إشَعْيا 53:5 - الكتاب المقدس بالعربي الدارجي هنا تشاد

⁵ وَ لَاكِنْ طَعَنَوْه فِي شَانْ عِصْيَانَّا أَنِحْنَ وَ تَعَّبَوْه فِي شَانْ خَطَانَا السَّوَّيْنَاهْ. الْعَذَابْ الْوَقَعْ فَوْقَهْ هُو يَضْمَنْ لَيْنَا السَّلَامْ. وَ بِسَبَبْ جُرُوحَهْ، أَنِحْنَ لِقِينَا الشِّفَاءْ.

إشَعْيا 53:5 Referenca të Kryqëzuara

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

مَتَّى 20:28

سَوُّوا مِثْلِي أَنَا، إِبْن الْإِنْسَانْ. أَنَا مَا جِيتْ أَشَانْ النَّاسْ يَخْدُمُوا لَيِّ لَاكِنْ أَشَانْ نَخْدِمْ لِلنَّاسْ. وَ جِيتْ أَشَانْ نَفْدَى نَاسْ كَتِيرِينْ بِرُوحِي.»

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

عِبْرَانِيِّين 10:14

أَشَانْ الْمَسِيحْ قَدَّمْ ضَحِيَّةْ وَاحِدَةْ بَسْ وَ بَيْهَا هُو كَمَّلْ مَرَّةْ وَاحِدْ طِهَارَةْ النَّاسْ الْيَبْقَوْا خَاصِّيْن لِلّٰهْ.

رَوْمَا 4:25

اللّٰهْ سَلَّمَهْ لِلْمَوْت بِسَبَبْ خَطَايَانَا وَ بَعَثَهْ أَشَانْ بَيَّهْ هُو، نَبْقَوْا صَالِحِينْ.

عِبْرَانِيِّين 10:10

وَ بِالْيِدَوْرَهْ اللّٰهْ دَا، عِيسَى الْمَسِيحْ قَدَّمْ جِسْمَهْ مَرَّةْ وَاحِدَةْ وَ نِهَائِيَّةْ وَ الضَّحِيَّةْ دِي سَوَّتْنَا خَاصِّيْن لِلّٰهْ.

1 كُرُنْتُس 15:3

وَ دَاهُو الْكَلَامْ الْمُهِمّ قُبَّالْ كُلَّ شَيّءْ الْأَنَا عَلَّمْتَهْ لَيْكُو وَ أَنَا كُلَ عَلَّمَوْنِي لَيَّهْ. الْمَسِيحْ مَاتْ فِي شَانْ ذُنُوبْنَا مِثِلْ مَكْتُوبْ فِي الْكِتَابْ.

عِبْرَانِيِّين 9:28

وَ الْمَسِيحْ كُلَ قَدَّمْ نَفْسَهْ مَرَّةْ وَاحِدَةْ أَشَانْ يَمْحَا ذُنُوبْ هَنَا نَاسْ كَتِيرِينْ. وَ هُو يَجِي بَتَّانْ مَرَّةْ تَانِيَةْ مَا أَشَانْ يَمْحَا الذُّنُوبْ وَ لَاكِنْ أَشَانْ يِنَجِّي النَّاسْ الْقَاعِدِينْ يَرْجَوْه.

أفَسُس 5:2

عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

دَنْيال 9:24

«أَعَرِفْ كَدَرْ اللّٰهْ قَرَّرْ وَكِتْ مُحَدَّدْ لِشَعَبَكْ وَ لِمَدِينَةْ الْقُدُسْ. وَ الْعَدَدْ دَا 70 فِي 7 سَنَةْ يَعْنِي 490 سَنَةْ. وَ حَدَّدْ لَيْهُمْ الْوَكِتْ دَا أَشَانْ يِخَلُّوا مِنْهُمْ الْعِصْيَانْ وَ الذَّنِبْ وَ يَلْقَوْا كَفَّارَةْ لِخَطَايَاهُمْ وَ يِعِيشُوا دَايْماً فِي الْعَدَالَةْ. وَ الرُّؤْيَةْ وَ كَلَامْ الْأَنْبِيَاء يِلْحَقَّقَوْا وَ الْبَيْت الْمُقَدَّسْ كُلَ بَتَّانْ يَمْسَحَوْه لِيِخَصُّصُوهْ.

