إشَعْيا 53:10 - الكتاب المقدس بالعربي الدارجي هنا تشاد

¹⁰ وَ اللّٰهْ رِضِي يَرْحَكَهْ بِالتَّعَبْ وَ كَنْ حَيَاتَهْ بِقَتْ ضَحِيَّةْ لِكَفَّارَةْ الْخَطَا، خَلَاصْ هُو يِشِيفْ ذُرِّيّتَهْ. هُو يِطَوِّلْ أَيَّامْ عُمْرَهْ وَ نِيَّةْ اللّٰهْ تِلْحَقَّقْ بَيَّهْ هُو.

إشَعْيا 53:10 Referenca të Kryqëzuara

رَوْمَا 8:32

اللّٰهْ مَا أَبَى مَا يَنْطِينَا إِبْنَهْ الْوَاحِدْ، لَاكِنْ سَلَّمَهْ لِلْمَوْت فِي شَانَّا كُلِّنَا. وَ هُو الْأَنْطَانَا إِبْنَهْ مَا يَنْطِينَا كُلَّ شَيّءْ مَعَ إِبْنَهْ وَلَّا؟

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

زَكَرِيَّا 13:7

دَاهُو كَلَامْ اللّٰهْ الْقَادِرْ: «يَا سَيْف، قُمّ ضِدّ رَاعِيِّ. أَيْوَى، قُمّ ضِدّ قَرِيبِي! أَضْرُبْ الرَّاعِي وَ الْغَنَمْ يِشِتُّوا وَ نَضْرُبْ حَتَّى الدُّقَاقْ كُلَ.

أفَسُس 1:5

مِنْ أَوَّلْ، هُو قَدَّرْ لَيْنَا وَ شَالْ نِيَّةْ أَشَانْ نَبْقَوْا عِيَالَهْ بِوَاسِطَةْ عِيسَى الْمَسِيحْ. وَ دِي بَسْ نِيّتَهْ الْهُو رَضْيَانْ بَيْهَا.

رَوْمَا 6:9

وَ نَعَرْفُوا كَدَرْ اللّٰهْ بَعَثْ الْمَسِيحْ مِنْ أُسْط الْمَيْتِينْ وَ الْمَسِيحْ أَبَداً مَا يُمُوتْ بَتَّانْ أَشَانْ الْمَوْت مَا عِنْدَهْ فَوْقَهْ قُدْرَةْ.

إشَعْيا 53:12

وَ فِي شَانْ دَا، نَنْطِيهْ قِسِمْ مَعَ نَاسْ كَتِيرِينْ وَ يَلْقَى قِسِمْ الْغَنِيمَةْ مَعَ نَاسْ شُدَادْ. أَشَانْ هُو أَنْطَى نَفْسَهْ لِلْمَوْت وَ حَسَبَوْه مَعَ الْعَاصِيِينْ. لَاكِنْ هُو حِمِلْ ذَنِبْ الْكَتِيرِينْ وَ دَافَعْ لِلْعَاصِيِينْ.

رُؤية 1:18

أَنَا الْحَيّ. أَوَّلْ أَنَا مُتّْ وَ هَسَّعْ أَنَا حِيِيتْ وَ أَبَداً مَا نُمُوتْ بَتَّانْ. وَ عِنْدِي مُفْتَاحْ هَنَا الْمَوْت وَ الْقَبُرْ.

1 بُطْرُس 2:24

وَ فِي الصَّلِيبْ، هُو بِنَفْسَهْ حَمَلْ ذُنُوبْنَا فِي جِسْمَهْ أَشَانْ نِخَلُّوا الذُّنُوبْ مَرَّةْ وَاحِدْ وَ نِعِيشُوا بِحَالْ صَالْحَةْ. وَ بِوَاسِطَةْ جِرَاحَهْ، إِنْتُو لِقِيتُوا الشِّفَاءْ.

