إشَعْيا 53:6 - الكتاب المقدس بالعربي الدارجي هنا تشاد

⁶ أَنِحْنَ كُلِّنَا مِثِلْ غَنَمْ الْمُوَدِّرِينْ، أَيِّ وَاحِدْ شَايِلْ لَيَّهْ دَرِبْ. وَ اللّٰهْ خَطَّ فَوْقَهْ هُو خَطَانَا أَنِحْنَ كُلِّنَا.

إشَعْيا 53:6 Referenca të Kryqëzuara

1 بُطْرُس 2:25

أَشَانْ أَوَّلْ إِنْتُو مِثِلْ غَنَمْ مُوَدِّرِينْ لَاكِنْ هَسَّعْ قَبَّلْتُوا لِرَاعِيكُو الْيَحْفَضْكُو.

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

زَبُور 119:176

أَنَا مِثِلْ غَنَمَايْ مُوَدِّرَةْ. فَتِّشْ عَبْدَكْ أَشَانْ مَا نِسِيتْ قَوَانِينَكْ!

رَوْمَا 4:25

اللّٰهْ سَلَّمَهْ لِلْمَوْت بِسَبَبْ خَطَايَانَا وَ بَعَثَهْ أَشَانْ بَيَّهْ هُو، نَبْقَوْا صَالِحِينْ.

إشَعْيا 55:7

خَلِّي الْعَاصِي يِخَلِّي دَرْبَهْ وَ النَّادُمْ الْفَسِلْ يِخَلِّي أَفْكَارَهْ. خَلِّي يِقَبِّلْ لِلّٰهْ وَ هُو يَرْحَمَهْ أَشَانْ غُفْرَانْ إِلٰـهْنَا وَسِيعْ.

يَعْقُوب 5:20

أَعَرْفُوا كَدَرْ النَّادُمْ الْقَبَّلْ أَخُوهْ مِنْ الدَّرِبْ الْهَوَانْ دَا، هُو نَجَّاهْ مِنْ الْهَلَاكْ. وَ فِي شَانْ دَا، اللّٰهْ يَغْفِرْ لِلْمُذْنِبْ ذُنُوبَهْ الْكَتِيرِينْ.

إشَعْيا 53:10

وَ اللّٰهْ رِضِي يَرْحَكَهْ بِالتَّعَبْ وَ كَنْ حَيَاتَهْ بِقَتْ ضَحِيَّةْ لِكَفَّارَةْ الْخَطَا، خَلَاصْ هُو يِشِيفْ ذُرِّيّتَهْ. هُو يِطَوِّلْ أَيَّامْ عُمْرَهْ وَ نِيَّةْ اللّٰهْ تِلْحَقَّقْ بَيَّهْ هُو.

إشَعْيا 56:11

هُمَّنْ مِثِلْ كُلابْ أَكَّالِينْ الْمَا يَعَرْفُوا الشَّبَعْ. وَ هُمَّنْ رُعْيَانْ الْمَا يَعَرْفُوا شَيّءْ. أَيِّ وَاحِدْ شَايِلْ دَرْبَهْ وَ يِفَتِّشْ فَايْدِتَهْ بِكُلَّ نِيّتَهْ.

زَبُور 69:4

الْيَكْرَهَوْنِي بَلَا سَبَبْ، هُمَّنْ أَكْتَرْ مِنْ صُوفْ رَاسِي. وَ الْيِدَوْرُوا يِدَمُّرُونِي، هُمَّنْ شُدَادْ. وَ بَلَا سَبَبْ بِقَوْا عُدْوَانِي. وَ الشَّيّءْ الْأَنَا مَا سِرِقْتَهْ، نَقْدَرْ نِقَبِّلَهْ وَلَّا؟

حِزْقِيال 3:18

وَ كَنْ نُقُولْ لِلْعَاصِي هُو يُمُوتْ وَ إِنْتَ مَا تِحَجِّي لَيَّهْ وَ لَا تِحَذِّرَهْ مِنْ دَرْبَهْ الْفَسِلْ لِحَيَاتَهْ تَنْجَى، الْعَاصِي دَا كَنْ يُمُوتْ فِي خَطَايَهْ، أَنَا نَطْلُبْ دِمِّتَهْ مِنَّكْ.

إشَعْيا 6:7

وَ هُو لِمِسْ خَشْمِي بَيْهَا وَ قَالْ: «مِنْ الْجَمْرَايْ دِي لِمْسَتْ شَلَالِيفَكْ، أَعَرِفْ كَدَرْ خَطَاكْ أَنْمَحَى وَ ذَنْبَكْ أَنْقَشَّ.»

إشَعْيا 40:2

رَقُّدُوا قَلِبْ مَدِينَةْ الْقُدُسْ وَ قُولُوا لَيْهَا كَدَرْ خِدْمِتْهَا الْإِجْبَارِيَّةْ كَمَّلَتْ وَ خَطَاهَا أَنْمَحَى وَ هِي لِقَتْ مِنْ إِيدْ اللّٰهْ مَرَّتَيْن جَزَا هَنَا كُلَّ ذُنُوبْهَا.»

