إشَعْيا 51:4 - الكتاب المقدس بالعربي الدارجي هنا تشاد

⁴ «خُطُّوا بَالْكُو لَيِّ، يَا شَعَبِي! وَ خُطُّوا أَدَانْكُو لَيِّ، يَا أُمَّتِي! أَشَانْ الْوَصَايَا مَارْقِينْ مِنِّي أَنَا وَ عَدَالْتِي تَبْقَى نُورْ لِلشُّعُوبْ وَ نِنَزِّلْهَا لَيْهُمْ بِسُرْعَةْ.

إشَعْيا 51:4 Referenca të Kryqëzuara

1 بُطْرُس 2:9

لَاكِنْ كَنْ لَيْكُو إِنْتُو، بِقِيتُوا الْقَبِيلَةْ الْاللّٰهْ عَزَلَاهَا وَ رُجَالْ دِينْ هَنَا الْمَلِكْ الْكَبِيرْ وَ أُمَّةْ مُخَصَّصَةْ لِلّٰهْ وَ شَعَبْ اللّٰهْ ذَاتَهْ. هُو نَادَاكُو أَشَانْ تَمُرْقُوا مِنْ الضَّلَامْ وَ تَدْخُلُوا فِي نُورَهْ الْعَجِيبْ وَ خَلَاصْ تِبَلُّغُوا خَبَرْ هَنَا أَعْمَالْ اللّٰهْ الْكُبَارْ.

1 كُرُنْتُس 9:21

وَ كَنْ أَنَا قَاعِدْ مَعَ النَّاسْ الْمَا يَهُودْ، مَعَنَاتَهْ الْمَا تِحِتْ شُرُوطْ التَّوْرَاةْ، أَنَا نِسَوِّي نَفْسِي مِثِلْهُمْ هُمَّنْ الْمَا قَاعِدِينْ تِحِتْ شُرُوطْ التَّوْرَاةْ لِنِجِيبْهُمْ فِي دَرِبْ النَّجَاةْ لِلنَّاسْ الْمَا تِحِتْ شُرُوطْ التَّوْرَاةْ. وَ بِالصَّحِيحْ، أَنَا مَا أَبَيْت شُرُوطْ اللّٰهْ أَشَانْ أَنَا قَاعِدْ نِتَابِعْ شُرُوطْ الْمَسِيحْ.

إشَعْيا 2:3

وَ شُعُوبْ كَتِيرِينْ يَجُوا وَ يُقُولُوا: «تَعَالُوا نَطْلَعَوْا فِي جَبَلْ اللّٰهْ، فِي بَيْت إِلٰـهْ يَعْقُوبْ. هُو يِعَلِّمْنَا دَرْبَهْ وَ أَنِحْنَ نَمْشُوا فَوْقَهْ.» أَشَانْ مِنْ صَهْيُون، يَمُرْقُوا شُرُوطْ التَّوْرَاةْ وَ مِنْ مَدِينَةْ الْقُدُسْ يَمْرُقْ كَلَامْ اللّٰهْ.

إشَعْيا 49:6

وَ اللّٰهْ قَالْ: «دَا شِيَّةْ لَيْك تَبْقَى عَبْدِي وَ تِثَبِّتْ قَبَايِلْ يَعْقُوبْ وَ تِقَبِّلْ الْفَضَّلَوْا مِنْ بَنِي إِسْرَائِيلْ. زِيَادَةْ مِنْ دَا، أَنَا نِسَوِّيكْ نُورْ لِلْأُمَمْ أَشَانْ نَجَاتِي تَلْحَقْ لَحَدِّي طَرَفْ الْأَرْض.»

إشَعْيا 42:6

«أَنَا اللّٰهْ نَادَيْتَكْ لِلْعَدَالَةْ وَ كَرَبْت إِيدَكْ. أَنَا حَفَضْتَكْ وَ ثَبَّتَّكْ لِنِسَوِّيكْ تَبْقَى مُعَاهَدَةْ لِلشَّعَبْ وَ نُورْ لِلْأُمَمْ.

مِيخا 4:2

وَ أُمَمْ كَتِيرِينْ يَجُوا وَ يُقُولُوا: «تَعَالُوا نَطْلَعَوْا فِي جَبَلْ اللّٰهْ، فِي بَيْت إِلٰـهْ يَعْقُوبْ. هُو يِعَلِّمْنَا دَرْبَهْ وَ أَنِحْنَ نَمْشُوا فَوْقَهْ.» أَشَانْ مِنْ صَهْيُون يَمُرْقُوا شُرُوطْ التَّوْرَاةْ وَ مِنْ مَدِينَةْ الْقُدُسْ يَمْرُقْ كَلَامْ اللّٰهْ.

زَبُور 78:1

يَا شَعَبِي! أَسْمَعَوْا تَوْرَاتِي وَ خُطُّوا أُدْنَيْكُو لِكَلَامْ خَشْمِي.