رَوْمَا 8:8

النَّاسْ الْعَايْشِينْ حَسَبْ طَبِيعَةْ الْإِنْسَانْ، مَا مُمْكِنْ يَلْقَوْا رِضَى اللّٰهْ.

يُوحَنَّا 12:24

أَسْمَعَوْا نُقُولْ لَيْكُو الْحَقّ، كَنْ حَبَّةْ هَنَا تَيْرَابْ الْقَمَحْ مَا تَقَعْ فِي التُّرَابْ وَ مَا تُمُوتْ، هِي تَقْعُدْ حَبَّةْ وَاحِدَةْ بَسْ. وَ لَاكِنْ كَنْ هِي تُمُوتْ، تَلْدَ عِيَالْ كَتِيرْ.

مَتَّى 3:17

وَ حِسّ مِنْ السَّمَاءْ أَنْسَمَعْ وَ قَالْ: «دَا بَسْ إِبْنِي وَ أَنَا نِحِبَّهْ. أَنَا فَرْحَانْ بَيَّهْ بِلْحَيْن.»

إشَعْيا 46:10

وَ مِنْ الْبِدَايَةْ، أَنَا نِخَبِّرْ بِالْيَجِي فِي الْمُسْتَقْبَلْ وَ مِنْ زَمَانْ، أَنَا خَبَّرْت بِالْأَشْيَاءْ اللِّسَّاعْ مَا بِقَوْا. وَ قُلْت: ‹نِيّتِي تِلْحَقَّقْ وَ كُلَّ الدَّوَّرْتَهْ، نِسَوِّيهْ.›

إشَعْيا 42:1

«دَاهُو عَبْدِي الْأَنَا قَاعِدْ نِسَاعِدَهْ وَ هُو بَسْ الْأَنَا إِخْتِرْتَهْ وَ فِرِحْت بَيَّهْ. أَنَا خَطَّيْت رُوحِي فَوْقَهْ وَ هُو يِبَيِّنْ الْعَدَالَةْ لِلْأُمَمْ.

عِبْرَانِيِّين 9:14

لَاكِنْ دَمّ الْمَسِيحْ عِنْدَهْ قُدْرَةْ زِيَادَةْ. الْمَسِيحْ مَا عِنْدَهْ عَيْب وَ هُو قَدَّمْ نَفْسَهْ لِلّٰهْ بِقُدْرَةْ الرُّوحْ الْأَبَدِي. وَ أَكِيدْ دَمَّهْ يِطَهِّرْ قُلُوبْنَا مِنْ الْأَعْمَالْ الْيِوَدُّوا النَّاسْ لِلْمَوْت وَ يِجَهِّزْنَا لِنَعَبُدُوا اللّٰهْ الْحَيّ.

عِبْرَانِيِّين 7:27

عِيسَى هُو مَا مِثِلْ كُبَارَاتْ رُجَالْ الدِّينْ الْآخَرِينْ دَوْل. مَا وَاجِبْ لَيَّهْ كُلَّ يَوْم يِقَدِّمْ ضَحِيَّةْ أَوَّلْ فِي شَانْ ذُنُوبَهْ هُو وَ بَعَدْ دَا، يِقَدِّمْ ضَحِيَّةْ فِي شَانْ ذُنُوبْ الشَّعَبْ. لَا. هُو قَدَّمْ ضَحِيَّةْ وَاحِدَةْ بَسْ وَ نِهَائِيَّةْ وَ دَا وَكِتْ قَدَّمْ نَفْسَهْ فِي الصَّلِيبْ.

عِبْرَانِيِّين 2:13

وَ هُو بُقُولْ لِلّٰهْ: <أَنَا نِتْوَكَّلْ عَلَيْك.> وَ بُقُولْ: <دَاهُونِي أَنَا مَعَ النَّاسْ الْاللّٰهْ جَعَلَاهُمْ عِيَالِي.>

أفَسُس 5:2

عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

أفَسُس 1:9

بَيَّنْ لَيْنَا سِرّ هَنَا مُرَادْتَهْ الْهُو رَضْيَانْ بَيْهَا. وَ شَالْ نِيَّةْ لِيِتَمِّمْهَا فِي الْمَسِيحْ.

