إشَعْيا 53:12 - الكتاب المقدس بالعربي الدارجي هنا تشاد

¹² وَ فِي شَانْ دَا، نَنْطِيهْ قِسِمْ مَعَ نَاسْ كَتِيرِينْ وَ يَلْقَى قِسِمْ الْغَنِيمَةْ مَعَ نَاسْ شُدَادْ. أَشَانْ هُو أَنْطَى نَفْسَهْ لِلْمَوْت وَ حَسَبَوْه مَعَ الْعَاصِيِينْ. لَاكِنْ هُو حِمِلْ ذَنِبْ الْكَتِيرِينْ وَ دَافَعْ لِلْعَاصِيِينْ.

إشَعْيا 53:12 Referenca të Kryqëzuara

لُوقا 22:37

أَشَانْ نُقُولْ لَيْكُو الْكَلَامْ الْيُخُصِّنِي فِي الْكِتَابْ وَاجِبْ يِتِمّ. مَكْتُوبْ: <حَسَبَوْه مَعَ الْعَاصِيِينْ.> وَ أَكِيدْ الْكَلَامْ الْأَنْكَتَبْ فِي شَانِي قَاعِدْ يِتِمّ.»

عِبْرَانِيِّين 9:28

وَ الْمَسِيحْ كُلَ قَدَّمْ نَفْسَهْ مَرَّةْ وَاحِدَةْ أَشَانْ يَمْحَا ذُنُوبْ هَنَا نَاسْ كَتِيرِينْ. وَ هُو يَجِي بَتَّانْ مَرَّةْ تَانِيَةْ مَا أَشَانْ يَمْحَا الذُّنُوبْ وَ لَاكِنْ أَشَانْ يِنَجِّي النَّاسْ الْقَاعِدِينْ يَرْجَوْه.

1 يُوحَنَّا 2:12

يَا الْعِيَالْ، نَكْتِبْ لَيْكُو أَشَانْ اللّٰهْ غَفَرْ لَيْكُو ذُنُوبْكُو بِسَبَبْ أُسُمْ عِيسَى الْمَسِيحْ.

مَرْخُوس 15:27

وَ طَقَّوْا جَنْبَهْ مُجْرِمِينْ إِتْنَيْن، الْوَاحِدْ فِي صَلِيبْ بِنُصَّهْ الزَّيْنَايْ وَ الْآخَرْ فِي صَلِيبْ بِنُصَّهْ الْإِسْرَايْ.

عِبْرَانِيِّين 9:26

كَنْ يَبْقَى مِثِلْ دَا، وَاجِبْ يَتْعَبْ عِدَّةْ مَرَّاتْ مِنْ بِدَايَةْ الدُّنْيَا. لَاكِنْ هُو جَاءْ مَرَّةْ وَاحِدَةْ بَسْ فِي آخِرْ الزَّمَنْ أَشَانْ يِقَدِّمْ نَفْسَهْ مِثِلْ ضَحِيَّةْ الْبَيْهَا يَمْحَا الذُّنُوبْ.

رَوْمَا 8:34

يَاتُو الْيِعَاقِبْهُمْ؟ مَا فِي! الْمَسِيحْ عِيسَى مَا يِعَاقِبْهُمْ. بِالْعَكْس، هُو بَسْ الْمَاتْ فِي شَانَّا. وَ زِيَادَةْ مِنْ دَا، هُو بَعَثْ وَ قَاعِدْ جَنْب اللّٰهْ فِي نُصَّهْ الزَّيْنَايْ وَ بِقِي لَيْنَا وَسِيطْ.

إشَعْيا 53:6

أَنِحْنَ كُلِّنَا مِثِلْ غَنَمْ الْمُوَدِّرِينْ، أَيِّ وَاحِدْ شَايِلْ لَيَّهْ دَرِبْ. وَ اللّٰهْ خَطَّ فَوْقَهْ هُو خَطَانَا أَنِحْنَ كُلِّنَا.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

1 يُوحَنَّا 2:1

يَا عِيَالِي، أَنَا قَاعِدْ نَكْتِبْ لَيْكُو الْكَلَامْ دَا أَشَانْ مَا تَذْنُبُوا. لَاكِنْ كَنْ أَيِّ نَادُمْ مِنْكُو يَذْنِبْ، عِنْدِنَا نَادُمْ وَاحِدْ يِدَافِعْ لَيْنَا قِدَّامْ اللّٰهْ أَبُونَا وَ هُو عِيسَى الْمَسِيحْ وَ هُو بَسْ الصَّالِحْ.