تكوين 3:15

إِنْتَ وَ الْمَرَةْ تَبْقَوْا عُدْوَانْ وَ ذُرِّيّتَكْ وَ ذُرِّيِّتْهَا يَبْقَوْا عُدْوَانْ. وَ وَاحِدْ مِنْهُمْ يِكَسِّرْ رَاسَكْ وَ إِنْتَ تِعَضِّيهْ فِي كَعَبَهْ.»

زَكَرِيَّا 13:7

دَاهُو كَلَامْ اللّٰهْ الْقَادِرْ: «يَا سَيْف، قُمّ ضِدّ رَاعِيِّ. أَيْوَى، قُمّ ضِدّ قَرِيبِي! أَضْرُبْ الرَّاعِي وَ الْغَنَمْ يِشِتُّوا وَ نَضْرُبْ حَتَّى الدُّقَاقْ كُلَ.

عِبْرَانِيِّين 5:8

صَحِيحْ، عِيسَى هُو إِبْن اللّٰهْ لَاكِنْ هُو عَلَّمْ كِكَّيْف يِتَابِعْ كَلَامْ أَبُوهْ بِالتَّعَبْ التِّعِبَهْ.

تَثْنِية 11:2

إِنْتُو الْيَوْم مَا مِثِلْ عِيَالْكُو الْمَا شَافَوْا شَيّءْ وَ لَا سِمْعَوْا شَيّءْ. وَ لَاكِنْ إِنْتُو تَعَرْفُوهْ. اللّٰهْ إِلٰـهْكُو دَرَّسَاكُو وَ عِرِفْتُوا عَظَمَتَهْ وَ إِيدَهْ الشَّدِيدَةْ وَ دُرَاعَهْ الْقَوِي.

زَبُور 30:2

يَا اللّٰهْ إِلٰـهِي! أَنَا نَادَيْتَكْ لِتَفْزَعْنِي وَ إِنْتَ شَفَيْتنِي.

أمْثال 20:30

الْفَرِشْ دَوَاءْ لِلْفَسَالَةْ وَ الدَّقِّينْ شِفَاءْ لِلْقَلِبْ.

إشَعْيا 6:7

وَ هُو لِمِسْ خَشْمِي بَيْهَا وَ قَالْ: «مِنْ الْجَمْرَايْ دِي لِمْسَتْ شَلَالِيفَكْ، أَعَرِفْ كَدَرْ خَطَاكْ أَنْمَحَى وَ ذَنْبَكْ أَنْقَشَّ.»

إشَعْيا 40:2

رَقُّدُوا قَلِبْ مَدِينَةْ الْقُدُسْ وَ قُولُوا لَيْهَا كَدَرْ خِدْمِتْهَا الْإِجْبَارِيَّةْ كَمَّلَتْ وَ خَطَاهَا أَنْمَحَى وَ هِي لِقَتْ مِنْ إِيدْ اللّٰهْ مَرَّتَيْن جَزَا هَنَا كُلَّ ذُنُوبْهَا.»

إشَعْيا 57:18

أَنَا شِفْت دُرُوبْهُمْ وَ نَشْفِيهُمْ وَ نُقُودْهُمْ وَ نِحَنِّسْهُمْ بَتَّانْ هُمَّنْ وَ النَّاسْ الْحِزْنَوْا فِي شَانْهُمْ.

أيُّوب 33:24

خَلَاصْ، الرَّبّ يِحِنّ فَوْقَهْ وَ يُقُولْ: «نَجِّيهْ! أَشَانْ مَا يَنْزِلْ فِي الْقَبُرْ، أَنَا لِقِيتْ الْفِدْيَةْ النِّنَجِّيهْ بَيْهَا.»