لُوقا 1:33

وَ يَحْكِمْ فِي ذُرِّيَّةْ يَعْقُوبْ إِلَى الْأَبَدْ وَ مَمْلَكَتَهْ أَبَداً مَا عِنْدَهَا نِهَايَةْ.»

مَتَّى 17:5

وَ وَكِتْ هُو لِسَّاعْ قَاعِدْ يِحَجِّي، سَحَابَايْ الْعِنْدَهَا نُورْ جَاتْ وَ غَطَّتْهُمْ بِضُلَّهَا وَ حِسّ مِنْ لُبّ السَّحَابَايْ أَنْسَمَعْ وَ قَالْ: «دَا بَسْ إِبْنِي النِّحِبَّهْ وَ أَنَا فَرْحَانْ بَيَّهْ بِلْحَيْن. أَسْمَعَوْا كَلَامَهْ.»

صَفَنْيا 3:17

اللّٰهْ إِلٰـهْكِ قَاعِدْ فِي أُسُطْكِ مِثِلْ فَارِسْ الْيِنَجِّيكِ. هُو فَرْحَانْ بَيْكِ وَ فِي شَانْ حُبَّهْ، هُو يِجَدِّدْكِ وَ هُو يَفْرَحْ بَيْكِ فَرَحْ شَدِيدْ.»

مِيخا 7:18

يَاتُو إِلٰـهْ مِثْلَكْ إِنْتَ، يَا اللّٰهْ؟ إِنْتَ التَّغْفِرْ الْخَطَا وَ تَحْمَلْ عِصْيَانْ النَّاسْ الْفَضَّلَوْا مِنْ شَعَبَكْ الْمِثِلْ وَرَثَتَكْ. غَضَبَكْ مَا يَقْعُدْ دَايْماً أَشَانْ إِنْتَ تِحِبّ الْخَيْر.

دَنْيال 9:24

«أَعَرِفْ كَدَرْ اللّٰهْ قَرَّرْ وَكِتْ مُحَدَّدْ لِشَعَبَكْ وَ لِمَدِينَةْ الْقُدُسْ. وَ الْعَدَدْ دَا 70 فِي 7 سَنَةْ يَعْنِي 490 سَنَةْ. وَ حَدَّدْ لَيْهُمْ الْوَكِتْ دَا أَشَانْ يِخَلُّوا مِنْهُمْ الْعِصْيَانْ وَ الذَّنِبْ وَ يَلْقَوْا كَفَّارَةْ لِخَطَايَاهُمْ وَ يِعِيشُوا دَايْماً فِي الْعَدَالَةْ. وَ الرُّؤْيَةْ وَ كَلَامْ الْأَنْبِيَاء يِلْحَقَّقَوْا وَ الْبَيْت الْمُقَدَّسْ كُلَ بَتَّانْ يَمْسَحَوْه لِيِخَصُّصُوهْ.

حِزْقِيال 37:25

وَ يَسْكُنُوا فِي الْبَلَدْ الْأَنَا أَنْطَيْتهَا لِعَبْدِي يَعْقُوبْ وَ دِي الْبَلَدْ السَّكَنَوْا فَوْقهَا جُدُودْكُو. هُمَّنْ يَسْكُنُوا فَوْقهَا، هُمَّنْ وَ عِيَالْهُمْ وَ عِيَالْ عِيَالْهُمْ إِلَى الْأَبَدْ. وَ عَبْدِي الْمِثِلْ دَاوُدْ يَبْقَى مَلِكْ فَوْقهُمْ لِلْأَبَدْ.