عِبْرَانِيِّين 12:2

خَلِّي نُخُطُّوا عُيُونَّا فِي عِيسَى الْفَتَحْ لَيْنَا دَرِبْ الْإِيمَانْ وَ كَمَّلَهْ. مِنْ بَعِيدْ، هُو شَافْ الْفَرَحْ الْقَاعِدْ قِدَّامَهْ وَ حِمِلْ تَعَبْ الصَّلِيبْ وَ مَا فَكَّرْ فِي الْعَيْب الْخَطَّوْه فَوْقَهْ. وَ هَسَّعْ، هُو قَاعِدْ جَنْب عَرْش اللّٰهْ فِي نُصَّهْ الزَّيْنَايْ.

عِبْرَانِيِّين 9:24

وَ الْبَكَانْ الْمُقَدَّسْ الْعِيسَى الْمَسِيحْ دَخَلْ فَوْقَهْ، دَا مَا الْبَكَانْ الْبَنَاهْ الْإِنْسَانْ. الْبَكَانْ دَا صُورَةْ بَسْ هَنَا الْبَكَانْ الصَّحِيحْ. لَاكِنْ هُو دَخَلْ فِي السَّمَاءْ ذَاتَهْ أَشَانْ يَحْضَرْ قِدَّامْ اللّٰهْ فِي شَانَّا فِي الزَّمَنْ الْحَالِي.

كُلُوسِي 2:15

وَ بِمِثِلْ دَا، هُو دَمَّرْ الْقُدْرَةْ الْبَيْهَا حُكَّامْ وَ كُبَارَاتْ الشَّوَاطِينْ يَحْكُمُونَا. وَ هُو عَيَّبَاهُمْ قِدَّامْ كُلَّ النَّاسْ. هُو أَنَّصَرْ فَوْقهُمْ فِي صَلِيبْ الْمَسِيحْ وَ سَوَّاهُمْ مِثِلْ مَسَاجِينْ الْحَرْب الْيُسُوقُوهُمْ بَعَدْ أَنْهَزَمَوْا.

إشَعْيا 53:8

وَ بِمُضَايَقَةْ وَ شَرِيعَةْ، وَدَّوْه. وَ مِنْ نَاسْ زَمَنَهْ، يَاتُو الْهَمَّ بَيَّهْ؟ لَاكِنْ فَصَلَوْه مِنْ الْحَيِّينْ بِسَبَبْ عِصْيَانْ شَعَبِي وَ كَتَلَوْه.

زَبُور 22:14

أَنَا أَنْقَطَعْت مِثِلْ أَلْمِي وَ عُضَامِي مَاعَوْا وَ قَلْبِي كُلَ مَاعْ مِثِلْ الشَّمْعَةْ فِي دَاخِلِي.

زَبُور 2:8

أَطْلُبْ مِنِّي الْأُمَمْ وَ نَنْطِيهُمْ لَيْك وَرَثَةْ وَ تَمْلُكْ فِي كُلَّ الْأَرْض.

عِبْرَانِيِّين 7:25

بِالسَّبَبْ دَا، هُو دَايْماً يَقْدَرْ يِنَجِّي النَّاسْ الْيِقَرُّبُوا لِلّٰهْ بَيَّهْ هُو أَشَانْ هُو حَيّ دَايْماً وَ قَاعِدْ يَسْأَلْ لَيْهُمْ اللّٰهْ دَايْماً.

أعمال الرُسُل 26:18

لِتَفْتَحْ عُيُونْهُمْ أَشَانْ يَمُرْقُوا مِنْ الضَّلَامْ وَ يَدْخُلُوا فِي النُّورْ وَ يَمُرْقُوا مِنْ حُكُمْ إِبْلِيسْ وَ يُتُوبُوا لِلّٰهْ. وَ اللّٰهْ يَغْفِرْ لَيْهُمْ ذُنُوبْهُمْ وَ هُمَّنْ يَوْرُثُوا بَكَانْ فِي لُبّ النَّاسْ الْخَاصِّيْن بِسَبَبْ إِيمَانْهُمْ بَيِّ.›

لُوقا 23:25

وَ خَلَاصْ، هُو طَلَقْ النَّادُمْ الْقَاعِدْ فِي السِّجِنْ أَشَانْ الْفِتْنَةْ وَ الدِّمَّةْ. وَ لَاكِنْ سَلَّمْ لَيْهُمْ عِيسَى مِثِلْ النَّاسْ دَوَّرَوْه.