إشَعْيا 53:5

وَ لَاكِنْ طَعَنَوْه فِي شَانْ عِصْيَانَّا أَنِحْنَ وَ تَعَّبَوْه فِي شَانْ خَطَانَا السَّوَّيْنَاهْ. الْعَذَابْ الْوَقَعْ فَوْقَهْ هُو يَضْمَنْ لَيْنَا السَّلَامْ. وَ بِسَبَبْ جُرُوحَهْ، أَنِحْنَ لِقِينَا الشِّفَاءْ.

إشَعْيا 53:7

هُو عَذَّبَوْه وَ أَهَانَوْه وَ مَا فَكَّ خَشْمَهْ. مِثِلْ حَمَلْ الْيِوَدُّوهْ لِلدَّبِحْ وَ مِثِلْ نَعَجَةْ سَاكْتَةْ وَكِتْ يِقَصُّصُوا صُوفْهَا، هُو كُلَ مَا فَكَّ خَشْمَهْ.

إشَعْيا 53:11

وَ بَعَدْ تَعَبَهْ، هُو يِشِيفْ نُورْ الْحَيَاةْ وَ يَشْبَعْ مِنَّهْ. وَ بِتَعَبَهْ، عَبْدِي الصَّالِحْ يِسَوِّي نَاسْ كَتِيرِينْ صَالِحِينْ أَشَانْ هُو حِمِلْ خَطَاهُمْ.

إشَعْيا 53:12

وَ فِي شَانْ دَا، نَنْطِيهْ قِسِمْ مَعَ نَاسْ كَتِيرِينْ وَ يَلْقَى قِسِمْ الْغَنِيمَةْ مَعَ نَاسْ شُدَادْ. أَشَانْ هُو أَنْطَى نَفْسَهْ لِلْمَوْت وَ حَسَبَوْه مَعَ الْعَاصِيِينْ. لَاكِنْ هُو حِمِلْ ذَنِبْ الْكَتِيرِينْ وَ دَافَعْ لِلْعَاصِيِينْ.

إشَعْيا 55:8

دَاهُو كَلَامْ اللّٰهْ: «أَفْكَارِي مَا مِثِلْ أَفْكَارْكُو وَ أَعْمَالِي مَا مِثِلْ أَعْمَالْكُو.

إرْمِيا 50:6

«شَعَبِي مِثِلْ غَنَمْ مُوَدِّرِينْ الرُّعْيَانْهُمْ وَدَّرَوْهُمْ فِي الْجِبَالْ. يِلِفُّوا بَيْهُمْ مِنْ جَبَلْ لِآخَرْ لَحَدِّي الْغَنَمْ دَوْل نَسَّوْهُمْ زَرِيبِتْهُمْ.

دَنْيال 9:5

أَنِحْنَ أَذْنَبْنَا وَ خِطِينَا وَ سَوَّيْنَا الشَّرّ وَ عِصِينَاكْ وَ خَلَّيْنَا وَصِيَّاتَكْ وَ شَرِيعْتَكْ.

تكوين 22:6

وَ إِبْرَاهِيمْ شَالْ حَطَبْ الضَّحِيَّةْ وَ أَنْطَاهْ لِوِلَيْدَهْ إِسْحَاقْ يِشِيلَهْ. وَ هُو شَالْ فِي إِيدَهْ نَارْ وَ سَكِّينْ. وَ مَشَوْا تِنَيْنِتْهُمْ سَوَا.

قُضياء 21:25

وَ فِي الْوَكِتْ دَاكْ، مَا فِي مَلِكْ فِي إِسْرَائِيلْ وَ أَيِّ نَادُمْ بِسَوِّي شَيّءْ الْهُو بِدَوْرَهْ.

إشَعْيا 66:3

«وَ لَاكِنْ الْيَدْبَحْ تَوْر ضَحِيَّةْ، هُو مِثِلْ الْيَكْتُلْ إِنْسَانْ. وَ الْيِقَدِّمْ غَنَمَايْ ضَحِيَّةْ، هُو مِثِلْ الْيَكْسِرْ رَقَبَةْ كَلِبْ. وَ الْيِقَدِّمْ هَدِيَّةْ هَنَا دَقِيقْ، هُو مِثِلْ الْيِقَدِّمْ هَدِيَّةْ دَمّ هَنَا خِنْزِيرْ وَ الْيِحَرِّقْ بَخُورْ، هُو مِثِلْ الْيَعَبُدْ صَنَمْ. النَّاسْ دَوْل عَزَلَوْا دَرِبْهُمْ وَ بِمُحَرَّمَاتْهُمْ دَوْل، هُمَّنْ فَرْحَانِينْ.