حِزْقِيال 33:11

وَ قُولْ لَيْهُمْ: ‹دَاهُو كَلَامْ اللّٰهْ الرَّبّ: ”نَحْلِفْ بِأُسْمِي الْحَيّ، أَنَا مَا نَفْرَحْ بِمَوْت الْعَاصِي. لَاكِنْ خَلِّي يِقَبِّلْ مِنْ دَرْبَهْ الْفَسِلْ وَ يَحْيَى. قَبُّلُوا! قَبُّلُوا مِنْ دُرُوبْكُو الْفَسْلِينْ. مَالَا تِدَوْرُوا الْمَوْت، يَا بَنِي إِسْرَائِيلْ؟“›

إرْمِيا 32:41

وَ أَنَا نَفْرَحْ وَكِتْ نِسَوِّي لَيْهُمْ الْخَيْر. وَ أَكِيدْ أَنَا ذَاتِي نِثَبِّتْهُمْ فِي الْبَلَدْ دِي بِكُلَّ قَلْبِي وَ بِكُلَّ فِكْرِي.›»

زَبُور 149:4

أَشَانْ اللّٰهْ يَرْضَى بِشَعَبَهْ وَ يِجَمِّلْ الْمَسَاكِينْ بِالنَّجَاةْ.

زَبُور 147:11

لَاكِنْ اللّٰهْ يَفْرَحْ بِالْيَخَافَوْا مِنَّهْ وَ الْيُخُطُّوا عَشَمْهُمْ فِي رَحْمَتَهْ.

زَبُور 89:29

وَ نِثَبِّتْ ذُرِّيّتَهْ إِلَى الْأَبَدْ وَ كُرْسِي مُلْكَهْ عُمْرَهْ يَبْقَى طَوِيلْ مِثِلْ عُمُرْ السَّمَاءْ.

زَبُور 72:17

خَلِّي أُسْمَهْ يَقْعُدْ إِلَى الْأَبَدْ وَ يُدُومْ مِثِلْ الْحَرَّايْ. وَ بَيَّهْ هُو، خَلِّي النَّاسْ يِلْبَارَكَوْا وَ كُلَّ الْأُمَمْ يِنَادُوهْ مُبَارَكْ.

زَبُور 22:30

وَ ذُرِّيَّاتْهُمْ يَعَبُدُوا الرَّبّ وَ يِحَجُّوا لِعِيَالْهُمْ بَيَّهْ.

2 تَسَلونِيكِي 1:11

وَ أَشَانْ دَا، نَسْأَلَوْا لَيْكُو اللّٰهْ دَايْماً أَشَانْ هُو يَجْعَلْكُو نَاسْ الْعِنْدُكُو حَقّ لِمُنَادَاتَهْ. وَ نَسْأَلَوْه لَيْكُو أَشَانْ أَيِّ نِيَّةْ الصَّالْحَةْ الشِّلْتُوهَا وَ أَيِّ خِدْمَةْ الْبَدَيْتُوهَا بِسَبَبْ إِيمَانْكُو، اللّٰهْ يِتَمِّمْهَا بِقُدُرْتَهْ.

إشَعْيا 9:7

وَ يِكَبِّرْ سُلْطِتَهْ وَ سَلَامْ بَلَا حَدّ فِي كُرْسِي الْمُلُكْ هَنَا دَاوُدْ. وَ مَمْلَكَتَهْ تَثْبِتْ وَ تَبْقَى قَوِيَّةْ فِي الْحَقّ وَ الْعَدَالَةْ مِنْ الْيَوْم وَ إِلَى الْأَبَدْ. وَ بِمَحَبِّتَهْ الشَّدِيدَةْ، اللّٰهْ الْقَادِرْ يِسَوِّي الشَّيّءْ دَا.

زَبُور 89:36

ذُرِّيّتَهْ تَقْعُدْ إِلَى الْأَبَدْ وَ كُرْسِي مُلْكَهْ يِطَوِّلْ قِدَّامِي مِثِلْ الْحَرَّايْ

زَبُور 72:7

وَ فِي أَيَّامْ حُكْمَهْ، الْعَدَالَةْ تِزِيدْ وَ كَنْ الْقَمَرْ قَاعِدْ دَا، السَّلَامْ يِزِيدْ.