مَتَّى 26:42

وَ مَرَّةْ تَانِيَةْ طَرَّفْ مِنْهُمْ وَ سَأَلْ اللّٰهْ وَ قَالْ: «يَا أَبُويِ، كَنْ مَا مُمْكِنْ كَاسْ التَّعَبْ يِبَعِّدْ مِنِّي إِلَّا نَشَرْبَهْ، خَلَاصْ خَلِّي يَبْقَى مِثِلْ إِنْتَ تِدَوْرَهْ.»

دَنْيال 2:45

وَ إِنْتَ شِفْت حَجَرْ الْمَرَقْ مِنْ الْجَبَلْ بَلَا مَا لِمْسَتَهْ إِيدْ. وَ الْحَجَرْ دَا رِحِكْ الْحَدِيدْ وَ النَّحَاسْ وَ الطِّينَةْ وَ الْفُضَّةْ وَ الدَّهَبْ. وَ اللّٰهْ الْقَادِرْ وَصَّفْ لِلْمَلِكْ الشَّيّءْ الْيُكُونْ فِي الْمُسْتَقْبَلْ. وَ الرُّؤْيَةْ دِي أَكِيدَةْ وَ تَفْسِيرْهَا كُلَ صَحِيحْ.»

إشَعْيا 52:15

وَ لَاكِنْ هَسَّعْ، أُمَمْ كَتِيرِينْ يِلْعَجَّبَوْا مِنَّهْ وَ مُلُوكْ يَسْكُتُوا. أَشَانْ يِشِيفُوا الْمَا حَجَّوْهُمْ بَيَّهْ وَ يَنْظُرُوا الْمَا سِمْعَوْا بَيَّهْ.»

إشَعْيا 52:13

«دَاهُو عَبْدِي يَنْجَحْ وَ يِنْرَفِعْ وَ يَبْقَى عَالِي وَ يَلْقَى شَرَفْ مَرَّةْ وَاحِدْ.

تكوين 3:15

إِنْتَ وَ الْمَرَةْ تَبْقَوْا عُدْوَانْ وَ ذُرِّيّتَكْ وَ ذُرِّيِّتْهَا يَبْقَوْا عُدْوَانْ. وَ وَاحِدْ مِنْهُمْ يِكَسِّرْ رَاسَكْ وَ إِنْتَ تِعَضِّيهْ فِي كَعَبَهْ.»

فِلِبِّي 2:17

وَ حَتَّى كَانْ دَمِّي وَاجِبْ يِدَفِّقْ مِثِلْ هَدِيَّةْ شَرَابْ فِي الضَّحِيَّةْ التِّقَدُّمُوهَا لِلّٰهْ فِي شَانْ إِيمَانْكُو وَ خِدْمِتْكُو، خَلَاصْ أَنَا نَفْرَحْ وَ نِنْبَسِطْ مَعَاكُو كُلُّكُو.

مَرْخُوس 15:28

وَ مِثِلْ دَا، الْكَلَامْ الْمَكْتُوبْ فِي الْكِتَابْ تَمَّ. مَكْتُوبْ: <حَسَبَوْه مَعَ الْعَاصِيِينْ.>

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

خُروج 15:9

وَ الْعَدُو فَشَرْ بِنَفْسَهْ وَ قَالْ: «نَمْشِي وَرَاهُمْ، نَلْحَقْهُمْ نِدَمِّرْهُمْ. وَ نِشِيلْ الْغَنِيمَةْ وَ مِنْهَا نَشْبِعْ نَفْسِي. نِسِلّ سَيْفِي وَ بِإِيدِي نَرْحَكْهُمْ.»

أيُّوب 30:16

وَ هَسَّعْ، نَفْسِي أَنْتَهَتْ وَ أَيَّامْ التَّعَبْ وَقَعَوْا فَوْقِي.

إشَعْيا 49:4

وَ لَاكِنْ أَنَا قُلْت: «أَنَا عِيِيتْ بَلَا فَايْدَةْ! وَ وَدَّرْت قُدُرْتِي فِي الْفَاضِي وَ فِي الرِّيحْ سَاكِتْ. لَاكِنْ أَكِيدْ اللّٰهْ يَنْطِينِي حَقِّي وَ مُكَافَاتِي قَاعِدَةْ فِي إِيدْ إِلٰـهِي.»