إشَعْيا 53:2 - الكتاب المقدس بالعربي الدارجي هنا تشاد

² عَبْد اللّٰهْ كِبِرْ قِدَّامَهْ مِثِلْ بِذْرَةْ وَ مِثِلْ عِرِقْ الْمَرَقْ مِنْ أَرْض جَفَافْ. هُو مَا عِنْدَهْ شَكِلْ وَ لَا عَظَمَةْ لِنِشِيفُوهْ وَ لَا عِنْدَهْ شَبَهْ الْيَعَجِبْ.

إشَعْيا 53:2 Referenca të Kryqëzuara

إشَعْيا 52:14

أَوَّلْ، نَاسْ كَتِيرِينْ أَنْبَهَتَوْا مِنَّهْ أَشَانْ شَبَهَهْ غَيَّرْ بِقِي شَيْن لَحَدِّي مَا يِشَابِهْ إِنْسَانْ وَ شَكْلَهْ مَا يِشَابِهْ شَكِلْ إِبْن آدَمْ.

إشَعْيا 11:1

وَ يَجِي وَاحِدْ مِنْ ذُرِّيَّةْ يَسَّى مِثِلْ فِرِعْ الْيَبْذُرْ مِنْ دُنْبُرْ وَ مِنْ قَعَرَهْ تُقُمّ بِذْرَةْ التِّسَوِّي عِيَالْ.

مَرْخُوس 6:3

دَا مَا النَّجَّارْ وَلَّا؟ هُو مَا وِلَيْد مَرْيَمْ بَسْ وَ أَخُوهُمْ لِيَعْقُوبْ وَ يُوسِي وَ يَهُوذَا وَ سِمْعَانْ؟ وَ أَخْوَاتَهْ كُلَ قَاعِدَاتْ هِنِي مَعَانَا.» وَ خَلَاصْ زِعِلَوْا وَ مَا آمَنَوْا بَيَّهْ.

إرْمِيا 23:5

وَ دَاهُو كَلَامْ اللّٰهْ: «أَكِيدْ يَجِي يَوْم وَاحِدْ، أَنَا نِقَوِّمْ نَادُمْ صَالِحْ مِنْ ذُرِّيَّةْ دَاوُدْ مِثِلْ بِذْرَةْ. وَ النَّادُمْ دَا، أَنَا بَسْ نِدَرِّجَهْ مَلِكْ وَ هُو يَحْكِمْ بِحِكْمَةْ وَ يِجِيبْ الْحَقّ وَ الْعَدَالَةْ فِي الْبَلَدْ.

مَرْخُوس 9:12

وَ هُو رَدَّ لَيْهُمْ وَ قَالْ: «صَحِيحْ، إِلِيَاسْ يَجِي قُبَّالِي أَشَانْ يِعَدِّلْ كُلَّ شَيّءْ. لَاكِنْ مَا مِثِلْ فِي فِكِرْكُو، أَشَانْ مَكْتُوبْ فِي الْكِتَابْ كَدَرْ إِبْن الْإِنْسَانْ يَتْعَبْ تَعَبْ شَدِيدْ وَ النَّاسْ يَحْقُرُوهْ.

رَوْمَا 8:3

شُرُوطْ التَّوْرَاةْ أَبَداً مَا قِدْرَوْا يِنَجُّوا النَّاسْ أَشَانْ ضُعُفْ طَبِيعَةْ الْإِنْسَانْ دَحَرَاهُمْ. وَ اللّٰهْ ذَاتَهْ سَوَّى الشَّيّءْ الشُّرُوطْ التَّوْرَاةْ مَا قِدْرَوْا يِسَوُّوهْ. هُو رَسَّلْ إِبْنَهْ الْوَاحِدْ لِيَبْقَى إِنْسَانْ فِي جِسِمْ مِثِلْ جِسِمْ الْمُذْنِبْ. وَ وَكِتْ هُو فِي جِسْمَهْ الْإِنْسَانِي دَا، اللّٰهْ حَاكَمْ فِي الذَّنِبْ مَرَّةْ وَاحِدْ.

