْ لِلدَّبِحْ وَ مِثِلْ نَعَجَةْ سَاكْتَةْ وَكِتْ يِقَصُّصُوا صُوفْهَا، هُو كُلَ مَا فَكَّ خَشْمَهْ.

إشَعْيا 53:7 Referenca të Kryqëzuara

مَتَّى 26:63

وَ عِيسَى قَاعِدْ سَاكِتْ بَسْ. وَ كَبِيرْ رُجَالْ الدِّينْ سَأَلَهْ بَتَّانْ وَ قَالْ: «نَحَلِّفَكْ بِأُسُمْ اللّٰهْ الْحَيّ. قُولْ لَيْنَا! إِنْتَ الْمَسِيحْ إِبْن اللّٰهْ وَلَّا؟»

1 بُطْرُس 2:23

وَكِتْ عَيَّرَوْه، هُو مَا رَدَّ لَيْهُمْ بِمُعْيَارْ. وَكِتْ تَعَّبَوْه، هُو مَا هَدَّدَاهُمْ. فِي بَدَلَهْ، هُو أَتْوَكَّلْ عَلَيْ اللّٰهْ الْيِحَاسِبْ بِالْحَقّ.

مَرْخُوس 14:61

وَ عِيسَى قَاعِدْ سَاكِتْ بَسْ وَ مَا رَدَّ لَيَّهْ كَلَامْ. وَ بَتَّانْ كَبِيرْ رُجَالْ الدِّينْ سَأَلَهْ وَ قَالْ: «هَلْ إِنْتَ الْمَسِيحْ، إِبْن اللّٰهْ الْوَاجِبْ لَيَّهْ كُلَّ الشُّكُرْ؟»

يُوحَنَّا 19:9

وَ بِلَاطُسْ قَبَّلْ فِي قَصْرَهْ وَ سَأَلْ عِيسَى وَ قَالْ: «إِنْتَ جِيتْ مِنْ وَيْن؟» وَ لَاكِنْ عِيسَى مَا رَدَّ لَيَّهْ.

لُوقا 23:9

وَ أَشَانْ دَا، سَأَلَهْ سُؤَالْ كَتِيرْ لَاكِنْ عِيسَى مَا رَدَّ لَيَّهْ كَلَامْ.

مَرْخُوس 15:5

وَ عِيسَى مَا رَدَّ لَيَّهْ بَتَّانْ وَ بِلَاطُسْ أَلْعَجَّبْ بِلْحَيْن.

يُوحَنَّا 1:29

وَ أَمْبَاكِرْ، يَحْيَى شَافْ عِيسَى جَايِ لَيَّهْ وَ قَالْ: «دَا بَسْ الْحَمَلْ الْاللّٰهْ رَسَّلَهْ أَشَانْ يُقُشّ ذَنِبْ نَاسْ الدُّنْيَا.

رُؤية 5:6

وَ فِي الْبَكَانْ دَا، أَنَا شِفْت حَمَلْ وَاقِفْ أُسْط الْعَرْش أَمْبَيْن الْأَرْبَعَةْ مَخْلُوقِينْ قِدَّامْ الشُّيُوخْ. وَ الْحَمَلْ يِشَابِهْ مِثِلْ أَوَّلْ دَبَحَوْه. وَ عِنْدَهْ سَبْعَةْ قُرُونْ وَ سَبْعَةْ عُيُونْ وَ هُمَّنْ الْأَرْوَاحْ السَّبْعَةْ الْاللّٰهْ رَسَّلَاهُمْ فِي كُلَّ الْأَرْض.

عَدد 7:27

وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

زَبُور 44:22

وَ لَاكِنْ فِي شَانَكْ إِنْتَ، يَكْتُلُونَا كُلَّ يَوْم وَ يَجْعَلَوْنَا مِثِلْ غَنَمْ الْجُزُرْ.

إشَعْيا 53:6

أَنِحْنَ كُلِّنَا مِثِلْ غَنَمْ الْمُوَدِّرِينْ، أَيِّ وَاحِدْ شَايِلْ لَيَّهْ دَرِبْ. وَ اللّٰهْ خَطَّ فَوْقَهْ هُو خَطَانَا أَنِحْنَ كُلِّنَا.

إرْمِيا 11:19

وَ أَنَا مِثِلْ حَمَلْ مِسْكِينْ الْيِوَدُّوا لِلْجَزَّارَةْ. وَ أَنَا مَا عِرِفْت كَدَرْ نِيِّتْهُمْ الْفَسْلَةْ دِي تُخُصِّنِي وَ هُمَّنْ بُقُولُوا: «خَلِّي نِدَمُّرُوهْ مِثِلْ شَدَرَةْ خَضْرَةْ وَ نُقُشُّوهْ مِنْ أَرْض الْحَيِّينْ! وَ بَتَّانْ أُسْمَهْ كُلَ مَا يِنَادُوهْ.»

زَبُور 38:14

أَنَا مِثِلْ النَّادُمْ الْمَا يَسْمَعْ وَ مَا فِي رَدّ فِي خَشْمَهْ.

زَبُور 38:15

أَشَانْ يَا اللّٰهْ، فِيكْ إِنْتَ بَسْ عِنْدِي الْعَشَمْ وَ إِنْتَ بَسْ تُرُدّ لَيِّ، يَا رَبِّي، يَا إِلٰـهِي.

إشَعْيا 50:6

أَنَا أَنْطَيْت ضَهَرِي لِلْيَفُرْشُونِي وَ أَنْطَيْت دِقْنِي لِلْيِمَلُّطُوهَا وَ مَا لَبَّدْت وِجْهِي مِنْ الْمُعْيَارْ وَ الْبُزَاقْ.