زَبُور 69:26

أَشَانْ هُمَّنْ طَارَدَوْا الْإِنْتَ ضَرَبْتَهْ وَ حَجَّوْا بِتَعَبْ النَّاسْ الْإِنْتَ تَعَّبْتُهُمْ.

زَبُور 21:4

هُو دَوَّرْ مِنَّكْ الْحَيَاةْ وَ إِنْتَ أَنْطَيْتهَا لَيَّهْ وَ سَوَّيْت أَيَّامَهْ طُوَالْ إِلَى الْأَبَدْ.

زَبُور 110:3

وَ بِنِيِّتْهُمْ، كُلَّ شَعَبَكْ يَقِيفُوا مَعَاكْ وَكِتْ تِجَهِّزْ عَسْكَرَكْ فِي الْجِبَالْ الْمُقَدَّسِينْ. وَ الشَّبَابْ يَجُوا لَيْك كَتِيرِينْ وَ يِرَارُوا قِدَّامَكْ مِثِلْ كَرَنْج الْفَجُرْ.

يُوحَنَّا 1:29

وَ أَمْبَاكِرْ، يَحْيَى شَافْ عِيسَى جَايِ لَيَّهْ وَ قَالْ: «دَا بَسْ الْحَمَلْ الْاللّٰهْ رَسَّلَهْ أَشَانْ يُقُشّ ذَنِبْ نَاسْ الدُّنْيَا.

إشَعْيا 54:3

أَشَانْ إِنْتِ تِزِيدِي عَلَيْ الْإِسْرَةْ وَ الزَّيْنَةْ وَ ذُرِّيِّتْكِ يَقْلَعَوْا أَرْض الْأُمَمْ وَ يَسْكُنُوا الْمُدُنْ الْخَرَابْ.

إشَعْيا 61:9

ذُرِّيِّتْهُمْ تُكُونْ مَعْرُوفَةْ بَيْن الْأُمَمْ وَ عِيَالْهُمْ مَعْرُوفِينْ أُسْط الشُّعُوبْ. كُلَّ الْيِشِيفُوهُمْ يَعَرْفُوا كَدَرْ هُمَّنْ ذُرِّيَّةْ الْبَارَكَاهَا اللّٰهْ.»

إشَعْيا 66:22

وَ دَاهُو كَلَامْ اللّٰهْ: «مِثِلْ السَّمَاءْ الْجَدِيدْ وَ الْأَرْض الْجَدِيدَةْ الْأَنَا سَوَّيْتهُمْ قَاعِدِينْ قَوِيِّينْ قِدَّامِي، مِثِلْ دَا، ذُرِّيِّتْكُو وَ أُسُمْكُو كُلَ يَقْعُدُوا ثَابْتِينْ قِدَّامِي.

عَدد 7:15

وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

زَبُور 22:31

وَ الذُّرِّيَّةْ دِي تَنْشُرْ الْعَدَالَةْ وَ تِبَلِّغْهَا لِعِيَالْهَا. وَ دَا، اللّٰهْ بَسْ سَوَّاهْ.

إشَعْيا 49:4

وَ لَاكِنْ أَنَا قُلْت: «أَنَا عِيِيتْ بَلَا فَايْدَةْ! وَ وَدَّرْت قُدُرْتِي فِي الْفَاضِي وَ فِي الرِّيحْ سَاكِتْ. لَاكِنْ أَكِيدْ اللّٰهْ يَنْطِينِي حَقِّي وَ مُكَافَاتِي قَاعِدَةْ فِي إِيدْ إِلٰـهِي.»

يُوحَنَّا 13:32

وَ كَنْ بَيَّهْ هُو مَجْد اللّٰهْ يِبِينْ، أَكِيدْ اللّٰهْ يِمَجِّدْ إِبْن الْإِنْسَانْ مَعَايَهْ وَ يِمَجِّدَهْ طَوَّالِي.