لُوقا 2:32

أَيْوَى، هُو النُّورْ الْيِوَصِّفْ دَرِبْ اللّٰهْ لِلْأُمَمْ وَ يِجِيبْ شُكُرْ كَتِيرْ لِشَعَبَكْ بَنِي إِسْرَائِيلْ.»

إشَعْيا 26:2

أَفْتَحَوْا الْبِيبَانْ أَشَانْ تَدْخُلْ الْأُمَّةْ الصَّالْحَةْ وَ حَافْضَةْ أَمَانْهَا.

أمْثال 6:23

الْوَصِيَّةْ هِي مِثِلْ فَانُوسْ وَ التَّعْلِيمْ مِثِلْ نُورْ وَ الْأَدَبْ وَ عِقَابَهْ يِوَدُّوكْ فِي طَرِيقْ الْحَيَاةْ.

زَبُور 147:20

وَ دَا، هُو مَا سَوَّاهْ لِأَيِّ أُمَّةْ وَ الْأُمَمْ مَا يَعَرْفُوا شُرُوطَهْ. الْحَمْدُ للّٰهْ!

زَبُور 106:5

وَ بَيْدَا، نِشِيفْ خَيْر النَّاسْ الْإِنْتَ عَزَلْتُهُمْ وَ نِنْبَسِطْ بِفَرَحْ أُمَّتَكْ وَ نَفْرَحْ مَعَ شَعَبَكْ الْهُمَّنْ وَرَثَتَكْ.

زَبُور 50:7

«أَسْمَعْ، يَا شَعَبِي، أَنَا نِحَجِّي. يَا بَنِي إِسْرَائِيلْ، أَنَا نَشْهَدْ ضِدُّكُو. أَيْوَى، أَنَا الرَّبّ إِلٰـهْكُو.

زَبُور 33:12

مَبْرُوكْ لِلْأُمَّةْ الْإِلٰـهَّا اللّٰهْ وَ الشَّعَبْ الْهُو عَزَلَهْ مِثِلْ وَرَثَتَهْ.

خُروج 33:13

وَ كَنْ صَحِيحْ كَيْ إِنْتَ رِضِيتْ لَيِّ، عَرِّفْنِي دَرْبَكْ أَشَانْ نَعَرْفَكْ وَ إِنْتَ تَرْضَى لَيِّ دَايْماً. وَ فَكِّرْ فِي الْأُمَّةْ دِي أَشَانْ هِي شَعَبَكْ.»

خُروج 19:6

وَ إِنْتُو تَبْقَوْا لَيِّ مَمْلَكَةْ رُجَالْ الدِّينْ وَ أُمَّةْ مُخَصَّصَةْ.› دَا الْكَلَامْ الْوَاجِبْ تُقُولَهْ لِبَنِي إِسْرَائِيلْ.»

تَثْنِية 18:18

أَنَا نَمْرُقْ لَيْهُمْ فِي أُسُطْهُمْ نَبِي مِثْلَكْ وَ أَنَا نَنْطِيهْ كُلَّ كَلَامِي وَ هُو يِحَجِّي لَيْهُمْ بِكُلَّ شَيّءْ النَّامُرَهْ بَيَّهْ.

إشَعْيا 1:27

صَهْيُون تَنْجَى بِالْعَدَالَةْ وَ سُكَّانْهَا الْيِقَبُّلُوا يَنْجَوْا بِالْحَقّ.

إشَعْيا 26:8

أَيْوَى فِي طَرِيقْ عَدَالْتَكْ، نُخُطُّوا عَشَمْنَا فَوْقَكْ، يَا اللّٰهْ! أَنِحْنَ مُشْتَاقِينْ لِنِنَادُوا أُسْمَكْ وَ نِذَّكَّرَوْك.

إشَعْيا 33:22

أَشَانْ اللّٰهْ هُو قَاضِينَا وَ هُو الْحَاكِمْ فَوْقنَا. وَ هُو مَلِكْنَا وَ هُو الْيِنَجِّينَا.

إشَعْيا 42:21

وَ بِسَبَبْ عَدَالْتَهْ، اللّٰهْ فِرِحْ وَ يِشَرِّفْ شُرُوطَهْ هَنَا التَّوْرَاةْ.

إشَعْيا 55:3

تَعَالُوا لَيِّ وَ خُطُّوا أَدَانْكُو، أَسْمَعَوْنِي وَ تَحْيَوْا. وَ نِسَوِّي مَعَاكُو مُعَاهَدَةْ دَايْمَةْ. أَكِيدْ نَنْطِيكُو رَحْمَتِي الْوَاعَدْت بَيْهَا دَاوُدْ.

إشَعْيا 63:8

وَ هُو قَالْ: «أَكِيدْ، هُمَّنْ شَعَبِي وَ عِيَالْ الْمَا يُغُشُّونِي.» وَ خَلَاصْ، اللّٰهْ بِقِي لَيْهُمْ مُنَجِّي.