1 بُطْرُس 2:14

وَ الْحُكَّامْ الْهُو خَطَّاهُمْ لِيَحْكُمُوا الْمُجْرِمِينْ وَ يَشْكُرُوا النَّاسْ الْيِسَوُّوا الْخَيْر.

يُوحَنَّا 19:5

وَ عِيسَى مَرَقْ لَابِسْ التَّاجْ السَّوَّوْه مِنْ الشَّوْك وَ الْخَلَقْ الْقَرَضِي. وَ بِلَاطُسْ حَجَّى لَيْهُمْ وَ قَالْ: «دَاهُو الرَّاجِلْ.»

يُوحَنَّا 18:40

وَ عَاطَوْا بِحِسّ شَدِيدْ وَ قَالَوْا: «لَا، مَا هُو! أَطْلِقْ لَيْنَا بَرَابَاسْ!» وَ بَرَابَاسْ دَا، هُو ثَوْرِي.

لُوقا 9:58

وَ عِيسَى رَدَّ لَيَّهْ وَ قَالْ: «الْبَعَشَوْم عِنْدَهْ نُقْرَةْ وَ الطَّيْر عِنْدَهْ عُشّ وَ لَاكِنْ إِبْن الْإِنْسَانْ مَا عِنْدَهْ بَكَانْ يَرْقُدْ فَوْقَهْ.»

زَكَرِيَّا 6:12

«وَ قُولْ لِيَشُوعْ: ‹دَاهُو اللّٰهْ الْقَادِرْ قَالْ: ”دَاهُو الرَّاجِلْ الْبِنَادُوهْ بِذْرَةْ وَ تِحِتْ رِجِلَيْنَهْ يَبْذُرْ كُلَّ شَيّءْ وَ هُو يَبْنِي بَيْت اللّٰهْ بَتَّانْ.

لُوقا 2:7

وَ وِلْدَتْ وِلَيْدهَا الْبِكِرْ. وَ لَفَّتَهْ بِقِطْعَةْ وَ رَقَّدَتَهْ فِي الشَّايَةْ وَ دَا الْبَكَانْ الْيَاكُلُوا فَوْقَهْ الْبَهَايِمْ أَشَانْ مَا لِقَوْا بَكَانْ فِي بَيْت الضِّيفَانْ.

إشَعْيا 4:2

وَ فِي الْيَوْم دَا، بِذْرَةْ اللّٰهْ تِجِيبْ الْمَجْد وَ الشَّرَفْ لِلْفَضَّلَوْا مِنْ بَنِي إِسْرَائِيلْ. وَ إِنْتَاجْ الْأَرْض يِجِيبْ الْفَرَحْ وَ الشَّرَفْ.

إشَعْيا 9:6

أَشَانْ وِلْدَوْا لَيْنَا صَغِيرْ وَ الْوِلَيْد دَا، أَنْطَوْه لَيْنَا. وَ السُّلْطَةْ تَبْقَى فِي إِيدَيْنَهْ وَ يِنَادُوهْ بِالْأَسَامَيْ دَوْل، الْمُسْتَشَارْ الْعَجِيبْ وَ الْإِلٰـهْ الْقَادِرْ وَ الْأَبُو الدَّايِمْ وَ مَلِكْ السَّلَامْ.

زَكَرِيَّا 3:8

«أَسْمَعْ، يَا يَشُوعْ كَبِيرْ رُجَالْ الدِّينْ وَ كُلَّ رُجَالْ الدِّينْ التِّحْتَكْ. إِنْتُو ذَاتْكُو عَلَامَةْ هَنَا الشَّيّءْ الْيُكُونْ. دَاهُو قَرِيبْ أَنَا نِرَسِّلْ عَبْدِي الْبِنَادُوهْ بِذْرَةْ.